رواية دليدة قلبي الفصل الحادي والعشرون 21 - بقلم رنا احمد التوني

جريت دليده: اععععععع ادهم اهدي بس والله ما أقصد. ادهم بهدوء: تعالي هنا. دليده وقفت: لا لا هتضربني. ادهم بغضب: لما انتي عارفه إن ده غلط بتعمليه ليه؟ وبعدين أنا مش هضربك، مش رجولة ياهانم إني أمد إيدي على واحدة. دليده بتوتر: أمال قلعت الحزام ليه؟ ادهم: عشان أوريكي إنك لما تغلطي هتتعاقبي، وده مش عقابك. العقاب لسه. دليده بغضب: بقولك إيه، أنا جبت آخري وتعبت منك. لما أنا مهمكش بتعمل كده ليه؟

ادهم: اااا عشان إنتي بنت خالتي وكمان مراتي. دليده بابتسامة ساخرة: ههه، مراتي بأمارة إيه ها؟ إنت عارف إيه بداية جوزنا وإيه نهايته؟ ادهم بدون وعي: ممكن نهايته تتغير عن ما كنا حاسبينه. دليده بتوتر: اايه؟ قلت إيه؟ ادهم بغضب من نفسه: احم، قصدي نهايته عرفناها. ادليده بأمل: ادهم، إنت بتحبني؟ ادهم بص في عينيها: اااا احم، هروح أغير عشان ننزل. دخل الحمام بسرعة. قعدت على

السرير وبدأت تنزل دموعها: غبية، غبية. علقتي نفسك بأمل ملوش لازمة. كنت فاكرة إنه ممكن يفكر فيا، بس لا، غبية. *** مقلتش لي إنك بتحبها، ليييي؟ وبعدين هي بتسأل، مش ممكن تكون بتسأل عشان حست أو بتحبني؟ لا، لو بتحبني كان بان. يووه، أنا تعبت. أنا هخرج أقولها بحبها والي يحصل يحصل، حتى لو مبتحبنيش. هاه، هخرج. فتح الباب: دليده أنا. بص في الأوضة كلها مش لاقيها. ادهم: دليده، دليده. رحتي فين؟ ممم، شكلها نزلت.

دخل يغير هدومه عشان ينزل. خلص ونزل. نازل على السلم سمع صوت ضحكتها: ياااه، ليه للدرجة دي مش فارق معاك؟ كمل نزول لقي دليده قاعدة في الصالة هي وصباح ومريم وجدو وعمو أشرف وسامح وفتحية وحبيبة ومنى وبنتها سمر ودنيا وعلياء بنات فتحية. ادهم: السلام عليكم. الجميع: وعليكم السلام. دليده كانت قاعدة بتهزر مع سامح. ادهم بخنقة: دليده. دليده ببرود: نعم. ادهم: خلاص مش مهم. أمال علي فين يا عمتي؟ فتحية: في الشغل، شوية وجاي.

ادهم: اممم. واحمد وسيد؟ منى: في الأرض، جدك بعتهم. ادهم قعد جنب دليده وهوا بيبصلها. سامح: أه صحيح يا دودو، إيه رأيك في الكتاب اللي ادتهولك؟ حلو مش كده؟ ادهم بص لها بغضب. دليده بابتسامة: اه، شكر يا سامح. ادهم بيبص لسامح بغيظ وسامح بيبصله بانتصار. جم الباقي وقعدوا شوية. ادهم بنفاذ صبر: يلا يا دليده نطلع ننام. دليده بخنقة: أنا قاعدة شوية. ادهم بغضب: يالا. قامت دليده وطلعوا. ادهم بهدوء: لو عايزة تروحي تنامي مع مريم روحي.

دليده: عادي. ادهم اتنهد: أنا زهقت من عاملك وأسلوبك ده، مش هقدر أكمل لحد ما ماما تخف. دليده الدموع اتجمعت في عينيها، حاولت متبينش. قالت بلجلجة: يعني إيه؟ ادهم بخنقة: يعني تلمي نفسك. طول ما إنتي على ذمتي متفضليش تتكلمي وتتميعي مع ده شوية وده شوية. دليده بخنقة ودموع معلقة: أنا بتمايع يا ادهم. ادهم بغصب: أيوا إنتي، إنتي ليه؟ عشان ملقتيش حد يربيكي وفضلتِ تتميعي؟ معملتليش أي زفت احترام وفضلتِ تهزري مع سامح؟

لا وكمان هو اللي جابلك الكتاب يعني كدبتي عليا ولزقة فيه؟ ده إنتي عايزانا نتطلق النهاردة قبل بكرة عشان تروحيله، مش كده؟ دليده غصب عنها دموعها نزلت: معقول يا ادهم، أحبك الحب ده كله وأنت شايفني كده؟ ادهم بزعيق: ردي عليا بكلمة. دليده بعياط وشحتفة: ااارد أقولل إيه؟ أنتتت قلت كل حححاجه. خلاص يابن الناس، من بكرة، لا وبكرة ليه، دلوقتي. طلقني ومش مجبر تشوفنيي ولا تعيش معايا. روح لحبيبة القلب شروق.

ادهم بغضب: آه، بحبها. عارف ليه؟ عشان محترمة. أبوها ربها كويس، مش سيبها على حل شعرها تصاحب ده وتسيب ده. وكلها كام يوم وهتجوزها، فاهم؟ دليده بعياط: طلقنييي يا ادهم. ادهم سابها وخرج. نزل راح قعد في الجنينة. دليده أول ما خرج فضلت تعيط: ليي؟ حبيتك ويارتني ما حبيتك. كرهتني في اليوم اللي شوفتك فيه. وكل ده لي، إيه؟ فضلت تعيط وتندب حظها. *** نزل قعد في الجنينة وفضل يهدّي نفسه.

وأنا مغلطش. أيوا، هي اللي غلطت عشان قعدت جنبه وهزرت معاه. طب ما تهزر وأنا مالي؟ مش قلت إني مش بحبها؟ زعلان ليه؟ لا، لازم أزعل. دي مراتي وعلى اسمي، لازم تحترمني. بس أنا قلت لها كلام قاسي أوي. أنا إزاي قلت لها كده؟ يارب، اللهم أعني في مصيبتي. *** نامت مكانها من كتر العياط ومحستش بنفسها. وأدهم برضو نام مكانه. عدى اليوم مع شروق الشمس. فتح ادهم عينيه، قتم بص حواليه باستغراب. افتكر اللي حصل. مسح وشه بخنقة.

قام دخل البيت لقي البيت فاضي عشان كان لسه بدري. طلع على فوق لقي دليده نايمة على الأرض والدموع على خدها. بص عليها بحزن: إنتي اللي عملتي كده. شالها بخفة، نيمها على السرير. راح دخل الحمام، خد دش ولبس ترنج رياضي وخرج يجري في الجنينة. وهوا نازل. صلاح: ازيك يا ادهم. ادهم: بخير وحضرتك. صلاح: الحمدلله. أمال رايح فين بدري كده؟ ادهم: خارج أتمشى. صلاح: تمام. هنطلع نرتاح قبل ما البيت يصحى. طلعوا وادهم خرج وفضل يجري في الجنينة.

بعد شوية خبط في حد. ادهم وهوا بيتنفس جامد: أنا ه ه ه أسف. : ولا يهمك يا دمي. عامل إيه؟ وحشتني. ادهم: ****