رواية ضرة اختي الفصل الثامن 8 - بقلم الكاتبة المجهولة

صقر قرب منها وقال: متخافيش متخافيش. روح بخوف وتوتر قالت: ا ا انت قفلت الباب ليه. صقر بضحك قال: يستي متقلقيش دي شقتي أنا جايبك هنا بس كام ساعة لحد ما أروح بيتي أقول لأهلي مينفعش أدخل بيكي مرة واحدة كدا هقولهم عليكي وأرجع آخدك. روح بتنهيدة قالت: شكراً يا صقر عارفة إن طلعتلك وبوظت حياتك. صقر بابتسامة قال: متقوليش كدا انتي زي سجدة أختي. روح بصتله وابتسمت. صقر قال: مش هتأخر عليكي. روح قالت: تمام.

سابها ومشي وهي قعدت تفكر هتعمل إيه في حياتها الجاية. (في المول) علي قال: يلا ادخلوا أنا واقف هنا اهو. جنا قالت: تعالي معانا أنا نسيت الفلوس. علي قال: تعالي يا آخرة صبري. جنا بصتله بـ*ـرف ومشيوا. جنا قالت: ها يا سجدة هتجيبي إيه ادخلي يلا. سجدة باستغراب قالت: أدخل فين. جنا قالت: المحل يا بنتي تعالي. وشدتها ودخلوا. جنا بدأت تختار هدوم لسجدة. سجدة قالت: استني يا جنا أنا مش هلبس كدا. جنا قالت: ليه. سجدة بهدوء قالت:

دول يا حبيبتي قصرين أوي وبيكونوا منفصلين الجس*م وأنا لبسي واسع كله. جنا بملل قالت: شوفي هتجيبي إيه مليش دعوة وسابتها وراحت تقيس الهدوم. علي بابتسامة قال: متزعليش منها هي كدا على طول. سجدة قالت: عادي يا علي. علي قال: إيه رأيك أنقي معاكي أنا. سجدة قالت: ماشي يلا. وبدأوا ينقوا هدوم واسعة وشيك وسجدة كانت بتقيسهم وعلي معجب بجمالها الهادي وأسلوبها. وبعد كتير من اللف خلصوا. علي قال: تعالوا نتغدى ونروح بقى. جنا قالت: أوكي.

سجدة قالت: تمام يلا. أخدهم وراحوا مطعم وبدأوا يتناولوا الطعام. (في مكان يبدو عليه البساطة) رزان قالت: إيه الشقة دي يا عمرو. عمرو بملل قال: رزان انتي هنا ضيفة احمدي ربنا إني قبلت إنك تعيشي معايا. رزان بغضب قالت: انت هتذ*لني يا عم. عمرو قال: لا عشان تكوني عارفة مش أكتر هنزل أجيبلك أكل. رزان بسخرية قالت: معاك فلوس بقى ولا أديك. عمرو بص لها بقلة حيلة ومردش وسابها ونزل.

رزان قعدت وبدأت تخطط هتعمل إيه الفترة الجاية عشان تنتقم من يونس وقعدت تفكر كتير لحد ما نامت. (في بيت شادية) صقر قال: خالتو بقولك. شادية قالت: قول يا حبيبي. صقر حكالها كل حاجة عن روح وإزاي شافها. شادية قالت: يعيني يا بنتي هاتها طبعاً يا صقر هعتبرها بنتي بالظبط. صقر قال: طيب ممكن تيجي معايا نجيبها عشان تقلل خوفها. شادية قالت: ومالو يا حبيبي تعالي يلا أنا لابسة أهو كنت برا ولسه جاية ملحقتش أغير. صقر قال: تمام يلا.

أخدها وراح البيت عند روح. في قسم الشرطة يونس بعصبية قال: يعنيييييي إيه لازم يفوت 24 ساعة. الشرطي ببرود قال: دا اللي عندي يا أفندي واتفضل بقى. يونس بص له بغضب وضر*به بالبوكس. الشرطي بعصبية قال: انت بتضربني يا ابن ال***. ونادى على العساكر: حطوه في الحبس لحد ما يتر*بي. وفعلاً أخدوا يونس وحبسوه. يونس وهو بيخبط إيده على الباب بعصبية قال: أنا هوووووررريكووووو يا ولاد *** هعرفكم مين هو يونس الأحمدي.

صقر أخد شادية ووصلوا عند الشقة وخبط ودخل. صقر قال: روح روح أنا جيت عشان آخدك وجبت معايا أمي. روح طلعت من جوا وبصت لصقر: نورتوا أنا آسفة تعبتكوا معايا. صقر قال: متقوليش كدا يستي. روح قالت: أما الوالدة فين. صقر قال: بتتكلم في التليفون وداخلة. شادية قالت: صقر هي في. قاطع كلامها روح بصدمة: ماما. شادية بصدمة: روووحي.