رواية دموع سيليا الفصل الرابع عشر 14 - بقلم منة سامح

مراد بصدمة وعدم تصديق: ماما... وبص على إيده بصدمة ورجع بص على أمه اللي مرمية وغرقانة بدمها. بس فجأة فاق وجري عليها بخوف ودموع: ماما ماما افوقي. ماما متسبنيش. أمي متسبنيش. أرجوكي. وبيحاول يفوقها لكن مفيش فايدة. مراد بكسرة ودموع وعدم تصديق: أمي خلاص انتي سبتني. أرجوكي متسبنيش. أنا مليش غيرك. انتي عارفة إن أنا وأنتي ملناش غير بعض. لي تسبيني.

وأكمل بصريخ وجنون: فوووقي. متسبنيش. متسبنيييش. مليش غيرك. أرجوكي متسبنيش. لااااا. لااااا. أميييييييي. لا. فوقي بقي. ااااااه. بعد خمس سنوات.

(سيليا على حالتها في غيبوبة وسارة مش بتسبها وبقت حزينة أوي وفقدت الأمل إنها تفوق. وعايزة هي وياسين في بيت في لندن وبتتابع الشغل من عندها. أما مراد بقي عصبي جداً وحزين وكل حياته جد وصورة مامته مش بتفارقه ومش عارف يوصل لأخته. وانتقم على موت مامته وسجن هدى وتتحكم عليها بالإعدام. أما سيف وكريم بيحاولوا يوصلوا لسارة وسيليا بس مفيش حد عارف يوصلهم. أما ياسين كبر وبقي عنده ١٦ سنة. بيدرس في لندن. بيحب سيليا وسارة جداً وكل وقته بقي حزين ونفسه سيليا تفوق في أسرع وقت.)

في الشركة. سيف وكريم قاعدين مع بعض وكل واحد ماغه في حتة تانية. مراد دخل عليهم. مراد بجمود: سيف خلصت شغلك؟ سيف: ............ مراد بزعيق: سييييف. سيف بفزع: إييي يابني في إيه؟ أنا مش في آخر الدنيا يعني. مراد بهدوء: خلصت شغلك؟ سيف: آه خلصت، بس في شوية ورق عايزين إمضتك. مراد وهو بيخرج: طب تمام ابعت نهى بيهم. كريم بحنية: استنى يامراد بقالنا كتير مقعدناش مع بعض زي زمان. تعالي اقعد معانا ولو على الشغل خلصناه.

مراد يصلهم بابتسامة كسرة: أنا اسف ياشباب بس مفيش حاجة بترجع زي الأول. أنا خارج رايح مشوار. وخرج. سيف بص لكريم بحزن: خمس سنين من غير أغلى إنسانة عنده. واللي كان عايش علشان خاطر ميزعلهاش فمش سهلة ياكريم. اسأل مجرب. وتنهد بحزن والدموع اتجمعت في عينيه بس مسحها.

كريم بحزن: عارف ياصاحبي والله. أيوه أنا مش هقدر أحس بوجعه أبداً بس حاسس بيه. وعمري ما هزعل منه أو منك. انتو إخواتي قبل ماتكونوا أصحابي. أنا بس مضايق علشان بقاله خمس سنين جد. مفيش هزار. عصبية طول الوقت. لوحده. سيف بابتسامة خفيفة: إن شاء الله يرجع أحسن من الأول. إن شاء الله. _سيلياااا. سيليا بصدمة: ماما. انتي بتعملي إيه هنا؟

بابتسامة: خلي بالك من أخوكي يابنتي. أخوكي. أخوكي وحيد ملهوش غيرك دلوقتي بعد ربنا. خلي بالك منه. أرجوكي سامحيه. مش هقولك إن أنسي لأنه عارفة إنه صعب. هقولك سامحيه. حوطيه. أخوكي تايه. وحيد. مكسور. أرجوكي يابنتي. خلوا بالكم من بعض. الدنيا دي ملهاش أمان. سيليا: أنا. مش عايزة أرجع أصلاً. مش عايزة.

_ارجوكي ارجعي. إيدك إنك ترجعي. اختاري الحياة يابنتي. في ناس هيدمروا وأولهم أخوكي لو عرف. في ناس كتير مستنياكي. متسبهمش يابنتي. أرجوكي. وأكملت بدموع: زي. سامحيني. أرجوكي سامحيني. عارفة إن صعب والله بس أنا آسفة. سامحيني يابنتي. سيليا بصتلها بدموع شوية: مس. مسامحاكي. مسامحاكي يا أمي. بس مش هقدر أنسي. عمري ماهقدر. بصتلها بابتسامة حب واختفت. سيليا بدموع وصريخ: مامااااا. انتي روحتي فين؟

رجعتي وسبتيني تاني. خدينييي معاكي. أرجوووكي. مش قادرة. يارب ياارب قويني. عند مراد قاعد في حتة هادية ومهجورة. بيفتكر كل ذكرياته مع مامته. لحد ما جت صورة مامته وهي مقتولة قدام عينيه. انقلبت ملامحه للحزن ودموع وضعف. مراد

بضعف وكسرة وهو باصص للسما: وحشتيني أوي. مش عارف انتي شيفاني ولا لا. وعارفة إني بتعذب أد إيه. بس أكيد حاسة بيا وباللي أنا فيه. سبتني لوحدي يا أمي. في عالم مش ليا. مش بتاعي. كنتي انتي سندي وقدوتي وكل حاجة في حياتي. كنت عايش معاكي طول حياتي. أيوه زعلنا من بعض. بس عمري ما أقدر أستغني عنك يا أمي. أيوه كنت عارف إن اليوم ده هييجي ويبقي صعب. بس مش بالمنظر ده. نفسي أشوفك يا أمي وأجري أحضنك. نفسي. مش عارف سيليا فين. أيوه أنا عارف إنها مسافرة. بس فين؟

مش عارف. بقالها خمس سنين مشوفتهاش. حاولت أوصلها كتير بس مفيش خبر منها ولا من أي حد معاها. أنا تعبان أوي يا أمي. تعبان أوي. فاكرة لما كنت أبقي تعبان دايماً تطمنيني. فاكرة يا أمي. ااااه. من غيرك مسواش حاجة. بقيت تايه. باهت. حزين. وحيد. نفسي أحضن سيليا. نفسي أشوفها. نفسي أسمع صوتها. هه. مع إن لو سمعت صوتها هتبقي مش طيقاني أو بكرهك. ياااااعام يا أمي. مكنتش متخيل أبداً إن في يوم نبقي كدة. من غيرك يا أمي. أنا مش عارف أعيش. بقيت مكسور أوي أوي. وفعلًا عرفت اللي سيليا مرت بيه طول حياتها. كان إيه. وليها حق إنها تقول بكرهك. ليها حق بجد. كنت فاكر طول الوقت إن هي بقت قاسية وعصبية. لكن طلع العكس. طلع اللي إحنا اللي كنا قاسيين معاها.

.... جوايا كلام كتير ليكي مهما قولته مش هزهق. ربنا يرحمك يا أمي. ربنا يرحمك. واتهم بحزن ووجع وبص للسما بشرود. ياسين ماسك صورة وباصص ليها بشرود وحزن. سارة جت من وراه بصت عليه بحزن وقعدت جمبه. سارة بحزن: كل يوم على الوضع ده. أنا تعبتلك والله ياحبيبي. ياسين بصلها بحزن. ............