تحميل رواية «دكتور قلبي» PDF

مالك كان مرجع رأسه لي ورا بتعب.

ساره شفته خافت عليه.

ساره نزلت جري راحت عليه.

"مالك اي الي جابك هنا؟"

مالك بصلها بتعب.

"انت..."

ساره قربت منه.

"مالك انت كويس؟"

مالك هز راسه بلا.

"مش كويس خالص."

"ساره أنا بحبك."

ساره بصدمه.

"بتحبني؟"

مالك.

"آه بحبك صدقيني، بعدك عني بيوجعني اووي، حقق عليا."

ساره بدموع.

"ملوش لازمه الكلام ده."

مالك قلبه وجعه لما شاف دموعها.

"انا مستهلش دموعك، غاليه عندي اووي."

آدم من ورا بغضب.

"ساره اطلعي فوق."

ساره بخضه.

"آدم علشان خاطري متازهوش."

مالك.

"ساره اسمعي كلام اخوكي واطلعي."

ساره بخوف على مالك، علشان هي عارفه اخوها عصبي ازي، طلعت جري ومسكت التليفون رنت على عمر.

عمر بنوم.

"الوس..."

ساره بعياط.

"الحق مالك ونبي، آدم هيموته."

عمر بخضه.

"هو فين؟"

"تحت البيت عندي."

عمر قام بسرعه وركب العربية ومشي.

آدم قرب من مالك وداله بوكس في وشه.

"أنا مش قولت متقربش من اختي تاني؟"

مالك ردله البوكس.

"وأنا قولت ساره بتعتي ومش هتكون لغيري."

آدم بدأ يضربه ومالك يصد الضرب بمهاره.

عمر وصل وسلك بينهم.

"بس أي الهمجيه الي انتو فيها دي؟"

آدم بغضب.

"أنا ممكن احبس اخوك دلوقتي بتهمت التعدي على ظابط في بيته واضيع مستقبله."

مالك بغضب.

"أعلى ما في خيلك اركبه، انت مش عارف أنا ابق مين."

عمر قرب من مالك.

"بس يا مالك، غلط الي انت بتعمله ده، أي الي جابك هنا؟"

مالك.

"جايت أطمن على ساره."

آدم اتجنن.

"بصفتك مين جاي تطمن بصفتك مين؟"

مالك قرب منه بستفزاز.

"بصفتي حبيبها."

آدم ضربه بالبوكس في وشه.

"وكمان بتقولها قدامي يابن..."

عمر بغضب.

"لاء لحد هنا وتخرص خالص، أنا لغايه دلوقتي بقول أخوها ومن حقه إنما تشتم أمي أمسح بيك بلاط الشارع."

وكمل بتهديد.

"أما بخصوص أنا مقدم وفرحان بنفسك اوي، أنا ممكن بتليفون مني أقعدك في البيت."

آدم بسخريه.

"لاء والله تقعدني في البيت لي؟ انت مين؟"

عمر بغرور.

"أنا ابق الدكتور عمر محمد المهدي، أشطر دكتور جراحة قلب على مستوى العالم ومعرفي في كل حته، عرفت بق أنا ابقا مين؟"

آدم ببرود.

"طظ، ولا يفرق معايا كل الهري ده، أنا كل الي يفرق معايا أخوك يبعد عن أختي، ولا ورحمت أبويا مهيشوف الشمس تاني."

عمر.

"أوعدك أن أخويا مش هيجي جنب أختك تاني."

مالك بصدمه.

"انت بتقول ايه يا عمر؟"

عمر.

"انت تخرص خالص."

مالك بصلهم بغضب ومشي.

آدم.

"تمام، طالما هو بعيد أوعدك مش هقرب منه."

عمر.

"تمام، بس عايز أقولك حاجة قبل ما أمشي، أختك بتحب مالك زي مهو بيحبها، وحرام عليك اللي انت بتعمله فيها ده."

وسابه ومشي.

مالك راح على البحر وقعد يزعق بصوت عالي.

"لي لي كل حاجة بحبها بتروح؟ أنا راضي يارب، بس مش هقدر ابعد عنها."

وقعد على الأرض بضعف وهو بيعيط.

عمر شافه من بعيد بس مرضاش يقرب منه.

ليان رنت على عمر.

عمر رد.

"ليان حبيبي عاملت ايه؟"

"ساره رنت عليا وهي منهاره."

"شكل الموضوع مطول اوي يا ليان."

ليان حست أن عمر محتاجاها.

"ليان حبيبي أنت فين؟"

"واقف على البحر شايف مالك وهو منهار ومش عارف أعمله حاجة."

"طب أنا جايلك."

"لاء متجيش الوقت متأخر، مينفعش تنزلي دلوقتي، خليكي وأنا مروح."

"تمام، ابقي أشوفك بكرة في المستشفى."

في ملهى ليلي.

"وانتي هتعملي ايها؟"

"لو متجوزنيش بمزاجه يبق غصبن عنه."

"صاحبتها ازي؟"

"دي بتاعتي."

"أوعي تعملي زي المره اللي فاتت وتأذي ليان."

"أنا هاذيها بس بطريقه تخليها تموت من القهر."

بعد مرور أسبوعين، وليان بتحضر للفرح هي وسارة.

ومالك الي دايماً حزين، ونفسه يشوف سارة. وعمر الي الفرحة مش سايعاه، وإسراء الي بتخطط تاخد عمر.

تليفون ليان رن.

ليان: عمر حبيبت قلبي، عاملة إيه النهاردة؟

عمر: ليان الحمد لله.

عمر: كلها ساعات وتكوني في بيتي وحضني.

ليان: بكسوف، احترم نفسك.

عمر: احترم نفسي ليه؟ مش مراتي.

ليان: تؤتؤ، لسه.

عمر: مفرقتش كتير، كلها ساعات وتكوني مراتي.

ليان: ولغاية لما الساعات دي تخلص، متكلمنيش خالص.

وقفت السكة في وشه.

عمر بص للتليفون بصدمة.

عمر: يا بنت المجنونة، ماشي ياليان، أنا وأنتي وزمن طويل.

سارة قاعدة في الأوضة.

آدم دخل عليها.

آدم: يا جميلة، بتعملي إيه؟

سارة: بحزن، مش بعمل حاجة.

آدم قرب منها.

آدم: بصي يا سارة، انتي عارفة إنك بنتي قبل ما تكوني أختي. أنا عارف إنك بتحبي مالك.

سارة بصتله وسكتت.

آدم: على فكرة، أنا عارف إن مالك هو كمان بيحبك، بس لازم أعلمه الأدب.

سارة ضيقت عينيها.

آدم بضحك: من غير ما تضيقي عينيكي، أه. أنا موافق تتجوزي مالك، بس بعد مانربيه شوية.

سارة بفرحة: بجد؟

آدم حضنها.

آدم: أيوة بجد، أنا مستعد أعمل أي حاجة عشان خاطر أشوفك مبسوطة، وإنتي من ساعة ما بعتي عن مالك وانتي طول الوقت زعلانة وسكتة.

سارة: ربنا يخليك ليا يا أحلى أخ في الدنيا.

آدم: بس ناديهم شوية.

سارة: أشطا، ناديهم شوية.

تاني يوم الفرح، ليان راحت الكوافير هي وسارة.

وعمر ومالك وأسر بيلبسوا سوا.

إسراء: صاحبتي، انهاردة الفرح ومعملتيش حاجة؟

إسراء بخبث: اسمعي، ناويه أعمل إيه.

صاحبتها: ينهار أسود، أنتي ناويه تعملي كده بجد؟

إسراء: أه، هسيب الفرح يمشي عادي، عشان لما أضرب الضربة تيجي قوية على ليان.

صاحبتها: ده إبليس يخاف منك.

إسراء: أنتي لسه شوفتي حاجة، الجاي دمار.

عمر: إيه رأيك؟

مالك حضنه زي القمر.

عمر حس بحزن أخوه، فغمز لـ أسر، وأسر فهم.

أسر: بهزر، أوعى ياعم، إيه المحن ده؟ وسع كده.

وزق مالك.

مالك بخبث: قد الحركة دي.

أسر بيمثل الخوف: لا يا كبير، قلبك أبيض.

وجرى من قدامه، ومالك جري وراه.

عمر بحب: ربنا يسعدك يا مالك يارب.

سارة بانبهار: إيه كل ده؟ يخربيت كده ياشيخ.

ليان بفرحة: بجد عجبك؟

سارة: جداً، طالعة زي القمر يروحي.

ليان: عقبالك يا سوسو يارب.

سارة: العريس وصل.

عمر دخل عند ليان، وهي مدياله ضهرها.

عمر راح عشان يشوفها.

ليان لفت الناحية التانية.

عمر بضحك: مش كفاية كده وتحني، وتخليني أشوفك.

ليان لفت وشها ليه.

عمر بانبهار: صاروخ، عليا الطلاق صاروخ، إيه دا كله؟ أمشي بيكي أنا إزاي دلوقتي، وأنتي عايزة تتكلي كده.

ليان بكسوف: عيونك هي اللي حلوة.

عمر قرب منه وباسها من خدها.

ليان برقت وداخت، وكنت هتقع.

عمر لحقها وبضحك: كل ده عشان بوسة؟ أومال هتعملي إيه في الباقي.

وغمز بعنيه.

ليان: بس بق.

عمر: أنا هسيبك دلوقتي عشان متقعيش مني، بس في الشقة اقعي براحتك.

وخدها ومشي.

مالك أول لما شاف سارة نزل، فضل واقف متنح.

سارة حاولت تخبي ضحكته.

ومالك كان في عالم تاني.

مالك: ملامحها كانت جميلة جداً.

سارة: ياه يا مالك، كنت وحشاني جداً، كنت مستنية فرح ليان عشان أشوفك.

صحوا هما الاتنين على صوت عمر.

عمر بسخرية: يلا يا عم روميو.

مالك بغيظ: يلا.

دخل عمر هو وليان أكبر قاعة فيكي يا مصر، ولكل كان منبهر بجمالهم.

ورقصوا على أغنية "هو حبيبي".

مالك قرب من سارة.

مالك: تيجي نرقص؟

سارة هزت راسها بتوتر.

مالك قرب منه: متعرفيش كنتي وحشاني قد إيه.

سارة وهي بتوه فيه: وأنت كمان.

مالك: وأنا كمان إيه؟

سارة فاقت على نفسها.

سارة: ها؟ ولا حاجة.

أسر واقف.

أسر: بنت، بعد إذنك يا كابتن.

أسر بستغراب: كابتن؟ بق أنا الدكتور أسر يتقلي كابتن؟

البنت بزهق: ابعد، مش عارفة أشوف كويس.

أسر بضحك: أنتي اللي مزعجة.

البنت بغضب: أنا مش مزعجة، أنت اللي عامل زي الحيطة.

أسر بصدمة: أنا زي الحيطة؟

بيبص بيتلقى البنت مشيت.

أسر: إيه البنت اللي لسانها أطول منها، وبعدين كمل، بس عسل هييح.

مالك جه من ورا.

مالك: طالما فيه هييح، يبق هنفرح بيك قريب.

أسر بخضة: أعوذ بالله من الشيطان الرجيم، أنت بتطلع منين؟

مالك بسخرية: إيه؟ شوفت عفريت؟

إسراء دخلت القاعة.

إسراء: ألف مبروك، وربنا يتمم بخير.

ليان: الله يبارك فيكي.

إسراء قربت من عمر بخبث.

إسراء: اتهنا بيها دلوقتي.

عمر بستغراب: قصدك إيه؟

إسراء: قصدي، أوعى تزعلها.

عمر: متخافيش، ليان دي روحي.

إسراء بغل: ربنا يخليكم لبعض.

وسابته ومشيت وهي مبسوطة.

إسراء: هانت، كلها يومين وتبقي بتاعتي... يتبع...

عمر خد ليان على البيت ومالك وصل ساره.

عمر بفرحة: بجد مش مصدق إنك بتعيطي. ألف مبروك يا قلبي.

ليان بتوتر: الله يبارك فيك.

عمر لاحظ توترها، فحب يخرجها من التوتر بتاعها.

عمر: ادخلي غيري وتعالي ناكل.

ليان: مليش نفس.

عمر قرب منها وليان تبعد.

عمر بحزن: ليان، انتي خايفة مني؟

ليان هزت رأسها بلا.

عمر: اومال مالك؟

ليان وطيت راسها.

عمر رفع راسها وقال بحب: حبيبتي أنا عمر حبيبك. وخدها في حضنه.

وليان حست بالأمان في حضنه.

عمر حس بيها وهي متجاوبة معاه، شالها وراح على السرير وسبهم مع بعض.

***

اسر ماشي في الطريق، لقى بنت فجأة ظهرت قدامه.

اسر فرمل على آخر لحظة.

البنت من الخضة اغمى عليها.

اسر نزل جري من العربية وراح عليها.

اسر شال شعرها من على وشها، اتلقاها نفس البنت اللي كانت في الفرح.

اسر هز وشها بخفة، مش راضية تفوق. خدها وركبها العربية ومشّي.

***

ساره كانت قاعدة بتلعب في التليفون، اتلقت رسالة من مالك.

مالك: على فكرة كنتي زي القمر النهارده، عقبال فرحنا أنا وانتي. بحبك.

ساره شافت الرسالة وضحكت بفرحة، بس مردتش.

مالك: تصبحي على خير.

ساره: وانت من أهل الخير. ونامت وهي هتموت من الفرحة، أخيراً شافت مالك قد إيه كان وحشها.

***

اسر راح البيت وهو شايل البنت.

أخته: مين دي؟

أمه جت على الصوت: يلهوي، مين دي؟ عملت فيها إيه؟

اسر دخل البنت أوضته.

أخته بستغراب: دا دخلها الأوضة بتاعته؟ دا اسر مبيحبش حد يدخل الأوضة، أين كان مين.

أمه: والله يا بنتي منا عارفة، تعالي نشوف حكاية البنت دي إيه.

أمه: ها، قول مين دي؟

اسر: واحدة كنت هخبطها بالعربية، بس الحمدلله ربنا ستر ووقفت على آخر لحظة.

أمه: اومال اغمى عليها لي؟

اسر: من الخضة.

أمه: طب هتفوق امتى؟

اسر: شوية وتفوق.

البنت ابتدت تفوق.

البنت: آآآه.

اسر راح عليها: انتي كويسة؟

البنت بصت على الأوضة بستغراب: أنا فين؟

اسر: في بيتي.

البنت قامت اتعدلت: إيه اللي حصل؟

اسر: اغمي عليكي، فا جبتك عندي.

البنت: آه. مهو انت لو كنت مفتح مكنتش هتخبطني بالعربية. طالما مبتعرفش تسوق بتركب عربية لي؟

اسر: احترمي نفسك، أنا سكتلك مرة في الفرح، لكن المرادي لأ. انتي اللي طلعتي في وشي.

البنت كانت لسه هترد، اتلقت أم اسر داخلة.

أم اسر: عاملة إيه يا حبيبتي دلوقتي؟

البنت: الحمدلله يا طنط.

مريم (أخت اسر): الله، انتي قمر أوي وعيونك لونهم حلوين. أنا اسمي مريم، وانتي اسمك إيه؟

البنت: والله مفيش حد قمر غيرك. أنا ياستي اسمي حور.

مريم: الله، اسمك حلو أوي. حور، وانتي حور فعلاً. ممكن نبقى صحاب؟

حور بفرحة: أكيد طبعاً. بعد إذنكم لازم أمشي.

مريم: متخليكي قاعدة معانا شوية.

حور: معلش مرة تانية إن شاء الله، علشان بابا دلوقتي قلقان عليا.

اسر: تعالي أوصلك.

حور: شكراً، أنا همشي لوحدي.

أمه: مينفعش يا بنتي تروحي لوحدك، الوقت اتأخر دلوقتي، مش هتلاقي مواصلات.

حور: تمام.

اسر وصل حور البيت.

حور: شكراً.

اسر: حور بذات نفسها بتشكرني؟ إيه اللي حصل؟

حور بغيظ: تصدق أنا اللي غلطانة إني عبرت واحد زايك وسبته ونزلت.

اسر ضحك، مش عارف هو لي بيحب يتخانق معاها.

***

تاني يوم.

ليان صحيت، اتلقت عمر بيبصلها بحب.

عمر: صباحية مباركة يا عروسة.

ليان غطيت وشها بكسوف: الله يبارك فيك.

عمر: قومي يلا خدي دوش وتعالي نفطر سوا.

ليان بكسوف: احم، طب اخرج علشان اعرف أقوم.

عمر بمشاكسة: مكسوفة من إيه؟ منا شفت كل حاجة.

ليان بدموع: اخرج برا.

عمر بصدمة: انتي هتعيطي بجد؟ خلاص، أنا خارج. وسبها وخرج وهو بيضحك عليها.

عمر حضر الفطار، وليان خرجت وهي شعرها مبلول ولبسة بجامة حرير حمرا.

عمر شافها سرح فيها.

عمر قرب منها وطبع قبلة على شقيقها.

وليان اتجاوبت معاه.

عمر بعد عنها بالعافية: متيجي نعيد أمجاد امبارح. وغمز بعنيه.

ليان بكسوف: عمر، بطل تكسفني كل شوية.

عمر: حاضر، يلا ناكل.

ليان: الله، الأكل طعمه حلو. طلعت طباخ شاطر.

عمر بغرور: اومال يا بنتي، انتي واخدة أي حد؟

ليان: إيه التواضع دا كله.

عمر: أقل ما عندي. وقعدوا يضحكوا.

***

اسر دخل المستشفى، خبط في واحدة.

اسر: أنا أسف.

البنت: عادي، ولا يهمك.

اسر: إيه دا، حور؟ بتعملي إيه هنا؟

حور: أنا الدكتورة الجديدة هنا. انت بتعمل إيه؟

اسر: أنا كمان دكتور هنا.

اسر: ياترى انتي تخصص إيه؟

حور: أطفال.

مالك قرب منهم: حور، عاملة إيه؟

حور: الحمدلله. انت عامل إيه؟

اسر: أنتم تعرفوا بعض؟

مالك: أكيد، حور صديقة قديمة من زمان.

مالك: أتمنى تكون المستشفى عجبتك.

حور: الصراحة عجبتني جداً، كل حاجة هنا بنظام.

مالك: تعالي معايا أعرفك أشغل هنا ماشي إزاي.

حور: ماشي.

ساره قربت منهم بغيره.

ساره: مين دي؟

مالك: دي حور، صديقة قديمة. وبعدين كمل بستغراب: بتعملي إيه هنا؟

ساره: كنت جاية شغلي بعد ما أقنعت آدم. بس الظاهر إني غلطانة. بعد إذنك يا دكتور. وسبته ومشيت.

مالك جري وراها: ساره، استنى.

مالك جري ورا ساره.

"استني."

مالك أخيراً مسكتك.

ساره بغيره: "جاي ورايا ليه؟ خليك مع ست الحسن والجمال."

مالك بضحك: "يابت، اهدي واسمعي. حور دي مجرد صديقة مش أكتر. لو كنت بحبها مكنتش عبرتك أصلاً."

ساره بصدمة: "مكنتش عبرتني؟"

مالك حس أنه غلط.

مالك بتبرير: "مش قصدي. أقصد إني بحبك انتي مش هي."

وبعدين كمل بخبث: "بتغيري عليا يا بطة؟"

ساره بتوتر: "ها؟ وأغير عليك ليه إن شاء الله؟"

مالك بغرور مصطنع: "يمكن عشان واد حليوة وعيوني خضرا. ومش بس كده، وكمان دكتور. شوفتي أكتر من كده؟"

ساره بسخرية: "لي توم كروز وأنا معرفش؟"

مالك: "أحسن من مليون توم كروز."

ساره: "آه منا عارفة. يلا تعالي نروح نفطر عشان مهبطة على الآخر."

مالك: "يلا ياختي."

"ليان، هتنزل الشغل امتى؟"

"عمر، كمان يومين عشان في حفلة ومؤتمر كبير لازم أحضره. ماتيجي معايا."

"ليان: لاء ياعم روح لوحدك. أنا مبحبش جو المؤتمرات."

عمر قرب منها.

"مالك حلوة كده ليه؟"

ليان قربت بدلع: "دي عيونك هي اللي حلوة."

عمر مقدرش. قرب، بسها بشوق. وليان استجابت معاه. ونسيبهم لوحدهم.

"إسراء، يومين وهيبعد عن ليان خالص."

"صاحبتها: قصدك ليان هي اللي هتبعد عنه؟"

"إسراء بخبث: مش فارقة كتير، هي أو هو. أهم حاجة إن يكون ليا."

"صاحبتها: بس كده؟ ليان هتنقهر."

"إسراء: إيه؟ مالك صعبانة عليكي؟"

"صاحبتها: بصراحة آه."

"إسراء: قومي امشي من وشي دلوقتي."

صاحبتها سبتها ومشيت.

إسراء: "لما أقوم أحضر فستان لي الحفلة."

أسر بيراقب حور من بعيد وهو معجب بضحكتها وتعاملها مع الأطفال.

أسر: "إي ده، انتي حنونة أوي يا حور."

حور لاحظت نظرة أسر ليها. اتوترت ووشها احمر.

أسر بحرج: "إحم، الشغل عجبك؟"

حور: "جداً."

أسر: "ملحظ إنك بتحبي الأطفال."

حور: "أوي، بحبهم أوي. تعرف إني دخلت تخصص أطفال عشان أفضل أطول وقت معاهم. وبالذات الأطفال اللي أمهم متوفية، بيبقوا محتاجين حنان. أي نعم مش بيعوض حنان الأم."

أسر لاحظ الحزن اللي في عينيها.

أسر: "إحم، هي مامت حضرتك متوفية؟"

حور، دموع اتجمعت في عيونها وهزت راسها بـ "آه".

"من وأنا طفلة عندي 8 سنين."

أسر بحزن: "ربنا يرحمها."

أسر حب يخرجها من حزنها.

"طب إيه رأيك أعزمك على مكرونة بشاميل من إيدين الحاجة؟ مش هتقدري تقومي جمالها."

حور: "بس..."

أسر: "من غير بس. يلا." وسحبها ومشي.

"ليان، عمر، يلا قوموا."

عمر بنوم: "ليان، بالله سبيني شوية."

ليان بملل: "أوف ياعمر، الساعة 5 المغرب وانت لسه نايم؟ وأنا مليت من القعدة لوحدي."

عمر شدها عليه مرة واحدة. وطبع بوسة على خدها.

"لا دا أنا مليش حق أسيب القمر ده قاعد لوحده. إيه رأيك نخرج نتفسح؟"

ليان بفرحة: "هتوديني الملاهي، صح؟"

ضحك عليها: "أوديكي الملاهي؟ جيتي في جمل. قومي اجهزي."

ليان بفرحة فورية.

عمر بص لتصرفاتها بحب وقام.

"مالك، يبنتي انتي مش مبطلة لف؟ أنا لغاية دلوقتي مروحتش المستشفى أشوف المرضى بتوعي."

ساره قربت منه بدلع: "مستاهلش تقضي معايا اليوم؟"

مالك بلع ريقه بالعافية: "يابت بطلي دلع، أنا ماسك نفسي بالعافية عنك."

ساره: "طب عايزة آيس كريم."

مالك: "حاضر. امشي قدامي يا آخر صبري."

أسر دخل البيت.

"انتم يا عالم يا اللي هنا!"

أمه خرجت على الصوت: "مالك يابني عامل دوشة ليه؟"

أسر: "جعان يا عالم."

أمه: "بس اسكت، الأكل جاهز."

أمه لاحظت حور واقفة جنبه. مسكت ضحكتها بالعافية.

أمه: "حور، عاملة إيه يا حبيبتي؟"

حور: "الحمد لله يا طنط، حضرتك عاملة إيه؟"

أمه: "الحمد لله في نعمة."

مريم جات على الصوت.

مريم بفرحة: "حور حبيبتي، عاملة إيه؟"

حور خدتها بالحضن: "يامريومة، انتي عاملة إيه؟"

أسر: "حور جايه تقضي معانا اليوم."

مريم بفرحة: "بجد؟"

أسر: "ها، يست الكل، عاملة أكل إيه؟"

أمه بفرحة عشان أول مرة تشوف ابنها فرحان ومبسوط كده: "عاملة صنية مكرونة بشاميل وجلاش باللحمة. إنما إيه؟ هتاكل صوابعك وراهم."

حور: "لا، أنا كده جوعت."

أمه: "في دقيقة والأكل هيكون جاهز."

عمر خد ليان الملاهي.

ليان بفرحة: "الله! يا عمر، عايزة آكل غزل البنات."

عمر: "من عينيا." وراح جاب لها غزل البنات وقعدوا ياكلوا.

ليان: "تعالي نركب السلسلة."

عمر: "بلاش عشان هتدوخي."

ليان: "مليش دعوة، عايزة أركبها."

عمر: "حاضر. تعالي ياستي نركبها ولا تزعلي نفسك."

كلهم قاعدين على السفرة.

حور: "الله! الأكل تحفة. تسلم إيدك يا طنط."

أمه: "بجد عجبك؟"

حور: "جداً."

أسر قاعد متابع حور بعنيه.

مريم: "تيجي نعمل كيكة سوا؟"

أمها: "والله ادخلي اعملي انتي وحور سوا."

حور دخلت عملت الكيكة هي ومريم وهما مبسوطين. وخرجوا عليهم بيها.

مريم: "دوقوا عمايل حور."

أمها: "واو! طعمها حلو أوي."

أسر بانبهار: "دي أجمل كيكة أدوقها في حياتي."

حور بفرحة: "بجد عجبتك؟"

أسر: "تسلم إيدك."

وقعدوا قضوا اليوم بسعادة. وحور حاسة إنها مبسوطة وسطهم ومش عايزة تمشي.

حور: "بجد اليوم كان تحفة. بجد مش عارفة أقولكم إيه."

أسر كان مبسوط إنه قدر يخرجها من حزنها.

حور: "بعد إذنكم."

أم أسر: "ابقي تعالي تاني، وأنا هعلمك الطبخ."

حور: "من عينيا، حاضر. أكيد هاجي. هو اللي يدوق طعم الأكل بتاعك يقدر ما يجيش تاني."

أسر: "يلا عشان أوصلك."

ليان ركبت كل المرجيح.

عمر: "مش يلا؟"

ليان: "يلا." وجاية تمشي. داخت وكنت هتقع لولا عمر أخدها في حضنه.

عمر بخوف: "مالك ياقلبي؟"

ليان: "مفيش، دخت بس شوية."

عمر: "عشان ركبتي السلسلة. قولتك هتدوخي، مسمعتيش الكلام ليه؟"

ليان بدلع: "شلني."

عمر: "راح شيلها. انتي ديخة أوي؟"

ليان: "تؤ تؤ، شوية صغيرين."

أسر وصل حور على بيتها.

حور: "بجد شكراً على اليوم الجميل ده."

أسر: "مفيش شكر بين الأصحاب. ولا انتي مش عايزاني صاحب ليكي؟"

حور: "ده شرف ليا."

أسر: "تصبح على خير."

حور: "وانت من أهله." ونزلت.

وأسر روح وهو فرحان.

بعد مرور يومين، نزل عمر الشغل تاني هو وليان.

إسراء خبطت على عمر.

إسراء: عامل إيه ياعريس؟

عمر: الحمد لله، وإنتي عاملة إيه؟

إسراء: تمام، هتيجي الحفلة؟

عمر: أكيد طبعاً.

إسراء: تمام، أبقى أشوفك بقى في الحفلة.

سارة: عامل إيه دلوقتي؟

المريض: أول ما شفتك بقيت كويس.

سارة: احم، حمد لله على السلامة.

المريض: الله يسلمك ياقمر.

مالك دخل وسمع.

مالك بغيره وخبث: اخرجي إنتي وأنا هشوفه.

سارة خافت على المريض من غضب مالك.

سارة قربت منه بخوف: مالك، براحة عليه، دا تعبان مش حملك.

مالك ضحك بخبث: متخفيش، اخرجي، أنا عمري ما أذي حد، دي أمانة عندنا.

سارة هزت راسها وخرجت.

مالك قرب منه ومسكه من كتفه اللي بيوجعه جامد.

مالك: عامل إيه يابطل؟

المريض بوجع: كنت كويس، إنما دلوقتي لا.

مالك: ماهو لما تتعلم تخليك في حالك ومتبصش على حاجة غيرك هتبقى كويس.

وهو بيتكه أكتر.

المريض بوجع شديد: تمام.

مالك: شطور.

ليان دخلت على عمر بتعب.

عمر قرب منها بخوف: ليان حبيبتي، مالك؟

ليان بابتسامة: مفيش، بطني وجعاني شوية بس.

عمر بخوف: تعالي، خلي مالك يكشف عليكي.

ليان: مفيش داعي، أنا كويسة.

عمر: طب تعالي نروح نستريح شوية عشان ورايا حفلة بليل.

ليان: تمام، يلا.

عمر خد ليان ومشي.

حور خبطت على مكتب أسر.

أسر: ادخل.

حور دخلت.

حور: دكتور أسر، لو سمحت، عندي حالة عايزة حضرتك تبص عليها.

أسر: خير، عندها إيه؟

حور: بتشتكي من ضيق تنفس.

أسر: تمام، تعالي نروح نشوفها، وبعدين اسمي أسر بس، من غير ألقاب، مش أصحاب.

حور: تمام يا أسر.

أسر سرح فيها.

فاق على صوتها: أسر، روحت فين؟

أسر: ها، مفيش، يلا.

مالك خرج.

سارة راحت عليه.

سارة: ها، عملت إيه؟

مالك بضحك: والله ما عملت حاجة، هو إنتي شايفة إني مجنون يعني هعمل فيه إيه؟

سارة بضحك: إنت فعلاً مجنون.

مالك قرب منها بحب: مجنون بيكي إنتي، وبحبك.

سارة بتوتر: طب ابعد شوية.

مالك قرب أكتر: ولو مبعدتش.

سارة بسرحان: ها.

مالك بيضحك على شكلها: إنتي شكلك واقعة خالص.

سارة بغيظ: تصدق بالله إنك بارد، أنا مش عارفة أنا حبيت فيك إيه.

مالك بفرحة: قولتي إيه؟ عيديها تاني ونبي.

سارة قربت منه بسهوكة: تؤتؤ، هي مرة واحدة بس.

وسبته ومشيت وهي بتضحك بخبث: إنت لسه شفت حاجة.

مالك واقف متنح: إيه، قالت بحبك ولا أنا بيتهيألي.

عمر روح البيت هو وليان.

ليان بتعب: أنا داخلة أنا عشان تعبانة.

عمر: والله وأنا كمان تعبان، ما تيجي أحكيلك حدوته.

ليان براءة: بجد بتعرف تحكي؟

عمر بخبث: دا أنا أحسن واحد يحكي حواديت.

وشالها ودخل أوضة.

أسر: طب ما إنتي كويسة وزي الفل أهو، اومال بتدلعى ولا إيه.

وقعد يزغزغ في البنت الصغيرة وهي تضحك وفرحانة.

وحور واقفة تبص على أسر، قد إيه كويس وبيحب يفرح الكل.

جه الليل وعمر واقف يلبس.

ليان جت حضنته من ورا.

ليان: متتأخرش عليا.

عمر لف ليها وباسها من خدها.

عمر: مقدرش أتأخر على القمر ده كله، اومال أحكي حدوته لمين.

ليان بكسوف: بس بقى، طلعت كداب ومش بتحكي حدوته.

عمر بخبث: اومال بعمل إيه.

ليان سكتت ووشها احمر من الكسوف.

عمر ضحك بعلو صوته.

عمر: يلهوي، متجوز طفلة ياناس.

ليان بتزمر: أنا طفلة.

عمر باسها من خدها.

عمر: أحسن طفلة في الدنيا كلها، يلا أنا همشي أنا عشان متأخرش.

عمر دخل الحفلة، وكانت في فندق كبير وفيه دكاترة من جميع أنحاء العالم.

إسراء قربت منه.

إسراء: اومال ليان مجتش معاك ليه؟

عمر: مش بتحب الجو ده.

إسراء: طب اطلع يلا، قولك كلمة انت كمان.

عمر طلع وقعد يتكلم عن الأمراض والفيروسات، والكل سقفله.

إسراء: كنت هايل.

عمر: شكراً.

إسراء: تيجي نشرب عصير.

عمر: يلا.

عمر شرب العصير وبدأ يدوخ.

إسراء بخبث: مالك؟

عمر بدوخة: مش عارف.

إسراء: طب تعالي معايا.

عمر مشي معاها وهو مش واعي.

إسراء دخلت عمر الأوضة وقلعتله هدومه ونيمته على السرير.

أسر نازل هو وحور في أسانسير.

فجأة النور قطع والأسانسير وقف.

حور بخوف: هو، هو النور بيقطع هنا كتير؟

أسر: لا.

وشغل الكشاف.

حور نفسها بدأ يقل.

أسر بخوف: حور، إنتي كويسة؟

حور بخنقة: مش قادرة آخد نفسي.

أسر بخوف عليها: إنتي عندك فوبيا من الأماكن المغلقة؟

حور هزت راسها: آهه.

أسر: طب اهدي وحاولي تاخدي نفسك براحة.

حور حست إن الدنيا بتلف بيها ومش قادرة تاخد نفسها خالص، بتقع في حضن أسر.

أسر بخوف ولهفة: حور...

اسر بخوف: حور مالك ردي عليا.

اسر قاس النبض لقه ضعيف.

اسر طلع التليفون بخوف: الوو مالك.

مالك بخضه: اسر مال صوتك.

اسر: الحقني يا مالك الاسانسير وقف وحور اغم عليها.

مالك: خرج جري طب اهدي وحاول تفوقه وانا جاي.

عمر قام اتلقى اسراء قاعدة بتعيط.

عمر قام بخضه بص على السرير بخوف اتلقى عليه دم.

عمر حس أن الدنيا بتلف بيه: عمر لا لا اكيد محصلش حاجة يارب لا.

عمر قرب من اسراء بخوف: اسراء اهدي وفهميني اي الي حصل.

اسراء بعياط: على اساس انك مش عارف اي الي حصل.

عمر: مش فاكر حاجة.

اسراء: أنت اعتديت عليا يا عمر.

عمر بصدمة: أنا مستحيل.

اسراء بانهيار: ضيعت مستقبلي انا لازم اموت نفسي.

اسراء قامت مسكت السكينة.

عمر بخوف: اسراء بطلي جنان ونزلي السكينة من ايدك.

اسراء: لاء انا لازم اموت كل حاجة ضاعت.

عمر بسرعة: مفيش حاجة ضاعت انا هتجوزك.

اسراء بخبث وفرحة: بجد.

عمر هز راسه: اه بجد هاتي السكينة بق.

اسراء نزلت السكينة: هتجوزني امتا.

عمر بخوف من رد فعل ليان: النهارده.

اسراء: تمام يلا تعالي نروح عند المأذون.

عمر: اخرجي وانا هغير هدومي وجاي وراكي.

اسراء بخبث: متعوقش عليا.

اسراء سابته وخرجت.

عمر قعد على السرير بدموع: يارب أنت العالم اني مكنتش في وعيي.

ليان رنت عليه.

عمر شاف الاسم دموعه نزلت اكتر بس حاول يتمالك نفسه ورد.

ليان: اي ياحبيبي عوقت ليه.

عمر: انا جاى دلوقتي.

ليان: مال صوتك يا عمر انت كويس.

عمر: آه كويس سلام دلوقتي.

عمر خرج لي اسراء وهو في دنيا تانية.

اسراء قربت منه ومسكت ايده.

عمر سحب ايديه: انا هتجوزك فترة بس عشان محدش يتكلم عليكي، انما انا عمري ما هحبك ابدا انا مش بحب غير ليان وبس. سمعتي.

اسراء هزت راسها بغل: سمعت.

اسراء: بس اكيد الكل لازم يعرف بجوازنا.

عمر: تمام يلا.

عمر خدها وخرج.

مالك راح عند اسر هو ورجالين وفتحو الاسانسير.

اسر خرج وهو شايل حور وبيجري بيها ومالك راح وراه.

اسر حط حور على السرير بخوف وركبلها جهاز الاكسجين عشان تقدر تاخد نفسها كويس.

مالك راح عليه: اهدي هتبقي كويسة.

اسر: نبضها كان ضعيف جدا.

مالك: انشاء آلَلَهّ خير. أنت كويس.

اسر: أنا كويس.

مالك: روح ارتاح شوية وانا جنبها.

اسر: لا انا مش هروح في حتة أنا هفضل جنبها لغاية ما تفوق.

مالك بابتسامة: أنت حبتها يا اسر.

اسر: مش عارف بس شكلي كده.

مالك: تمام انا هخرج انا.

عمر واسراء خرجو من عند المأذون.

اسراء: هاجي معاك وانت بتعرف ليان.

عمر: لاء روحي انتي وملكيش دعوة بليان خالص.

عمر روح البيت اتلقى ليان واقفة مستنية.

ليان جريت عليه: حبيبي اتاخرت ليه.

عمر مش هاين عليه يقولها ويكسر قلبها بس تعرف منه أحسن ما تعرف من برة.

عمر خد نفس: ليان أنا اتجوزت.

ليان: بس يا عمر جواز اي انت فكرني هصدق يعني.

عمر بدموع: انا بجد اتجوزت بس والله غصبن عني انا مش بحب حد غيرك.

ليان بصدمة: انت بتكلم جد.

ليان قربت منه ومسكته من هدومه: قول انك بتهزر.

عمر وطى راسه في الارض ودموعه بتنزل.

ليان: أنا مش ممكن افضل معاك دقيقة واحدة.

عمر بخضه: ليان انتي عايزة تسبيني والله كان غصبن عني مكنتش في وعيي كان لازم اعمل كده عشان محدش يتكلم على اسراء هو كلها شهرين ونطلق بس خليكي معايا عشان خاطري. ليان أنا محتاجالك متسبنيش.

ليان صعب عليها شكل عمر بس هي قلبها وجعها ومقهورة مش راضية تتقبل أن ممكن واحدة تشاركها عمر حت لو يوم واحد.

حست الارض بتلف بيها بس اتحملت على نفسها وقامت وقالت: أنا همشي من هنا ولغاية ما تطلق ملكش دعوة بيا.

عمر: ليان عشان خاطري اسمعيني.

ليان بانهيار وزعيق: اسمع اي ها اسمع اي انت الي اسمع صوت قلبي الي بيتكسر مليون حتة.

ليان سابته ومشيت خطوتين ووقعت من طولها.

عمر بخضه جري عليها بلهفة: ليان قومي عشان خاطري انا والله ماكنتش في وعي عشان خاطري قومي.

عمر شالها ونزل بيها على المستشفى.

حور فتحت عينيها.

اسر جري عليها: حور انتي كويسة.

حور: أنا كويسة هو اي الي حصل.

اسر: اغم عليكي في الاسانسير.

حور هزت راسها: شكرا دي تاني مرة تنقذني.

اسر: أهم حاجة عندي تكوني كويسة.

عمر دخل وهو شايل ليان.

مالك راح عليه: مالها ليان.

عمر بخوف: مش عارف اغم عليها فجأة تعالي شوفها بسرعة.

عمر دخل ليان الاوضة ومالك كشف عليها.

مالك بفرحة: ألف مبروك ليان حامل في اسبوعين.

عمر بصدمة وفرحة: حامل.

عمر بصدمة وفرحة: حامل بجد؟

مالك بفرحة: على فرحة أخوه وحضنه. مبروك!

عمر: الله يبارك فيكم.

مالك: هخرج أنا، ورايا حالة لازم أشوفها.

ليان ابتدت تفوق: اهاا.

عمر بلهفة: حبيبتي، عاملة إيه دلوقتي؟ طمنيني عليكي.

ليان وديت وشها الناحية التانية: عايزة أمشي من هنا.

عمر: حاضر، هاخدك ونروح.

ليان: هتوديني عند ماما.

عمر بدموع: برضه عايزة تسبيني؟ طب لو مش عشاني، عشان خاطر ابننا.

ليان بصدمة: إيه؟ ابننا؟

حطت إيديها على بطنها: أنا حامل.

عمر: آه، هتبقي أحلى ماما في الدنيا.

ليان بدموع: كان نفسي ييجي يتلقى أمه وأبوه مع بعض، مش منفصلين.

عمر حضنها: حقق عليا.

ليان بتحاول تطلع من حضنه، بس هو كان ماسك فيها مش راضي يسبها.

ليان استسلمت وفضلت في حضنه تعيط.

عمر حس إن نفسها انتظم، بيبص اتلقاها نامت. شالها وركبها العربية وروح البيت.

سارة بفرحة: بجد يامالك؟ ليان حامل؟

مالك: بجد، يعيون وقلب مالك. من جوه، عقبالنا إحنا كمان.

سارة بكسوف: آه، إن شاء الله.

مالك: وحشتيني أوي. هتيجي امتى؟

سارة: كمان يوم، يكون أدم خلص شغله. ونرجع.

مالك: جهزي نفسك، أول ما ترجعي هاجي أتقدم على طول.

سارة: إن شاء الله.

مالك: تمام ياقلبي، تصبحي على خير.

سارة: وانت من أهل الخير.

أدم دخل: بتكلمي مين؟

سارة: دا مالك.

أدم كشر: مش قولنا هنربيه الأول.

سارة راحت وقعدت في حضنه: أنا بربيه، بس بطريقتي.

أدم باس جبينها: ربنا يخليكي ليا يا رب.

سارة طلعت من حضنه: احم، مالك عايز يتقدم.

أدم شاف الخوف في عين سارة، يا يرفض، فمحبش يزعلها.

أدم بابتسامة: وأنا موافق، بس هنفخ طلبات.

سارة بضحك: براحتك يا كبير.

عمر وصل البيت ونيم ليان ع السرير برفق. وحط إيده على بطنها بحنية.

عمر: ربنا يخليكم ليا يارب، أنا من غيركم مأسواش حاجة.

وخدها في حضنه ونام.

إسراء بضحك: شوفتي؟ مش قولتلك هاخده منها؟ أكيد دلوقتي ليان مقهورة وهتسيبه البيت.

صاحبتها بشفقة على ليان: صدقيني هتندمي، وذنب ليان في رقبتك. سلام.

تاني يوم، ليان صحيت اتلقت نفسها في حضن عمر.

ليان: لو تعرف أنا بحبك قد إيه، مكنتش عملت فيا كده.

عمر فتح عينه: وأنا بموت فيكي، صدقيني غصب عني.

ليان: بعد إذنك، أوعى.

عمر: طب هتفضلي جنبي؟

ليان: لا.

عمر بزعل: براحتك ياليان، بس عايزك تعرفي إن عمرك ما هتلاقي حد يحبك قدي.

وسابها وقام دخل الحمام.

ليان قاعدة محتارة، تفضل معاه ولا تسيبه.

عمر خرج من الحمام راح يلبس على طول.

ليان: أنت رايح فين؟

عمر من غير ما يبصلها: رايح الشغل، هبعتلك حد يساعدك وفطاري كويس. وبليل هنروح عند دكتورة النساء.

ليان: طب استنى أنزل معاك الشغل.

عمر لف وشه: مفيش نزول، أنا مش مستعد يحصلك حاجة، حد يخبطك كده ولا كده.

ليان قربت منه: خايف عليا؟

عمر والدموع في عينه: أكتر من نفسي، متسبنيش.

ليان صعب عليها شكله عمر، هي مش قادرة تشوفه في الحالة دي، أول مرة تشوفه ضعيف. قربت منه وخدته في حضنها.

ليان: توعدني إنك هتطلق على طول ومش هتسبني أبدا؟

عمر بفرحة: أوعدك إن عمري ما حد هيكون في حياتي غيرك.

ليان قربت من شفايفه وبوستها، وعمر باسه بشوق.

ليان بعدت: ممكن تفضل معايا النهارده؟

عمر: من عيوني، انتي تأمري أمر كده.

ليان قربت منه بدلع: طب أنا وابنك عايزين فطار من إيدك.

عمر بفرحة ونزل باس بطنها: أنا عيوني ليكي انتي وابني.

أسر: حور، عاملة إيه النهارده؟

حور: الحمد لله بخير.

أسر: ماما عايزة تشوفك أوي.

حور: أنا كمان والله وحشاني جدا.

أسر: طب إيه، هتيجي تشوفيها النهارده؟

حور: معلش، خليها يوم تاني عشان تعبانة شوية.

أسر بخوف: لي مالك؟

حور: متقلقش أوي كده، شوية إرهاق مش أكتر.

أسر: تمام، تعالي نفطر سوا.

حور: يلا.

بليل، عمر خد ليان عند الدكتورة.

الدكتورة: عال، كل حاجة تمام، بس انتي ضعيفة أوي يا أستاذة ليان، لازم تتغزي كويس عشان الأنيميا اللي عندك. وأنا هكتبلك على شوية فيتامينات تمشي عليها، وأهم حاجة الراحة عشان انتي لسه في أول شهور الحمل.

عمر: شكراً يا دكتورة.

وخد ليان ومشي.

عمر: شوفتي قالت إيه؟ أهم حاجة الراحة، يعني مفيش نزول مستشفى وتكلي كويس.

ليان: حاضر. أي أوامر تاني؟

عمر بضحك: آه.

ليان: إيه؟

عمر: عايز واحدة، وشاور على خده.

ليان قربت منه وأدته واحدة في خده.

ليان: أنا مش عايزة أروح.

عمر: اومال عايزة تروحي فين؟

ليان: وديني عند ماما. نقولها بخبر الحمل، إيه رأيك؟

عمر: حاضر، وبعدين نطلع عند ماما ونقضي معاها اليل، إيه رأيك؟

ليان: إشطا.

طنط وحشاني أوي.

عمر قرب منها بغمزة: والله انتي اللي وحشاني. ما تيجي نروح وأحكيلك حدوتة.

ليان بكسوف: بس بقا.

عمر بضحك: لسه بتكسفي مني؟ والله عيبة في حقي.

ليان وصلت عند أمها.

أمها: حبيبتي الغالية، وحشاني أوي.

ليان حضنتها: والله انتي أكتر يا ماما.

عمر: لا، أنا كده زعلان.

أمها: لي يبني؟

عمر: عشان خدتي ليان بالحضن وأنا لا.

أمها قربت منه وخدته بالحضن: أحسن حضن لحسن عمر.

عمر باس إيديها: ربنا يخليكي لينا يا ست الكل.

ليان: عندنا خبر حلو.

أمها: إيه هو؟

ليان بفرحة: أنا حامل.

أمها زغرطت بفرحة: ألف مبروك، ربنا يتمملك على خير ياقلبي. انتي تقعدي معايا أشوف طلباتك عشان متتعبيش نفسك.

عمر بتذمر وخد ليان في حضنه: لا، مراتي متبعدش عني أبدا، أنا أخدمها بعيني.

ليان بصت لعمر بحب: ربنا يخليك ليا.

يتبع...

بعد مرور يومين وعمر لم ينزل المستشفى، وقاعد بجانب ليان.

الباب خبط، ليان فتحت، اتلقت إسراء في وشها.

إسراء اتصدمت أول لما شفتها.

إسراء: انتي لسه هنا؟

ليان: أومال هكون فين يعني؟ ما أكيد هكون هنا في بيت جوزي.

عمر: مين يا حبيبتي؟

إسراء زقت ليان ودخلت.

إسراء: دي أنا يا قلبي.

ليان مثلت التعب.

ليان: آه يا عمر الحقني.

عمر جري عليها بلهفة.

عمر: مالك يا قلبي؟ حاسة بإيه؟

ليان: بطني بتوجعني أوي، إسراء زقتني جامد.

عمر راح على إسراء اللي واقفة بتتجنن من اللي بيحصل وإزاي ليان لسه ما سابتش عمر لحد دلوقتي.

إسراء: أكيد عمر ما قالكيش حاجة.

عمر بغضب: انتي إيه اللي جابك هنا وإزاي تزقي ليان بالطريقة دي؟ قدر حصلها حاجة في وقتها مش هرحمك.

ليان راحت وقفت جنبه وبصت لإسراء بخبث.

ليان: خلاص يا حبيبي أنا كويسة وابننا كمان كويس.

إسراء بصدمة: انتي حامل؟

ليان: آه يا حبيبتي، عقبالك.

إسراء بخبث: إن شاء الله قريب. منا دلوقتي واحدة متجوزة بق، مش عايزة تعرفي مين جوزي؟

ليان بتحاول تكتم دموعها إنها تنزل، بس عمر لاحظ.

ليان: عرفه عمر هو جوزك، بس يا خسارة مش هتعرفي تجيبي منه عيال، عشان كلها شهر وعمر يطلقك.

إسراء بصدمة: انتي عارفة؟

ليان: أومال عموري مش بيخبي عليا حاجة خالص، صح يا روحي؟

عمر فهم إن ليان بتحاول تصبر نفسها بالكلام ده.

عمر: أكيد يا قلبي، تعالي ياروحي اقعدي عشان غلط عليكي الوقفة.

ليان: أمشيها يا قلبي عشان وجودها هنا تعبني جدًا.

إسراء اتكلمت بغل.

إسراء: عايزة الناس تعرف في أقرب وقت إني مراتك ولازم تعرفي إن ليا حقوق عليك.

عمر: تؤ تؤ، هعرف الناس إنك مراتي آه عشان محدش يتكلم عليكي، رغم إني ما كنتش في وعيي وإنتي كنتي في وعيك وسبتي نفسك معايا كده، إنك انتي كنتي عايزة كده.

إسراء بتوتر: قصدك إيه؟

عمر بغضب وصوت عالي خلا إسراء تتنفض: قصدي انتي عارفاه كويس. أما بخصوص الحقوق، انتي مالكيش أي حق عندي واحمدي ربنا إني لسه متجوزك لغاية دلوقتي، يلا غوري من هنا. وأه صح، ليان خط أحمر. سمعتي؟ بصوت عالي، سمعتي؟

إسراء بخوف: سمعت.

عمر شاور بإيديه على برا.

إسراء خرجت وهي ناوية على دمار ليان.

إسراء: ورحمة أبويا ما أنت متهني بابنك كتير يا عمر.

سارة جت من ورا بخ.

مالك بفرحة: سوسو وحشتيني أوي.

سارة: وانت كمان وحشتني أوي أوي.

مالك بغمزة: طب إيه؟

سارة: إيه؟

مالك: عايز اتجوزك.

سارة بتمثل الحزن: آدم مش موافق.

مالك بغضب: أقسم بالله العظيم هاخطفك ومحدش يعرفلك طريق.

سارة: إيه؟ اهدى. على فكرة آدم مستنيك يوم الخميس الجاي.

مالك بفرحة: بجد؟ قولي والله.

سارة بضحك: والله.

مالك شالها ولف بيها.

مالك: بحبك يا أحسن سارة في الدنيا.

سارة بفرحة: وأنا بموت فيك.

عند آدم، الباب خبط.

آدم: ادخل.

دخل العسكري.

العسكري: في واحدة برا عايزة حضرتك يا آدم باشا.

آدم: خليها تدخل.

بتدخل بنت في قمة الجمال.

آدم أول لما بيشوفها.

آدم: انتي بتعملي إيه هنا؟ اطلعي بره.

البنت بدموع: آدم اسمعني.

آدم بغضب: أسمع إيه؟ ها؟ أسمع إنك سبتيني ورحتي اتجوزتي؟

نور بدموع: آدم اسمعني، والله العظيم بابا هو اللي غصب عليا، هددني إن لو متجوزتش ابن عمي هيبعدني عن ماما، وانت عارف إن ماما كانت عندها القلب.

آدم ضحك بصوت عالي.

آدم: وانتي فاكراني هصدقك؟ صح؟

نور: أنا عمري ما حبيت في الدنيا دي قدك.

آدم: انتي عايزة إيه دلوقتي؟

نور: عايزة أطلق.

آدم: ما تطلقي. أنا أعملك إيه؟ أنا مالي.

نور بنهيار: أنا عايزة أتحميني منه، كل يوم بيضربني ومش راضي يطلقني، بقالي سنة بتعذب، مرتين. أول عذاب هو البعد عنك، وتاني عذاب الضرب اللي أنا باخده وبابا مش بيصدقني.

آدم ابتدا قلبه يحن، بس اتكلم ببرود.

آدم: تمام، هفتحلك محضر دلوقتي. عندك إثبات على الكلام اللي قولتي؟

نور بنهيار: آه.

آدم: إيه هو؟

نور رفعت كم البلوزة.

نور: ده، ولسه في جسمي كله.

آدم اتلقى دراعها كله أزرق ويوارم.

آدم قام من مكانه بلهفة ومشاعره سيطرت عليه، هو لسه بيحبها؟ لأ، ده بيعشقها.

آدم راح عليها ومسك دراعها بغضب.

آدم: هو اللي عمل فيكي كده؟

هزت راسها بـ آه وهي سرحانة فيه. قد إيه هو وحشها.

آدم ساب إيديها وراح قعد مكانه بتوتر.

آدم: احم، مش عايزك تخافي، محدش يقدر يقربلك تاني. ده الكارت بتاعي، في أي وقت كلميني.

نور بصتله بصوت مهزوز.

نور: شكرا، بعد إذنك.

آدم: استني، هطلبلك عصير ليمون تهدي شوية.

نور بصتله بابتسامة، قد إيه لسه حنين عليها رغم اللي هي عملته فيه، ولسه حنين عليها.

عمر: حبيبي، أنا نازل المستشفى. عايزة حاجة؟

ليان: لا يا قلبي، مع السلامة. بس متتأخرش عليا.

عمر: ورايا عملية كبيرة، احتمال أبَات هناك.

ليان: تمام.

وبسته من خده.

ليان: مع السلامة.

في المستشفى.

مالك: عاش من شافك.

(كامل بغمزة)

الجواز حلو صح؟

عمر: (بضحك)

مش هريحك بردو.

مالك: (بتزمر)

كده يا عموري؟

عمر: (بصدمة)

عموري؟ ولا استرجل كده!

مالك: (تكلم بجدية)

أنا رايح أخطب سارة الخميس الجاي.

عمر: (حضن أخوه بفرحة)

ألف مبروك يا غالي، ربنا يتمملك على خير.

مالك: الله يبارك فيك.

عمر: أنا عايز أقولك على حاجة قبل ما أعلم عنها.

مالك: حاجة إيه؟

عمر: أنا اتجوزت.

مالك: منا عارف، إيه الجديد؟

عمر: (أحم)

أنا اتجوزت على ليان.

مالك: (بصدمة)

ينهار أسود! اتجوزت على؟ طب ليه، دانت بتموت فيها.

عمر: غصب عني، (أحم) أنا اعتدت على إسراء، بس والله ما كنت في وعيي.

مالك: (بصدمة أكبر)

إسراء؟ الدكتورة إسراء اللي معانا هنا؟

عمر: آه.

مالك: طب ليه عملت كده؟

عمر: أنا مش فاكر أي حاجة خالص.

مالك: طب وإيه؟ وليان لو عرفت هيجرلها حاجة، وهي حامل.

عمر: ماهي عرفت.

مالك: عشان كده اغمى عليها؟

عمر: آه، أنا أقنعتها بعجوبة إنها متسبنيش.

مالك: طب هتعلن عن جوازك امتى؟

عمر: بكرة إن شاء الله، وهطلقها بعد شهر.

مالك: (طبطب على كتفه)

الي في الخير يقدمه ربنا.

الباب خبط. ليان فتحت، لقت دبدوب في وشها.

سارة: (من ورا الدبدوب)

لينو حبيبتي، وحشتيني.

ليان: (بصويت)

اعععع! سارة!

(وخدتها بالحضن)

كده يا سوسو، متسأليش عليا.

سارة: والله غصب عني، كنت مسافرة مع آدم، لسه راجعة امبارح.

سارة: ألف مبروك يا روحي، عرفت إنك حامل.

ليان: الله يبارك فيكي يا قلبي.

سارة: أخيراً هبقى خالتوا.

ليان: أحسن خالتوا في الدنيا. تشربي إيه يا حب؟

سارة: ولا أي حاجة، أنتي تقعدي وترتاحي. أنتي عاوزاه عمر يجري ورايا ويقولي بتشقي البنت.

ليان: (بضحك)

والله عندك حق، من يوم ما عرف إني حامل وهو مش بيخليني أعمل حاجة خالص.

اسر: مالك، مشفتش حور؟

مالك: لا، شكلها مجتش النهاردة.

عمر: (جه من ورا)

يلا يا بابا، أنت وهو، ورانا عملية.

مالك: (بضحك)

تحت أمرك يا فندم.

إسراء: عاوزاكي تروحي ترنيها علقة موت، سمعتي؟

الست: تحت أمرك، بس هيبقى في اتنين معايا كمان، يعني الفلوس تزيد.

إسراء: عادي، مش مهم الفلوس، أهم حاجة تسقط، سمعتي؟

الست: اعتبري الموضوع خلاص.

بعد مرور 5 ساعات.

عمر: (خرج من أوضة العمليات)

أوف أخيراً.

مالك: أنا مش عارف أنا دخلت معاكم ليه.

عمر: (ضربه على قفه)

يعني أنت معملتش حاجة جوا؟

مالك: (بتزمر)

أوف يا عمر، هبتي في ذمتك الله خالص.

اسر وعمر قعدوا يضحكوا عليه.

عمر: أنا ماشي عشان سايب ليان لوحدها من امبارح.

اسر: الله يسهله يا عم.

اسر: أنا كمان ماشي.

مالك: يعني هي جت عليا؟ خدني معاك.

اسر: يلا.

سارة: يلا سلام بقى دلوقتي، آدم جه.

ليان: ابقي تعالي تاني.

سارة: حاضر، يلا سلام.

بعد دقيقة. الباب خبط.

ليان: أكيد سارة نسيت حاجة.

(بتفتح الباب)

أكيد نسيتي حاجة؟

(لسه هتكمل الكلمة، اتلقت أربع نسوان ضخام جداً زقوها لجوا)

ليان: (مسكت بطنها بألم وخوف)

أنتم مين؟

واحدة من الستات: دلوقتي تعرفي إحنا مين.

(ومسكت ليان)

ليان: (بتصوت)

واتنين ماسكين إيديها، واحدة ماسكة رجليها، واحدة بكل غل راحت ضربت ليان في بطنها.

ليان: (صوتت وحست إن في حاجة سائلة بتنزل منها)

واست راحت ضربها كمان ضربة قوية.

ليان: (محستش بأي حاجة حواليها وقالت بهمس)

فين أنت يا عمر؟

(واغمى عليها)

الستات: (سبوها غرقانة في دمها وجريو)

اسر: (أول ما وصل البيت سمع صوت هو عارفه كويس جاي من المطبخ)

اسر دخل اتلقى حور واقفة بتضحك هي ومريم، ووشها مليان عجين.

اسر: (وقف يتفرج عليها وهي بتعمل الحلويات)

امه جت من ورا وحطت إيديها على كتفه.

البنت دي غلبانة أوي، ربنا يجعلها من نصيبك يا رب.

اسر: (أحم)

هي هنا من امتى؟

امه: من الصبح.

حور: (شفته واقف بيبصلها، اتحرجت جدا)

أحم، إزيك يا اسر.

اسر: الله يسلمك، مقولتيش إنك جاية، كنت جبتك أنا.

حور: عادي، حبيت أعملها مفاجأة.

اسر: (ابتسم 😊)

بتعملي إيه؟

حور: (بحماس)

بعمل زلابية.

ادم: (قاعد تلفونه رن)

ادم: الو.

نور: (بعياط وهمس)

الحقني، هيموتني.

ادم: (بخوف عليها)

بيتك فين؟

نور: عند...

(ادم عرفه ونزل جري بلهفة وخوف وهو سامع صوتها بتصوت)

عمر: (فتح باب الشقة، اتلقى ليان غرقانة في دمها، وقف مكانه مصدوم 😳...)

يتبع...

ليان صعبانة عليا أوي 😔

•

عمر بصدمة ليان وجري عليها، اتلقى وشها شاحب زي الميتة وغرقانة في دمها.

عمر شالها بإيد بتترعش ونزل بيها جري على المستشفى.

وهو في الطريق رن على مالك.

مالك بنوم: الوو.

عمر بخوف: الوو مالك الحق ليان بتروح مني.

مالك قام بخوف: مالها؟

عمر: أنا في طريقي للمستشفى، تعالي بسرعة.

مالك: مسافة السكة وأكون هناك.

آدم وصل عند الشقة وخبط جامد.

سمع صوت نور وهي بتعيط بصوت عالي وبتستنجد بأي حد.

راح زق الباب جامد، كسره ودخل.

اتلقى جوزها بيضربها، وشها كله مليان دم.

آدم راح عليه بغل وفضل يضربه.

"ابن … تمد إيدك عليها!"

ونور وقعت على الأرض زي الجثة الهامد.

آدم فضل يضربه لحد ما اغمى عليه.

آدم راح على نور بخوف، اتلقاها اغمى عليها.

شالها وخدها معاه البيت.

عمر دخل المستشفى، اتلقى مالك في استقباله.

مالك بصدمة أول لما شاف ليان غرقانة دم، قال بسرعة: "على أوضة العمليات."

دخل هو وعمر، حاولوا على قد ما يقدروا إنهم ينقذوا ليان عشان كانت حالتها صعبة جداً وعندها نزيف شديد.

عمر: مالك حاول توقف النزيف بسرعة، النبض ضعيف.

مالك بيحاول يوقف النزيف، وعمر بينعش القلب عشان ميقفش.

وهو هيموت على حبيبته اللي بين الحياة والموت.

آدم دخل البيت، سارة راحت عليه بصدمة: "ينهار أسود، مين اللي عمل في نور كده؟"

آدم بخوف: "اطلبي الدكتور بسرعة."

سارة: "حاضر."

جه الدكتور، ضمض لها الجروح اللي في وشها.

آدم بلهفة: "هي عاملة إيه دلوقتي؟"

الدكتور: "عندها جروح كتير في وشها وجسمها وحالتها صعبة، هتاخد وقت لحد ما تصحى وجسمها ضعيف جداً، يا ريت تهتم شوية بأكلها، وأنا كتبتلها على علاج."

آدم خد منه الروشته ووصله ونزل جاب العلاج.

بعد مرور ساعتين.

مالك حط إيده على كتف عمر بحزن: "ربنا يعوض عليك."

عمر هز راسه بهدوء.

مالك بص له بحزن وخرج.

عمر قعد وهو ماسك إيد ليان وخايف من ردة فعلها لما تقوم وتعرف إنها خسرت الجنين.

وبيفكر مين اللي عمل فيها كده عشان حالة ليان كانت بتدل إنها اتعرضت لعنف شديد.

تاني يوم.

نور بتفتح عينيها، اتلقت نفسها في أوضة غريبة.

سارة دخلت عليها بابتسامة: "حمدلله على السلامة."

نور بتعب: "الله يسلمك، أنا فين؟"

سارة بغمزة: "في أوضة آدم."

نور: "أنا جيت هنا إزاي؟"

سارة: "والله ما أعرف، أنا اتلقيت آدم داخل عليا وهو شايلك وإنتي وشك مليان دم."

نور عينيها دمعت.

سارة راحت عليها بخوف: "مالك، إنتي تعبانة؟ أنده آدم."

نور هزت راسها بلا، أنا كويسة.

في دخول آدم.

آدم بخوف: "مالك، إنتي تعبانة؟ أجيبلك دكتور؟"

نور بصت له بحب: "شكراً، أنا كويسة."

آدم خد نفس براحة: "الحمدلله."

سارة: "أنا هروح أجهز الفطار."

آدم قعد على الكرسي قدامها.

نور: "هو يعني، احم، عملت إيه مع جوزي؟"

آدم اتعصب أول لما سمع كلمة جوزي، أو بمعني أصح غار، بس حاول يكون هادي.

"قبضت عليه."

نور: "أنا عاوزة أطلق."

آدم: "تمام، بكرة نرفع عليه قضية."

آدم: "احم، هو يعني معندكيش حد من عيلتك؟"

نور بدموع: "لأ، ماما ماتت بعد جوازي بـ 3 شهور، وبابا الشرب مضيعة. بس أنا مش هتقل عليك، أنا همشي من هنا وشكراً على كل حاجة عملتها عشاني."

ومنتظرتش آدم يرد، وجت تقوم راحت صرخت من وجع جسمها.

آدم بخضة: "خليكي مرتاحة، إيه اللي قومك؟ وبعدين أنا مقولتلش تمشي، أنا بسأل عشان أقدر أساعدك، إنتي هتفضلي هنا لحد ما تكوني كويسة."

نور: "بس أنا كده بتقل عليك."

آدم وهو سرحان فيها: "يا ريت تفضلي متقلة عليا العمر كله."

فاق على صوت سارة: "أحسن فطار لأحسن نور في الدنيا."

نور: "شكراً، بس أنا مش جعانة."

آدم بصرامة: "مفيش حاجة اسمها مش جعانة، كلي عشان تاخدي العلاج، وبعدين الدكتور قال إنك ضعيفة."

نور: "حاضر."

ليان فاقت، اتلقت عمر نايم على الكرسي.

ليان بتعب: "عمر."

عمر قام بخضة: "حبيبت قلبي، إنتي كويسة؟"

ليان بدموع: "ابني، حصله حاجة؟"

عمر بص لها بدموع هو كمان وسكت.

ليان بخوف: "عمر، رد عليا."

عمر: "ربنا يعوض علينا."

ليان بعياط: "لأ، هما اللي أخدوا ابني مني."

عمر بانتباه: "هما مين؟"

ليان بنهار: "معرفش، ناس دخلوا عليا الشقة."

ومقدرتش تكمل وانهارت في العياط.

عمر خدها في حضنه: "اهدّي يا حبيبتي، إنتي تعبانة."

ليان فضلت تعيط لحد ما نامت في حضنه.

عمر سابها وخرج.

مالك قابله: "رايح فين؟"

عمر: "رايح أشوف مين اللي عمل كده في ليان."

مالك: "أنا هاجي معاك."

عمر راح شاف الكاميرات المراقبة، شاف أربع ستات دخلين وزقوا ليان جوا، وبعدين خرجوا جري.

مالك بصدمة: "مين دول؟"

عمر بغل: "ولاد الكلب 🐕، ورحمة أبويا منا سيبكم."