رواية دليدة قلبي الفصل السادس 6 - بقلم رنا احمد التوني

طق طق. دليدة: أنا هفتح يا خالو. قامت فتحت، كانت مريم. دليدة: مريوم وحشتيني. مريم: وأنتي كمان. اتغديتوا من غيري؟ دليدة: هههه، لأ، مستنينك. يلا، أخدلي حضري الغدا. مريم: آه، يعني أنتو مستنيني أنا اللي أحضر الغدا. دليدة: يس، بل ظبطي. مريم: يا باشتلفون. رن هاتف مريم. مريم: وعليكم السلام. مريم: حاضر. مريم: سلام. مريم: يلا يا دودو، خشي بسي بسرعة. أدهم عزمنا ع الغدا. دليدة بفرح: بجد!

طب يلا تعالي. هاتيلي هدوم من عندك عشان هدومي قصيرة. مريم: عيوني يا صاحبي. يللا دخلت مريم جابت لدليدة دريس واسع أوي وشكله تحفة بجد. دليدة بتفكير: امممم، بقولك إيه، رأيك ألبس طرحة. مريم: هتبقي قمرين في الحجاب. بس لازم تلبسيها صح. دليدة: بصي، خليها بعدين عشان لما ألبسها أبقى أحبها أكتر. مريم: ع راحتك، يلا عشان أدهم تحت. خرجوا وخدوا صباح ونزلوا ع السلم. صباح: إيه دا يا مرات عمي، رايحين فين؟

مريم: خارجين. دومي عزمنا ع الغدا. صباح نكزتها ف كتفها. شروق: بجد! امممم، طب استنوا أجى معاكم عشان دومي وحشني. دليدة بهمس: يوّحشك عفريت وياخدك عشان نخلص منك. شروق دخلت جري عشان تلبس. دليدة: خالو، يلا نجري قبل ما تطلع. صباح: لا، عيب. دليدة: يلا بقا، مش عيب. دليدة مسكت إيد مريم وصباح: يلا بقا. نزلوا ع السلم ولسه هيركبوا العربية. : استنوا، خلصت. أدهم: نهار أحوس! إيه اللي جابها دي؟ دليدة: دي بت لزقة.

شروق: يلا بينا، أنا جاهزة. ركبوا العربية ودليدة مضايقة من وجود شروق. وصلوا ع المطعم. أحمد كان هناك مستنيهم. نزلوا. أدهم قعد جنب أحمد، وشروق قعدت قدامه وجنبها مريم ودليدة وصباح الناحية التانية. أدهم: ها، تطلبوا إيه؟ صباح: اختاريلنا انتي يا دودو. دليدة: عيوني. أنا بحب الاسباجتي باللحمة. إيه رأيكم؟ مريم: حلو. شروق: وهي تخترلنا ليه؟ أنا عايزة سوشي. مريم بهمس لدليدة: والله تلفها عمرها ما داقته. الفيلسوفة.

دليدة: هههههه. أحم، تمام. أنا وخالتي ومريم هنطلب اسباجتي بكرات اللحمة. أدهم: وأنا كمان. أحمد: وأنا كمان، عشان الطربيزة كلها تبقى اسباجتي. ههههه. شروق بغيظ: وماله، نجرب يمكن يطلع كويس. أدهم نده الجرسون وطلب الأكل. أدهم: بركولي يا جماعة، أمضينا عقد مع شركة استثمار. دليدة: بجد! ألف مبروك يارب دايماً. صباح: ألف مبروك يا روح قلبي. مريم: مبروك يا عم، عشان كدا عزمتنا العزومة الحلوة دي. شروق بمياعة: مبروك يا دومي.

أدهم: الله يبارك فيك. دليدة بغيظ وهمس: مبروك يا دومي يا مسلوعة إنتي. أدهم خد باله. أدهم: هههه، طيب. يلا، الأكل نزل. أكلوا وخلصوا. مريم: تعالي يا دودي معايا. إنت يا بيه تعالي معانا. شروق: رايحين فين؟ مريم: خليكي، هنروح الحمام و جاين. شروق: هاجي معاكم. قاموا. دليدة مضايقة إن شروق لازقة في أدهم. دخلت مريم ودليدة وشروق الحمام. خرجوا. دليدة: الله. أدهم بص لملاهي هناك. أدهم بابتسامة: تروحي؟ دليدة بفرحة: بجد! شكراً.

شروق بمياعة: تعالي ووديني يا دومي. دليدة بغضب: خلاص يا أدهم، يلا نقعد. مريم: تعالي يا شروق، عايزاكي. شروق: لا، أنا هروح معاهم. دليدة بغضب: مش رايحة. أدهم: خلاص يا دليدة، نروح كلنا. دليدة بغيره: براحتك يا أدهم. أنا رايحة لي خالتي. مشت دليدة ووراها مريم. شروق بخبث: إيه ده، هي زعلت ليه؟ أنا معملتش حاجة. أدهم: تمام، يلا مشيوا. راحوا ع الترابيزة. صباح: مالك يا دودو؟

دليدة: يا خالتي، عايزة أروح الملاهي وشروق لازقة، مش عارفة أروح. صباح: أدهم، خد أختك ودليدة، شوفهم عايزين يروحوا فين. أدهم: حاضر، تعالوا. شروق: هاجي معاكم. دليدة بهمس: إففف، ع اللزقة دي. أدهم: تعالي. أحمد: هي جت عليا أنا جاي معاكم. راحوا الملاهي. ودليدة متغاظة من شروق. فضلت دليدة ومريم بيلعبوا زي العيال وشكلهم كيوت أوي. أدهم متابعهم وهوا مبتسم. وأحمد بيبص ع مريم وعنيه بتطلع قلوب. شروق كانت واقفة مع أدهم.

شروق: إيه ده، هي فاكرة نفسها عيلة؟ اللي بتعملوه ده. أدهم متجهلهاش. شروق: صحيح يا دومي، هو في حاجة بينك وبينها؟ أدهم بصلاها. أدهم: لأ. شروق: اممم، أصل. قطعتها مريم: أبيه، إحنا خلصنا، يلا نروح عشان دليدة بردانه. أدهم: يلا. وبعدين يا أغبية، في حد يلعب بالميه بالليل؟ دليدة: هههههه، غرقتي. أدهم ابتسم وحب ضحكتها أوي: مهو واضح، إنتي هدومك كلها مايه. امسكي. قلع الجاكت بتاعه، البسي لحسن تتعب. دليدة: شكراً.

راحوا البيت. السلم كانوا طالعين الشقة. شروق لسه هتطلع معاهم. دليدة: يلا تصبحي ع خير يا شروق. هنام إحنا. شروق بغيظ: وإنتي من أهل الخير. تصبح ع خير يا دومي. أدهم معبرهاش وطلع. طلعوا كل واحد راح أوضته وغيروا وناموا. _شروق: دي شكلها بتحبه يا ماما. كانت لازقة فيه ومش طايقاني بشكل. سماح: سيبك منها. المهم هوا. شروق بغيظ: أسيبها إزاي! وحياتك لأخليه ليا وأغيظها المعفنة دي.

_عدى أسبوعين مفيهمش أحداث مهم غير دليدة بدأت تتعلق ب أدهم وهوا كمان. وكل يوم يعلمها حاجة جديدة. وطبعاً شروق بتحاول تلزق في أدهم بس هوا منفض ليها.