رواية فارس احلامي الفصل الأول 1 - بقلم رحمة محمد

كانت هتقع وفجأة لقت حد مسكها من إيديها وشدها ليه وبقت في حضنه وتلاقت عيونهم. فضلوا سرحانين لثواني، هي انتبهت وبعدت. : احم، شكراً ليك. هو بابتسامة: العفو، على إيه. هي فضلت باصة ليه وسرحانة في ابتسامته. وفجأة لقت ميه مغرقاها، صحيت بخضة. هي بـ شهقة: يالهوي، بغرق. مامتها: يارب ارحمني من بيت المجانين دا، اصحي يا حيو... انة هتتأخري على الجامعة. : أي يا مني، حد يصحّي حد كده؟

مني بعصبية: بقالي ساعة بصحيكي وإنتي مخمورة. عارفة دا كله من إيه؟ : من السهر والتليفون. شوفي تحت عينك عامل إزاي، كأن حد ضربك بوكسين في وشك. ولا شوفي جسمك، رفعتي واتنيلتي. حسبي الله ونعم الوكيل في اللي صنع التليفونات. أصل إحنا ناقصين هم. حلو كده يا ست الكل؟ حفظة وسمعت كل حاجة. مني: جتها نيلة اللي عايزة خلف تيجي تشوف بنتي. : طب الله يكرمك يا ست الحبايب. مني بصتلها بـ قرف: ونبي ما عندك دم. وسبتها ومشيت. والتليفون رن.

: الو يا خوخة. خلود: إيه يا حبيبة، إنتي فين؟ حبيبة: أنا لسه صاحية وهلبس في 5 دقايق. خلود بصوت عالي: نعمممم يختي، إنتي هتلبسي في 5 دقايق؟ طب إزاي دي كانت الدنيا اتقلبت. حبيبة بهمس ليها: يابت، حلمت بفارس الأحلام تاني. هيييح، قرة عيني مسكني عشان كنت هقع. خلود بسرعة: وبعدين؟ وبعدين؟ حبيبة: يابت، إنتي مش كنتي بتصوتي دلوقتي؟ خلود: أيوا أيوا، صح. (وكملت بتحذير) 5 دقايق بس يا حبيبة، 5 دقايق وإياكي تتأخري، فاهمة؟

حبيبة: أؤمرك، حاضر. خلود: سلام يا بيبو. وقفّلوا البنات مع بعض. وقامت حبيبة عشان تجهز وتروح الجامعة. وبعد وقت طويل، كانت لسه واقفة قدام الدولاب بتاعها بتفكر. لسه هتلبس إيه. : ألبس إيه؟ ألبس إيه؟ (وطلعت دريس) دا، اممم، لا لسه لبساه الشهر اللي فات. (حطته مكانه وطلعت واحد تاني) اممم، لا مش حباه. (حطيته وطلعت واحد تاني) اممم، هلبسه بقى وخلاص عشان متأخرش على خوخة.

وبعد نص ساعة، حبيبة نزلت من البيت أخيراً. لقت خلود في وشها بتبصلها بـ شر. حبيبة بـ خوف: استني، هفهمك. أصل أنا كنت بفكر ألبس إيه وكده. (وابتسمت) وعشان متأخرش عليكي لبست أي حاجة. خلود كانت بصلها وعيونها بتطلع شر: يعني أعمل فيكي إيه؟ بقالي ساعة ونص مكلماكي، ساعة ونص يا مفترية! وفي الآخر تقولي لبست أي حاجة. أومال لو كنتي بتتشيكي كنتي هتنزل إمتى؟ حبيبة ضحكت: بتفكريني بمني أوي. خلود بـ غيظ: دي ربنا يعينها عليكي دي.

(وبصت في الساعة) منك لله، المحاضرة الأولى راحت علينا. حبيبة: طب تعالي أحكيلك الحلم. خلود بصت بسرعة: أيوا، قولي عمل إيه تاني. حبيبة: يالهوي يالهوي يا عبدو على اللي حصل! كنت هقع والواد شدني كدا وعيني جت في عينو وفضلنا بصين في عيون بعض كتير. ولا ابتسامتو، يختاااااي. خلود بصدمة: ....