رواية فريدة من نوعها الفصل الرابع 4 - بقلم اميرة تايهونغ

صحيت فريدة ملقتش نور فقالت أكيد في الصالة. دخلت الحمام خدت شاور وخرجت. فريدة بهزار وضحك: -الله الله إيه الروايح الحلوة دي؟ نور بضحك: -شوفتي بقا؟ عمرك ما فطرتي مكرونة وبنانية. أنا بقا هفطرك أنهاردة. فريدة: -الله، شكلك هتذليني عشان عملتي الأكل مرة؟ نور: -أنا يابنتي أنا فتصدمت وزعلت. فريدة: -اتصدمتي وزعلتي من إيه يا ختي؟ أنا قولت حاجة؟ نور: -لا لا مقلتيش ده، أنتِ بريئة. وبعدين فطروا. نور: -سلام بقا يا فيفو. فريدة:

-راحة فين؟ نور: -هو إيه اللي راحة فين؟ مش رااحة بيتي، أنا قاعدة معاكِ من إمبارح ومش عايزة أتأخر عشان ماما. فريدة بابتسامة: -طب ماشي، وسلميلي على الحاجة سميرة وقوليلها ابقوا تعالوا شوية. نور: -تمام، باي. نور مشيت وفريدة مسكت الفون وفتحت الواتس. فريدة: -يترى بعت حاجة ولا لأ؟ فريدة فتحت الشات بس اكتشفت إنه مبعتش حاجة بردو. فريدة بحزن: -هو مش باعت إيه ماسدج ليه؟ ثم قالت: -أنا هنزل كده أتمشى شوية عشان أنسي.

وبعدين دخلت، لبست دريس أبيض وطرحة كافيه وحطت ميكب خفيف وخرجت. فريدة كانت ماشية سرحانة شوية فجأة خبطت في حد. فريدة: -أنا آسفة. مروان بابتسامة: -الله، إماله إمبارح مكنتيش كده؟ ليه كنتِ عاملة زي الوحش وأنتِ بتزعقي؟ فريدة بعد ما فتكرته: -هو أنتَ طب امشي بدل ما ألم الناس عليكِ وأقول بتتحرش بيا. مروان: -خلاص اهدي، أنا ماشي أهو. فريدة كملت مشي وفجأة سمعت إشعار على الفون بتاعها. فريدة فتحت الفون بسرعة ولقت إن المجهول

بعت رسالة عبارة عن: "أنتِ جميلة أوي في الأبيض، عقبال ما أشوفك في فستان فرحنا." فريدة باستغراب: -هو مين قال إن احنا هنتجوز؟!! لقت ماسدج تاني جات: "متستغربيش إن أنا قولت هنتجوز، بس قريب هتعرفي أنا مين." فريدة بضحك: -بس هو واثق من نفسه أوي كده ليه؟ وماسدج تاني جات: "ياه أول مرة أشوف ضحكة قمر كده يا ناس." فريدة برقت في الماسدج وبعدين كتبتله: -هو أنتَ بتراقبني ولا إيه؟ المجهول: -براقبك من أول يوم شوفتك يا عمري 😂

فريدة ابتسمت وبعدين قفلت الفون ودخلت سوبر ماركت واشترت شيبسي وبيبسي وحاجات حلوة يعني. وبعدين لقت ورقة اتحدفت عليها، فتحتها ولقت مكتوب فيها: متكتريش في الحاجات دي عشان مضرة، ولو هتتفرجي على فيلم الفيلم ده حلو******* فريدة بصت حواليها عشان تشوف في حد ولا إيه بس ملقتش حد وبعدين راحت البيت. في البيت، فريدة لبست بيجامة وقعدت على الكنبة وشغلت الفيلم اللي قال عليه. فريدة فضلت تتفرج وطبعًا غلبها النوم ونامت مكانها.