رواية فريدة من نوعها الفصل الخامس 5 - بقلم اميرة تايهونغ

صحيت فريدة بليل على صوت خبط على باب الشقة (طبعًا مش بليل أوي يعني الساعة ٩ كده) فريدة: مين اللي على الباب؟ محدش رد. فريدة بخوف: عااااا جايين يخطفوني! راحت فريدة بصت من العين السحرية، ملقتش حد بره، فتحت الباب. فريدة: إيه البوكس ده يا ترى؟!! كانت مترددة تاخده ولا لأ، بس قالت هتاخده تشوف فيه إيه. خدته ودخلت، وبعدين فريدة فتحته بحذر. فريدة بانبهار: الله واو إيه الفستان ده! ثم أكملت: وكمان لونه كشمير وأنا بحب اللون ده.

وبعدين لاحظت إن فيه ورقة: إيه الورقة دي كمان؟ فتحت الورقة وكان محتواها: "آه يا نن عيني الفستان هيبقى لايق عليكي أوي بالذات إن أنتِ بتحبي اللون الكشميري أتمنى تقبلي الهدية بمناسبة عيد ميلادك وأتمنى إنك تلبسيه يومها.... فريدة بتتذكر: إيه ده أنا نسيت يوم عيد ميلادي بعد ٤ أيام ياااه ده أنا ناسية وهو فاكر عيد ميلادي 🙂 دخلت عاينت الفستان واتصلت على نور. فريدة: ازيك يا نور عاملة إيه؟

نور: الحمد لله بخير وأنتِ إيه أخبارك عاملة إيه؟ فريدة: بخير طول ما أنتِ بخير. ثم أكملت: بقولك إيه أنتِ مش فاكرة حاجة؟ نور: حاجة إيه أوعي تقولي سر ورا نا بحث فريدة متهزريششش! فريدة: لا يا أختي مفيش بحث دي حاجة مهمة. نور: توم وجيري اتعمل منه فيلم جديد ولا إيه؟ فريدة: لا يا زفتةهه دي حاجة مهمة أويي! نور: النهاردة ذكرى جوازك؟؟ فريدة: جواز مين يا زفتة أنتِ بقولك إيه خلاص غوري! وقفلت السكّة في وشها.

فريدة عملت آيس كوفي ولبست الحجاب وخرجت تقف في البلكونة شوية وتسمع شوية قرآن.