رواية ضرة اختي الفصل السابع 7 - بقلم الكاتبة المجهولة

روح بحزن: أنا كنت بهرب من جوزي. صقر بصدمة: إيه ده؟ ليه؟ روح بدموع: هو اتجوز اختي، أو اللي زي اختي، هي بنت مرات بابا، وبعدين كان بيعاملني وحش أوي، سواء هو أو مراته. صقر: وحملتي؟ روح: أيوه، لسه عارفة إني حامل النهاردة. صقر: وهروبك ليه؟ روح: أنا بكره، معتش عايزة أعيش معاه تاني. صقر: اممم، طب هتعملي إيه؟ روح بصت في الأرض وسكتت. صقر: تعالي معايا بيتي. روح بصدمة: انت بتقول إيه يا جدع انت؟

صقر: لا متفهميش غلط، إحنا عيلة مع بعض. روح بصتله بتوتر وسكتت. صقر: قولتي إيه؟ روح بصتله وهزت راسها بالموافقة. صقر ابتسم وأخدها ونزل على بيته. في بيت بدر: الباب بيخبط جامد لدرجة أنه ممكن يتكسر في أي لحظة. نوال بخوف: استر يارب، مين اللي جاي ده وبيخبط كده ليه؟ بدر: استني انتي، أنا هفتح. وراح فتح الباب لقى يونس وعينه بتطق شرار. بدر: أهلاً أهلاً بجوز بناتي. يونس حاول يمسك نفسه: رزان فين؟

بدر: حتى بعد ما سابتك جاي تسأل عليها وسايب التانية؟ يونس بعصبية: أنا مش بسأل من حبي فيها، أنا بسأل عشان أعرف روح راحت فين. بدر باستغراب: روح؟ يونس بحزن: روح حامل يا عمي، تعبت ودخلت المستشفى وعرفنا بعدها إنها حامل، وسابت المستشفى ومشيت. على ما رجعتلها ملقتهاش. بدر مسك يونس من لياقة قميصه: بنتييييييي فييييين ي يونس؟ يونس بعد إيده: معرفش، بس وقسم بالله هلاقيه وهندمها.

بدر ضربه بالقلم: أنت متقدرش تعمل حاجة في بنتي، أنا هلاق بنتي بنفسي، ووقتها هطلقها منك. يونس بصاله بنظرة غريبة وسابه ومشي. في بيت علي: شادية: جنا جنااا. جنا بملل: خير؟ شادية بحب: تعالي ي حبيبتي أقولك. جنا: اخلصي عشان مش فاضية. شادية: انزلي مع سجدة عشان تشتري حبة حاجات. جنا برفعة حاجب: نعم. شادية: معلش ي حبيبتي عشان خاطري. جنا: اممم، أنا هنزل معاها بس عشان عاوزة أشتري حاجات. شادية: ماشي ي حبيبتي، يلا.

جنا طلعت واخدت سجدة ونزلوا. علي: يلا هوصلكم. جنا: شكراً، معايا عربيتي. علي بتجاهل: يلا عقبال ما تتأخروش. سجدة ركبت، وجنا بصتله بزهق وركبت هي كمان. علي: ها، هتشتري منين ي سجدة؟ سجدة: أي حتة، أنا معرفش حاجة هنا. علي: اممم، ماشي يستي، أنا هوديكي محل على ذوقي. سجدة بابتسامة: تمام. جنا بصتلهم بملل وكملت لعب على الفون بتاعها. في شقة يبدو عليها الجمال والبساطة: صقر: اتفضلي، ادخلي. روح دخلت بخوف: هو هو فين أهلك؟

صقر قفل الباب وبصلها: محدش هنا. روح بصتله بصدمة وخوف، وهو قرب منها.