رواية ضرتي بقلم مني محمد | كاملة
قيّم الرواية:
لا توجد تقييمات بعد
من أحداث الرواية
بتعملي إيه؟ عايزة تقتلي ابني؟ قالتها بعصبية وصوت عالي وشدت منه ابنها بخوف. بصيتلها أميرة بذهول وقالت: انتي بتقولي إيه؟ والله ما عملته حاجة. رنا بغضب: انتي كدابة، انتي كنتي بتحاولي تقتلِيه، حرام عليكي، بتعملي ليه كده؟ ده طفل. دخل الكل على صوت زعقهم. "في إيه يا رنا؟ صوتكم عالي ليه؟" رنا بغضب: مرات ابنك حاولت تقتل ابني يا ماما. أميرة ببكاء: والله يا ماما ما عملت حاجة، الواد كان بيعيط وكنت بحاول أسكته. "وهي رنا هتكدب يعني؟ بتعملي ده كله عشان مش بتخلفي؟" قالتها نور، سلفة رنا. نادر (زوج نور): خلاص يا جماعة، اهدوا، انتوا أكيد فاهمين غلط. نور بصوت عالي: خليك دايماً كده، اقف جنبها يا خويا، دي واحدة مجرمة، كانت عايزة تقتل طفل. أميرة بزعيق: انتوا ليه مش مصدقيني؟ أنا معملتش حاجة للواد. حماتها بلوم: يا بنتي، مش انتي اللي قلتي لجوزك يتجوز عليكي عشان يخلف؟ دلوقتي بتحاولي تأذي ابنه ليه؟ أميرة بصدمة: انتي كمان يا ماما؟...
