رواية فارس احلامي الفصل السابع 7 - بقلم رحمة محمد

عمار: أنا عارف إن الوقت مش مناسب بس أنا طالب إيد الآنسة حبيبة. مامت حبيبة: أنا مش فاهمة حاجة. حبيبة بصتله بدموع: وأنا مش موافقة. عمار بص لمامتها: ها يا أمي إيه رأيك بصراحة؟ أنا بحب بنتك قوي ومستعد أعمل أي حاجة عشانها. مامت حبيبة: بس يا ابني إيه اللي حصل معاها؟ حبيبة دموعها نزلت وحكت لها اللي حصل. مامتها حضنتها وفضلت تعيط. عمار كشر: طب مفيش حتى شكراً إني أنقذتها. مامت حبيبة بدموع: لا طبعاً يا ابني، ألف شكر ليك.

عمار نزل لمستواها: طب عشان خاطري بلاش دموعك دي. وطول ما أنا مع حبيبة متخافيش عليها أبداً. (وغَمز لحبيبة) بس إنتي وافقي بس. مامت حبيبة ضحكت وقامت وقفت: طب اقعد وهعملك عصير. عمار اتنهد: أيوا بسرعة عشان الجموسة اللي كنت شايلها دي قطعتلي نفسي. حبيبة شهقت: نعمممم! مامت حبيبة ضحكت جامد ومشيت. عمار بحب: حبيبة. حبيبة: عايز إيه؟ عمار كتم ضحكته: إنتي كام كيلو؟ حبيبة قامت وقفت وبعصبية زي الأطفال: على فكرة بقى أنا مش تخينة.

عمار وقف قدامها: إنتي أحلى بنت أنا شفتها في حياتي. حبيبة بغرور: شكراً، أنا عارفة. عمار: بلاش الغرور يخدك بعيد أوي كدا. حبيبة: دا مش غرور، دا ثقة يا جاهل. عمار بابتسامة: بحبك. حبيبة: وأنا... (وانتبهت لكلامها) ق... قصدي شكراً. مامت حبيبة جت: طب ما تقوليها وخلاص، مقفوشة على فكرة. حبيبة: ماما، إنتي مع مين فينا؟ مامت حبيبة بضحك: أنا مع اللي يسعد بنتي ويعيشها مبسوطة. وطالما هو بيحبك وإنتي بتحبيه، أنا موافقة.

حبيبة: مين قال إني بحبه؟ عمار: بتحبيني؟ حبيبة: لا، مش بحبك. عمار: بتحبيني؟ حبيبة: لا، مش بحبك. عمار بخبث: مش بتحبيني؟ حبيبة بصوت عالي: لا، بحبككككك! عمار ومامت حبيبة ضحكوا جامد عليها. في دخول إياد وخلود. إياد: صوتك واصل لآخر الشارع، معقول الحب والِع في الدرة أوي كدا؟ خلود جريت على حبيبة وحضنتها: إنتي كويسة؟ حبيبة حضنتها جامد: أيوا يا حبيبتي. عمار لإياد: عملت إيه؟ إياد: اتحبس خلاص. عمار: جدع يا صاحبي.

(وبص لمامت حبيبة) الفرح آخر الشهر، حلو كدا؟ مامت حبيبة بابتسامة: من ناحيتي موافقة. حبيبة: وأنا مش موافقة. عمار: طب توكلنا على الله، طالما كلنا موافقين. حبيبة لسه هتتكلم قاطعها إياد. إياد: باااااس! وأنا كمان عايز أتجوز. (قرب من خلود) وأنا وخوخة فرحنا آخر الشهر. خلود شهقت: إييييه! حبيبة: إنتي لسه هتتصدمي، وإنتي واقعة من زمان أصلاً. كله ضحك. خلود بهمس: منك لله يا زفتة. حبيبة بضحك: مبروك يا صحبتي. مر سنتين. حبيبة كانت

بتكلم خلود على التليفون: هقوله دلوقتي. خلود بفرحة: أنا بجد فرحانة ليكي أوي. حبيبة بفرحة: وأنا فرحانة أوي. سمعوا صوت طفل بيعيط. خلود بضحك: زين صحي. هروح أشوفه ليصحي إياد. وإنتي روحي قولي لعمار. حبيبة: ماشي يا حبيبتي، باي. قامت بعد ما قفلت معاها. وكان في إيدها بوكس صغير. راحت الأوضة اللي فيها عمار. أدته البوكس: افتح دا. عمار خده باستغراب: إيه دا؟ حبيبة بابتسامة: افتحه وشوف. ولما فتح البوكس لقي جزمة أطفال.

عمار باستغراب: مش فاهم. حبيبة بابتسامة: أنا حامل. عمار: بتتكلمي بجد؟ حبيبة ضحكت: وهو دا فيه هزار؟ عمار بفرح قام وشالها وفضل يلف بيها كتير وهو فرحان: بحبكككككك. تمت بحمد الله.