رواية ضرة اختي الفصل السادس عشر 16 - بقلم الكاتبة المجهولة

الدكتور بجدية: للأسف الآنسة دخلت في غيبوبة. صقر بجدية: شكرًا يا دكتور. ممكن أشوفها؟ الدكتور: لا، هي حاليًا هتتنقل العناية المركزة. صقر: تمام. وقرب من علي: اهدي يا علي، هتفوق وتكون كويسة إن شاء الله. علي بدموع: أنا مقدرتش أحميها يا صقر. صقر: أنا مقدر اللي إنت حاسس بيه، بس لازم تهدى. علي مسح عينه: هروح أجيب ماما عشان قلقانة. صقر هز رأسه بصمت. علي راح وصقر فضل واقف يفكر مين اللي عمل فيها كده. ***

في البيت عند رزان ويونس: يونس: البسي عشان هنروح بيتي، كفاية قعدة هنا. رزان بدموع: أنا عايزة أروح عند ماما، والنبي يا يونس. يونس بسخرية: ماما ماما اللي ماما مش عاوزاكي يا حبيبتي. رزان بصت في الأرض: هي فعلاً المفروض ده ردها بعد اللي عملته. يونس بتنهيدة: قومي البسي. رزان قامت لبست، وهي طالعة داخت وكانت هتقع. يونس سندها بخوف عليها: مالك؟ في إيه؟ رزان سندت رأسها على صدره: دايخة أوي.

يونس سندها ونزلوا على العربية، ركبوا واتجهوا إلى المستشفى عشان يطمنوا عليها. *** علي روح حكى لهم كل حاجة، واتجهوا كلهم إلى المستشفى. وروح معاهم. في المستشفى: شادية بعياط: أنا عايزة أشوف بنتي. صقر بحنية: اهدي يا حبيبتي، هتكون كويسة، بس الزيارة ممنوعة. شادية قعدت على الكرسي وفضلت تعيط. روح قعدت جنبها وعينيها دمعت. في الأوضة اللي جنبهم: الدكتورة: مبروك المدام حامل. يونس ببرود: شكرًا يا دكتورة. ودخل

لرزان اللي كانت خايفة: متقلقيش، أنا عارف إنه ابني كويس أوي. وأخدها وطلعوا. بس رزان خبطت في حد: علييييي. يونس بعصبية: هو إنت؟ رزان باستغراب: انتوا تعرفوا بعض؟ يونس نظر لها نظرة آخرصتها. علي بص لهم بهدوء وسابهم ومشي. يونس بخبث: إنتي عارفة إن هو يعرف مكان روح؟ رزان بلهفة: بجد؟ فين؟ فين؟ يونس ببرود: الله أعلم. رزان سابته وراحت ورا علي وشافت روح قاعدة بعيد. قربت عليها ودموعها نازلة،

ركعت على الأرض قدامها: أنا آسفة يا روح، سامحيني، أبو*س إيدك. شادية: مين دي يا روح؟ روح بمرارة: دي أختي يا ماما، أو اللي كنت فاكرها أختي. رزان بعياط: عشان خاطري سامحيني. روح: اتفضلي امشي. رزان بصت لها بندم ومشيت. علي: مين دي يا روح؟ تقربلك إيه؟ روح: بنت مرات أبويا. علي: دي رزان يا ماما اللي كنت... شادية بمقاطعة: خلاص يا علي. علي فهم إن أمه مش عايزاه يتكلم عشان سجدة واقفة.

علي: أقصد إن دي رزان واللي كان معاها ده طليق روح. شادية: طب هما بيعملوا إيه هنا؟ علي: سمعت الدكتورة وهي بتكلمه. رزان حامل. روح حطت إيديها على بطنها وفي نفسها: هتبقى أب يا يونس مرتين ورا بعض. ودموعها نزلت. الكل فضل السكوت في الموقف ده. *** في بيت بدر ونوال: بدر: مالك يا حبيبتي؟ نوال: يونس رن عليا النهاردة، رزان عايزة ترجع. بدر بتنهيدة: تنور. نوال: أنا قولته إن مش عايزة أشوف وشها تاني. بدر: ليه يا حبيبتي؟

نوال: أنا مش عايزاه في حياتي تاني يا بدر، الموضوع انتهى. هدخل أحضر العشا. وسابته ودخلت. *** يونس أخد رزان وطلع على شقته. دخلت لقت الشقة متكركبة أوي: إيه اللي اتعمل في الشقة كده؟ يونس: أوووبس، تقريبًا وسختها غصب عني. رزان: ومين هيروقها بقى؟ يونس ببرود: أكيد إنتي يا حبيبتي، هيكون مين يعني؟ رزان نفخت وبدأت ترتب فيها. بعد ساعة: قعدت على الركنة بتعب: خلاص مش قادرة، هكمل الباقي بكرة بقى. ومددت رجليها وراحت في النوم.

يونس طلع لقاها نايمة، شالها حطها على السرير وكمل ترويق الشقة. وخلص، وأخد شاور، وأخدها في حضنه ونام. *** فات 6 شهور: جنا مفاقتش لسه. روح بقت في آخر شهور الحمل وصقر معاها. سجدة قربت من علي أوي. يونس ورزان عايشين عادي وبقت في الشهر السادس. إياد رجع شقته بس بعد ما اتجوز. صقر كان واقف قدام العناية المركزة. لقي جهاز القلب بيصفر. الدكتور جري عليها وفعل اللازم وطلع: الآنسة فاقت وهتتنقل أوضة عادية كمان شوية.

صقر من فرحته حضن الدكتور. وفعلاً انتقلت أوضة عادية. صقر: حمد الله ع السلامة يا جميل. جنا بتعب: ممم، إنت مين؟ صقر: نعممم؟ جنا: أنا... أنا مش قادرة أحرك رجلي، هو إيه اللي حصل؟ إنت مين؟ صقر خرج نادي للدكتور. الدكتور كشف عليها: الآنسة حصلها فقدان ذاكرة والعمود الفقري اتضر عندها، فللأسف حصلها شلل. صقر بص لها بصدمة و: أنا جوزك يا حبيبتي، اطمني.