رواية دموع زهرة الفصل الحادي والعشرون 21 - بقلم حورية مصطفى

وتين ببراءة: ماما ماما شوفي انطي زهره هناك اهي. هو في اتنين من انطي زهره. الجميع التفت على المكان اللي بتشاور عليه. زهره بصدمة: مين دي؟ قمر وزهره كانوا واقفين قاصد بعض وكانوا في حالة صدمة رهيبة. زهره حطت إيدها على وش قمر عشان تشوف إذا هي بتخيل ولا لأ. زهره بصدمة: انتي بجد حقيقة؟ قمر بصدمة هي الأخرى: انتي مين وإزاي شبهي بالطريقة دي؟ أنا حاسة إني واقفة قدام المرايا. على بهدوء: أختك. قمر وزهره: نعمممم.

ليل: إيه الكلام اللي بتقوله ده يا علي؟ على بهدوء: قولت إيه؟ أنا مش شايف إن كلامي غلط يا ليل، لأن مستحيل يكون في الشبه الكبير ده إلا إذا هما أخوات، ولا أنا غلطان؟ قمر بعصبية وصوت عالي: أخوات إيه؟ أنت اتجننت شكلك كده. على بعصبية: صوتك يا أستاذة! آه، انتوا أخوات. وعشان ننهي النقاش ده نعمل تحليل DNA، وأظن التحليل هيوضح كل حاجة إذا أنتوا أخوات ولا لأ. زهره بصدمة: بس ده مستحيل يا علي، أنا معنديش أخوات.

على ببرود: مين قالك كده؟ زهره: نعم؟ تقصد بكلامك إيه؟ على بهدوء: هتفهمي قصدي بعدين، مش دلوقتي. الحفلة تخلص وهنروح المستشفى نعمل التحليل. آدم بجدية: علي معاه حق، كل حاجة هتبان لما يتعمل التحليل، وقتها هنعرف إذا انتوا أخوات ولا لأ. سارة بهدوء: ده رأيي أنا كمان. ليل بهدوء: خلينا نكمل الحفلة وبعدين نبقى نشوف الموضوع ده. وتين بطفولة: بابي شيلني. آدم بحب: حاضر يا عيون بابي. بعد مرور 3 ساعات، الحفلة انتهت.

وذهب الجميع إلى المستشفى لإجراء التحليل. على بهدوء: للدكتور لو سمحت، عايزين نعمل تحليل DNA. الدكتور: تحت أمرك. وطلب من الممرضة تاخد عينة من زهره ومن قمر. آدم: النتيجة ممكن تظهر إمتى يا دكتور؟ الدكتور بهدوء: كمان 3 أيام. ليل بجدية: مينفعش تظهر بدري عن كده؟ الدكتور: تمام، تقدروا بكرة تيجوا تاخدوا نتيجة التحليل. ليل بهدوء: شكراً. الدكتور: العفو، عن إذنك.

قمر بهدوء: كل اللي بيتعمل ده ملوش أي لازمة، لأن مدام زهره مش أختي. وعن إذنكم لازم أمشي، عشان زمان ماما قلقانة عليا. وتركتهم وغادرت المستشفى. بعد فترة، غادر الجميع المستشفى. في منزل آدم. كان الجميع في حالة صمت. ليل كان قاعد وحس بتقل على كتفه، بص لقي زهره نايمة على كتفه. سارة بإبتسامة: قوم دخلها تنام جوه يا ليل، لأن النهاردة كان متعب ليها. ليل بإبتسامة: طيب. ليل شال زهره ودخلها عشان تنام براحتها.

وتين بطفولة: علي أنا عايزة أنام أنا كمان. علي بحب: طيب يا وتيني. آدم بغيظ: شوف بنت ** من وقت ما علي جاي وهي مش بتنام غير معاه. علي بضحك: موت من قهرك وحقدك يا آدم. سارة بضحك: ههههه معاك حق يا علي، هو متغاظ أوي شكله كده. آدم بغيظ: هي بقت كده يا سوسو؟ سارة بإبتسامة: أيوه يا دومي. علي بإبتسامة شال وتين وقال: يلا تصبحوا على جنة. آدم وسارة: وانت من أهلها. في منزل قمر. بسمة بحزن: مالك يا قمر؟

من وقت ما جيتي من الحفلة وإنتي مش على بعضك. قمر بإبتسامة: أنا كويسة يا ماما. بسمة بحب: متأكدة يا حبيبتي؟ قمر بإبتسامة: متأكدة. بسمة بحنان: أتمنى متكونيش مخبية حاجة عليا. قمر بضحك: من امتى وأنا بخبي عليكي حاجة؟ بسمة بحزن: مش عارفة، حاسة إنك مخبية عليا حاجة مهمة. قمر بإبتسامة: متقلقيش. بسمة بحب: طيب يا حبيبتي. قمر بهدوء: إنتي أكلتي ولا لسه؟ بسمة بحب: كنت بستناكي، إنتي عارفة إني معرفش آكل من غيرك.

قمر بإبتسامة: طيب هقوم أغير هدومي لحد ما تسخني الأكل يا بسمتي. بسمة بضحك: حاضر يا حبيبتي. بعد ربع ساعة، بسمة كانت جهزت الأكل. قمر بإبتسامة: الأكل ريحته حلوة أوي. بسمة بحب: إنتي أحلى يا حبيبتي. قمر وبسمة بدأوا ياكلوا، وبعد وقت انتهوا من تناول الطعام. قمر بإبتسامة: يلا أنا هدخل أنااام، لأن يومي كان متعب. بسمة بحنان: طيب يا حبيبتي ادخلي ارتاحي إنتي. في صباح يوم جديد. في منزل آدم. ليل بإبتسامة: مالك يا زهرتي؟

زهره بحزن: خايفة. ليل بحب: خايفة؟ وأنا معاكي يا زهرتي. زهره بإبتسامة: مستحيل أخاف وإنت معايا يا ليل، إنت سندي وأماني وكل حاجة ليا. ليل بحب: أمال خايفة من إيه يا حبيبتي؟ زهره بإبتسامة حزن: إن بعد السنين دي ويطلع عندي أخت، بعد ما كنت وحيدة وماليش أخوات، هيطلع عندي أخت. ليل بإبتسامة: دي حاجة كويسة يا زهره. زهره بهدوء: إزاي؟

ليل بإبتسامة: هيكون عندك أخت تشاركك وقت حزنك وفرحك. تحكيلها على اللي بيحصل في يومك. تخرجوا مع بعض. زهره ابتسمت: ممكن هي مش تتقبلني يا ليل؟ ليل بإبتسامة: ومين قال كده؟ زهره بحزن: أنا فهمت كده من طريقة كلامها. ليل بحب: هي كانت مصدومة زيك يا حبيبتي مش أكتر. زهره بإبتسامة: أتمنى يكون كده. ليل بحب: يلا نخرج لأننا اتأخرنا أوي عليهم. زهره بإبتسامة: يلا. خرج كل من ليل وزهره من الغرفة.

على بهدوء: جاهزين يا جماعة، خلينا نطلع دلوقتي. زهره بتوتر: على هو إنت ليه متأكد كده إن قمر أختي؟ يمكن تكون واحدة بتشبهني مش أكتر. على بجدية: لا يا زهره، قمر أختك واللي هيثبت ده هو نتيجة التحليل. يلا عشان منتاخرش. وخرج الجميع من المنزل. في منزل قمر. بسمة بحب: يلا يا حبيبتي تعالي افطري قبل ما تنزلي. قمر بكذب: معلش يا ماما أصل اتأخرت على الشغل.

بسمة: مش هينفع كده يا قمر، إهمالك في صحتك ده يا بنتي. أنا مليش غيرك، متوجعيش قلبي عليكي. قمر بحب راحت باست بسمة وقالت: متخفيش يا ست الكل، والله هاكل في الشغل، بس لازم أطلع دلوقتي لأني متأخرة ومش عايزة أتأخر زي كل مرة. بسمة بحب: طيب يا حبيبتي روحي وابقى طمنيني عليكي وكلي كويس. قمر بطاعة: حاضر. وخرجت قمر من المنزل وذهبت إلى المستشفى. في المستشفى كان الجميع يقف بتوتر منتظرين نتيجة التحليل. حتى خرج الدكتور من الغرفة.

ليل بتوتر: ها يا دكتور، نتيجة التحليل إيه؟ الدكتور بعملية: نتيجة التحليل طلعت مطابقة بنسبة 99%. قمر بصدمة: إيه؟ وفجأة أغمي عليها. على بخوف: قمرررر.