رواية دليدة قلبي الفصل الثامن 8 - بقلم رنا احمد التوني

ادهم: دليدهدليده: نعم ادهم: اعملي السلطة واتفرجي عليا، هتاكلي صوابعك وراها. مريم: ههههههه تعالي قبليني لو نفعتي، ناكل صوابعنا من الجوع. ادهم: اخرسي يا جزمة. دليده: هههههه بس يا مريم بقا، كسفتيهم. مريم وهي بتحمر فراخ: ادهم باشا بيتكسف، الله يرحم. ادهم: اسكتي بقا بدل ما احمرك جنب الفراخ. مريم سكتت، ودليده قامت تعمل سلطة. بعد شوية، الغداء كان جاهز والكل على السفرة بياكل. صباح: صحيح يا ادهم يا حبيبي.

ادهم: اممم، طالما فيها حبيبي يبقى مصلحة. أمري يا ست الكل. صباح: حبيبي قلبي، بص يابني انت عارف اني بحبك وانك سندي، أنا واختك ودليده. واحنا عايزين نطمن عليك يا قلب أمك. ادهم: اممممم يعني. صباح: يعني عايزينك تتجوز. دليده شنقت: كح كح كح. ادهم: ادها ميه. صباح وهي مركزة مع دليده: فا يبني مفيهاش حاجة، أو ريحي قلبي واتجوز. دليده قلبها بقى يدق جامد. ادهم: اللي تشوفيه يا ست الكل، لما ألاقي عروسة مناسبة هقولك.

صباح: لا، منا لقيتلك يا حبيبي. ادهم: الآه، دا حضرتك مرتبة على الآخر. صباح وهي باصة على دليده: ادهم افتكر ام العروسة. دليده: آه يا حبيبي، العروسة تبقى شروق بنت عمك. دليده عينيها دمعت وشنقت: كح كح كح. آآآ أنا آسفة، أنا هدخل أنام عشان صاحية بدري. صباح ابتسمت: اقعدي يا دليده لما أخلص كلامي. ادهم: شروق؟ لا لا مستحيل، شوفي غيرها. صباح بخبث: لي بس يا حبيبي؟ قليلو إنها كويسة وحلوة وتستاهل. دليده ومعلقة دموعها

عشان محدش ياخد بالو: آآآه يا ادهم، شروق بنت عمك وكويسة. عن إذنك يا خالتو، ستي، أنا تعبانة بجد. صباح: مالك ياحبيبتي؟ تحبي نكشف؟ دليده: لا لا، أنا كويسة، بس عايزة أنام. عن إذنكم. دخلت دليده الأوضة وقفلت الباب. وصباح متبعاها. ادهم: هي اتضايقت ليه؟ ماما مستحيل أتزوج شروق، مش برتاح لها. صباح ابتسامته خبث: أنا فاهمة اتضايقت ليه. على العموم براحتك يا بني، لو لقيت عروسة مناسبة قلي، وأنا كمان.

مريم بهمس: ماما، أنا حاسة إن دليده بتحبه، فا جوزهالها. صباح بابتسامة: كفك في دماغي برضو. ادهم: بتتوشوشو في إيه؟ مريم: ابدا، كنت بقولها على صحابي في الجامعة. ادهم: اممممم، طيب أنا هروح الشغل، عايزين حاجة؟ مريم: لا تسلملي. صباح: تسلم يا حبيبي، ربنا يرزقك ويهديك ويرزقك بالزوجة الصالحة. ادهم باس إيد مامتو ودماغ أخته ومشي. *** عند دليده.

دليده بعياط: لي لي، حبيته وهوا هيتجوز. [ نعم، أخيراً اعترفت إنها بتحبه، كانت بتكابر الإحساس عشان متندمش ] آآآه ياريتني ما حبيتك يا ادهم. ونامت وهي بتعيط. مريم خبطت الباب وفتحت، لقتها نايمة. خرجت بشويش. مريم: نايمة؟ صباح: اممم، طب تعالي نشوف نتأكد إزاي. مريم: أنا عندي فكرة. *** نهلة: ها حبيبي، شو سويت؟ أفت: كتبتلك شركة تاني، كدا كفاية. نهلة بطمع وخبث: حبيبي، الله يخليلي ياك. *** ادهم: احمد، اخلص بقا.

احمد: يا عم، وأنا مالي، دا طلبهم. ادهم: ماشي، عاين الأرض بنفسك عشان دا مشروع كبير. خلص ادهم شغله وروح البيت. ادهم: السلام عليكم. مريم وصباح: وعليكم السلام. ادهم: أمال دليده فين؟ صباح: في أوضتها من ساعة ما أنت مشيت. ادهم: قومي يا مريم صحيها. مريم: حاضر. صباح: هروح أحضر العشا لحد ما دليده تصحى. ادهم: لا يا ماما، ارتاحي لحد ما تروحي تكشفي. صباح: يا حبيبي، أنا كويسة. ادهم: لا برضو. *** مريم: دليده، دودو يابت قومي.

دليده صحيت: نعم. مريم: قومي. دليده صحيت وقامت: خير. مريم: يلا عشان تتعشي. دليده وعينيها وارمة: ماليش نفس. مريم: دليده، انتي عيطة لي يا حبيبتي؟ دليده بتوتر: لا، أصل بابا وحشني. أنا هقوم أغسل وشي. خرجت دليده بتوتر. مريم خدت بالها وابتسمت. خرجت مريم: جايه هتغسل وشها. ادهم: طب روحي اعملي العشا. مريم: حاضر. راحت مريم تعمل العشا. ادهم: ماما، بفكر أجيبلك شغالة.

صباح: لا يابني، مصاريف على الفاضي، وأنا مضمنش هي نضيفة، أمينة ولا لا. ادهم: لي بس، مقدرين نقدر، يبقى لي لا بدل تعبك دا، ومريم بتدرس مش هتبقى فاضية. دخلت دليده: مساء الخير. ادهم وصباح: مساء النور. ادهم بقلق: مالك، عنيكي وارمة ليه؟ صباح بخبث: فعلاً، انتي كنتي بتعيطي. دليده بتوتر: ها، لا، آه، عشان بابا وحشني. ادهم: امم، ربنا يهديك. دليده: هروح أساعد مريم. راحت دليده ساعدت مريم وجهزوا العشا واتعشوا.

ادهم: تعالوا نتفرج على التلفزيون. دليده: عن إذنكم، هدخل أنام. قامت قبل ما حد يرد عليها. ادهم: مالها دي؟ صباح: بكرة نعرف. قعدوا شوية ودخلوا ناموا. *** شروق: بجد يا ماما. سماح: صباح بنفسها وعدتني، يعني متقلقيش. شروق بفرحة: بجد، أنا مبسوطة. سماح: قومي نامي بقا وخليكي مدردحة مع ادهم، يلا قبل ما أبوكي ييجي. دخلت شروق اتخدمت وأمها كذلك 😹. *** الصباح. ادهم: صباح الخير. صباح: صباحك فل يا حبيبي.

ادهم: يلا يا ماما، صحي البنات خليهم يلبسوا ونلحق نصلي. صباح: حاضر. دخلت صحتهم ولبسوا وراحوا الجامع عشان صلاة الجمعة. خلصوا صلاة وروحوا.