رواية فارس احلامي الفصل الثاني 2 - بقلم رحمة محمد

خلود بصدمة وصوت عالي: يا قليلة الأدب إزاي تخلي حد يحضنك وكمان سيبتيه لبعض، تعالي شوفي تربيتك يا مني. حبيبة بسرعة حطت إيديها على بوقها: يخربيتك، يخربيتك فضحتيني. خلود وهي مش عارفة تتكلم: امممم. حبيبة شالت إيديها: دي كانت صاحبة إيه دي بس يا ربي، اتبليت بيها، كان يوم دهاب يوم ما عرفتك. خلود: عندك حق، كان يوم مطلعتلوش شمس. حبيبة لسه هتتكلم، شهقت وتنحت في اتجاه. خلود باستغراب: بت؟ حبيبة:

خلود شورت بإيديها قدام وشها بس برضه مفيش رد. حبيبة بصت لنفس الاتجاه وهي مش فاهمة حاجة. خلود بصوت عالي: حبيبااااااااه! حبيبة اتخضت وبصت لخلود ورجعت تاني بصت للاتجاه: بسم الله الرحمن الرحيم، أنا اتجننت ولا إيه؟ خلود: لا يا حبيبي، إنتي مجنونة، مش لسه هتتجنني. حبيبة سرحان: أنا شفته بجد وحقيقي. خلود باستغراب: شفتي مين؟ حبيبة بصت ليها: فارس أحلامي. خلود: يا حبيبتي، ده إنتي حالتك صعبة خالص.

حبيبة: مش بهزر والله، شفته هناك كده. خلود بصت للاتجاه اللي شورت عليه حبيبة بس مكنش فيه أي حد: لا يا بيبو، إنتي لازم تلحقي نفسك وتروحي لدكتور، مريض نفسي يعالجك. حبيبة: دكتور مريض نفسي! امشي قدامي يا خلود، امشي يا جاهلة. وقبل ما تمشي حبيبة بصت للمكان اللي شافته فيه، بس فعلاً مكنش فيه حد. مشيت هي وخلود وراحوا الجامعة وخلصوا المحاضرات بتاعتهم ورجعت كل واحدة لبيتها. حبيبة أول ما دخلت البيت. حبيبة: يا منيييييييي!

مني: إيه يا بنت المجاذينة إنتي؟ حبيبة: ماما حبيبتي، إنتي كده بتشتمي نفسك. مني وهي بتتكلم في التليفون: سامعة بنتك. حبيبة بفرحة وشدت منها التليفون: بابا حبيبي، وحشتني أوي. باباها بحنان وفرحة: وإنتي كمان يا قلب بابا، وحشتيني أوي. حبيبة بدموع: هترجع إمتى بقى؟ باباها: قريب إن شاء الله يا حبيبتي. حبيبة بدموع: كل مرة بتقول كده. باباها: لا وعد، يومين وهاجي عشان إنتي وحشتيني. حبيبة بفرحة: أخيراااا.

مامتها شدت التليفون: هاتي أكلمه شوية يا مدمدم تقيل إنتي. حبيبة غمّزت وضحكت: طب هطير أنا يا جميل. مامتها رمت عليها الشبشب: والله إنك ما شفتي تربية. حبيبة جريت بسرعة وهي بتضحك والشبشب مجاش فيها. وبعد ما دخلت أوضتها افتكرت الموقف اللي شافت فيه الشخص اللي بتحلم بيه. حبيبة بتفكير: أنا متأكدة إني شوفته، يمكن تهيؤات. وافتكرت الحلم وابتسامته. وابتسمت. : اسمي عمار. حبيبة: وأنا حبيبة. عمار بابتسامة وقرب من حبيبة أوي: أنا بحبك.

وفجأة حبيبة صحيت من النوم بخضة. حبيبة: يالهوي.