رواية دموع زهرة الفصل الثالث والعشرون 23 - بقلم حورية مصطفى

بسمه بإبتسامة: مش بتاكلي ليه يــا حبيبتي الاكل مش عاجبك. قمر بدون وعي: تتخيلي بعد السنين دي كلها ويطلع عندي اخت. بسمه بصدمه وتوتر: انتي بتقولي إيه يــا قمر. قمر ببرود: اه والله زي ما بقولك بعد السنين دي عرفت إن عندي اخت وكمان تؤام. بسمه بتوتر: أكيد انتي فاهمه غلط انتي بنتي أنا ومش ليكي إخوات ولا حاجة. قمر بزعيق وعصبيه: لا أنا مش فاهمه غلط ولا حاجة أنا في الحقيقة طلعت مخدوعة فيكي. بسمه بدموع: قمر.

قمر بدموع: ليه عملتي كده ليه تحرميني من أهلي الحقيقيين. بسمه بدموع: صدقيني مش ذنبي لو مكنتش خدتك كان ممكن هتموتي. قمر بهدوء: ههههههه كفايه بقى كذب وتمثيل لحد هنا. بسمه بدموع: مش هستفاد حاجة لو كدبت عليكي. بسمه: غصب عني والله يا حبيبتي يوم ما جبتك البيت ده شوفتك مع رجل وكان رايح يرميكي وكان مبرره إنه مش قادر يصرف عليكي خدناكي منه وربناكي واعتبرتك بنتي ونور عيني. قمر وقعت وفضلت تعيط. بسمه

نزلت وقعدت جمبها وقالت: حقك عليا يا حبيبتي سامحيني المفروض كنت أعرفك الحقيقة بس أنا كنت خايفة عليكي لتتعبي. قمر بإبتسامة: تعرفي يا بسمتي لو خيروني بينك وبين أهلي الحقيقيين هختارك انتي كل مرة. بسمه بحب حضنتها: مش عايزكي تسبيني انتي عارفة إني ماليش غيرك في الدنيا دي. قمر بإبتسامة: مستحيل أسيبك. في صباح يوم جديد. في منزل آدم. ساره بإبتسامة: هتوحشيني أوووي يا زهره. زهره بحب: وانتي كمان يا حبيبتي.

وتين بطفولة: هتوحشيني أنا كمان ع فكرة. زهره بإبتسامة: يا روحي وانتي كمان والله. ليل بحب: يلا يا زهرتي عشان نلحق نوصل قبل ما تغيب الشمس. زهره بإبتسامة: حاضر يا ليل. وهم خارجين من باب البيت. زهره بإبتسامة لـ ليل: هو علي مش هيرجع معانا يا ليل. ليل بإبتسامة: هيرجع يا حبيبتي بس مش دلوقتي لأنه عنده شغل هنا ولازم يخلصه. زهره بهدوء: ماشي. في شركة الشرقاوي جروب. قمر بعصبيه: انتي بتعملي إيه هنا في مكتبي يا بتاعة إنتي.

مروه بإبتسامة: قصدك كان مكتبك. دلوقتي هو مكتبي يا حبيبتي. قمر بصدمه: انتي بتقولي إيه يا حيوانه انتي. مروه ببرود: زي ما سمعتي يا حبيبتي انت تم نقلك لـ الحسابات بأمر من علي بيه. مروه وأكملت بخبث: اصل معتش عاوز يشوف أشكالك هنا. قمر بهدوء: تمام. مروه بإبتسامة صفره: معلش يا حبيبتي وانتي خارجة ابقي اقفلي الباب وراكي. مروه في نفسها: ولسه يا حبيبتي إذا مخلتيكيش تخرجي من الشركة بفضيحة مينكش اسمي مروه.

قمر خرجت بعصبيه ورزعت الباب. في مكتب آدم. آدم بجديه: مكنش ينفع تنقلها الحسابات يا علي ليه بتدخل حياتك المهنية مع حياتك الشخصية. علي ببرود: مش طايقها ياخي بعد اللي عملته امبارح. آدم بهدوء: بس ده مالوش دعوه بالشغل. علي بغضب: وأنا مش عايزها تشتغل معايا يا آدم وبعدين انقلها أحسن ما أطردها من الشركة كلها. آدم ببرود: اهدي يا علي مفيش داعي لزعيقك ده. علي بحزن: أنا آسف يا آدم بس أنا متنرفز من امبارح أتمنى مش تزعل مني.

آدم بحب: مستحيل أزعل منك يا صاحبي. بعد مرور 6 ساعات وصل ليل وزهره القاهرة. في قصر الشرقاوي. سمر بحنان: القصر رجع نور من جديد يا حبايبي. زهره بإبتسامة: ده نورك يا سوسو. ليل بحب: تسلمي يا أمي. سعاد بإبتسامة: أجهز الأكل يا ابني عشان تاكلوا ولا هترتاحوا الأول. ليل بهدوء: إحنا أكلنا في الطريق فهنطلع نرتاح. سعاد بإبتسامة: طيب يا حبيبي. في جناح ليل وزهره.

زهره دخلت غرفة تغيير الملابس عشان تغير هدومها وبعد وقت خرجت نامت على السرير من غير ما تكلم ليل. ليل نام جنبها وشدها لحضنه وقال بحب: مالك يا زهرتي. زهره بإبتسامة: مفيش حاجة يا حبيبي بس تعبانه من الطريق مش أكتر. ليل بهدوء: إنسي يا زهره اللي حصل زعلك ده مش هيجيب نتيجة غير تعبك وبعدين انتي نسيتي إنك حامل وده هياثر على البيبي. زهره بأسف: آسفة يا ليل. زهره وأكملت بهمس: ليل أنا عايزة أنام. ليل بحب: نامي يا حبيبتي.

في منزل آدم. ساره بغيظ: انتي مش عاقلها في الباب كده ليه يا آدم. علي بضحك: البيه غيران عشان طلعت بتحبني أكتر منه. آدم بغيظ: اخرس يا حيوان قطع لسانك من قال إني غيران منك. ساره بغيظ: تصرفاتك يا سي آدم. آدم بص لها بغيظ. وتين ببراءة: نزلني يا سي آدم بقولك. آدم بغيظ: شوف البت بتتامر عليا إزاي. ساره بإبتسامة: معلش يا حبيبي حقك عليا وبعدين دي لسه صغيرة هتعمل عقلك بعقلها. علي بضحك: هههههههه ما هو خلاص عمل عقله بعقلها يا ساره.

وتين بطفولة: نزلني يا بابي عشان برستيجي قدام علي بقى وحش. آدم بصدمه: انت بتجيبي الكلام ده منين يا بت. وتين ببراءة: من علي. آدم بص لـ علي بغيظ لقي علي بيصفر وبيص في السقف. ساره بضحك: نزلها بقى يا حبيبي عشان خاطري. آدم نزل وتين على الأرض. آدم بغيظ: ارتـاحتي كده. ساره بإبتسامة: أيوه. في منزل قمر. بسمه بحنان: أجيبلك تاكلي يا حبيبتي. قمر بإبتسامة: لا مش جعانة دلوقتي. بسمه بحزن: هو انتي لسه زعلانه مني يا قمر.

قمر بإبتسامة: لا يا حبيبتي. بسمه بحنان: طيب أنا هجهز الأكل عشان شكلك تعبانة وبعدين أنا عاملة الملوخية اللي بتحبيها. قمر بإبتسامة: أشطة هدخل أغير هدومي وهيجي. بسمه بضحك: طيب يا حبيبتي. قمر دخلت غيرت هدومها وخرجت. علي طاولة الطعام. قمر بإبتسامة: طول عمرك بتخطفى قلبي بالأكلة دي يا بسمتي. بسمه بحب: بالف هنا على قلبك يا حبيبتي. بسمه وأكملت بحزن: هو انتي ممكن في يوم تسيبيني عشان أهلك يا قمر.

قمر بإبتسامة حضنتها وقالت: انتي أهلي يا بسمتي. في قصر الشرقاوي. الساعة 3 فجرا. في جناح ليل وزهره. زهره بغيظ: ليل اصحى بقى. ليل بنوم: عايزة إيه يا زهرتي. زهره بإبتسامة: عايزة أكل رنجة يا حبيبي. ليل بنوم: الصبح يا زهره نامي يا حبيبتي إحنا لسه الفجر. زهره بدموع: بس أنا نفسي فيها يا ليل. ليل اتعدل وقام قعد وقال بهدوء: وأنا هجيبلك رنجة منين دلوقتي يا زهره. زهره بدموع: اتصرف يا ليل ماليش دعوه. ليل بغيظ: حاضر يا حبيبتي.

ليل قام لبس هدومه عشان يجيب لـ زهره اللي طلبته. زهره بإبتسامة: مش تتأخر يا ليل. ليل بإبتسامة: حاضر. بعد مرور ساعه. ليل رجع ومعاه الرنجة زي ما زهره طلبت. ليل بصدمه: دي نامت. ليل راح قعد جمبها وبدأ يصحيها. ليل بإبتسامة: زهره أنا جبت الرنجة يا حبيبتي وخلت داده سعاد تعملها زي ما بتحبي. زهره بـ قرف: ابعدها عني يا ليل وبعدين أنا مستحيل آكلها في الوقت ده. ليل بصدمه: بس انتي اللي طلبتيها يا حبيبتي.

زهره بإبتسامة: وغيرت رأيي يا حبيبي أنا عايزة أنام دلوقتي. ليل بغيظ: بلاش هزار يا زهره أنا قمت في البرد ده عشان أجيبها وفي الآخر مش هتاكلي. ليل بص عليها لقيها فعلا نامت اتنهد بغيظ وشدها لحضنه ونام هو الآخر.