رواية دموع زهرة الفصل الثاني والعشرون 22 - بقلم حورية مصطفى

الدكتور بعملية: نتيجة التحليل طلعت مطابقة بنسبة 99%. قمر بصدمة: إيه؟ وفجأة أغمي عليها. علي بخوف: قمررر! جري علي قمر قبل ما تقع على الأرض وشالها ودخلها أوضة عشان الدكتورة تفحصها. علي بخوف: حد ينادي لي الدكتور. ليل بهدوء: اهدا يا علي، أنا ندهت عليها. وبعد فترة، جاءت الدكتورة. الدكتورة بعملية: ممكن الكل يخرج بره عشان أعرف أفحص المريضة. أومأ الجميع في صمت وغادروا الغرفة. زهره بدموع: حضنت ليل وقعدت تعيط.

ليل بخوف عليها: اهدي يا زهرتي، هتبقى كويسة. زهره بدموع: كل اللي حصل ده بسببى أنا، عشان عرفت إنها أختي تعبت. أنا ليه مفيش حد بيحبني يا ليل؟ ليل بحب: أنا بحبك يا زهرتي. حبي ليكي مش مكفيكي. زهره بإبتسامة: حضنت ليل وقالت: أنت غيرهم كلهم يا ليل، أنا بحبك أوووي. بس أنا زعلت لأنها تعبت لما عرفت إني أختها. ليل بحب: هي اتصدمت مش أكتر. مكنتش تتوقع بعد السنين دي كلها ويطلع عندها أخت يا حبيبتي.

زهره بإبتسامة: يعني هي هتحبني وهتتقابلني يا ليل؟ ليل بحنان: مفيش أخت ما بتحبش أختها يا زهره. زهره بإبتسامة: معاك حق. بعد مرور نصف ساعة، خرجت الطبيبة من الغرفة. علي بخوف: جري عليها طمنيني يا دكتور، قمر كويسة؟ الدكتورة بعملية: للأسف عندها انهيار عصبي نتيجة إنها اتعرضت لصدمة كبيرة. ياريت بلاش تضغطوا عليها الفترة دي، وهي هتفوق كمان نص ساعة. عن إذنكم. علي بإبتسامة: اتفضلي. زهره بهمس لـ

ليل: ليل، أنا جعانة أووي وبطني بتوجعني. ليل بخوف: بطنك مالها؟ أطلب الدكتورة. زهره بخجل: هي بتوجعني عشان جعانة مش أكتر. ليل بهدوء: وطالما انتي جعانة مقولتيش ليه من بدري يا حبيبتي؟ انتي ناسيه إنك حامل ومش انتي بس اللي بتتغذي وابننا بيتعذى منك. فلازم أول ما تجوعي تعرفيني مش تستني لما بطنك توجعك. زهره بخجل: وطيت راسي في الأرض وقالت: أنا كنت خايفة على قمر عشان كده مش قولت. أنا آسفة.

ليل بحب: ولا يهمك يا زهرتي، بس معدتيش تكرر. زهره بحب: حاضر. ليل بإبتسامة: يلا تعالي نروح ناكل في أي مطعم قريب من المستشفى. زهره: بس إزاي هسيب قمر؟ أنا عايزة لما تفوق تشوفني وأتكلم معاها. ليل بحب: خلاص يا حبيبتي خليكي. وأنا هنزل أشتري أكل. زهره بابتسامة: حاضر. وأكملت بهمس: بحبك. ليل بحب: وأنا بعشقك. بعد مرور ربع ساعة، ليل جاب الأكل لـ زهره عشان تاكل. ليل بحب: كلي براحة يا زهره. كده هتتعبي.

زهره بإبتسامة: حاضر. أنت مش هتاكل يا ليل؟ ليل بحب: كلي انتي يا حبيبتي. أنا مش جعان دلوقتي. زهره بإيماء: ماشي يا حبيبي. الممرضة بمقاطعة: المريضة فاقت. زهره بإبتسامة: ينفع ندخل نشوفها؟ الممرضة بإبتسامة: أيوه. وبالفعل دخل الجميع إلى غرفة قمر. علي بإبتسامة: حمدلله على سلامتك. قمر بهدوء: الله يسلمك. زهره كانت واقفة بعيد عن قمر وماسكة إيد ليل. ليل بإبتسامة: حمدلله على سلامتك يا آنسة قمر. قمر بإبتسامة: الله يسلمك.

قمر بهدوء: ممكن الكل ينسى اللي حصل؟ لأن اللي حصل ده عمري ما هتقبله. أنا عندي عيلتي وأنا مستحيل أدمرها عشان خاطر ناس لسه عارفها من كام ساعة. كانت بتقول الكلام ده وهي بتبص على زهره. وأكملت: ياريت مفيش حد يفتح في الموضوع ده نهائي ولا كأنه حصل. علي بصدمة: إنتي بتقولي إيه؟ إنتي اتجننتي؟ بقولك مامتك وأختك الحقيقيين عايشين.

قمر ببرود: لا مش اتجننت يا أستاذ علي. وأنا معنديش غير أم واحدة ومعنديش أخوات. فياريت تخلي بالك من كلامك. زهره سمعت كلام قمر ودموعها نزلت و تركت الغرفة وخرجت. ليل ببرود: وإنتي تنسي إن عندك أخوات يا آنسة قمر. وخرج من الغرفة. علي بغضب: إنتي واحدة أنانية ومفكرتيش غير في نفسك بس. مفكرتيش في أختك ولا إن كلامك ده حرجها إزاي. قمر ببرود: لو خلصت اتفضل بره. علي بص لها بغيظ وخرج من الغرفة. في منزل آدم.

ساره بحزن: اهدي يا زهره. كفاية عياط. هي مش تستاهلك والله. وبعدين يا ستي اعتبريني أختك. علي بإبتسامة: إنتي مش محتاجاها يا زهره طالما إحنا معاكي. وبعدين مش أنا أخوكي ولا إنتي غيرتي رأيك؟ زهره بإبتسامة: لا مش غيرت رأيي يا علي، بس أنا زعلت من كلامها. علي بإبتسامة: انسي كلامها. أنا غلطت من الأول لأني حاولت أجمع بينكم. زهره بإبتسامة: لا مغلطتش يا علي. ليل بهدوء: قومي يا زهره عشان ترتاحي شوية لأن بكرة الصبح هنمشي.

ساره بحزن: ما تخليكو شوية يا ليل. أنا حبيت زهره وعايزة تفضل معايا. زهره بإبتسامة: مينفعش يا ساره لأن أمي في البيت لوحدها وهي تعبانة. مينفعش أسيبها أكتر من كده. بس صدقيني هبقى آجي أزورك وهكلمك كل يوم. ساره بإبتسامة: طيب يا حبيبتي. في منزل قمر. بسمه بحب: اتأخرتي كده ليه يا بسمه؟ قمر بإبتسامة: كان في شغل كتير النهاردة مش أكتر. بسمه بحنان: طيب يا حبيبتي ادخلي غيري هدومك لحد ما أجهز الأكل. قمر بإبتسامة: حاضر.

على طاولة الطعام. قمر كانت شارده في الأكل ومش بتاكل. بسمه بإبتسامة: مش بتاكلي ليه يا حبيبتي؟ الأكل مش عاجبك؟ قمر بدون وعي: أتخيلي بعد السنين دي كلها ويطلع عندي أخت.