تحميل رواية «فرصة ولم تكمل» PDF

-"أيمن بصدمه".. انتِ

-‏"أنس باستغراب ".. انتَ تعرفها

-‏" مرام تكلمت".. دَ كان خطيبي يا أنس

-‏أيمن اخويا انا خطيبك انتِ "بص لأيمن" الكلام دَ صحيح

-‏ايوة على العموم اللِ فات مات زي ما بيقولوا انا ماشي و باذن الله ارجع بكره او بعد بكره "و قرب من أنس و باس جبهته" خد بالك من نفسك كويس في امان الله يا حبيبِي

-"أيمن مشي و مرام قربت من أنس"

-"بضيق".. هو دَ اخوك

-‏ايه رايك

-‏"بعتاب".. رأيي انك بتخبِي عني حاجات كتير ازاي مش تقولي انك عندك اخ

-‏انتِ شايفه إن الوقت يسمح لكلامك اوعتابك دَ انا هقوم اقعد في البلكونه

-‏"كان خارج و مرام مسك يده".. ايوة شايفه انك بتخبِي و شايفه ان الوقت المناسب كمان

-‏حقيقي انتِ انسانة معندكيش دم

-‏"بصدمة".. انا يا انس انا

-‏" بسخرية".. لا انا

-"و سابها و دخل غرفة نوح و مرام دخلت المطبخ اما عند ليل كانت نايمه "

-ليل حبيبتِي يلا قومي

-‏امممم نعم يا ماما في ايه

-‏قومي يا حبيبتِي عايزكِ في كلمة

-‏اتفضلي يا ماما

-‏هو لو أنس أتقدم ليكِ هتوافقي

-‏"بعنف ".. لأ طبعاً عمري ما ارجع لي هو اللِ قتل إبني

-‏"بالين".. طب اهدي طيب انا بتكلم عادي طب هسألك سؤال و متزعليش

-‏قولي يا ماما

-‏انتِ مش شايفه نفسك غلطانه لما سيبتِ بيتك و خصوصاً ان أنس كان بيحبك

-‏"بقهر".. لأ يا ماما مش شايفه نفسي غلطانه محدش غلطان غيركم انتِ و بابا علشان انا كُنت في سن تعليم شايفه الكل بيخرج و يذاكر و يروح الدروس و الكليات اللِ انا ؛ انا اتجوزت و خلفت و شيلت مسؤوليه مش بتعتِ ولما جيت وقلت لكم اني اطلقت و انا فرحانه كُنت حاطه في دماغي ان هروح الكليه و هكمل تعليم لكن لا بابا حبسني و مرضيش يخرجني يا ماما ، وحكايه حب انس انا مكُانتش شايفه كُنت شايفه هدفي اللِ هو الطالق

-‏"بدموع".. ربنا يرحمه و يسامحه يا بنتِ انتِ كُنتِ عارفه إن مش هقدر اقف قدامه صح

-‏صح يا ماما

-‏انا والله مليش ذنب انا عارفه انك كُنتي لسه قاصرة و مكَانش ينفع نجوزك و لما قلت لأبوك ضربني فَإضطرات اسكت سامحني بالله

-‏"حضنتها".. مسامحكِ يا ماما ربنا يديمك ليا بس بالله مش تجيبِ السير دِ تاني

-‏حاضر و قومي يلا صلي الصلاة اللِ فاتتك

-‏"باست ايدها".. حاضر

-"ليل قامت تصلي و عدى يومين و الدنيا زي ما هي مرام متجاهله أنس وأنس قاعد في غرفة نوح 24 ساعة و دايما بيفكر في ايمن و مرام لغايه ما قرر يتكلم معاها"

-"ببرود".. نعم أنس

-ازاي أيمن كان خطيبك و انتِ مطلقه

-أنا و ايمن مكملناش شهر و سبنا بعض و بعدها اتجوزت ما انا اكيد مش هقعد اعيط

-"بضيق".. ماشي يا مرام "سكت شوية و بعدها اتكلم" هو انتِ ليه بتتجاهلي انا اكتر وقت محتاجك في هو دلوقتى ليه بتعملي كدَ

-"بسخرية".. شوف عملت ايه و ابقى تعالى اتكلم معايا و ساعتها اقف جنبك

-"خرجت بكل برود و أنس بقى مضايق ان دِ مرام اللي اتجوزها بقت بشعه جدا في تصرفاتها عيونه دمعت للحظة و افتكر نوح اتنهد بحزن و قام نام و مر يومين مفيش ايه حاجه اتغيرت و انس كعادة قاعد في بلكونه نوح و قطع قاعدته"

-ينفع ادخل

-‏"أنس بص ناحية الباب".. أيمن

-‏أيوة أيمن وحشاني "وقرب منه و حضنه" عامل ايه

-‏الحمدلله يا حبيبِي كويس

-‏يارب دايما

-‏واياك يا رب اتفضل اقعد

-‏لأ انا همشي بس قولت أجاي اطمن عليك واقولك اني اشتريت شقة جديدة قريبة من هنا ؛ عند مكتبه الكُتب قصدها على طول علشان بعد كدَ تبقى تيجي ماشي

-‏"إتنهد".. ماشي يا أيمن ربنا معاك

-‏في امان الله

-‏"أيمن قبل ما يخرج من الباب أنس قال".. ليه مقولتش ان مرام كان خطيبتك أيمن

-‏علشان بكُل بساطه محدش فينا بيكلم التاني وكل واحد راح في اتجاه ؛ انا عايش برا مصر و لما نزلت شغل هنا في مصر شوفت مرام و اعجبت بيها و كان مجرد اعجاب و الاسف اتسرعت في ان اتقدم ليها لوحدي و فضلنا شهر و بعدها فشكلت و انا سفرت تاني

-‏ايه سبب فسخ الخطوبة

-‏"اتنهد بضيق".. زي ما قولتك اعُجبت بيها و اتقدمت على طول من غير تفكير ودِ كانت غلطتِ انا ؛ معرفناش نكمل انا اخترت غلط و هي كذلك

-‏"بتلعثم".. ط طب هو انتَ ل لسه بتحبها

-‏اظن لو كُنت بحبها مكُانتش سبتها يا أنس إطمئن و طمن قلبك و خلي عندك ثقه في اخوك انه عمره ما يخرب بيتك على حساب الماضي ، الماضي بالنسبه ليا مات سلام يا أخويا

-‏"أيمن مشي و أنس حس انه زودها شويه رغم سؤال كان بسيط بس كان واضح انه بيشك في اخوه بعدها مرام دخلت بخوف و هي متوتره "

-"بقلق".. ع عايزك في كلمه

-‏" بستغراب".. مالك فيكِ ايه

-‏"بخوف".. انا اللِ موت نوح

رجع التفاعل قل تاني ليه

- أنا اللي موت نوح.

"بعد فهم".. مش فاهم يعني إيه.

"بخوف".. أنا السبب في اللي كان بيحصل، أنا السبب في إنك تضربه، وفي أي كلمة كانت بتكسر خاطره.

"بدأ يفهم بس بيكذب نفسه".. حبيبتي، قولي إن كلامك غلط. صح، هو غلط أكيد. ما هو مينفعش اللي حبيتها تكون السبب في تدميري.

"ببكاء".. آسفة والله، آسفة.

"بدأت تحكي كل موقف كانت غلطانة فيه"

أنا والله ما كان قصدي إنه يموت. أنا قلت أسخنك على ليل وتروح تجيب ابنك ينام في حضنك، بس ما كنتش أعرف إنه هيموت، وإن غضبك وحش كده.

"أنس كان واقف متجمد من كلامها".. يعني أنا وإنتي سبب في موته؟ طب هو عملك إيه عشان تعملي فيه كده؟ ردي عليا. عملك إيه؟ ها؟ وجاية دلوقتي تقولي بعد إيه ده؟ إنتي مش شوية. كنتي بتتعاملي معايا ببرود. دلوقتي فوقتي.

"بزعيق"

ردي عليا.

"بعياط".. أنا بس كنت خايف تحبه أكتر من يونس وتفرق بينهم لما يكبروا. أنا كنت خايفة واتكلمت عشان خايفة يونس يجري له حاجة. صدقني، غصب عني.

إنتي أنانية ليه؟ ها؟ يعني جايه تقوليلي دلوقتي عشان خايفة على ابنك؟ وآسفة على إيه؟ لو الكلمة دي هترجع ابني، أنا هقبلها، لكن مش هترجعه.

أنس، أنا والله.

"بزعيق وعيونه زي الجمر".. اخرسي. مش عايز أسمع صوتك. فاهمة؟

"قرب من مرام ومسك كفها بدموع".. قوليلي إنك كذابة. أنا والله هصدق.

"ببكاء".. للأسف مش كذابة.

"بصدمة".. أنا كنت بكذب ابني وأصدقك؟ وفي الآخر هو اللي كلامه صحيح. هو قالي هتندم يا بابا لما تعرف الحقيقة. ودلوقتي عرفت، بس بعد إيه؟ بعد ما مات خلاص.

"بص لمرام بشر وقرب منها"

هموتك زي ما موتِ ابني. هموتك يا مرام.

"مسك رقبتها ومرام تحاول تبعد إيده بس مش عارفة"

لازم أموتك.

"أيمن كان جاي يطمن على أنس والباب كان متورب ودخل شاف أنس بيخنق مرام".. أنس.

"أيمن قرب من أنس بسرعة بعده عن مرام ومرام كانت بتنهج ووقعت على الأرض وأنس بص لأيمن بغضب"

سيبني أموتها. هي تستاهل الموت. سيبني.

"قرب منها وأيمن ماسك فيه بسرعة".. اهدى بس. فيه إيه؟ اهدى.

"بضعف".. هي اللي موتت نوح. هي السبب. هي السبب يا أيمن.

"أيمن مش فاهم حاجة".. طب اهدى الأول. تعالى اقعد. تعالى.

"بزعيق".. ابعد إيدك، سامع؟ أنا لازم أموتها. لازم.

"مسكه تاني".. اهدى بقى وفهمني فيه إيه.

هي كانت عامل مساعد في إن اقتل ابني بيدي. دي هي اللي كانت السبب.

"أنا آسف والله آسفة"

"بزعيق".. مش عايز أسمع صوتك. سامعة؟ آسفة على إيه ولا إيه؟ ها؟ صدقني هموتك. لازم أموتك يا مرام.

"قرب من السفره ومسك السكينة اللي كانت موجودة في طبق الفواكه وقرب من مرام"

هموتك وأشرب من دمك.

"أيمن جري عليه ومسك السكينة وهو اللي اتعور".. فيه إيه يا أنس؟ أنا مش فاهم. إنت بتعمل كده ليه؟ اهدى وفهمني.

"بقهر".. تفهم إيه؟ تفهم إن مراتي هي اللي كانت السبب في إني أضرب ابني وأنا اللي أموته عشان بس خايفة يونس لما يكبر مفرقش ما بينهم. تفهم إن هي اللي قالت لي كلام زي السم. لما ليل أخدت نوح وأنا رحت آخده وأنا متعصب بسبب كلامها وعملت حادثة وهو مات.

"ببكاء"

تفهم إيه يا أيمن؟

"أنس وقع على الأرض وأيمن ومرام جريوا عليه. أيمن شاله وطلعه غرفة من الغرف الموجودة واتصل بدكتور"

جوزي عامل إيه؟ بالله طمنيني عليه.

"أظاهر إنه تعرض لصدمة فبالتالي فقد النطق. وأنا اديته حقنة تهدّي، وبسببها نايم دلوقتي"

"بص لأيمن"

حالته النفسية وحشة جداً ولازم يتعرض على دكتور نفسي.

"أيمن وهو مش مستوعب اللي حصل واللي بيحصل".. تمام يا دكتور. تعبناك معانا.

"ده واجبي. في أمان الله"

"الدكتور مشي وأيمن اتجه ناحية غرفة أنس وكان نايم بسبب الحقنة وخرج بهدوء وقعد قصاد مرام بجمود وبرود"

ممكن أفهم أخويا ماله وإيه اللي حصل؟ خليه يفقد النطق.

"مرام قالت كل شيء".. بس أنا والله ما كنت أعرف إن الأمور هتوصل بينا لكده.

"بسخرية"

ما كنتيش تعرفي. أمال مين يعرف؟

"سابها ودخل غرفة أنس وقعد جنبه بهدوء وبقى حزين عليه ومرام فضلت موجودة في البيت وحابسة نفسها في الغرفة مع يونس. أما عن ليل فقررت إنها تسافر مع أمها ومترجعش تاني"

ما تفكري تاني يا لي لي.

أنا فكرت يا ماما ومش هرجع عن قراري.

ماشي يا حبيبتي وهتسافري إمتى؟

بإذن الله بعد يومين. ولازم حضرتك تجهزي شنطتك عشان هتسافري معايا. ماشي؟

"ابتسمت".. ماشي يا ستي. ويلا عشان تاكلي بقى.

هروح مشوار مهم الأول.

"تنهدت بحزن".. هتروحي قبر نوح؟

"بحزن".. أيوه يا ماما. وبعد إذنك.

"ليل مشيت وراحت قبر نوح وفضلت تقرأ قرآن. لكن مرام كانت بتعيط وهي حاضنة يونس ابنها. وأيمن كان قاعد مع أنس لغاية ما صحي"

"أيمن بدأ يتكلم بحزن".. بص يا أنس، إنت فقدت النطق بسبب صدمتك في اللي حصل. بس هون على نفسك يا حبيبي. وباذن الله ربك موجود هيجيب لك حق ابنك.

"أنس دموعه نزلت ومسك إيد أيمن وأيمن بدأ يتكلم وهو بيمسح دموعه".. أنا معاك وجنبك وعمري ما هسيبك تاني. أنا مليش غيرك دلوقتي. بس عايزك تكون عارف كويس إن ربك موجود ولازم ترجع أحسن من الأول.

"أنس بيحاول يتكلم ومش عارف"

ششش. اهدى خلاص. دلوقتي هتقوم معايا تقعد في الشقة اللي عايش فيها. تمام؟

"هز راسه بنعم"

"أيمن أخد أنس في شقته ومرام رجعت البيت وقفت قدام أمها"

أنا مش هسافر. أنا هفضل هنا عشان نوح.

عين العقل يا بنتي والله. وباذن الله خير.

يارب يا ماما. أنا نوح وحشني أوي.

ربنا يربط على قلبك ويصبرك يا بنتي.

يارب يا ماما.

"سكتت"

حاسة إنك عايزة تقولي حاجة. قولي يا ماما.

أنس.

"بعنف".. تاني يا ماما. تاني. ده قاتل. سامعة؟

الغلط عليكم إنتوا الاتنين.

"باستغراب".. إنتوا الاتنين؟ يعني أنا كمان؟ هو أنا كنت عملت إيه؟

"بزعيق".. ما المشكلة إنك مش عارفة إنتِ عملتي إيه. دي المشكلة يا ليل. عايزة تعرفي عملتي إيه؟ إنتِ سبتي طفل صغير مالهوش ذنب. إنتِ جيتي على نوح عشان أنس لمجرد بس إنه ابنه. ما هو ابنك كمان يا ليل. إنتِ غلطانة. ممكن غلطك أكبر من أنس نفسه.

"بدأت تستوعب كلام أمها".. ماما، أنا كنت قاصرة.

"قطعت حديثها".. مش مبرر. صدقني مش مبرر إنك قاصرة. إنتِ بتضحكي على نفسك بكلامك. صدقني إنتِ غلطك أكبر بكتير من أنس.

"أمها سابتها ولي ل دخلت غرفتها هي تايهة ومش فاهمة أو مدركة كلام أمها. أنس كان في بيت أيمن وراقد على السرير باصص للسقف ومنهار في البكاء"

وبعدين معاك بقى يا أنس. عارف إن اللي إنت فيه ده صعب عليك. بس هون على نفسك.

.....

ممكن تعمل إشارة لو سمحت.

"ومسح دموعه"

كفاية بكاء. هتتعب أكتر ما إنت تعبان.

.....

"أنس مكنش بيرد عليه وأيمن كان حزين على أخوه وفضل يطبطب عليه لغاية ما نام. وعدى كذا يوم وأنس موجود مع أيمن لغاية ما في يوم أيمن دخل على أنس عشان موعد الأكل"

"بصدمة".. أنس! إنت بتعمل إيه؟ إياك تعمل كده.

"كان ماسك سكينة وبيقرّبها من إيده، وورق مرمي على الأرض. وأول ما أيمن فتحها لقى مكتوب فيها: أنا اللي قتلت ابني. لازم أموت."

"بدموع".. حبيبي، إنت أعصابك تعبانة. بس إنت مش السبب ولا حاجة.

"بدأ يقرب منه"

إنت عايز نوح يزعل منك.

"هز رأسه بلا"

يبقى خلاص. سيب السكينة دي، ماشي؟ طول ما إنت عايز تشوف نوح يبقى مش تأذي نفسك.

"مسك السكينة على غفلة وحضنه"

فوق يا أنس. إنت ليه بتعمل كده فيك وفيّ؟ اسمع الكلام وتعالى معايا لدكتور. إنت مش مجنون. بس ده هيساعدك إنك تكون كويس.

"أنس حضن أيمن وفضل يعيط"

"اتنهد".. ممكن تهدي وتيجي معايا؟ أنا مش عايز آخدك غصب عنك.

"هز راسه بنعم"

"أنس بدأ يتعالج وأيمن دايماً معاه. وبتمر الأيام ولي ل فهمت إنها غلطت في حق نوح ومن ساعتها ضميرها وجعها ومش بيعدي يوم غير وهي موجودة عند نوح. ومرام قربت من ربنا أكتر وعايشة في بيت أنس على أمل إن يجي يوم وتلاقي باب الشقة بيتفتح ويدخل أنس. ويونس بدأ يتكلم ويمشي"

طق طق طق.

حاضر يا اللي على الباب.

"وفتحت الباب"

أنس!

"وجريت عليه تحضنه"

وحشاني يا حبيبي. عامل إيه؟ إنت ده كله كنت فين؟ ها؟ أنا قلبي كان واجعني عليك من ساعة ما أيمن أخدك وانت مش بتسأل. بس مش مهم. المهم دلوقتي يا حبيبي إنت. ساكت ليه؟ ردي عليا. صوتك وحشني أوي.

إنتِ طالق. إنتِ طالق بالثالثة يا مرامي.

انتِ طالق

انتِ طالق بِتالتة يا مرام

مرام ابتسامتها بدأت تتلاشى

أنس أكيد دَ حلم صح

لا مش حلم انا طلقتك و جاي اخد يونس

أنس بالله قولي ان كلام دَ مش حقيقي انا قاعدة مستنياك و في الاخر تطلقني لأ يا أنس لأ انا اتغيرت والله بقيت كويسه و كمان قريبه من ربنا

كل كلامك دَ ميهمنيش

زقها و هي واقفه متجمده مش عارفه تتحرك و أنس داخل اخد يونس و خرج و مرام استوعب اللِ حصل وجريت ورا أنس بِبِكاء

أنس متعملش فيا كدَ ابوس ايدك متحرمنيش من إبني ومنك

و مش معنى انتِ حرمتني من إبني نوح ولا هو حلال ليكِ و حرام ليا

انا اسفه والله توبت و رجعت لربنا

بعد فوات الأوان يا مرام رجعتِ لربنا بعد ما قتلتِ إبني

مشي و وقف مرة واحدة

اتمنى ليل متعرفش الكلام دَ علشان عارف دماغك ممكن تروحي لها علشان ترجعنا بس نجوم السماء اقرب ليكِ +انها هتحبسك يا مرام

بالله عليك بالله عليك سامحيني وخلينا نبدا مع بعض صفحه جديده

بأي حق جايه تقولي نبدا مع بعض صفحه جديده انا مش عارف ازاي عايشه مرتاحه و انتِ مموته طفل

بصوت عالي

مش انا لوحدي خلي في علمك انتَ كمان يعتبر مشارك في الجريمة دِ و بطل تجيب الحق عليا لوحدي

انتِ صح و انا انسان حيوان ان اتجوزتك او حتى عبرتك

بهدوء

أنس صدقني انا بحبك بجد بالله نرجع لبعض

شششش هو دَ اللِ عندي و إبنك هيكون موجود في اي وقت دَ لو محتاجه تشوفِي

أنس اخد يونس و راح لأيمن و مرام فضلت تعيط شويه و قامت اخذت هدومها و راحت عند امها

يا نصبتِي مالك يا مرام

بِبِكاء

أنس طلقني يا ماما و اخذ يونس مني

يلهوي طلقك ليه

طب دخليني مش قادره اقف

خشِ خشِ

مرام دخلت و ابوها كان قاعد و استغرب منها

مالك يا بت

انا اطلقت يا بابا

بصدمه

اطلقتِ ازاي مش فاهم

قولي يا بابا الاول هو انتَ كُنت عارف الشخص اللِ واقفك في العزاء و سال على أنس دَ كان خطيبي

ابوها بسرحان

خطيبك لا طبعاً

يعني ايه اب من عارف خطيب بنته

والله يا بنتِي ما كُنت عارف انا مش شوفته غير مرات قليلة جداً علشان يعتبر انتم قعدوا فتره قليله جدا

الام بضيق

يا بنتِي ما ابوكِ لو عارف هيقولك و احنا كبرنا في السن و ان الواحد يفتكر شخص شافه مرتين تالته في حياته بتبقى صعبه شويه يا مرام انتِ بتتكلمي عن شهر بعد كذا سنة عدوا

ابوها بضيق

خلصتي كلام

بص لمرام

قولي اطلقتي ليه

بخوف

ع علشان علشان انا عملت

انطقي يا بت

بدأت تحكِ كل حاجه كانت بتعملها

بس انا والله تُوبت يا بابا بقت احسن من الاول

انا بنتي يطلع منها كل دَ من امتى يا مرام وانتِ بالغل و الحقد دَ

انا كُنت وقتها بفكر ان نوح لو كبر هياخد انس مني و من يونس فكُنت بعمل مشاكل بس والله مكُانتش اعرف ان الامور هتوصل بينا لكدَ

ليه جايه تقولي دلوقتي بعد ما مات ليه مش قولتي الحقيقية وهو عايش كان انس سامح

بدموع

كُنت قاعده بسمع قرآن و انا باكل يونس و جت آيه

﴿وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ وَمَنْ قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِفْ فِي الْقَتْلِ إِنَّهُ كَانَ مَنْصُورًا ﴾

و اللحظه افتكرت كل حاجه انا عملتها في نوح استوعبت ان انا السبب الرئيسي في موت نوح حقيقي خفت و دعوه ليل وهي بتدعي على انس و بتقول ان ربنا يوجعه زي ما وجعها و قلت اتكلم قبل ما يونس يحصل حاجه في انا مش هقدر اتحمل الوجع

ومش معنى انس تحمل الوجع

تصدقي انك انانيه من انهاردة تقطعي علاقتك بيا سامعه

يا بابا بالله عليك إسمعني طيب

ابوها سابها ومشي و هي بصت مامتها

تعرفي انا لو كُنت اعرف ان غلك وحقدك هيوصلوا لكدَ كُنت لبست وروحت لأنس و قولت على كل كلمه انا برضو غلطانه انا اللِ سكوتي كان غلط

قربت منها و ضربتها بقلم

حقيقي تستاهلي و ربنا يوجع قلبك يا شيخه

حتى انتِ يا ماما

بقرف

ايوة يا ست مرام

أمها سابتها و دخلت المطبخ أما عن أنس كان قاعد و يونس بيلعب على الأرض

تفضل يا سيدي كوباية شاي لأحسن أنس

حبيبِي تسلم

ها بقى طمني عليك و بتاخد علاجك ولا لأ

بمتنان

شكراً ليك يا أيمن على وقفتك جنبي حقيقي مش عارف اقولك ايه

عيب عليك يا أنس انا اخوك و عمر ما يكون ما بين الاخوات كلام زي دَ

دَ العشم برضو

قولي بقى هتعمل ايه في حياتك

انا طلقت مرام و يونس معايا اهو هَبدأ بدايه جديده معاه و مش هرجع اعمل غلطي تاني

طب مرام موافقه على حكايه ان يونس يبقى معاك

ملهاش الحق ترفض بعد اللِ عملتوا وأنا مش هسيبها لما تقتل يونس كمان انا مش قادر اتخطى موت نوح علشان اتحمل وجع تاني

سلامتك من الوجع و باذن الله نوح في الجنه

يارب يا أيمن يارب

طب ليل يا أنس مشاعرك من ناحيتها ايه

ليل انا حاطط ليها عذرها خلاص و الصراحه مبقتش تفرق معايا

ربنا يرضيك و يرزقك بالاحسن يارب

يارب انا هقوم بقى اروح الشقه

طب ما تفضل قاعد هنا

لأ انا تقلت عليك كفايه كدَ

ما تحسب يبني على ام كلامك بقى

بضحك

حاضر والله انا هقوم امشى بقى عايز حاجه في امان الله

وقام يمشي بس أيمن اتكلم

أنس

وقف و بص لأيمن

نعم

أيمن قام وقف قدامه

انا اسف اني مكُانتش قريب منك لو كُنا مع بعض زمان مكناش وصلنا للِ بيحصل دلوقتي

مش ممكن بعدنا عن بعض زمان هو السبب في اننا مع بعض دلوقتي و بنحب بعض

اسف على عدم وجودي زمان

فكك من زمان اهم حاجه دلوقتي احنا مع بعض

طب ممكن أنس تفضل هنا انا تعبت من الوحده و حكايه انك في بيت و انا في بيت مش ظريفه

إبتسم

ماشي يا سيدي وانا هفضل موجود معاك

عند ليل كانت قاعده زعلانه علشان كلام امها من ساعة اخر مره اتكلمت معاها وهي حابسه نفسها و مش عايزة تتكلم معاها

ماما

تنهدت

نعم ليل

انا اسفه بس والله مكُانتش اعرف دَ غير لما قولتي

عادي يا ليل بس لو سمحت مش تحطي الغلط على انس لوحده

حضنتها و عيطت

حاضر والله حاضر

طبطبت عليها

خلاص اهدي ابداي صلي و طلعي صدقات و ادعي ربنا و دايما روحي لنوح القبر

حاضر هعمل كدَ

يلا قومى بقى

لا سيبني انام في حضنك

ابتسمت

ماشي يا ليل

قطع حديثهم خبط على الباب و ام ليل فتحت

انس

ايوة يا امي أنس حضرتك لسه فاكرنى

ايوة طبعاً يا ابني فاكرك اتفضل اتفضل

يزيد فضلك يا رب ، امال فين ليل

ليل هي جوه ثانيه بس اندها

تمام

غابت شويه و بعدها ليل دخلت

نعم انس في حاجه

احم كُنت جاي اتاسف ليكِ على كلامي و زعيقي و ضربي ليكِ

مفيش داعي عادي انس

تمام ليل انا ماشي مش محتاجه حاجه

انا كمان اسفه انى اتهمتك على موت نوح انا كمان كُنت السبب و ممكن كلام ماما صح انا غلطي اكبر من غلطك اسف ليك

حاسس ان مالوش لازم جوه الاعتذارات دَ

ضحكت

انتَ اللِ جاي تتأسف الاول

ابتسم

ماشي يا ستي ، ممكن اطلب منك طلب من غير ليه

اكيد تفضل

تفضلي تدعي لنوح كتير بالله و ان ربنا يسامحني ، و انتَ كمان تسامحني

أسامحك ليه

قولتك من غير ليه صح

خلاص خلاص ماشي هدعي انس اسامحك

ماشي يا ست ليل انا همشي في امان الله

انس مشي وهو حاسس انه مستريح انه اتكلم معاها و كذلك ليل و راح بيت أيمن

أنس كُنت فين انا قلقت عليك

خرجت اشوف ليل

هترجعوا لبعض

لا يا أيمن

تمام لو بتحبها ارجع أنس

صدقني مش عايز اعيد الماضي تاني عارف ان ليل غير اكيد بس انا معنديش طاقه ابدا من الاول كفايه وجودك انتَ و يونس في حياتي

خير باذن الله المهم يونس صحي فضل ينده عليك لغايه ما نام ادخل صحي عشان تاكلوا

أنس دخل ليونس وفضل يطبطب عليه ، اما عن مرام كانت مضايقه جدا و حابسه نفسها فى غرفته و اول ما سمعت صوت ابوها خرجت و راحت ناحيته

هتفضل زعلان مني لغايه امتى انا توبت والله

توبتك في ايه وقت صح جدا بس انتِ موتِ طفل يا مرام و انا مكَونتش اتوقع منك انك توصلي لمرحله دِ

طب بالله تسامحني انا مش هقدر اعيش حياتي و انتَ زعلان

اهم حاجه أنس هو اللِ يسامحك يا مرام مش انا

يارب يا بابا يسامح يارب

بتمر الايام و يونس بيكبر و أيمن و أنس موجودين دايما مع بعض و أيمن اتجوز و ساب الشقه اللِ كان عايش فيها و ساكن في شقه تانيه مع مراته ، وليل بقت محفظة قرآن و بتحفظ في المسجد و قرارات انها تعيش حياتها من غير جواز ، ومرام لبست الخِمار و كُل فتره و التانيه بتزور نوح و بطلع صدقه و بدات تشتغل و تعتمد على نفسها ، اما عن أنس دايما مع يونس و بِيدعموا ، كان انهارده اتخرج بتاع يونس و أيمن و مراته و أنس و مرام كانوا موجودين

يونس قرب من أنس و باس يده

شكرا لوجودك في حياتي انا بحمد ربنا انه رزقني باحسن اب في العالم والله

حبيبِي ربنا يحفظك ليا و يبارك في عمرك

يونس ابتسم و بص لايمن

تسلم يا ايموني لوجودك بحبك خد بوسه

أيمن ضربه على قفاه

ايموني لم لسانك يا بقف

بضحك

حبيبِي

بص لفاطمة مرات أيمن

اللِ كان بيشرح ليا مين فطوم شكرا يا قلبي

أيمن بضيق

فطوم ، قلبي

بص لأنس

اضربلك ابنك بقى

بتغير يا بيضه

دَ انتِ رخم يالا والله

رخم بس بحبك

فاطمه بمرح

أيمن بطل تضايق يونس لو سمحت هو حُر يقول كُل اللِ عاوزة

حبيبِي يا فطوم والله

امشي يالا من هنا

فضلوا يضحكوا و مرام كانت واقفه من بعيد و عيونها كان فيها دموع و يونس اخد باله و راح اتجاها

حضرتك جايه ليه

يونس انتَ وحشاني اوي

ماشي

مش هتتكلم معايا بقى و تسامحني

يوم ما بابا يسامحك انا كمان مسامحك لغايه دلوقتي تعبان بسبب موضوع نوح لغايه دلوقتي بياخد مهدا وعلاج حرفياً قلبي بيوجعني عليه صدقني مش قادر اسامح

بس انا والله

قطع حديثها

توبتي كلنا عرفنا انك توبتي و احنا موجودين على الدنيا علشان تتوبي يعني دِ المفروض عليكِ

طب انتَ ليه بتعمل معايا كدَ هو ليه كرهك فيا

انا مش بكرهك بس اللِ انتِ عملتِي صعب جدا وانا اسف بس مش قادر اسامح

يونس بالله عليك

بالله عليك انتَ امشي انا مش عايز بابا يشوفك تاني علشان مش يتعب

بحزن

حاضر يا يونس حاضر

سابها و مشي و مرام بصت عليهم بصه اخيرا و خرجت و يونس راح لأنس

ايه يا حج مفيش مزة كدَ ولا كدَ

ابتسم

والله انتَ رخم

هيجيبوا منين يعني مش انا ابنك

امشي يا ابن يا جزامه من هنا تعالى يا ايمن خده

ما تبطل يالا تتنح على ابوك

اهو قولت ابويا اتنح عليه براحتي يا ايموني

انتَ عارف لو ما بطلت الكلمة دِ هعمل فيك ايه

يا بأبي يا بابي بخاف من ايموني

انا ماشي يا انس اللِ يقعد مع ابنك يجيله شلل

بسلامه يا اخويا

بص لفاطمه

سلام يا فطوم

يا ابني اسكت عمك بغير على مراته

ما تفكك انتَ من اخوك دَ ايه الحلاوة اللِ انتَ فيها دِ

احم انا طول عمري حلو يا ولد

ابويا متواضع يا ناس

لا بقولك ايه هات حضن هات

وحضنه

عايز اقولك بحبك جداً مهما حصل بينا من خلاف او خناق انا برضو بحبك و انتَ هتكون كويس في يوم من الايام و هتبطل تاخد ايه علاج صدقني

بدموع

صدقني انتَ انا كمان بحبك جدا انتَ عوض ربنا ليا بعد موت نوح يا يونس حقيقي بحاول اكون كويس علشانك و عارف اني قرفتك في حكايه العلاج دِ بس هنقول ايه غير الحمدلله

بعبث

انتَ برضو راجل زى أبويا لازم استحملك

مفسد اللحظات السعيد والله

تشبهين ما ليسَ لهُ شبه أنتِ فكرةٌ خارجَ المنطق