رواية فرح وشخصياتها الفصل الثامن 8 - بقلم ايه

كارمن: لو سمحت أنا فين؟ الراجل باستغراب: مش فاهم قصدك. كارمن باحراج: أنا مش عارفة أنا فين وأول مرة أشوف الشوارع دي. الراجل باستعطاف: طب انتي ساكنة فين يا آنسة؟ كارمن: تعرف قصر الأسيوطي؟ الراجل: أيوه طبعاً مين ميعرفوش، بس ده في القاهرة. كارمن بصدمة: امال إحنا فين؟ الراجل: في الغردقة. كارمن: إييييييييييه! عند فهد. فهد بيروح ويرفع قضية على عز واللواء سامي، مما اضطر القضية إنها تتحول للمحاكم. وبينتشر الخبر في الجرائد.

عند فرح. صفاء: تعالي يافرح شوفي الخبر المكتوب ده اللي على الجريدة. فرح: رجل الأعمال عز الأسيوطي يتم رفع دعوة عليه بواسطة خطيب ابنته. فرح بتفكير: ياترى إيه اللي خلى فهد يرفع عليه قضية؟ صفاء: سيبك منهم، أدي جاء ميعاد حسابهم. فرح وهي رايحة أوضتها وفي حاجة في دماغها: اممممم. معند كارمن. كارمن: بس أنا لازم أروح البيت ومعنديش فلوس. الراجل: وعز الأسيوطي يقربلك إيه؟ كارمن: ده أبويا.

الراجل بتفكير: خلاص أنا هدفعلك فلوس التذكرة. وبتروح كارمن القاهرة. كارمن للتاكسي: لو سمحت خدني على قصر الأسيوطي، هبقى أدفعلك لما أوصل. وبياخدها على القصر. بس أول ما بتوصل بتتفاجئ بالشرطة. الشرطة: مطلوب القبض عليكي بتهمة القتل العمد. وبيكلبشها وبياخدها القسم. في القسم. كارمن: بس أنا معملتش حاجة، طب أنا عايزة أشوف فهد. فهد: كارمن. كارمن: يا فهد أنا معملتش حاجة صدقني، خليهم يطلعوني، أنا مش فاهمه ليه أنا هنا.

فهد: انتي متهمة بجريمتين قتل يا كارمن. كارمن بصدمة: إييييييييييه! بس أنا معملتش حاجة. فهد: كارمن، الإثباتات كلها عليكي، وأبوكي شاهد ضدك كمان، وشنطتك بورقك بهدومك بدبلتنا كلها لاقيناها في بيت القتيل الأول. كارمن بعد ما فهمت: فهد دي دي فرح، صدقني هي اللي عملت كل ده، خطفتني لما كنت رايحة بيت صحبتي وعملت عملية خلت شكلها زيي، والله العظيم مش بكدب عليك، وأنا مكنتش أعرف بكل ده، اللي عملته أنا بريئة صدقني. فهد: مين فرح؟

كارمن: دي تبقى بنت أمي. فهد: وتنتقم منك ليه يا كارمن؟ أنا اللي أعرفه علاقتك مع أمك كانت كويسة. كارمن بندم: لا أصل أصل أنا أذيتها في حاجات تانية. فهد: هشوف الموضوع ده، بس لو طلعتي بتكدبي. فهد من جواه كان شوية مصدقها، لأن كان ملاحظ اختلاف شوية في الصوت والطول، وهو عشان ظابط فبيقدر يعرف، بس برضه مش مقتنع في القصة. كارمن: هي ساكنة في الغردقة، بس مش عارفه فين بالظبط في حي شعبي كده.

وبتبدأ محاكمة عز، وبتعلن المحكمة بعد سماع تسجيل الصوتي بتاع فهد وشهادة كارمن، إنه كان رافض يعمل العملية بالإعدام. أما بالنسبة للواء فأخد سجن مؤبد. أما فهد فحاول قدر الإمكان يدور دلائل على فرح، بس ملقيش. وراح الغردقة وراح يدور على فرح قبل ما يصدر الحكم على كارمن، واللي كان خلاص أسبوع. وأخيراً بعد تعب بيلاقي عنوان خالتها، بس بيلاقي الباب مقفول بالقفل، فبيكسره ويدخل. بلاقي ورقة محطوطة على الصالة مكتوب عليها "اتاخرت يا فهد". وللأسف وقعت في حبك، وموقعة باسم فرح.

فهد بانهيار: لااااااااااااااااااااا! فرح بابتسامة وهي في الطيارة بتبص في الشباك: كده كل حد يكون أخد جزاته. كارمن مكنتش عايزة أنتقم منها، بس هي السبب. أول حاجة كنت كل ما أكون رايحة لأمي تمنعني من الدخول، واليوم اللي سمحتلي فيه كان خلاص لما أمي قربت تموت، وبرضو مكنتش هنتقم منها. بس بعدها برضو محلتش عني. سرقت مني خطيبي مازن، وعملت لي فضيحة في الجامعة وانطردت بسببها، وبقيت منبوذة من الكل وسيرتي في كل لسان.

وبتروح هناك بتغير اسمها وبتعمل عملية تجميل وبتشتغل، وبتقرر تبدأ حياة جديدة بسلام وتنسى الماضي. بعد أسبوع تم إصدار حكم الإعدام على كارمن ابنة رجل الأعمال السابق عز الأسيوطي، وتذهب جميع الأملاك إلى ابن أخيه الرائد فهد الملكي. عند فهد بعد الأحداث دي بيقرر يسيب البلد ويبدأ حياة جديدة بره. فهد وهو في السوبر ماركت بيسمع واحدة بتتكلم عربي مع صحبتها. فهد بابتسامة وهو بيمدلها إيده: أنا فهد من مصر، وانتي؟ فرح بسعادة

لما شافته وهي بتمد ايدها: وأنا روز من مصر.