رواية فارس احلامي الفصل السادس 6 - بقلم رحمة محمد

خلود بعد ما سابت حبيبه ولسه هتمشي افتكرت حاجه ورجعت عشان تقولها. واتصدمت لما شافت واحد شايلها وبيحطها في العربيه. خلود بخوف جريت علي العربيه بس كانت مشيت. وشافت تاكسي وقفتو بسرعه: ورا العربيه دي لو سمحت بسرعه. ومشي التاكسي ورا العربيه لغايت ما وصلو لبيت كبير كان علي البحر. خلود نزلت بسرعه من التاكسي بعد ما ادتو فلوسو واستخبت بين الشجر الي حولين البيت. خلود بصدمه: مش دا الي ساكن في الشقه الي جنب حبيبه.

هو واخدها على فين. وطلعت تليفونها بسرعه ورنت على اياد. خلود بخوف: اياد انت فين. اياد: ايه يا بيبي لحقت اوحشك. خلود بدموع: فين عمار بسرعة. اياد: اهدي بس بتعيطي ليه؟ في ايه؟ خلود بدموع وحكت له كل اللي حصل: وانا مش فاهمة هو جايبها هنا ليه. اياد بسرعة: طب اهدي وانا هجيب عمار واجي. اوصفلي المكان. خلود بتوتر ومسحت دموعها وفضلت تبص حواليها: معرفش هو بيت وحواليه شجر وعلى البحر مفيش أي حاجة تانية. اياد: طب سلام وهكلمك تاني.

وقفلو مع بعض. اياد خد مفاتيح عربيته ونزل بسرعة من بيته وهو بيرن على عمار لغايت ما رد وحكاله اللي حصل وتقابلو هما الاتنين. عند خلود واقفة مستخبية ورا شجرة وبصة للبيت بخوف: يلا بقا تعالو بسرعة. وشافت ادهم واقف في البلكونة بيشرب سيجارة. بسرعة استخبت عشان ميشوفهاش. وفتكرت حبيبه وهي بتحكيلها على الهدية: هي قالت حست بحد في البلكونة ولما طلعت ملقتش حد ولا حتى في الشارع. (وكملت بتفكير)

ودا البلكونة بتاعته جنب البلكونة بتاعت حبيبه يعني هو اللي كان جايب الهدية. وقاطع تفكيرها صوت عربية. ابتسمت: أكيد هما. وجريت على الصوت وفعلا كان اياد وعمار. عمار بسرعة: هي فين. خلود بدموع: هي هتكون معايا وأنا مخبياها يعني لسه في البيت ده. اياد ضحك: اهدي انت كمان عشان نشوف هندخل البيت ازاي. (وبص لخلود) وانتي بتعيطي ليه دلوقتي. خلود بدموع: خايفة عليها. اياد ابتسم وقرب منها حضنها: خلاص إحنا جينا أهو.

وبيبص على عمار مش لاقيه موجود. اياد: المجنون مشي. خلود فاقت وخرجت من حضنه: انت ازاي تقرب مني. اياد: بحضن مراتي المستقبلية. ايه فيها حاجة. خلود شهقت: هي مين دي. اياد ضحك: انتي يا حبيبتي هو في غيرك. خلود لسه هتتكلم. اياد منعها: شششش مش وقته يلا نشوف عمار راح فين. عمار قرب من البيت واتأكد إن مفيش حد قدامه بس كان في سور عالي. فضل يبص حواليه بس مكنش في حاجة حواليه تساعده يعدي السور. فضل واقف بتوتر وعمال يبص للبيت: حبيبه.

ورجع بص حواليه للشجر لقي شجرة قريب شوية من السور. جري ناحيتها وحاول يطلع عليها لغايت ما فعلا عدى السور وجري ناحية البيت. شاف شباك مفتوح عدا منه. وفضل يدور في كل مكان عليها لغايت ما سمع صوتها جاي من أوضة قصاده. جري عليها وأول ما دخل شاف ادهم وهو قريب من حبيبه. جري عليه وشده من عليها وضر**به بالبو**كس وقع على الأرض. حبيبه بدموع وصوت متقطع: ع.. عمار. عمار قلع الجاكيت بتاعه وغطاها بيه: متخا**فيش أنا معاكي.

ادهم بص له بغ**ل: كويس إنك جيت عشان تشوفها وهي هتبقى مراتي. عمار بغ**ضب: دا في أحلامك. وهجم عليه فضل يضر**به كتير لغايت ما اغ**مي عليه. ودخل اياد جري عليه حاول يبعده عنه. وخلود جريت على حبيبه اللي عمالة تعيط بصوت عالي. لبستها الجاكيت وحضنتها: اهدي متخا**فيش خلاص اهدي عشان خاطري خلاص. اياد بصوت عالي: عمار خد حبيبه وامشي يلا وأنا هتصرف.

عمار بص لأدهم بغ**ل وسابه وقرب من حبيبه حضنها وحبيبه حضنته جامد وشالها طلع بيها برا المكان. خلود بخوف: هفضل معاك. اياد: لا مش هينفع يلا روحي مع حبيبه. خلود بدموع: لا مش هسيبك. اياد ابتسم وقرب منها: خا**يفة عليا. خلود بتوتر: طبعاً مش إحنا أصحاب. اياد ج**ز على سنانه: امشي من وشي. خلود: لا هفضل معاك. عمار خد حبيبه وركبو العربية ووصلها البيت وطلعو الشقة بتاعتها. مامتها أول ما شافتها: يالهوي مالها بنتي فيها إيه.

حبيبه بدموع وحضنتها: ماما. عمار: احمم أنا عارف إن مش الوقت المناسب بس أنا طلب إيد الآنسة حبيبه. مامتها: أنا مش فاهمة حاجة. حبيبه بصت له بدموع: لا مش موافقة.