رواية فارس احلامي الفصل الثالث 3 - بقلم رحمة محمد

اسمي عمار حبيبه: وأنا حبيبه عمار بابتسامة وقرب من حبيبه أوي: أنا بحبك وفجأة حبيبه صحت من النوم بخضة حبيبه: يالهوي وخافت أكتر لما شافت خيال لشخص في البلكونة اللي في الأوضة بتاعتها حبيبه بخوف: لا لا أنا كدا أكيد اتجننت أنا شكلي هروح لدكتور نفسي (وعدلت كلامها) قصدي دكتور نفسي. مين اللي قالك يا خلود؟ وقامت براحة من على السرير ومشيت بخطوات بطيئة وقربت من البلكونة بخوف وبصت فيها بس مكنش في حد

حبيبه: مفيش حد، اومال إيه الخيال اللي شوفتو دا؟ لسه هتدخل لمحت حاجة على الأرض ولما قربت منها كان بوكس هدايا حبيبه باستغراب: إيه البوكس دا ومين جابه؟ بصت من البلكونة بس مكنش في حد موجود في الشارع خالص. دخلت الأوضة وقعدت على السرير والبوكس قدامها حبيبه: ياترى فيه إيه؟ (ولسه هتفتحه بعدت إيديها بسرعة) يمكن قنبلة وأول ما أفتحها تنفجر في وشي.

فضلت تفكر شوية وبعدين مسكت تليفونها ورنت على خلود. أول مرة خلود مردتش. فضلت ترن عليها لغاية ما ردت خلود بنوم: في إيه يازفتة بترني لي في وقت زي دا؟ حبيبه: الحقيني هموت خلود بنوم: جاية للشخص الغلط عشان أنا هفرح لو متي. يلا باي حبيبه: ياحيوانة اسمعي لقيت بوكس هدايا في البلكونة عندي خلود بنوم: اممم حبيبه: وخايفة أفتحه، ليكون فيه قنبلة. خلود كانت نامت ومردش عليها حبيبه: خلوووود قفلت معاها لما لقتها مش بترد: صاحبة ندلة.

(وبصت للبوكس) حكايتك إيه أنت كمان؟ فتحتو بخوف وأول ما فتحتو لقت البوكس مليان شوكولاتة بكل الأنواع اللي بتحبها حبيبه: الله! إيه الجمال دا؟ وشافت بوكس صغير فتحتو لقت سلسلة رقيقة وجميلة. ولقت صور ليها كتير. اتصدمت أول ما شافتها واتوترة حبيبه: إيه الصور دي؟ دا أنا حتى متصورتهاش. وشافت ورقة مكتوب فيها: في حبك أشتاقك رغماً عن قلبي وأهيم بكِ رغماً عن عقلي حبيبه: اممم مين الواد الرومانسي دا؟ (وبصت للبوكس والصور)

مين دا وإيه الصور دي؟ أنا مش فاهمة حاجة. فضلت تفكر كتير وحاولت تنام بس معرفتش من كتر التفكير. ووقفت في البلكونة وبقت تبص حواليها بس مكنش في أي حد. وبعد فترة بدأت حبيبه تجهز عشان الجامعة. ونزلت من البيت بسرعة وراحت تقابل خلود خلود بصدمة: لا لا مش مصدقة! أنتِ صحيتي وكمان جاهزة! (لأ) اقرصيني عشان أصدق. (ومددت ليها إيديها) حبيبه قرصتها جامد خلود بوجع: عااا يخربيتك خلاص

حبيبه بغيظ: تستاهلي عشان أنتِ حيوانة وندلة. برن عليكي وبقولك هموت تقولي هفرح فيكي. قد إيه أنتِ إنسانة غدارة. خلود ضحكت: أعملك إيه؟ كنت عايزة أنام. وحبيبه حكت ليها كل اللي حصل خلود باستغراب: بس مين اللي هيعمل كدا؟ خلود وحبيبه كانو وصلو قدام الجامعة حبيبه: مش عارفة. وفجأة ظهر شاب ووقف قدام حبيبه حبيبه اتصدمت: أنت بجد وحقيقي؟ الشاب: ...