رواية دموع روح الفصل الأول 1 - بقلم دعاء محمود

روح: يعني إيه هتجوزني واحد معرفتهوش؟ والد روح: انت هتنفذي اللي بقولك عليه. روح: انا مستحيل أوافق يا بابا. والد روح: انتي اتجوزتي ده مع فلوس كتير أوي تعيشنا لمدة ١٠٠ سنة قدام. روح بعصبية: انت بترهني بقا؟ والد روح: ايوه يا روح هتتجوزيه غصب عنك. روح: انا مش موافقة وريني بقا هتعمل إيه؟ والد روح مسكها من شعرها: هتتجوزي يعني هتتجوزي. روح: زقت أبوها وهتعمل إيه يعني؟ والد روح: هقتل أمك يا روح. الكلام وقع على روح كالصاعقة.

روح: انت بتقول إيه يا بابا؟ انت أكيد بتهزر. والد روح: انا مش بهزر ومجنون وأعملها. روح بصدمة: انت أكيد مش بابا، فين بابا الحنين اللي كان مستعد يضحي عشان يجيب لقمة عيش لينا؟ والد روح: مات يختي من زمان، دلوقتي لازم تتعودي على أبوكي الجديد. روح: بابا، هو أنا عملتلك حاجة عشان تكون زعلان مني كده؟ والد روح زقها: ابعدي كده، انتي طول عمرك هم على قلبي. روح بصدمة: انا هم على قلبك يا بابا؟

والد روح: ايوه هم على قلبي من زمان كمان، وهتتجوزي النهارده يعني هتتجوزي، ولا هتدفني أمك في المقبرة؟ روح بخوف: انا مستعدة أعمل كل حاجة بس ماما لا. والد روح: شاطرة تكوني جاهزة الساعة ٧ مساءً، انتي فاهمة؟ روح بخوف: حاضر حاضر. والد روح طلع من الأوضة. وروح كانت مصدومة أوي وقعت على الأرض وضمت رجليها كده في بعض من كتر خوفها، روح كانت محتاجة حد ياخدها في حضنه ويطبطب عليها. روح: ماما، انا لازم أتكلم مع ماما.

راحت روح أوضة أمها. روح: ماما ممكن أدخل؟ والدة روح: انتي لسه ما جهزتيش نفسك؟ روح وقفت على الباب وبصدمة: يعني إيه؟ والدة روح: انتي فرحك النهارده، انتي ناسية ولا إيه؟ روح بصدمة: ماما انتي بتقولي إيه؟ والدة روح: هو أبوكي ما خبركيش؟ روح: ماما انتي فاهمة، انتي بتقولي إيه؟ بابا عايز يجوزني لواحد عمري ما شوفته. والدة روح: ايوه فاهمة كويس أنا بقول إيه، وانتي لازم تنفذي كلام أبوكي.

روح: انتوا إزاي عايزيني أتجوز واحد معرفتهوش في حياتي؟ والدة روح: بكرة هتتعرفي عليه يا حبيبتي، ده غني أوي. روح بعصبية: غني غني، كل اللي هممكم إنه غني، وأنا فين أنا؟ سعادتي فين؟ والدة روح: ساعدتك هتلاقيها في فلوسه. روح: الفلوس مش كل حاجة يا ماما، أهم حاجة الحب والرابط الأسري. والدة روح: روحي بقا عشان ما تتأخريش. روح: ماما انتي عايزاني أتجوز الشخص اللي بابا قال عليه من غير ما أعرف بيشتغل إيه أو شخصيته إيه؟

والدة روح: روحي، أبوكي عمره ما هياذيكي، صدقيني. روح: ماشي بس أشوفه الأول. والد روح: انتي يا بت لسه ما لبستيش؟ روح: خايفة أوي من أبوها وافتكرت كلامه إنه مستعد يقتل أمها لو رفضت الجواز. روح بلعت ريقها من كتر الخوف: حاضر حاضر، نص ساعة وهكون جاهزة. روح طلعت على طول ودخلت أوضتها وحست الدنيا كلها اسودت في وشها ومش عارفة تعمل إيه وحاسة إنها واقعة بين نارين. الأول أمها، إنها لو رفضت الجواز ده أبوها هيقتل أمها.

التاني نفسها مش عارفة إزاي هضحي بحياتها وتعيش مع واحد معرفتهوش، ويا ترى هيكون قاسي عليها ولا لا. والدة روح: حرام عليك. والد روح: انتي هتتجوزي ولا إيه؟ والدة روح: انا مش عارفة انت بتعمل كده ليه، مستحيل عشان الفلوس لا. والد روح بتوتر: ايوه عشان الفلوس، والبت ده حمل عليا تقيل أوي. والدة روح: والله حرام عليك، بنتك ده وانت عارف هتجوزها لمين. والد روح: ده هتتجوز واحد غني أوي، هيخليها أميرة.

والدة روح: واحنا مش عايزين الغنى ده ولا عايزين فلوسه، أنا عايزة راحة بنتي وبس. والد روح: والله كلامي، لو ما تنفذي ابنتك هتكون في القبر النهارده. والدة روح بصدمة: انت اتغيرت أوي، انت مكنتش كده، انت كنت مستعد تضحي بنفسك عشان بنتك، إيه اللي حصل؟ والد روح: انتي هتعلميني الصح من الغلط ولا إيه؟ والدة روح: انت فعلا عايز تعرف الصح من الغلط؟ والد روح ضربها بالقلم. والد روح: اللي تعلي صوتها على رجلها تتربى.

والدة روح بعياط: ربنا ما يسمحك أبدا على اللي انت بتعمله. والد روح: ربنا يسمحك انتي على اللي بتقوليه لجوزك. والدة روح قعدت تعيط وتقول: والدة روح: سمحيني يا بنتي سمحيني، انا مش عارفة أبوكي هيجوزك لمين ولا بيشتغل إيه، ربنا يستر. في تمام الساعة ٧ مساءً.

روح وقفت قدام المراية ولبست فستان أبيض كان حلو أوي عليها، لأن روح بنت بشرتها بيضاء وعيونها عسلي فاتح أوي ولديها شعر طويل جدا، بتحب القراية أوي وبتتدرس في الجامعة، حلمها تبقى دكتورة جراحة قلب لأن مجدي يعقوب كان مثلها الأعلى. روح بتبص في المراية ودموعها نازلة على خدها. روح: خلاص يا روح، أيامك انتهت وأحلامك كمان انتهت، وكل شيء انتهى، هتعيشي مع ناس معرفتهمش، ويا ترى هيكونوا معاملتهم معاكي إزاي؟

والدة روح دخلت عليها ولقتها وقفت قدام المراية ودمعتها على خدها. والدة روح بتحاول تمسك نفسها قدام بنتها: انتي جهزتي؟ روح: خلاص العمر انتهى يا ماما، أحلامي كلها انتهت، انا مش عارفة بابا بيعمل كده ليه يا ماما. والدة روح: أبوكي يا حبيبتي بيعمل الصح يعني بيعمل حاجة لمصلحتك. روح: لمصلحتي يا ماما بقا يجوزني واحد معرفتهوش ويقضي على أحلامي وتقوليلي بيعمل كده عشان مصلحتي؟ والدة روح: والله لمصلحتك، هتعرفي كده في المستقبل.

روح: خلاص يا ماما مبقاش في مستقبل، كلوه راح. والدة روح مسحت لبنتها دموعها. والدة روح: لا مفيش حاجة انتهت، والله واللي جاي هيكون أحسن. روح حضنت أمها. روح: والنبي يا ماما، انا مش عايزة أتجوز، الله يخليكي اعملي أي حاجة يا ماما. والدة روح في سرها: يا ريت أقدر أعمل حاجة يا بنتي، يا ريت أقدر. روح: انا مقدرش أتجوز يا ماما شخص معرفتهوش. والدة روح مسحت دموعها وقالت: والدة روح: لا يا روح، انتي لازم تتجوزي زي ما أبوكي قال.

وفجأة دخل بابا وأخدني من إيدي من غير حتى أودع أمي وركبني عربية jeep سودة. روح: بابا لا يا بابا، ماما الحقيني. والد روح: اطلعي يا بنتي. بالفعل العربية طلعت وروح كانت في العربية ومش مبطلة عياط. والدة روح بصدمة: انا ما لحقتش أودع بنتي، ما لحقتش أقولها خدي بالك من نفسك. والد روح طالع فوق. والدة روح مسكت في لياقته. والدة روح: انت مجنون، انت بعت بنتك بسهولة كده؟ والد روح: ابعدي عني بقولك.

والدة روح: انت خليتهم ياخدوا بنتك بكل سهولة، انت حتى ما قولتش كلمة وداع لبنتك، مسكتها وحدفتها في العربية زي الكورة اللي بتنشط. والد روح: ابعدي عني كده. والدة روح وقعت على الأرض وكانت مصدومة أوي ومش قادرة تستوعب اللي حصل. والدة روح بتفتكر روح وهي بتقولها: الحقيني يا ماما. والدة روح: انا إزاي سمحتله يعمل كده؟ كان لازم أوقفه. وصلت روح القصر وكان مخيف أوي.

روح نزلت من العربية وكانت خايفة أوي من شكل القصر لأنه كان شكله مخيف أوي. واحدة مسكت روح من إيدها ورمتها في أوضة غريبة أوي. روح وقعت على الأرض وبصت حواليها وكانت خايفة أوي من شكل الأوضة اللي كانت مليانة بالغبار. روح ضمت رجليها في بعض وقالت: روح: انا خايفة أوي، فينك يا ماما؟