رواية فضول بنيت عليه حياة الفصل الخامس 5 - بقلم سما المغربي

رامي: أنا... أنا بصي أنا عازمك على الغدا وفهد جاي، وأكيد صاحبتك هتيجي بردو. ليلى: لا، ملوش لزوم. أنا... رامي: لا لا، لازم تيجي لو سمحتي... عشان حتى تشوفي صاحبتك. ليلى فكرت شوية وقالت: تمام، شكراً أوي ليك. مع السلامة. وقفل. رامي: سلام. عن فهد، كان قاعد بيراجع ورق تبع الشغل، وكانت عائشة في الحمام بتستحمى، وهو قاعد تلقونه رن. وكان رامي. فهد: عايز إيه يلا؟ رامي: جرا إيه يا عم؟

هو كل واحد يتجوز ينسى إنه كان عنده ناس وحياة قبل كده. فهد: معلش يسطا، والله مشغول. ولقيت عمي هنا وحوار، هبقى أحكيلك لما أشوفك. هو في حاجة ولا إيه؟ رامي: لا، ده أنا كنت عازمك انت والمدام على الغدا. احم، عشان عزمت ليلى. فهد: ليلى مين؟ رامي: إيه يا عم، ليلى صاحبة عائشة مراتك. فهد: أه أه، طب وانت عازمها ليه؟ دي يعني، إيه المناسبة؟ رامي: ها... لا عادي، قولت نتعرف على بعض أكتر يعني.

فهد فهم صاحبه إنه معجب بليلى، لكن كان عاوز هو اللي يقول. فهد: ماشي يا سيدي، هشوف وأقولك. رامي: تمام، هستناكوا يوم الخميس. فهد: حاضر يا عم، خلاص... سلام. في الوقت ده خرجت عائشة وهي لفة فوطة على جسمها وشعرها. قالت وهي باصة في الأرض من الكسوف: ممكن تخرج لحد ما أغير. فهد كان متنح، وفاق على صوتها: ها... أه أه، حاضر. بس متتحمريش كده يعني، هههه. وخرج. في القصر من تحت، فهد نزل. كانت أحلام قاعدة.

أحلام: إيه يا حبيبي، مراتك فين؟ فهد: بتلبس ونازلة. أومال الحاجة أنعام فين؟ أحلام: طلعت ترتاح شوية. إيه بقا، مفيش حاجة جاية في السكة ولا إيه؟ فهد بعدم فهم: حاجة زي إيه؟ مش فاهم. أحلام: يا واد، عاوزة حتة عيل. في الوقت ده نزلت عائشة. عائشة: مساء الخير. ازيك يا لولي؟ هههه. أحلام: أهلاً يا قلبي. كنا لسه جايبين في سيرتك دلوقتي. كنا بنقول إن أنا عاوزة عيل. عائشة بغباء: هتتجوزي يعني؟

أحلام بضحك: يا بت لا، انتوا اللي هتجيبوا مش أنا. عائشة بصدمة: إحنا... أنا... يعني أنا وفهد... لا. وبصت على فهد. إحنا... إحنا مأجلين، مأجلين الموضوع ده شوية، ولا إيه يا فهد؟ فهد بابتسامة خبث: والله لو عليا أنا جاهز، لكن شوفيها هي بقا. أحلام: أخضر عليكي يا عائشة، كده مش عاوزة تبقي أم ولا إيه؟ عائشة بغيظ: احم... لا خالص. أنا نفسي حتى، لكن يعني... مش عارفة والله. أنا طالعة أرتاح شوية. عن إذنك يا لولي.

أحلام بضحك: ماشي يا روحي. روح يا فهد انت كمان مع مراتك.