رواية دموع روح الفصل السادس 6 - بقلم دعاء محمود

أسد فاق بس كان مصدع أوي وماسك دماغه. أسد: روح روح. أسد جري على روح لقاها قاعدة على جنب وضمت رجليها في بعض من كتر الخوف. أسد: روح إيه اللي حصل؟ روح: _أسد بص على الأرض لقى دم. أسد: روح اللي أنا بفكر فيه صح؟ روح كانت ساكتة بس كانت بتعيط والدموع نازلة من عينيها بالأربعة. أسد بصدمة. أسد فاق عالطول من الصدمة اللي كان فيها ومسك روح من إيدها وقعد يهزها ويقول: أسد: روح اتكلمي إيه اللي حصل؟ روح أغمي عليها. أسد سند روح عالطول.

أسد: روح فوقي يا روح هعمل إيه دلوقتي لازم أخد روح المستشفى. أسد شال روح وطلع على الطريق العام وبيحاول يوقف عربية. أسد بعصبية وصوت عالي: مفيش عربية هنا. جات عربية بس كانت نص نقل. أسد: ساعدني مراتي أغمي عليها ولازم أخدها المستشفى. _مقدرش أساعدك أنا إيش ضمني أنها مراتك؟ أسد: أنت لسه هتتكلم بقولك لازم أخدها المستشفى عالطول.

_لا مقدرش لو أخدتها هدخل في سين وجيم وحوارات كتير البنت في دم كتير على فستانها مش بس كده الفستان كمان متقطع ممكن تكون أنت اللي اغتصبتها. أسد اتعصب أوي راح ماسك الراجل من رقبته وكان هيموته. _خلاص خلاص أنا موافق. أسد ساب إيده وقال: أسد: أنا هركب معاك بس مسمعش صوتك أنت فاهم؟ _حاضر حاضر. الراجل فتح الباب لأسد وركب روح جنب السواق وركب هو كمان. أسد: معاك تليفون؟ الراجل: بتقول إيه؟ أسد بعصبية: معاك تليفون؟ _آه معي تليفون.

أسد: طب هاته عشان أعمل مكالمة. _أنا لسه شحنت الباقة وأنا على قد حالي. أسد بعصبية: أنت لسه هتحكيلي قصة حياتك هات التليفون. _الراجل برعشة: اتفضل. أسد مسك التليفون وكتب رقم إياد ورن عليه. إياد: رقم غريب. جهاد: طب رد ممكن يكون أسد. إياد بفرحة: الووو. أسد: إياد تعالى عالطول على المستشفى. إياد: إيه اللي حصل؟ أسد بعصبية: بقولك تعالى بسرعة على المستشفى. إياد: طب إيه اللي حصل؟

أسد قفل التليفون واتعصب وراح رمى التليفون من الشباك. الراجل يا حرام كان في حالة صدمة بس مقدرش يتكلم عشان كان خايف من أسد. أسد بعصبية: استعجل أنت لسه هتبصلي؟ _الراجل بتوتر: حاضر حاضر. جهاد: إيه في إيه؟ إياد لبس الجاكيت بتاعه وكان رايح يمشي. جهاد مسكت ذراع إياد وقالت: جهاد: مين اللي كان على التليفون وأنت رايح المستشفى ليه؟ إياد: جهاد مفيش حاجة ده واحد صاحبي عمل حادثة. جهاد مسكت ذراع إياد جامد:

جهاد: إياد قول الكلام ده وبص في عيني. إياد: جهاد مفيش حاجة أنتي مش مصدقة ليه؟ جهاد انهرت من العياط ووقعت على الأرض. إياد: جهاد مالك إيه؟ جهاد بعياط: أسد حصله حاجة صح؟ إياد: أسد كويس بس روح اللي شكلها حصلها حاجة. جهاد قامت عالطول وقالت: جهاد: احنا لازم نروح لأسد عالطول هو بحاجة لينا يا إياد. إياد: خليكي أنتي هنا وهرن عليكي أطمنك. جهاد بعصبية: أنت مجنون ده بتكون مرات أخوي ولازم أروح يا إياد. إياد أخد نفس عميق:

إياد: خلاص روحي غيري هدومك بس عالطول. جهاد خدت هدوم من الدولاب ودخلت الحمام عالطول وأخدت شاور وغيرت هدومها. إياد: يلا يا جهاد أسد محتاج لينا دلوقتي استعجلي شوية. جهاد طلعت من الحمام وقالت: جهاد: يلا يا إياد. إياد وجهاد طلعوا من القصر وركبوا العربية متجهين إلى المستشفى. والدة روح: أنت لازم تديني عنوان روح دلوقتي. والد روح: ليه في إيه؟ والدة روح: مش مرتاحة حاسة إن بنتي في خطر.

والد روح: ليه بس بتقولي كده يا أم روح بنتنا في خير ده وسواس مش أكتر. والدة روح بعصبية: وسواس إيه بس بقولك أنا حاسة إن بنتي في خطر. والد روح: بس أنا معرفش عنوانها. والدة روح: أنت بتقول إيه أنت بعت بنتك وكمان ما تعرفش بعتها لمين وفين؟ والد روح: أنا عارف الشاب كويس بس معرفش عنوانه. والدة روح: يعني إيه بنتي معتش هعرف أرجعها خالص؟ والد روح: اهدي يا أم روح دلوقتي تيجي مع أسد.

والدة روح بعصبية: أهدي إزاي بس أنت مش شايف أنت بتقول إيه بقولك أنا حاسة إن بنتنا في خطر. والد روح: طب خلاص هرن على أسد والأمر لله. والدة روح: بس المرة دي تعالى المسجد عشان النار اللي في قلبي تهدأ. والد روح عالي المسجد ورن على أسد. والد روح: بيده جرس بس مش بيرد. والدة روح: شوفت كان معي حق بنتنا في خطر. والد روح: إيه اللي أنتي بتقولي ده تلاقي الشاب في الشغل أو مشغول. والدة روح قعدت على الأرض وقالت بكل حرقة:

والدة روح: حرام عليك أنت السبب في اللي بيحصل دلوقتي. والد روح في سره: والله يا أم روح نفسي أقولك الحقيقة بس مش قادر عشان عارف هتكون رد فعلك إيه بذات بنتي روح ده ممكن تموت فيها. أسد أخيرا وصل المستشفى. أسد نزل من العربية. _الأجرة يا بيه؟ أسد رمى له فلوس كتير لو قعد يشتغل لمدة سنة مش هيجمعهم. _كل ده فلوس يا رب أوعدني بالشخص ده عالطول. أسد دخل المستشفى وكان متعصب أوي ومش شايف قدامه وكان في دم كتير نازل من راسه.

أسد: يا ممرضة يا دكتور تعالوا بسرعة. الممرضة: إيه في إيه بيه؟ أسد بعصبية: أنتي مش شايفة اللي في إيدي يعني؟ الممرضة: أنا آسفة يا بيه بس مقدرش أدخل المريضة إلا لما تتدفع فلوس الكشف. أسد بعصبية: أنتي مجنونة ولا إيه وربنا ليكون آخر يوم ليكي هنا. الدكتورة هند: إيه في يا أسد بيه؟ أسد: لو سمحتي يا هند مراتي تعرضت للاغتصاب بس مش متأكد. هند: طب ادخلها جوا عالطول. أسد دخل روح عالطول وحطها على السرير.

هند: لو سمحت يا أسد ممكن تطلع برا عشان أفحص المريضة. أسد طلع عالطول برا وكان متوتر أوي وكان بيفكر يا ترى روح تعرضت للاغتصاب. إياد وجهاد وصلوا المستشفى جهاد جرت على أسد وحضنته. إياد: إيه اللي حصل يا أسد؟ أسد: معرفش يا إياد بس كل اللي أعرفه روح. جهاد: مالها روح؟ أسد: روح شكلها اتعرضت للاغتصاب. جهاد وإياد كانوا في صدمة. جهاد فاقت عالطول من الصدمة. جهاد: وأنت كنت فين يا أسد؟

أسد بعصبية: مش وقته يا جهاد مش وقته المهم دلوقتي لازم نطمن على روح. إياد راح جاب كوباية مياه لأسد. إياد: أسد خد اشرب واسترخي. أسد مسك الكوباية وكسرها: أسد: أنت بتقول إيه يا إياد روح دلوقتي جوا ومش عارف إيه اللي حصلها وأنت تقولي خد اشرب واسترخي. إياد: مش قصدي يا أسد بس أنت تعبان أوي وفي دم كتير بينزف من راسك. أسد: أنا مش تعبان يا إياد. إياد زعل من كلام أسد. أسد: معلش يا إياد مش قصدي بس أنا متوتر أوي.

إياد حضن أسد وقال: إياد: عارف يا أسد إن شاء الله خير. أسد: أنا مكسوف من نفسي أوي يا إياد. إياد: ليه يا أسد أنت معملتش حاجة. أسد: كان لازم أنقذ روح يا إياد. إياد: أنت عملت اللي عليك والباقي على ربنا يا أسد. جهاد: أيوه يا أسد إياد بيتكلم صح. أسد: أنا رايح الحمام. إياد: هاجي معاك. أسد: لا يا إياد خليك أنت هنا عند جهاد. أسد راح عند الحمام ومكنش قادر يمسك عصبه وقعد يضرب في الأرض برجليه. أسد سند على الحيطة وكان مضايق أوي.

جهاد: إياد الله يخليك روح لأسد. إياد: ليه يا جهاد هو قال مش عايز حد معاه. جهاد: لا يا إياد أسد محتاجك أوي في الوقت ده. إياد: خلاص ماشي خدي بالك من نفسك وهرجع أنا وأسد عالطول. جهاد: ماشي. إياد راح لأسد وخبط على الباب. إياد: أسد. أسد: _إياد: أسد رد عليّ. أسد: إياد أنا مش عايز حد. إياد فتح الباب وقال: إياد: مش هينفع كده يا أسد لازم تتماسك. أسد بعصبية: لو سمحت يا إياد امشي عشان أنا مخنوق. إياد مسك في أسد:

إياد: لا مش هسيبك ولازم نروح دلوقتي لروح. إياد مسك أسد غصب عنه وراحوا عند روح. جهاد: الدكتورة طلعت يا أسد. أسد بفرحة: هي فين يا جهاد؟ جهاد: هناك في أوضة روح. أسد وإياد راحوا عالطول. أسد: دكتورة روح كويسة؟ الدكتورة: للأسف الشديد. أسد اتعصب ومقدرش يوقف عشان مكنش عايز يسمع الكلمة اللي خايف منها أوي. إياد: أسد أنت رايح فين؟ أسد بعصبية: اغتصبوها يا إياد معرفتش أحمي روح.