رواية دواء القلب الفصل العشرون 20 - بقلم مصطفى محمود

"نحن البشر دايماً بندور على حاجة تزعجنا وتعكر صفونا، فنسيب الحاضر بمزاياه ونرجع نننبش في الماضي وخباياه ليخرج لنا ما به ضر ويجعلنا نتألم على ما مضى ونفقد الأمل في ما سيأتي وننسى أن نستمتع بما هو بين أيدينا الآن."

"وبعد ليلة مليئة بالضحكات والذكريات الجميلة، جاهدت سارة أن تمسك لسانها عن التحدث فيما يخص مريحان ووالدها لكي لا تعكر صفوهم في ليلة كهذه، خاصةً وهي ترى ضحكات قاسم النابعة من قلبه. هذا ما جعلها تسعد وتهدأ قليلاً." قاسم وهو ينظر لساعة يده: "يا نهار أبيض، دا الوقت جرى بسرعة. الساعة دلوقتي 11... ميرفت بابتسامة: "هي كدا الأوقات الحلوة بتعدي بسرعة...

سارة وهي تمسك يد والدتها: "عندك حق يا ماما، أنا ماحستش بالوقت خالص ومشبعتش منك... قاسم: "آه بس أنا عندي شغل بكرة الصبح بدري، يللا نمشي دلوقتي وهنبقى نيجي بكرة... ميرفت وهي تتشبث بيد سارة بقوة: "لأ، امشي أنت وابقى تعال بكرة. سارة مش هتمشي من هنا... قاسم بعدم استيعاب: "آي الجملة دي... "علشان سمعت حاجة كدا مش متأكد منها... ميرفت: "بقولك اتفضل أنت، ولما تحب تيجي ابقى تعال في أي وقت. إنما سارة هتقعد هنا عندي...

قاسم: "كلام إيه دا يا سارة؟ أنتِ هتقعدي هنا؟ سارة: "مهو أنا مش هقدر أسيب ماما لوحدها، وبعدين أنا مصدقت اتجمعنا بعد كل السنين دي وأنا محتاجة أفضل جنبها... ميرفت وهي تضمها إلى ذراعيها بحنان: "وأنا كمان يا حبيبتي محتاجاكي جنبي ومش هسمح إنك تبعدي عني تاني أبداً... قاسم: "هو اللي أنا سمعته دا حقيقي ولا بجد؟ ميرفت: "لأ، حقيقي... قاسم: "ع فكرة أنا كنت هكتب كتابي عليها من كام يوم وكنا هنتزوج...

ميرفت: "بس لسه متزوجتوش، يعني مينفعش تقعد عندك... قاسم: "طب ماهي كانت قاعدة عندي... ميرفت: "دا قبل ما يكون ليها بيت. إنما دلوقتي ليها بيت وأهل وأقارب وناس هتحكي وتتحاكى عليها لو عرفت إنها قاعدة عندك... قاسم في نفسه: "أنا غلطان إني جبتها لك، الحق عليا أنا." لاحظت سارة علامات الضيق البادية على وجهه لتقترب منه وتقول: "قاسم، ماما عندها حق. أنا مش هينفع أروح معاك، إحنا مفيش بينا أي حاجة رسمي... قاسم: "وليه ميبقاش فيه؟

سارة: "إحنا مخطوبين وكنا المفروض نتزوج، وأنتِ قولتي مش هيحصل أي حاجة غير لما تلاقي أهلك. وأدينا أهو عند أهلك، يبقى هنستنى إيه تاني... سارة: "قاسم، مش وقته الكلام دا دلوقتي، خلينا نتكلم بعدين... قاسم وهو يزفر بضيق: "ماشي يا سارة، أنا هستنى الوقت دا. بس يا ريت متخلينيش أستنى كتير، ماشي... "أومأت له سارة بإيجاب ليقول:" قاسم: "تصبح على خير... سارة: "وأنت من أهله. لما توصل كلمني... قاسم: "ماشي... سلام... سارة: "سلام...

"عمار: يعني أنتِ عايزة تفهميني إنك سبتي شغلك وحياتك في أمريكا وجيتي هنا علشان تطمني على مامتك؟! مريحان وهي تمسك كأس من النبيذ بيدها: "مستغرب ليه؟ عمار: "أصل مريحان اللي أنا أعرفها غير كدا خالص... مريحان: "أنا محدش يعرفني ومحدش هيفهمني. سيبك أنت من مريحان اللي بتقول إنك تعرفها، وخلينا فيك أنت... عمار: "أنا... أنا مالي... مريحان: "يعني مش شايف حاجة حواليك زي الأول؟ أنت إيه، غيرت النشاط ولا إيه...

عمار: "حاجة إيه يعني ونشاط إيه اللي أنتِ بتتكلمي عليه... مريحان بضجر: "عمار، بلاش لف ودوران، ومخصوص عليا أنا. أنت عارف أنا أقصد إيه بالظبط... عمار: "قصدك بنات معايا وكده؟! مريحان: "مش قوللتلك بلاش لف ودوران... عمار: "ولا لف ودوران ولا حاجة، كل الموضوع بس إني اتغيرت ومبقتش زي الأول... مريحان وهي تضحك بسخرية: "آه، صدقتك. اقتنعت... عمار: "ومصدقينيش ليه يا مريحان...

مريحان: "علشان ديل الكلب عمره ما يتعدل، يا عمار. وأنت... عمار: "بس أنت هتقولي إيه... مريحان: "ولا بلاش. أنا هطلع أريح في أوضتي علشان دماغي خلاص هتتفرتك... "حاولت مريحان النهوض ولكنها كادت أن تسقط من أثر ثملها، لينهض عمار ويمسكها مسرعاً." عمار: "تعالى، أنا هطلعك الأوضة... مريحان بسخرية: "مش قوللتلك ديل الكلب عمره ما هيتعدل... "انتزعت يده من عليها وقالت:" "أنا لسه مريحان يا عمار، أنت فاهم...

عمار وهو يتراجع: "فاهم يا مريحان، فاهم... مريحان وهي تغادر: "كويس إنك فاهم، سلام... "غادرت مريحان المكان وتركت عمار ينفس نيرانه بغضب." عمار بغضب: "مصيرك توقعي تحت إيدي يا مريحان، وساعتها مش هرحمك... "وصل قاسم إلى منزله وهو في قمة ضيقه، فقد اعتاد على وجودها بمنزله بجانبه وإلى جواره. صعد إلى غرفته وأبدل ملابسه ومن ثم هبط إلى الأسفل وخرج إلى الحديقة الموجودة بالمنزل وجلس على العشب وأخذ ينظر للقمر ويتأمله. كان يراها...

يراها في كل شيء، في القمر، في السحاب، في فادية الخادمة. مهلاً، ماذا... تطلع أمامه ليجد فادية تقف وتطالعه بتعجب، ليعتدل ويقول بحدة." قاسم بحدة: "عايزة إيه يا فادية؟! فادية: "أحضر لحضرتك العشاء... قاسم: "لأ، مش عايز. غوري من وشي... انتفضت فادية من غضبه وصوته المرتفع وقالت: "حاضر... وقبل أن تغادر، نادى عليها قاسم وقال بأسف: "فادية، تعالي لو سمحتي... فادية: "نعم... قاسم: "معلش إذا كنت اتعصبت عليكي، أنا بس متضايق شوية...

فادية: "ولا يهمك يا فندم، حضرتك تأمر بحاجة... قاسم: "اعمليلي قهوة لو سمحتي... فادية: "تحت أمرك، عن إذنك... "غادرت فادية بعد أن شعرت براحة بعد اعتذار قاسم منها، فهي قبل أن تكون مساعدة (خادمة) فهي إنسانة لها كرامة يجب أن تصان ولا يجب المساس بها مهما كان. أما بالنسبة لقاسم، فقد كان يأنب نفسه على عصبيته الزائدة، خاصةً وأن طبيبه حذره من ذلك." قاسم: "شايفة وصلت لإيه يا سارة؟ شايفك حتى في الخدامة... وبعدين...

سارة وهي في أحضان والدتها: "أنتِ عارفة يا ماما أنا بحلم باللحظة دي بقالي قد إيه. من لما كنت طفلة صغيرة كان نفسي أنام في حضنك وأحس بالدفء اللي أنا حاسة دلوقتي دا... ميرفت وهي تزيد في عناقها: "من هنا ورايح أنا مش هخليكي تنامي غير في حضني وهعوضك عن كل السنين اللي فاتت... سارة بحنان: "أنا مش عايزة غير إنك تكوني جنبي، مش عايزة حاجة تانية... ميرفت بلؤم: "مش عايزة أي حاجة تانية... سارة: "ولا أي حاجة...

ميرفت: "ولا حتى قاسم... 'ابتسمت سارة لا إرادياً فور ذكر اسمه.' ميرفت: "سكتي ليه... سارة: "لأ، أبداً مفيش حاجة... ميرفت: "امممم، طيب بس ع فكرة الولد دا كويس وبيحبك قوي... سارة وهي تعتدل: "عرفتي منين... ميرفت وهي تعيدها إلى أحضانها من جديد: "أنا عمياء آه، بس بشوف بقلبي اللي محدش يقدر يشوفه بعينه. بس أنتِ بقا شعورك تجاه زي ما أنا فاهمه، ولا إيه... سارة بتنهيدة: "زي ما أنتِ فاهمه، ودا اللي تاعبني...