رواية دكتورة من الصعيد الفصل الثاني 2 - بقلم شهد محمد

المطار ماكس: شمس، انتي رفضتي إننا نتصل بخالتك ونعرفها إنك جاية قنا، ممكن أعرف ليه؟ متهيألي من حقها تعرف إنك هنا. شمس: لا، خالتي مش هتكون مرتاحة في وجودي هنا، وأنا لازم أجيب أمي، لازم أجيبها تعيش معايا، ولازم أثبت لجواد إني بقيت أحسن من رجّالته. ماكس: يامن، شمس العربية جاهزة. يامن: مش يلا؟ ماكس: يلا يا ابني، يلا. يامن: ابنك؟ انت عبيط يا عم؟ ماكس: بآه، وفي إيدي الرضعة عشان أغذي النونو.

شمس: ههههههههههه، قال أمريكي الأصل قال، ده جاي من بولاق الدكرور، يلا يا عم، يلا. الشباب: يلا. في مكان تاني في القاهرة، في بيت أقل ما يقال عليه قصر. مرفت: ماشي يا شمس، ماشي، بقا مفكرة إني مش هعرف إنك روحتي؟ يا ربي استرها معاكي يا رب. نِدي: مالك بس يا مرفت؟ مرفت: شفتي صحبتك العرة! واللهي لما تجيلي بس، لما تجيلي. نِدي: اهدي بس، الله. بعدين هي كدا كدا لازم تروح عشان تجيب أمها. مرفت: بس أنا خايفة عليها أوي.

نِدي: دي شمس يا مرفت. مرفت: اللي مخوفني إنها شمس. نرجع تاني لقنا، في قصر شكله يخطف القلب والعين. مجرد ما تشوفه تتمنى لو إنك أحد سكانه. يجلس ذاك الشاب، وياله من شاب! سبحان من أبدع في خلقه. من مظهره يبدو إنه لم يتجاوز الثلاثين. بشرته اكتفت من كاسات الشمس، ما أعطاه بشرة قمحاوية جذابة. الحارس: شمس وصلت قنا، هي على مشارف البلد. الشاب: هااا، وحشتني جداً. الحارس: وحشتك؟ انت كنت في أمريكا امبارح يا ابني!

بعدين متقولهاش إنك بتحبها، قولها إنك انت اللي ساعدتها توصل لكل ده، اتجوزها وانتقم معاها من الزبالة اللي وجعوها. الشاب: لا، شمس عارفة كويس أوي إن فيه حد ساعدها عشان توصل. هي عارفة كويس بس مش عارفة مين. أنا معاها خطوة بخطوة من بعيد، بس لازم هي تنتقم بطريقتها، فاهم يا غبي. الحارس: يوووه، فاهم يا عم، فاهم. بلا قرف. الشاب: ههههههههههه. نرجع بقا لبيت جواد القاضي.

شمس وصلت، بس أول ما شافت البيت افتكرت حاجات كتير أوي. افتكرت قد إيه كانت منبوذة ومكروهة لمجرد إنها بنت. افتكرت إن حلمها كان هيدمر هنا وتتحول لمسخ لمجرد إنها بنت. افتكرت بهدلة أمها وتعبها ومعاناتها لمجرد إنها جابت بنتين. بنتين كانوا بنتين قبل موت أختها، موت أختها اللي كان سببه عيلة القاضي. فلقت شمس من أفكارها ومسحت دموع عينها بهدوء. البواب: وه مين انت يا ست هانم؟ عايزة مين؟ ماكس: جواد القاضي موجود.

البواب: أقوله مين يا بيه؟ ماكس: شمس. شمس: واحدة عايزة تقابله مش أكتر. البواب: اتفضلي يا ست هانم. دخلت شمس وفضلت قاعدة شوية، بعدين جه جواد وولاده وأخوه. جواد: يا هلا يا هلا. شمس ببسمة باردة: أهلا. جواد: تؤمري بأيه يعني؟ مين حضرتك؟ شمس: حضرتك!! أنا شمس، أنا شمس القاضي يا جواد. ثريا (مرات عمها) : يالهوي! كين (ابن عمها) : يا خبر أسود! جواد: إيه؟ شمس: ...