رواية ضرة اختي الفصل الخامس عشر 15 - بقلم الكاتبة المجهولة

صقر راح السوبر ماركت يجيب ميا ولما رجع شاف حد بيشد جنا وبيحط منديل على وشها. طلع جري عليهم بس كانوا مشيوا بالعربية. صقر اتعصب وخاف عليها. رن على علي وحكاله اللي حصل. "تعالي بسرعة على القسم." صقر قفل معاه وطلع على القسم. "يا عسكري." "أوامرك يا صقر بيه." "خد فوراً الورقة دي لعمر وخليه يعرف مكان العربية." "حاضر يا فندم." واخد الورقة لعمر. وبعد دقايق. "العنوان اهو." صقر أخده وطلع جري لقي العربية مركونة بس ما فيش حد.

دخل البيت اللي جنبها بهدوء. لقي كرسي عليه حبل وآثار دم. "ده ده خاتم جنا، كنت جايبه ليها في عيد ميلادها. معناه أنها كانت هنا." "أكيد عرف إننا جايين." علي حط إيده على رأسه مش عارف يحمي أخته، حاسس بالعجز. "هتلاقيها يا صاحبي، متقلقش." *** "أهلاً يا حلوة. أهلاً." "انتوا مين؟ أنا فين؟ "انتي هنا عندي في البيت." "يع إيه القرف ده؟ انت مش بتغسل سنانك ولا إيه؟

عطية اتعصب، أول مرة حد يقوله كدا، وقرب منها وضربها بكل قوته لدرجة إن بؤها جاب دم. وفضل يضرب فيها لحد ما اغمي عليها. ضربها بالرجل في بطنها وسابها وطلع وهو متعصب. *** (في بيت شادية) "أنا مش عارفة أقول لكوا إيه. انتوا عوضتوني كتير عن اللي أنا عشته في حياتي." "يا بنتي، إحنا أهل. عيب تقولي كدا." "أهلاً أهلاً. قاعدين من غيري؟ "ودا معقول؟ تعالي يا قمر البيت." "بكاشة أوي."

قاطع كلامهم دخول صقر وعلي اللي ملامحهم مش باين عليها الخير. "مالكم يا ولاد؟ وفين جنا؟ مش كانت معاك يا صقر؟ صقر بص في الأرض وسكت. علي حكالهم كل حاجة. "يالهوووي! بنتي! أنا عاوزة بنتي والنبي." "اهدي يا ماما، إن شاء الله هترجع. اهدي." صقر طلع أوضته بهدوء وفتح الجهاز بتاعه وقدر يحدد مكانها. "علي، تعالي عاوزك." "في إيه؟ "أنا حاطط جي بي في سلسلة مع جنا، وقدرت أحدد مكانها." "طب يلا بسرعة." صقر أخده ومشيوا. وصلوا مكان فاضي.

"الجي بي بيقول أنها هنا." علي نزل وبدأ يدور عليها ورجع معاه السلسلة. "اتفضل." صقر أخد السلسلة. "يبقى هما قريبين من هنا." ومشي بالعربية لحد ما لقى بيت متهالك، بس انصدم لما شاف. "البيت بيوقع! بيتهد! "جنااااااا." "... الله يرحمها يا صقر بيه." بص وراه لقي شاب لابس قناع. لسه هيقرب منها جت عربية ونط فيها الشاب ومشيت. علي قعد على الأرض ودموعه نزلت. صقر دخل البيت وهو بيقع، لسه بس مهتمش بنفسه.

كل اللي اهتم بيه أنه يطلع جنا بخير. دخل لقاها واقعة في الأرض، وفي حجر على دماغها وبتنزف من كل حتة في جسمها. قرب منها شالها بسرعة. علي شافهم وقام جري عليهم. "جنا جنا، فوقي." وحاول يفوقها بس لا حياة لمن تنادي. "يلا ناخدها على المستشفى بسرعة." أخدوها وراحوا على المستشفى. *** عند رزان. رزان قاعدة في الأوضة زي ما هي، وشها باهت ودموعها نازلة. "خدي كلي." أول ما شمت ريحة الأكل جريت على الحمام وقعدت ترجع.

ووقعت على الأرض وهي ماسكة بطنها. يونس جري عليها بخوف وقومها. غسلها وشها وحطها على السرير. "روز، انتي كويسة؟ مالك يا حبيبتي؟ "أنا كويسة يا يونس، عاوزة أنام." يونس عدلها على السرير وغطاها وفضل قاعد جمبها لحد ما راح في النوم وهو حاضنها. *** (في المستشفى) "دكتووووور." الممرضين جم وحطوها على الترولي وأخدوها على العمليات. صقر قعد قدام العمليات وبص على إيده اللي عليها آثار دمها. وعلي قعد جمبه وحط رأسه بين إيديه.

فات ٥ ساعات. الدكتور أخيراً طلع. "طمني يا دكتور، هي كويسة؟ "دي معجزة أنها تفضل عايشة بعد اللي حصل معاها ده كله، بس للأسف... "ايييي؟ علي قعد على الأرض وسند رأسه على الجدار ودموعه نزلت. "أنا آسف، مقدرتش أحميكي يا حبيبتي."