رواية فرحة عمري الفصل الخامس 5 - بقلم بعض من اللطف

شهد بعياط: الحق تليفوني وقع في الميه. فارس بتنهيدة: يا شيخة، كويس انها جت لحد هنا. شهد: متعصبنيش يا فارس. فارس: بس أي الجمال ده، هو إنتي لما بتتعصبي بتحلوي كده؟ شهد: امشي يلا من هنا. فارس حب يغيظها: طيب أروح أشوف تليفوني فين، وتليفوني حبيبي أنا جايلك. شهد بتضحك على طريقته: على فكرة أنا كده اتنصب عليا. فارس: إزاي؟ شهد: متجوزة طفل. فارس: بس أنا متجوز قمر. شهد بكسوف: الله يكرمك. فارس: والله هو ده الرد. شهد: آه.

فارس: طاااايب، ماشي. وقاطعهم صوت رن الجرس، اللي كانوا أهل شهد (مامتها وباباها) وأهل فارس (مامته وباباه) وأم منى ومنى. فارس: مين؟ سامح: افتح يا عريس. فارس وهو بيفتح الباب: أهلاً أهلاً، نورتونا، اتفضلوا. وسلم عليهم لحد ما وصل لمرات عمو. فارس من غير نفس: أهلاً. أم منى بخبث: حبيب قلب مرات عمك، تصدق مصدقتش إنك اتجوزت. فارس: لا صدقي. منى بدلع: عامل إيه يا فارس؟ فارس بتجاهل: شهد يا حبيبتي تعالي سلمي على الجماعة. منى

بصتله بغيظ وهمست جنب ودنه: على فكرة محدش هيحبك قدي. فارس بهمس برضو جنب ودنها: مش عايز حبك أصلاً. وخرجت شهد وكانت لابسة إسدال الصلاة. كلهم بصولها بصدمة وسلموا عليها، بس تسكت الحرباية أم منى لا طبعاً. أم منى: إيه ده، هي العروسة اليومين دول بقت بتلبس الإسدال في البيت؟ شهد كانت لسه هترد بس سبقها فارس. فارس: لا، وإنتي الصادقة، كانت بتصلي. عبير بتحاول تنقذ الموقف: تقبل الله منك يا قمر.

شهد بابتسامة: منا ومنكم صالح الأعمال يا ماما. وفات وقت جميل على الحضور ما عدا أم منى ومنى. وهما ماشيين كلهم نزلوا ماعدا منى كانت قاصدة إنها تنزل آخر واحدة. منى وهي ملاحظة إن شهد بصالها، راحت سلمت على فارس وحضنته. منى: حبيبي، هتوحشني، سلام. فارس وهو بيبعدها عنه: اتلمي عشان مقلبش عليكي. وشهد شافت المنظر وراحت قعدت في أوضتها. فارس خبط وهي سمحتله بالدخول. فارس: يلا عشان نفطر؟ شهد: تمام، يلا.

وجهزت الفطار وأكلوا، وبعدين عملت نسكافيه ليها ول فارس. فارس: تسلم إيدك. شهد: تسلم وتعيش. فارس: إيه اللي مزعلك؟ شهد: ولا حاجة. فارس: طب مش إحنا أصحاب؟ شهد: آه. فارس: طب احكيلي عنك. فارس بيحاول يقرب منها ويخليها تتعود تتعامل وتتكلم معاه وتحبه، وهو ما يعرفش إنها واقعة فيه أصلاً. وفضلت شهد تحكي وتهزر وتتكلم لحد ما لقت فارس متنح وتايه. شهد وهي بتحرك إيديها قدام عيونه: فارس، فارس، هل تسمعني؟

فاااااااااااااااااااااااااااااااارس. فارس: إيه، الله يخربيت أبو معرفتك. شهد بضحك: إنت كنت فين؟ فارس: لا، سرحت شوية. شهد: اممم، طب ماتسرحش تاني. فارس: خلصانة، إنت تؤمر يا فندم، تحت أمر معاليك. شهد بضحك: جدع. وبعدين جه فارس قالها إنه هينزل وراجع على طول. شهد: طب متتأخرش عشان بخاف أقعد لوحدي. فارس بحنية: متقلقيش، هجيلك على طول. خرج فارس وراح جابلها فون جديد وبوكيه ورد ورجع البيت. فارس: شهد. شهد: نعم.

فارس: غمضي عينك وأنا جايلك. شهد: مقلب ده صح؟ فارس: عيب عليكِ، غمضي بس. 1، 2، 3، 4، 5. فتحي عينك. شهد وهي بتحضنه: مرسي جداً جداً على الحاجات القمر دي. فارس بفرحة لفرحتها: ضحكتك دي عندي بالدنيا. شهد باستيعاب إنها في حضنه وبترجع لورا. فارس يضحك: متقلقيش، والله العظيم أنا جوززززززززززززك. شهد بضحك: عرفتها لوحدك. فارس بثقة: آه.

وجت العشا، أذنت، وصلوها ونامت شهد. وبعدين راح فارس ينام في أوضته لحد ما جت مكالمة ل فارس وسمعتها شهد بالصدفة وهي خارجة للمطبخ تجيب كوباية ميه. فارس: إزاي متكتبش باسمي، اومال أنا وافقت اتجوزها ليه، مش عشان اللي إحنا اتفقنا عليه؟ شهد بصدمة: طلقنااااااااااااااى.