رواية فتاة حطمت كبريائي الفصل التاسع 9 - بقلم عبده شحاتة

عمر مليكه ماتت هيثم عمر بص له ثم صفعها بقوة، فوقعت في الأرض من شدة القلم. عمر اسمها ما يجيش على لسانك الوسخ ده، ويلا امشي اطلعي برا. سحبها من شعرها ورماها برا وقفل الباب. زينب انت إزاي تعمل كده عشان واحدة زبالة؟ كان لازم في يوم من الأيام تترمي برا البيت ده. عمر بص، ما تموتش وكمان جوا بيتي وهي كمان برا. مليكة ما كانتش حامل، أنا لازم أعرف مين اللي رشَّى الدكتور. زينب (تضحك)

لا يا حبيبي، هي البت بايظة لوحدها. هو في دكتور هياخد فلوس عشان ده؟ عمر ماشي يا ماما، بس الأول قبل كل حاجة لازم أجيب الكلب اللي عمل كده في مراتي، وبعدها هقطعه 100 حتة. ثم طلع يجري. *** في موقع عم مليكة، قاعد والباب خبط. فتح لقي واحد في وشه، ضربه بوكس ودخل يدور على أم مليكة. الرجل تعرف لو كنت مخبيها في آخر الدنيا هجيبك. عم مليكة أنا مش مخبي حد. دي مراتي ولو عاوزينها أنا ممكن أدهالكم، بس كلها بحسابها.

الرجل فهم، فطلع لوزمة فلوس وأداها له. ضحك عمها وقال لهم على مكان شغلها. *** عمر بعد ما ساب البيت راح المستشفى عند مليكة وهو تايه. الدكتور حضرتك ممكن ترتاح شوية، انت جاي هنا ليه؟ المدام نزلت المشرحة. عمر زقها وماشي ناحية المشرحة. دخل والأمن حب يمنعه، الدكتور شاور لهم يسيبوه. دخل عند التلاجة اللي فيها مليكة وطلع وشها، بدأ دموعه تنزل وهو بيحسس على وشها.

سامحيني، أنا أول مرة قلبي يدق ليكي، بس كان لازم أبين جاحد عشان أثبت حبي لريري، مع إني عمري ما حسيت الإحساس اللي حسيته لما بقرب منك. إيه رأيك ترجعي وأنا هخليكي سيدة العالم ده كله. وبدأ يبكي بحرقة وسابها وغطى وشها ومشي. راح يجهز الدفنة، كلم الدكتور يجهزها. *** عند ريري، واقفة مع واحد اسمها قاسم. ريري بقى أنا ريري اللي موقفة شباب بلدك كلها على رجل ومش بعبرها، ييجي عمر ويهيني أنا؟ قاسم

ما إنتي يا بيبي اللي معرفتيش توقعي منه حاجة خالص وطلعتي من المولد بلا حمص، اشربي بقى. ريري (بغضب) أشرب إيه؟ ده أنا هشربهم كلهم من كأس فيه سم وأنا اللي هتصر في الآخر، بس اصبر وانت تشوف. قاسم (باسها في رقبتها) وحشتيني. ريري لفته ليه وعانقته جامد، وشالها ودخل بيها الأوضة. ***

في المشرحة، دخل واحد باين عليه الهيبة. داخل ومحدش قدر يقف ولا يقوله انت رايح فين، حتى خلي واحد من رجّالته يفتح التلاجة ويطلع مليكة وخدوها ومشوا بيها. *** عمر رجع المستشفى، الدكتور بلغه باللي حصل. لسه هيرد، لقي رقم رن عليه. صوت اسمع، مليكة دي بتاعتي أنا وانت ضيعتها، استحمل بقى اللي جاي في حياتك انت وامك وحبيبتك عشان اللي كانت هتكون حرم جاسر بيه مظهر ما يتعملش فيها كده من أمثالكم. عمر اتصدم من اسمه.