رواية ضرة اختي الفصل الخامس 5 - بقلم الكاتبة المجهولة

يونس سابها ونزل يجري على المستشفى. الممرضة: هي فاقت وقاعدة تعيط. يونس مهتمش لكلامها ودخل الأوضة. عند روح حضنها بحب: بتعيطي ليه ي حبيبتي؟ في حاجة بتوجعك؟ روح مسكت فيه وهي بتعيط. يونس: شششش اهدي اهدي، مالك بتعيطي؟ روح قعدت تعيط لحد ما رجعت على هدوم يونس، ومسكت بطنها بوجع وعياطها زاد. يونس اتعصب: إيه القرف دا، ما تقولي مالك فيكي إيه؟ روح بعياط ووجع: أنا بكرهك يا يونس، بكرهك. يونس سابها وطلع ينادي الدكتورة. الدكتورة

دخلت كشفت عليها وطلعت: مبروك يا مدام روح حامل. يونس بصدمة وفرحة: بجد؟ الدكتورة: أيوه، ألف مبروك. وسابته ومشيت. يونس دخل لروح اللي بطلت عياط وحضنها: مبروك يا حبيبتي. روح بهدوء: الله يبارك فيك يا حبيبي، ممكن طلب؟ يونس: اطلبي، عنيا. روح: روح البيت هاتلي هدوم وغير هدومك دي. يونس: حاضر، مش هتأخر عليكي. وسابها وراح على البيت. *** رزان بسخرية: نورت. يونس مردش عليها ودخل الأوضة غير هدومه، وأخد هدوم لروح ونزل.

رزان بشر: أنت مش بترد عليا كمان، تمام يا يونس، متزعلش بقى. ودخلت غيرت هدومها ونزلت. *** في بيت علي السيوفي. علي بصوت عالي: ماما، إحنا جينا. شادية طلعت والفرحة باينة على وشها: حمد الله على السلامة يا ولاد، وحشتوني أوي. صقر بحب: وحشتيني أكتر يا غالية. سجدة قربت منها وحضنتها: أنتِ أكتر والله يا طنط. علي: أمال جنا فين؟ جنا من وراه: أنا هنا أهو.

صقر بص لها بلهفة بس اتحولت لصدمة لما شاف لبسها الفاضح والميكب الصارخ اللي حطاه، بس حاول يبان طبيعي: إزيك يا جنا؟ جنا: الحمد لله يا صقر، أنت عامل إيه؟ صقر: تمام. سجدة: عاملة إيه يا حبيبتي؟ جنا بغرور: الحمد لله. شادية حاولت تلطف الجو من طريقة بنتها: تعالوا اقعدوا يا ولاد. علي بص لجنا بقلة حيلة ودخلوا جوا قعدوا في جو أسري. *** يونس وصل المستشفى ولسه هيدخل لروح، ووقفته الممرضة. عايدة: استني ي بيه، الحلاوة فين؟ يونس ابتسم

بسخرية وطلع من جيبه ٥٠٠: خدي يا قمر، ميغلوش عليكي. عايدة بفرحة: شكراً شكراً. يونس سابها ودخل، أنصدم لما شاف أثر دم على السرير وروح.