رواية فرحة الصعيد الفصل الثامن والعشرون 28 - بقلم سهيله عاشور

عند صابر أتى له محسن بفتاة ليل لكي يلبي أمره. أخذها ودخل بها إلى غرفته هو وصالحة، وكانت صالحة هناك وكادت الانتهاء من صلاتها. صابر باستخفاف: ما تخلصي يا ست الشيخة خلينا نشوف ورانا إيه. دا انتِ حرمة نكد. صالحة ببكاء: السلام عليكم ورحمة الله. حاضر طالعة. الفتاة بدلال: هي مين دي يا حبيبي؟ صابر ببرود: مراتي. الفتاة بخضة: يا لهوي مراتك! صابر: مالك يا بت؟ سيبك منها خلينا في اللي إحنا فيه. هم ليفعل معها ما حرمه الله.

************************** في قصر شبل سالي ببرود: حبيبتك!! أهاا.. مبروك. شبل بضحك: مبروك إيه بس؟ مش دي السكرتيرة بتاعتك؟ معتز بضحك: آه هي تركية مش بتفهم عربي. وأنا كنت باعتلها عشان تظبط الحجوزات والمواعيد وتكون معانا هنا أفضل. شبل: طب وهنسافر إمتى؟ معتز حدثها بالتركية: متى موعد الطائرة؟ لارا: بعد الغد الساعة الثامنة مساءً. معتز: حسناً. ثم أكمل: فيروزتي عاوزين أوضة للحجة دي. فيروز بضحك: خليها تيجي ورايا.

معتز: اذهبي معها لتستريحي وقومي بعملك. فرح: والله صدقت إنها حبيبتك بجد. إنت مش هتبطل هزارك التقيل ده. معتز بضحك: معرفش أعيش من غير هزاري البايخ ده. معتز بغمزة: ها يا شبل البيت كان عامل إيه من غيري؟ وحش طبعاً. شبل بضحك: طبعاً دا أنا حتى كنت قاطع الأكل وبمثل إني بفطر كده يعني. فرح: دا أنا حتى وشي أصفر. سالي بانزعاج: وبعدين بقااااا. أووووف. معتز: إنتو سامعين دبانه بتزن صح؟ شبل: يا عم دي صدعتني. سالي: أنا طالعة.

ذهبت لغرفتها وضحك الجميع عليها. شبل: لازم تصالحها قبل ما تسافر. معتز بثقة: هيحصل يا برو اطمن من الناحية دي خالص. فرح: يا خوفي منكم. أنا بقيت خايفة بنتي تلقط منكم. شبل بثقة: اطمني يا حبيبتي دول مفيش منهم في الدنيا تاني خالص. معتز: أنا طالع للهبلة دي. ************************** في غرفة سالي كانت تشعر بالغضب الشديد فظلت طوال الليل قلقة عليه ولم تنم. دخل عليها معتز مبتسماً. سالي بغيظ: ومالك يا أخويا مبتهج للحياة كده ليه؟

معتز: أعمل إيه طيب أعيط؟ سالي: لااااا ازاي تعيط لي؟ إنت تروح تجيب نسوان وتقضيها. وتيجي تحضن وتبوس قدام مراتك عااااادي جداً. صح؟ معتز بضحك: مش قادر. إنتِ غيرانة يا سوسو. سالي بغيظ: لا بجد بارد بجد. ااااه. معتز: فكرتي في اللي قلت عليه امبارح؟ سالي: ..... معتز: آه أنا قلت كده. ألحق بقى أظبط مع المزة اللي تحت. كاد أن ينزل ولكن جذبته من يده بسرعة لدرجة أنها وقعت وهو فوقها.

معتز بصدمة: الاااه الاااه. أنا مش بتاع الكلام ده لو سمحتي. أنا أهلي ربوني. سالي وقد اعتدلت: إنت عبيط. أنا وقعت. معتز بتمثيل: أيوه طبعاً. إنتو كلكوا كده تقولوا وقعنا. لحد ما توقعونا إحنا وتضيعوا شرفنا. منكم لله. سالي: بس يلا يا عبيط إنت. معتز: طب مفيش أي حاجة؟ سالي بغباء: في شيبسي تاكل. معتز باستسلام: منا متجوز بت اختي. هاتي شيبسي وشغلي تليفزيون يلا. سالي بفرحة: طيارة. معتز بابتسامة: هبلة. بس بتحبني أعمل إيه؟

سالي: سمعتك على فكرة. معتز بمرح: بموت فيها يا لهوي. ************************** في الحضانه كانت تلعب كنزي مع أصدقائها، فإذا براغب قادم عليها وغاضب للغاية. راغب: كنزي تعالي عاوزك. كنزي ببرائة: نعم. راغب بطفولة: مش قلتلك قبل كده متلعبيش غير معايا أنا؟ كنزي بحزن: بس دول صحابي وأنا بحبهم. راغب بتفكير: بس مش هتلعبي معاهم من غيري. كنزي بفرحة: آه تعالى يلا.

كانوا يلعبون ويشعرون بفرحة كبيرة. وكان دائماً شعور داخلهم يجعلهم يحبون لبعضهم البعض بالطبع فالدم يحن. ************************** عند مراد كان يجلس في مكتبه يحتسي شرابه ويراجع بعض الأوراق. إلا أنه قاطعه عمله أصوات شجار في الخارج. مراد: في إيه يا بني بره؟ الحارس عبر الهاتف: دا سيد يا بيه عاكس واحدة كده كانت ماشية في الشارع بس دي قوية أوي. مراد بتنهيدة: هو أنا مشغل معايا عيال يعني؟ أنا طالع.

طلع مراد إليهم فوجد أمامه شابة جميلة للغاية وترتدي فستاناً طويلاً وحجاباً جميلاً للغاية ويبدو أنها كانت في مناسبة ما. الفتاة: إنت مفكر نفسك مين يا شوال القطن إنت؟ دا أنا تليفون واحد مني يقضيك في السجن عمرك كله. إنت واللي مشغلك. شيد بصوت خشن: ما تتلمي بقا يابت إنت. مراد بضراخ: بااااس مش عاوز صوت. ثم وجه بصره لها: في إيه يا حضرت؟ الفتاة (ورد) : إنت أكيد اللي مشغلهم. مراد بانبهار من جرأتها: اهااا.

ورد: أنا ورد السوهاجي سيدة الأعمال يمكن تكون سمعت عني. كنت معدية هنا لأن فلتتي في آخر الشارع ده. وجه حضرة البيه اللي شغال عندك بيقل أدبه عليا. مراد: تمام يا فندم عندي دي أنا هحاسبه. ورد: تمام أوي. ذهبت دون أن تنطق. مراد وهو يمسك سيد من ثيابه: قدامك ساعة تجيبلي كل حاجة تعرفها عن البت دي. فاهم؟ سيد: أمرك. أمرك. مراد في نفسه: شكلنا هنأجل السفر للصعيد شوية. حلوة بنت الـ... ************************** عند فرح

كانت تجلس في الحديقة وتغني. عندما سمعها شبل وقدم إليها. شبل: يا جامد يا جامد إنت. فرح بضحك: إيه رأيك؟ شبل: الفنان حمو بيكا بنفسه. فرح بغضب: بقا كده. شبل بضحك: يا بت بهزر معاكي. هو أنا ليا غيرك يا ورق العنب إنت. فرح: أيوه كده اتعدل. شبل: بحبك يا قمر إنت. فرح بخجل: وأنا كمان. شبل: تعرفي إني..... قاطع كلامهم جري كنزي نحوهم. شبل: يختااااااي. فرح بضحك: أهدي. كنزي بطفولة: في إيه؟

شبل وهو يكز على أسنانه: أبداً. يلا نتغدى ولا إيه؟ كنزي: أنا جعانة يلا. فرح بضحك: طبعاً يلا. ************************** عند حنين جاء حامد ورامي من العمل وقاموا بأكل طعامهم وظلوا يتحدثون عن يومهم ويضحكون. وكان رامي شارد في حنين كثيراً مما أخجلها ولاحظ الموجودين هذا. حسناء بغضب: ما كفايا يا رامي يا حبيبي رقبتك هتوجعك كده. حامد بغيظ: وإنت مالك يا حسناء؟ ما تسيبيه هو حر. حسناء: طبعاً ما كلكوا بتفرحوا في زعلي.

رامي بحزن: محدش قال حاجة يا ماما بس بابا يقصد إنه عادي يعني ولا إيه؟ حامد: هو أنا قلت حاجة يعني؟ حنين: خلاص يا جماعة محصلش حاجة. حسناء: أيوه اعملي فيها البريئة يا بت. رامي بغضب: أنا هطلع أنام. يلا يا حنين. حنين بحزن: حاضر جايه. ************************** عند عثمان بعدما أنهى عمله دق لفرح ليطمئن عليها وأوصل رحمة لمنزلها لكي يشعرها أنها ليست وحيدة وذهب لمنزله، أبدل ملابسه وأكل طعامه وجاءته رسالة من رجب.

الرسالة: مينفعش إننا نضرب مراد دلوقتي. ظهر هدف جديد في حياته ولازم نشوف آخرته وبعدين نقرر. بس متخفش شكلها هتحلو أوي. عثمان بعدم فهم: فعلاً مع إنه يعتبر عدوي. إلا إني معجب بيه جداً. فعلاً ناجح وذكي جداً وشخصيته تحترم. بس دا قانون البيزنيس هنعمل إيه. ************************** عند ماهر كان يجلس حتى جاءه نداء للعمل. القائد: اللوو يا ماهر. ماهر بخضة وهو يعتدل: أيوه يا فندم.

القائد بغضب: إحنا مش هنخلص من الواد بتاع الجبل ده ولا إيه؟ ماهر بغضب: يا فندم أنا بحاول. بس حضرتك عارف إن دا مش سهل فلازم نصبر شوية بس. القائد: قدامك لآخر الشهر ده يا سيادة الظابط ولو محصلش اعرف إنك هتنهي.

أغلق الهاتف وكاد أن يبكي من ضيقه. فظل فترة كبيرة يحاول أن يحل هذه القضية ولا يعرف كيف حتى أنه أهمل بيته وزوجته وفي النهاية يهدد من قائده أنه سينتهي. آآه من هذا. لا يعرف ماذا يفعل إلا أنه توجه لغرفة زوجته وجدها تسمع التلفاز. اقترب منها واحتضنها بشوق بالغ وكأنه طفلها. شهد بخضة: ماهر. إنت كويس؟ ماهر: أنا محتاجلك أوي يا شهد. أنا تعبان أوي. شهد بحنان: اهدى يا حبيبي ارتاح. اعدى.

ماهر: كلهم مضايقين مني. أنا مقصر في كل حاجة. أنا تعبت. شهد: هووووس. إنت أحسن واحد في الدنيا وانت مش مقصر في حاجة. الشغل ومش بتبطل وأنا بحبك في كل حاجة حتى لو انشغلت عني شوية عادي. نام إنت بقالك فترة منمتش. ماهر براحة: بحبك. قبلها من خدها وخلد للنوم في حضنها.