رواية ضرتي الفصل الرابع 4 - بقلم مني محمد

نادر: أنا جيت أقولك إني مش هسيبك وعايز أعرض عليكِ عرض، أتمنى توافقي. نور: تقبلي… نور: نورت البيت يا أستاذ نادر. نادر: البيت منور بأصحابه يا مدام سهام. سهام بتذمر: أومال فين مالك مجاش معاك ليه؟ نادر: كان عايز ييجي عشان يشوفك يا أميرة، بس وراه مذاكرة. أميرة: ربنا يقويه يا رب. وهي بتمسك ملك من إيديها: ماتتلمي يابت، انتي بتسألي عليه عينك عينك كده عادي؟ وبعدين قالت بصوت واطي: اعملي حاجة لعمك نادر يشربها.

ملك بملل: مش هكتر السكر، متخافيش. نادر: وانتي عاملة إيه؟ أميرة وهي بتحاول تخفي حزنها: عادي، هو حصل إيه يعني؟ زياد معتش يفرق معايا ولا أنا زعلانة. نادر بحنية: حتى لو عملتي قدام الكل إنك مش همك، هقدر أفهم إنك مضايقة. عايزك تفضفضي، طلعي كل اللي جواكي. أنا عارف إنك مش بتحبي تبيني حزنك قدام حد أو تحسي إنك ضعيفة. أميرة: تعبانة أوي يا نادر ومش قادرة أنسى. صحيح، انت كنت هتقول حاجة قبل ما سهام تيجي؟

نادر: أيوه، ماهو ده اللي جيتلك عشانه. عايزكِ تشتغلي. أميرة بتفكير: بس هشتغل إيه؟ نادر: بصي، أنا كنت بدور على سكرتيرة لمكتبي. إيه رأيكِ تشتغلي معايا؟ أميرة برفض: لا طبعاً مش هينفع. افرضي نور عرفت، والناس هتقول إيه؟ شغالة عند أخو طليقها. سهام بصوت عالٍ من جوه: وفيها إيه؟ ده زي أخوكي بالظبط. سيبك من كلام الناس. وفي الوقت ده طلعت ملك: اتفضل يا عمو نادر. نادر: تسلمي يا حبيبتي.

وبعدين كمل: مدام سهام موافقة، وأنا هكلم أخوكي في التليفون أكد عليه. انتي طبعاً عارفة طريق المكتب، مش محتاج أديكي عنوان. أميرة بابتسامة: أيوه، أومال مش كنت شغالة فيه قبل كده؟ إن شاء الله لو فؤاد وافق هاجي من بكرة. نادر: طب أنا همشي دلوقتي عشان ورايا شغل. خلي بالك من نفسك. أميرة بابتسامة: حاضر، وبجد شكراً ليك. نادر: متشكرنيش تاني، هزعل منك، أنا معملتش حاجة. *** "فين كوباية القهوة يا أميرة؟

"والله أنا مش أميرة يا أستاذ زياد، أنا مراتك رنا." زياد بضيق: "حقك عليا يا رنا، مقصدش أزعلك. انتي عارفة إني متعود أشرب القهوة قبل ما أروح الشغل. ممكن تعمليلي كوباية القهوة؟ رنا: "انت شايفني فاضية يا حبيبي؟ مش شايف الماسك اللي على وشي؟ هخلي مالك يعملهالك." دخلت طفلة صغيرة عندها ٥ سنوات وكانت شايلة حمزة. أول ما شافها زياد راح ياخد حمزة منها بلهفة وقال بغضب: "ومال فين عم مالك؟

جنة: "أنكل مالك بيقولكم محدش يكلمه أو يقوله يعمل حاجة تانية عشان هو زهق وطفش، وتيتة بتقولك انزلي روّقي الشقة." زياد: "أنا قولتك قبل كده نجيب واحدة تساعدنا في شغل البيت، ومامتك مصرة ترفض. معرفش عايزة تتعبنا معاها ليه." زياد: "خلاص ياحبيبتي، هحاول أقنعها." وبعدين كمل ببرود: "وتسلم ايدك على القهوة، واديها حمزة." ومش. نزلت رنا عند حماتها بغيظ،

وسمعت نور: "بقولك إيه ياماما، أنا مش كل يوم هعمل الشغل لوحدي. رنا مش أحسن مني في حاجة." حماتها: "هي مش صاحبتك؟ اتصرفي معاها عشان تعرفوا قيمة أميرة." رنا بغيظ وكالعادة أول ما تسمع سيرة أميرة بتموت من غيظها: "إيه يا ست نور، في إيه؟ انتي عارفة إني مش فاضية وحمزة مغلبني." وقالت في سرها: "معرفش أميرة كانت بتتعامل معاه إزاي." نور: "هو مفيش غيرك ياختي معاه عيال؟

بقولك إيه، انتي زيي زيك في البيت ده. لو معملتيش الشغل معايا أنا كمان مش هعمل." وسابتها ومشيت. *** نور: "أجبلك الأكل تاكل؟ نادر: "كلت برة، شكراً." نور بزعيق: "لا كدة كتير أوي! انت من ساعة ما ست الحسن والجمال ماسابت البيت وانت معاملتك متغيرة معايا." نادر بغيظ: "نور، احترمي نفسك ووطّي صوتك. أنا ببقى جاي من الشغل مرهق، عايز أرتاح. ولو سمحتي كفاية أوهامك المريضة دي." نور: "عايز تفهمني إنك مش بتحبها؟

تجاهلها نادر، وده عصبها. نور: "أيوه، يبقى لسة بتحبها. ماهي حبيبة القلب." نادر بعصبية: "خلااااص كفااااية! أنا زهقت من المرشح اللي كل يوم بتعمليه وأسألتك اللي مش بتخلص. انتي بتدوري على أي سبب عشان نتخانق وخلاص. والله لولا عيالي كنت... وبعدين سكت. نور: "كنت إيه يا أستاذ نادر؟ ماتقول! نادر ببرود: "أنا رايح أنام في أوضة العيال." وسابها ومشي. نور بعصبية: "يلااااااا ياحبيي*يبى في ستي*يين دا*هية." *** خبطت الباب براحة.

نادر: "اتفضل ادخل." دخلت وهيا بتبص في الأرض. نادر بفرحة: "كنت حاسس إنك هتيجي. اتفضلي يا أميرة." أميرة بخجل: "فؤاد وافق على موضوع الشغل، بس عندي سؤال. أنا أعرف إنك عندك معارف كتير، ليه ماشوفتليش شغل عند حد تاني؟ نادر بهدوء: "بصراحة، مش هطمن عليكي غير وإنتي قدامي. أنا عايزك تفهمي إني دايماً هفضل معاكي." نور: "هتفضل مع مين ياحبيبي؟ بص الاتنين بصدمة.

نور بحقد وبصوت عالي: "أنا كان قلبي حاا*ااسس من الأول إنك بتخوني، بس مش أنا الست اللي تسيب جوزها لواحدة تانية يا خطاا*افة الرجاااالة." بدأ الموظفين يجتمعون. نادر: "نور، انتي فاهمة غلط. إحنا لينا بيت نتكلم فيه. الموظفين بيتفرجوا علينا." أميرة بتوتر: "نور، خلينا نتكل... نور بمقاطعة: "بعد ما خطر على بالها خطة خبيثة: آخر*سي! أنا هخليكي تندمي ندم عمرك. شكلك متعلمتيش من أول مرة." وبصت لها بشر ومشيت.

نادر بعصبية: "كل وااااحد يتفضل على شغله. المسرحية خلصت." كانت أميرة بتعيط. بصلها نادر باستغراب. نادر: "كفاية عياط يا أميرة، تعالي معايا فوراً نلحق نور عشان هتبوظ الدنيا." أميرة وهي بتمسح دموعها: "على فين؟ نادر: "يلا بس بسرعة نلحقها."