رواية دكتور قلبي الفصل الثالث والعشرون 23 - بقلم ملكة زماني

اسراء وصلت المستشفى وهي فرحانة ومالك واقف مستني عمر ومجمع المستشفى كلها. عمر وصل هو وليان، والكل مستغرب عمر مجمعهم ليه. عمر: أنا مجمعكم لي، أنا حابب أعلن عن جوازي من الدكتورة اسراء. الكل اتصدم. وليان سابت إيده بدموع. عمر رجع مسك إيديها جامد ومرديش يسبها. اسراء واقفة هتموت من الفرحة. عمر كمل: أنا حابب تشوفوا أنا اتجوزت اسراء إزاي. وغمز لمالك. مالك شغل فيديو وهي اسراء بتحط لعمر حاجة في العصير وهي بتدخله أوضة الفندق.

الكل اتصدم وأولهم اسراء. وشغل فيديو وهما الستات بيعترفوا على اسراء إنها اللي بعتهم عشان يضربوا ليان. ليان واقفة هتموت من العياط. عمر راح قدام اسراء: ما كان حلمك أعلن عن جوازنا، دلوقتي هعلن عن طلاقنا. انتي طالق بالتلاتة. اسراء بجنون: لا يا عمر مستحيل، انت ليا لوحدي ومش هتكون لغيري. دخل الظابط: انتي مطلوب القبض عليكي بتهمة الشروع في قتل. اسراء: مستحيل. وخدت مشرط من على الترابيزة. عمر بخوف: اسراء اوعي تعمليها.

اسراء بجنون راحت قطعت شريانها. ليان صوتت بانهيار. مالك قاس النبض هز راسه بحزن. عمر غمض عينه بحزن: غبية، ماتت كافرة. ليان قعدت تعيط لغاية لما وقعت في حضن عمر مغمي عليها. بعد مرور شهر. مالك اتقدم لسارة وفرحهم كمان أسبوع. وأسَر اتخطب لحور وفرحه مع مالك. وآدم بيدور على نور وندمان إنه ضيعها. يوم الفرح. سارة وحور في الكوافير وليان معاهم. ليان حضنت سارة بدموع: أي القمر ده كله. سارة بفرحة: بجد يا لي لي شكلي حلو.

ليان: بجد يا قلبي. حور بهزار: والله يا ست ليان وأنا ماليش حضن. ليان بفرحة: أحسن حضن لأحسن حور في الدنيا. العرسان وصلوا. مالك دخل على سارة. مالك بانبهار: يخربيت كده، أي القمر اللي أنا شيفه قدامي ده. سارة: حبيبي يالوكه. مالك خدها ونزل. أسَر دخل على حور. أسَر: بسم الله ما شاء الله، أي الجمال ده. حور بكسوف: شكراً. أسَر غمز: النهاردة مش وقت كسوف خالص. حور وشها أحمر. أسَر بضحك: خلاص، اهدي. وخدها ونزلوا.

دخلو القاعة بطلتهم المميزة والكل كان فرحان بيهم. آدم بيبص يتلقى نور داخلة بفستان أحمر يجنن وفرادة شعرها وحاطة روج أحمر، كانت طالعة مزة من الآخر. آدم راح عندها وهو مش مصدق إنها قدامه. آدم بفرحة: كنتي فين؟ أنا دورت عليكي في كل حتة. نور بابتسامة: كان لازم أبعد. آدم: بس خلاص، كفاية بعد لكده. أنا تعبت. نور: يعني إيه. آدم: يعني هتجوزك. نور بصدمة: بجد. آدم: آه بجد. أنا بموت فيكي. نور حضنته وعيونها دمعت.

نور: انت العالم بتاعي، متبعدش عني تاني. آدم حضنها بحب: تعالي نرقص. الكل بيرقص. مالك: طلبتك من ربنا ونولتك. ربنا يخليكي ليا يا قلبي. سارة بفرحة: ربنا يخليك ليا يعوضي الجميل. أسَر: أنا بحبك من ساعة ما شوفتك. حور: ربنا يديمك في حياتي يا كل حياتي. ليان قربت من عمر وهمست جنب ودنه: أنا حامل. عمر مابقاش مصدق من كتر الفرحة وشالها ولف بيها: بحبك يا أجمل وأحن واحدة في الدنيا. ليان بفرحة: بموت فيك يا دكتور قلبي.