رواية ضرة اختي الفصل السابع والعشرون 27 - بقلم الكاتبة المجهولة

سجدة بصت وراها لقت واحد واقع علي الأرض والشرطة واقفة. صقر بحب: انتي كويسة ي حبيبتي. سجدة باستغراب: أيوا، في إيه. علي بتنهيدة: مفيش مفيش. وبص للعسكري: خدوه. الشرطة أخدته وهما جابوا الطلبات وروحوا. *** نسرين: أياد أنا آسفة. أياد بخبث: هقبل أسفك بس بشرط. نسرين بلهفة: إيه. أياد: تحكيلي كل حاجة من غير كذب. نسرين بخوف: مينفعش. أياد: خلاص. ولسه هيمشي، مسكت إيده: خلاص خلاص. أياد: بسرعة.

نسرين بدموع: أنا مش وحشة على فكرة، أنا يتيمة عشت مع عمي وولاده، كان عنده ولدين وبنت. الولدين كانوا دايما بيحاولوا يتقربوا مني بطرق مش كويسة، والبنت كانت بتكرهني مع إنها عمرها ما اتعاملت معايا. ولما قولت لمرات عمي مصدقتش طبعاً، وحاولوا يمشوني من البيت وفعلاً مشوني، قالوا إني سرقت حاجة وسابوني في الشارع لوحدي. لحد ما قابلت أبوك، أيوا محسن باشا، قابلني وشغلني معاه في الشغل المشبوه، لحد ما طلب مني إني أتزوجك.

أياد: وعلاء. نسرين: علاء ده واحد بقضي معاه وقت، ما أنا بقيت فتاة ليل. محسن هو اللي قالي أروح لعلاء، وهو اللي بعتلك الرسالة عشان تشوفني. أياد: طب يوم ما كنتي في مكتبي، كنتي بتعملي إيه. نسرين بحزن: كنت بدور على أي ورق مشبوه ليك عشان لو هددتني أنا أو محسن، نهددك إحنا كمان. إياد بص لها وسكت.

نسرين بعياط: أنا آسفة، أنا اللي كنت هحرق وش سجدة اخت صقر، أنا عملت كل حاجة وحشة بس غصب عني والله، بس أنا مش هسكت، هنزل دلوقتي حالا على القسم أقدم المستندات اللي معايا ضد محسن. الشر لازم ينتهي. فجأة الشرطة دخلت. صقر: مفيش داعي، إحنا هنا أهو. نسرين ضحكت بجنون: أهلاً أهلاً. وطلعت ورق كتير من شنطتها ورمته على الأرض: خدوا أهو أهو، يلا اقتلونا بقى. صقر أخد الورق من على الأرض وقبضوا على نسرين.

يونس طلع من جوا وحضن أياد: عدت على خير ي حبيبي. أياد بدموع: صعبت عليا أوي. يونس: غلطت ولازم تاخد جزاتها. أياد: معاك حق. إنت هتعمل إيه مع روح. يونس بابتسامة: روح أم ابني وبس، أصلا هتتجوز هي وصقر. أياد: على البركة. خلينا في بوز بعض إحنا. يونس بضحك: خلينا. وقعدوا يهزروا ويلاعبوا روز. *** فات سنة أخيراً. علي اتجوز سجدة وهي حالياً حامل. صقر وروح اتجوزوا وبيعمل غيث زي ابنه.

روز بقى عندها سنة وكام شهر ويونس فرحان بيها وبيروح يشوف غيث كل فترة. أياد قاعد معاه (لسه سنجل) بدر ونوال طلعوا يعملوا عمرة ويدعوا لشادية ورزان بالرحمة. محسن ونسرين لسه في السجن هما وكل اللي كانوا بيساعدوهم. واتحكم على نسرين ومحسن بالإعدام، لأنه كان بيتاجر في مخدرات وأعضاء، ونسرين بتساعده. *** علي: أنا ماشي، جاي ولا لأ. صقر: لا، روح إنت شوية وهحصلك. علي: إنت حر. وسابه ومشي. سجدة: تفتكر هيعمل إيه لما يشوف المفاجأة دي.

روح بفرحة: أكيد هيفرح طبعاً. صقر بحب: يارب تعجبه. علي نزل راح القسم ودخل مكتبه وبدأ يشوف شغله. العسكري: في حد عاوز حضرتك. علي: دخله. دخلت بنت منتقبة وبصة في الأرض: السلام عليكم. علي باستغراب: عليكم السلام. البنت رفعت عينها وعلي بص لها شوية بس غض بصره. ... بصوت باين عليه العياط: وحشتني أوي ي علي. علي رفع عينه بصدمة وقام جري عليها وشال النقاب: ج ج جنا. جنا اترمت في حضن أخوها وفضلوا يعيطوا. علي: إنتي عايشة صح!

أنا مش مصدق عيني، بس إزاي إزاي! إنتي حامل. صقر من وراه: أنا السبب. علي بصدمة: إزاي! و راح ضربه بالبوكس: حامل منك! صقر: لا لا، أنا مراتي روح، يعم هي حامل من جوزها عادي. علي أخد جنا في حضنه وقعد. صقر: يوم ما الدكتور كشف عليها وقال إنها ماتت، أنا كنت متفق معاه، وبعدين إنت طلعت أوضتك قعدت تعيط وأنا أخدتها ودخلت العمليات وفضلت في غيبوبة شهرين، لما فاقت كانت الذاكرة رجعت لها وبدأت تتعالج طبيعي ورجعت تمشي تاني.

بس طبعاً إنت كنت في حالة لا تسمح بأي ضغط أو صدمات، لحد ما اتقدملها واحد وأنا وافقت واتجوزوا، وبقيت كل فترة أروح أطمن عليها، وهي كانت حاضرة الفرح على فكرة. علي بصدمة: كل ده يحصل وأنا معرفش. جنا بدموع: أنا آسفة ي علي، أنا غلطت كتير أوي، سامحني. علي: أنا اللي آسف ي حبيبتي، أنا كنت بموت في اليوم ألف مرة. جنا بتردد: طب ج جوزي برا. علي سابها وقام فتح الباب ودخل واحد لابس كاب مداري نص وشه. علي: شيل الكاب ده. ...

شال الكاب وانصدم لما لقاه نفس الشخص بتاع يوم الحادثة. مسكه ولسه هيضربه، صقر بعده. جنا بعياط: مهاب ملوش دعوة، أنا اللي غلطت. مهاب: اسمعني، والله أنا مراتي ماتت وكنت بحبها أوي، روحت البار وفضلت أشرب لحد ما حصل اللي حصل. أنا كنت بغير على الكسر اللي إنت عملتهولي، شوفت جنا وهي خارجة بتسند على صقر، راقبتهم وعرفت مكانهم، وطلبت اتجوزها، صقر في الأول رفض، بس لما لقيت إصراري وافق بعد ما طلع روحي، واتجوزنا.

وبص لجنا بحب: وهي حامل في بنتي دلوقتي، وأنا بقولها قدامكم كلكم: أنا بحبها ومقدرش أعيش من غيرها أبداً. أتمنى تسامحنا كلنا ي علي. علي حضن أخته بحب: الحمدلله إنك معايا لسه ي حبيبتي. رجعوا كلهم القصر والسعادة مالية قلوبهم. لقوا أياد ويونس هناك. روح شايلة روز ويونس شايل غيث وبيلاعبه. حضنوا بعض وقلوبهم صافية.

يونس للفانز: أنا حبيت رزان، حصل مشاكل كتير، روح اتعذبت في حياتي معاها كتير، بس لقت سندها وحبيبها وأخوها في الدنيا. ربنا يديمكم لبعض. وقعدوا يضحكوا ويهزروا مع بعض. روح: اقرأوا الفاتحة لماما شادية ورزان. قرأوا كلهم الفاتحة واترحموا عليهم بحب.