رواية فارس احلامي الفصل الرابع 4 - بقلم رحمة محمد

حبيبه بعد ما حكت لخلود عن الهديه. خلود بستغراب: بس مين الي هيعمل كدا؟ خلود وحبيبه كانو وصلو قدام الجامعه. حبيبه: مش عارفه. وفجأه ظهر قدامهم شاب وقف قدام حبيبه. حبيبه اتصدمت: انت بجد وحقيقي؟ الشاب ببتسامه: ازيك ي حبيبه. حبيبه افتكرت شكل الشخص الي في الحلم كان هو نفس الشخص الي قدامها، افتكرت نفسها بتحلم تاني. حبيبه لخلود: اقرصيني بسرعه عشان اصحي. خلود قرصتها جامد. حبيبه: عااااا ايدي. الشاب فضل يضحك عليهم جامد: مجانين.

حبيبه بصت لضحكتو: لا بقا والله هو بعينه الي بحلم بيه. الشاب بصلها بفرحه: بتحلمي بيه؟ حبيبه اتو"ترت من نظرتو: هاا اه قصدي لا قصدي اه يوووه بص ملكش دعوه. الشاب ضحك: اه ولا لا. حبيبه افتكرت اسم الشاب: انت اسمك عمار. الشاب: ايوا. حبيبه بصت لخلود وتكلمت بهمس: وحيات امي هو. خلود بهمس: انتي غبيه ي بت ما الواد دا معانا في الجامعه وكل يوم بقولك انو بيفضل يبص عليكي. حبيبه بستغراب: ازاي انا عمري ما شوفته؟

خلود: ما انتي مكنتيش بتبصي لما بقولك ف اكيد مركزتيش. حبيبه: انا مش فهمه حاجه. عمار بستغراب: انتوا بتقولو اي؟ قرب منهم شاب: عمار يلا المحاضره هتبدا. خلود بصت في الساعه الي ف ايديها: ايوا صح يلا ي حبيبه. وراحو محاضره. ولما خلصو، عمار بص لصحبو إياد وغمز ليه وضحك وبص لحبيبه. عمار: ممكن اتكلم معاكي شويه ي حبيبه. حبيبه: ايوا اتفضل. عمار: لا مش هينفع هنا تعالي نروح الكافي الي جنب الجامعه.

خلود: طب روحي انتي ي حبيبه ومش تتاخري. ومشي حبيبه وعمار. إياد: تحبي اوصلك ي خوخه؟ خلود: اي خوخه دي. وشكرا انا هستني حبيبه ونروح سوا. إياد ضحك: بدلعك مش احنا بقينا صحاب؟ خلود: لا مش صحاب واتفضل امشي بقا. إياد: انا واقف مستني صحبي. خلود: خلاص اتحتح بعيد شويه عشان النفس والواحد مش طايق نفسه اصلا. إياد ضحك جامد: اتحتح. خلود: هو انا بقولك نكته ي عسل. إياد: هو انا عارف اني عسل بس انا اسمي إياد. خلود: هييي خفه.

حبيبه: اهو جينا وقعدنا كمان. عمار: بحبك. حبيبه اتصدمت وسكتت وفضلت بصه ليه. عمار: احبك بعينين تعشق النظر اليك… احبك بلساناً لا يكتفي من الغزل بك .. احبك الي ما بعد الحب. حبيبه اتو"ترت من كلاموا وخدودها احمرت اوي. عمار ضحك علي شكلها وكمل بحب: ديما كنت حوليكي وجنبك وكنت بحب اشوف ضحكتك وجنانك انا بحبك ي حبيبه وعايز اجي اتقدملك ومش عايز رد دلوقتي فكري كويس وانا هكون معاكي ف اي قرار تخديه.

وكمل بضحك: انتي قلبتي علي فرولايه كدا لي؟ حبيبه ضحكت: بتكسف يعم. وفتكرت الهديه. حبيبه: انت الي جبت الهديه؟ عمار بستغراب: هديه اي؟ حبيبه: في هديه جتلي امبارح بلليل لقتها في البلكونه وكان فيها شعر وانت لسه قايل شعر فافتكرتك انت. عمار بستغراب: لا انا مجبتش حاجه وهحطها في البلكونه ازاي شيفاني سوبرمان. حبيبه ضحكت: طب يلا نمشي عشان خلود. وقاموا الأتنين ورجعو الجامعه تاني وشافو خلود واياد واقفين بيضحكوا وبيهزروا.

حبيبه: طب اي يلا نمشي ولا حبيتي الواقفه كدا. خلود وهي بتضحك: لا يلا نمشي. خلود: باي ي اياد. حبيبه: باي ي عمار. عمار واياد: باي. حبيبه وصلت البيت ولسه هدخل العماره حد جه من وراها وخدرها وشلها ومشي.