رواية دوار كبير البلد الفصل الثاني 2 - بقلم شهد وائل

منال بخبث: مش أنا يا حج، دي جويرية اللي عملت الأكل. هي قالت لي أعمل أكل لجوزي عشان يشوف طبخي. أنا قلت ماشي، معرفش إنها هتعمل كده. جويرية: أه يا حج، بس انتي قولتي لي يامنال، غير كده. منال: قلت لك إيه يعني أنا كدابة؟ أنا مكدبتش يا أبو الحج. جويرية: مجولتش إنك كدابة يا منال، أنا بقول الحقيقة. منال: شوفي يا حج، مرات ابنك بتجولي إيه؟ يعني أنا بكدب؟ ده أنا مرات الكبير برضه يا حج. فاطمة: جرا إيه يا منال؟ هي جالتلك إيه يعني؟

خبر إيه؟ هشام: فاطمة، اقفلي خشمك ده وملكيش صالح بيهم. مديحة: لا حلو قوي يا عيالي. الحريم هي اللي بترد؟ ناقص بقى عيالي يقعدوا في دار والحريم تطلع تشتغل. منال: يا ما الحاجة، هي اللي جالت لي أطبخ. أنا عايزة جوزي ياكل من إيدي. جويرية: لا يا ما، والله ما حصل كدا. أنا عملت لك إيه عشان تقولي حديث محصلش؟ حسبي الله ونعم الوكيل. زيدان بزعيق: جويرية، على شقتك فوق ومسمعش حسك، مفهوم؟ يلا. جويرية وطلعت وهي بتعيط وبتدعي على منال.

مريم: يا ما الحاجة، اسمعي منها، طيبي. يحيي: مريم، اقفلي خشمك وطلعي شقتك انتي كمان. فاطمة: اطلع أنا كمان يا هشام ولا إيه؟ مهي كلمة الحق في دار دي بقت مش موجودة. هشام: يلا انتي كمان اطلعي شقتك، مسمعش حسك. علاء: إيه يا منال؟ محصلش حاجة يعني؟ شوية ملح في الأكل، غلطة منها برضه، هي متعرفش. منصور: ده ملح؟ ده مرار طفح. ودخل غرفته. علاء: اطلعي انتي كمان يا منال، يلا. زيدان: أنا طالع شقتي، سلام.

وفتح شقته وداخل شافها قاعدة بتعيط. جويرية بعياط: عجبك كدا؟ أنا معملتش حاجة. هي السبب. جالت لي اقفي بس على الأكل عقبال ما أشوف منصور الصغير بيعيط وأجي. والله ده اللي حصل. مش عايز تصدقني؟ براحتك، بس أنا مش هسيب حقي. زيدان: خلاص، الموضوع اتقفل. أنا داخل أغير خلجتي وأنام. وأجي ألقي الموضوع مفتوح تاني. جويرية: ده حديثك يعني يا زيدان؟ أنا اللي طلعت غلط؟ يبقى طلقني يا ابن ناس، وأنا مش هعيش مع حد مش عارف يجيب حقي.

زيدان: جويرية، اقفلي خشمك واتخمدي. مش فاضي لدلع الحريم ده. وأنا راجل قوي، بس منال هي كدا. جويرية: أنا بدلع يا زيدان؟ ماشي، هتخمد. لا يا خويا. راجل قوي؟ كنت عرفت تاخد حقي قوي. وأنا هاخد حقي منها كويس. تصبح على خير. زيدان: وضربها عشان ولا عاش ولا كان اللي يقول عليا مش راجل. مش نايم أنا. ماشي، بلا قرف. حريم تجيب الهم. فاطمة: بقا كدا يا هشام؟ تزعق لي قدام العائلة؟ ده أنا بقول الحق يا خويا.

هشام: بحب، معلشي يا لجلب هشام، حقك عليا. راسك أبوسها. فاطمة: يوه، عيب يا راجل العيال. مش ناموا. هشام: طب إيه؟ ادخلي خلي ولاد الكلب دول يناموا. فاطمة: ضحكت. حاضر. شوية وهاجي. واعي تنام. علاء: جرا إيه يا منال؟ كفاية كدا. حتى يوم جوازك برضه عملتي مشاكل؟ أخواتي غاليين عليا يا بت ناس، والبت لسه داخلة دار من يوم، وده تاني يوم؟ أي مشاكل على طول. منال: يوه. يعني أنا بعمل لك مشاكل؟ طلقني يا علاء، وكل واحد يروح لحاله.

علاء: حقك عليا. طلاق إيه؟ أنا بحبك يا منال. أوعي تسبيني. منال بخبث: لا يا لجلب منال. ده انت جلب. (وطبعاً ضحكت على أكتر ما هو مضحوك عليه) يحيي: مريم، مريومة يا جلب، يا عقلي. مريم: ابعد عني وسبني لحالي. هعمل كلامك اهو. وقفل خشمي. يحيي: اباي عليكي. اتوحشتك قوي. طب أسف، حقك عليا. لا عايز تتكلمي؟ مريم: أنا مجولتش حاجة يا يحيي. تزعق لي قدامهم كدا. يحيي: خلاص يا روحي.

مريم: أنا عايزة أروح دكتور. سنتين ولسه مخلفناش. ومنال عندها واحد، وفاطمة اتنين، ربنا يبارك. بس أنا نفسي أكون أم. ومنال في راحة وجاية تعايرني. يحيي: تاني يا مريم؟ احنا هنفضل نعيد في حديث ده؟ نقول الحمد لله. هي منال كدا، وفكك منها عاد. وأنا هكلم علاء. مريم: لا يا يحيي. مش هسكت. أنا عايزة أكون أم يا ناس. هو حرام إني أشوف ابني؟

يحيي: اوف. دي عايشة تقصر العمر. أنا ماشي. وسع كدا من قدامي. كل يوم من الحديث ده. عايزة إيه أكتر من كدا؟ لما أتجاوز عليكي أبقى افرحي يا هانم. مريم: روح اتجوز. وأنا كمان هتجوز. وكون حامل. مهو انت مش راضي تيجي معايا دكتور نعمل تحليلي. يحيي: قصدك إيه؟ إني مبخلفش؟ والعيب مني؟ لا يا مريم. وخلي شيطان يخرج ما بنا عشان طلاق تالتة. أتجاوز عليكي وأوريكي. بخلف ولا لأ. مريم: بخوف وقربت منه. يرضيك تجوز عليا يا لجلب مريم؟

ده أنا بحبك. وقربت بدلع. وحشتني قوي. متزعلش مني. يحيي: امم. وانتي أكتر. وذهبت معه إلى عالمه الخاص. زيدان وراكب العربية وظهرت قدامه عربية نقل...