رواية فهد وقع في حب الكباس الفصل الأول 1 - بقلم شهد هاني

فين الربع جنيه الباقي يسطا عشان عاوزة أنزل في أول المحطة. السواق: ربع جنيه إيه يابنتي أنا مش معايا فكة. روان: طب أنا مش هنزل غير لما آخد حقي وحقي ربع الجنيه يسطا. السواق: وأنا أجيبلك ربع جنيه مخروم منين، أنا مش ناقص قرف على الصبح. روان بعصبية: قصدك عليا أنا قرف، طب وقف بقولك وقف، لولا هرمي نفسي في شباك وهدخلك السجن وهتموت مشنوق.

الشاب ورا يدعي فهد: ي آنسة أو مدام، أنا ورايا شغل وشركة، مين هيكون معاه ربع جنيه، اقعدي كدا واستهدي بالله. روان: استغفر الله العظيم، هو أنا مش مواطنة مصرية، وليه آخد حقي تالت ومتلت، وأنا مش هنزل غير لما آخد ربع جنيه. واحدة كبيرة في السن: طلعت وبتقول، حد يساعدني، أنا بربي أيتام، علبة مناديل بجنيه ونص عاوزة أبيعهم وأخلص عشان أروح. روان: بجنيه ونص ليه ي وليه، دي حتة ورقة بيضا بنف فيها.

الست كبيرة: يابنتي الدنيا غليت، خديهم يابنتي انتي عاوزة، بس عاوزة أروح أجيب حاجة لعيالي. روان صعبت عليها: وقالت، خدي 100 جنيه اللي معايا، ربنا يرزقني بقا، كانوا آخر حاجة، وبعد كدا هشحت، وافتكرت وقالت، عاوزة ربع جنيه عشان مش أرمي نفسي دلوقتي. السواق: فضل يدور على ربع جنيه لحد ما لاقاه، وقال، خدي ياشيخة ربع جنيه شبه وشك. روان: اقف بقا نزلني يسطا، انت كدا مواطن صالح.

فهد بعصبية: بص في ساعته، لاقى إنه اتأخر نص ساعة بسبب الغبية دي. روان: لسه هتنزل. كان فهد: مسك إيدها وقال بعصبية، عارفة لو شفتك تاني في أي مواصلة، أنا اللي هرميكي من الشباك، وزقها ونزل قبلها. روان: إيه هو عشان نطلب حقنا بقا صعب لدرجة دي، دا ربع جنيه، لو اتحط على ربع وربع وربع هيبقوا مبلغ، ونزلت وهي عمالة تكلم نفسها.

فهد بعصبية: العربية بتاعتي تصلح فوراً، عشان مش فهد الحريري اللي يركب في عربية أجرة. وصل فهد الشركة بتاعته بهيبته المعتادة. روان: وهي ماشية عشان تروح لحضور أول يوم ليها في شغل، شبشبها اتقطع. روان بصدمة: أحيه يالهوووتي، شبشب اتقطع، نمشي إزاي دلوقتي، وراحت ماسكة في إيدها ومشيت حافية.