رواية فتاة الملجأ الفصل السادس عشر 16 - بقلم اية صالح

استيقظت من نومها العميق. كانت تنظر حولها ولا تعرف أين هي. جهاد: أنا فين وجيت هنا إزاي؟ دخلت عليها الخادمة وهي تقول: صباح الفل والياسمين. فطارك جاهز اتفضلي. جهاد: أنا جيت هنا إزاي وانتي مين؟ الخادمة: أستاذ خالد جابك معاه امبارح وكنتي تعبانة أوي وجابلك الدكتور. جهاد: جابني امبارح؟ ودكتور!!! انتي بتقولي إيه؟ الخادمة: آهو زي ما حضرتك سمعتي والله…. رايحة فين بس؟ جهاد: همشي أنا مش هقعد هنا ثانية واحدة.

الخادمة: يا آنسة استني يا آنسة. أستاذ خاااالد. كان في غرفته وسمع صوتها. علم أنها قد استيقظت من نومها وتريد الذهاب. حينها خرج إليها. خالد: جهاد استني… طيب هوصلك. جهاد: كتر خيرك أوي يا دكتور. خالد وهو يمسك معصم يدها بقوة: هوصلك يعني هوصلك. مش هسيبك تروحي لوحدك انتي فاهمة! جهاد: ااااااه سيبني. خالد: استني هنا هجيب مفتاح العربية وأجي. _: صباح العسل يا عيوني. : صباح الخير يا قلبي. _: مش ناوي تصحي بقى عشان تروح الشغل؟

: خلاص أنا صحيت أهو. جهزيلي القهوة بتاعتي بس. _: من عنيا يا حبيبي. ثواني وتبقى جاهزة. استيقظ واعتدل في جلسته وأمسك هاتفه يتفقده. حتى صادفه ذلك الفيديو. _: هههههه يا عيني عليك يا أخويا. حتى يوم ما فكرت تقضي شوية وقت حلوين صوروك يا حزين. : في إيه يا حبيبي؟ _: خالد مصورينه مع واحدة في الأوضة بتاعته. : وووااااحدة…. انت بتتكلم بجد ولا بتهزر؟ _: آهو خدي شوفي.

كانت مصدومة وكادت الدموع تسقط من عينها، ولكنها أمسكت نفسها. حتى سمعت صوت ابنتها الصغيرة تطرق باب الغرفة. _: خشي يا ليلي. ليلي: ماما…. ممكن تجهزيلي الفطار؟ _: خلي طنط تجهزهولك يا ليلي. ليلي: يا ماما مش بحب أكل طنط خالص. _: جرى إيه يا بت انتي؟ هتسوقي فيها؟ ما أنا عمري ما هستفيد بيكي أبداً في حاجة. ربنا ياخدكوا كلكم. خرج يوسف من غرفة العمليات وركضن جميعاً إليه. روان: عاملة إيه دلوقتي؟ هي كويسة صح؟ سلوى: طمنا يا دكتور.

يوسف: الحمدلله هي أحسن دلوقتي وهتتفك كمان شوية. بس ياريت محدش يخليها تتعرض لأي حاجة تعصبها. روان: شكراً جداً بجد. مش عارفين من غيرك كنا هنعمل إيه. يوسف: مفيش حاجة. _: جبتلك رقم الواد اللي ماشية معاه. _: كويس أوي كده. اللعب يشتغل على نضيف. _: هتقوله على الحقيقة؟ _: أيوه هقوله. *** كانت جالسة بجواره في السيارة وهي تفتح هاتفها. وجدت أهلها قد حاولوا الاتصال بها أكثر من مرة. جهاد: الو.

منار: جهاد انتي فين من امبارح ومكنتيش بتردي ليه؟ جهاد: حصل حاجات كتير أوي. لما أجي هحكي لك عليها. منار: مانا عارفة وكلنا عرفنا خلاص يا جهاد. جهاد: يعني إيه؟ منار: يعني أمك في المستشفى يا جهاد وتعبانة بسببك. جهاد: انتي بتقولي إيه. اطلع بينا على المستشفى بسرعة.