رواية دموع الحب الفصل الرابع 4 - بقلم زينب محمد

اسماء: بتحبني إزاي وإنت لسه عارفني امبارح؟ باسل: أنا أعرفك من بدري. اسماء بإستغراب: إزاي؟ باسل: بصي ي ستي، شوفتك قبل كده في الكافيه من يجي سنة كدا وأعجبت بيكي جداً، وكنت بروح على طول الكافيه عشان أشوفك. في مرة روحت الكافيه وملقتكيش هناك، قررت إني أسأل عنك. قالولي إنك اتخطبتي. زعلت جداً، ومن وقتها وأنا بروح الكافيه على أمل إني أشوفك تاني. وإمبارح بالصدفة لقيتك، قولت لازم أتكلم معاكي وأشوفك مالك زعلانة ليه.

اسماء بحزن: بس أنا... باسل بإبتسامة لطيفة: عارف إنك مش بتحبيني، بس مع الوقت هتحبيني، أوعدك. اسماء بهزار: وإنت جايب كل الثقة دي منين؟ باسل بضحكة: هتشوفي. ... تاني يوم. في بيت باسل. أحمد بإبتسامة: صحيح ي باسل، هي اسمها إيه صاحبة العروسة؟ باسل: سلمي. أحمد: أصلها عجبتني. باسل: أحمد، مفيش دعوة بيها. أنا عارفك، كل شوية مع واحدة. والبنت محترمة، وكمان صاحبة أسماء أوي. أحمد: ماشي ي سيدي، أنا همشي دلوقتي.

باسل: استنى، على فين ي عم؟ دا إنت لازم تطلع معانا، أنا وأسماء، وعشان هتجيب معاها سلمي، فإنت فضيلي الجو بقا عشان أعرف أقعد معاها براحتي. بس بحذرك، أوعي تعمل حاجة من اللي في دماغك. أنا عارفك كويس. أحمد بضحكة: متخافش. في بيت أسماء. سلمي: يلا ي بنتي، باسل مستنينا تحت. اسماء: حاضر، أهو خلصت. ماما، إحنا هننزل. نجلاء: يبقى خدوا بالكم على نفسكم ي حبايبي. اسماء: حاضر ي ماما. سلمي: أسماء، بقولك صحيح، صاحب باسل دا قمور أوي.

اسماء بضحكة: إيه دا، وقعتي أخيراً؟ دا أنا فقدت الأمل فيكي. سلمي: بس حاساه مش تمام الصراحة، وكان بيبصلي بصات مش مظبوطة. اسماء: وأنا حاسة كدا بردوا. باسل: إزيك ي أسو؟ اسماء بضحكة: أسو! وركبوا العربية ووصلوا الكافيه اللي باسل أول مرة يشوفها فيه. أحمد: إحنا هنسيبكم أنا وسلمي وهنتقعد على ترابيزة تانية، وإنتوا خدوا راحتكم. باسل: تمام. أحمد بإبتسامة: اتفضلي ي آنسة سلمي. باسل: وحشتيني. اسماء بخجل: اممم، بالسرعة دي؟

باسل بإبتسامة: شوفتي بقا. إيه، أنا موحشتكيش كمان ولا إيه؟ اسماء وشها أحمر من الخجل: بصراحة، وحشتيني. باسل بفرحة: إيه دا، بجد؟ اسماء: اهو دا اللي حصل بقا. نروح لأحمد وسلمي. أحمد: تحبي تشربي إيه؟ سلمي: قهوة سادة. أحمد: تمام، عايزين اتنين قهوة سادة. الويتر: تمام، حاجة تاني ي فندم؟ أحمد: لأ، شكراً. أحمد: هو إنتي مخطوبة أو مرتبطة ي آنسة سلمي؟ سلمي: لأ، لي؟ هو في حاجة؟ أحمد: لأ، أنا بس بسأل، بس إزاي القمر دا يتساب؟

سلمي ببرود: زي الناس. سلمي: تعرف إنك بارد. أحمد بضحكة: أنا بارد؟ سلمي: آه، وجداً كمان. أحمد: طيب ي ستي، شكراً. سلمي: العفو. في بيت أسماء. مريم: ماما، أنا هنزل، هروح أجيب حاجة. نجلاء: تمام، متتأخريش ي بنتي. مريم: حاضر ي ماما. مريم وهي في الشارع. مريم: ألو، ي محمود، أنا قربت أوصل الكافيه. محمود: تمام، أنا مستنيكي. وصلت مريم. محمود: كنت عايز أقولك على موضوع كدا، بس خايف. مريم: في إيه، قول. محمود: ما تيجي نتجوز عرفي.

مريم: إنت بتقول إيه!