رواية فتاه الظلال وعهد الجن الفصل الثالث عشر 13 - بقلم جوري محمد

نجمه: أنا حاولت أن أنقذ ميمونة بس ما عرفتش، صدقيني يا أمي. أمها: خلاص يا نجمة. هي ماتت بسبب الساحر. انت ما عرفتيش تجيبي العلاج، تجيبي عرق الذهب من زنوبيا. كان لازم أنا اللي أروح، أنت كنت صغيرة. نجمة: أنا خفت، دي كانت بتمص دم الجن. سامحيني يا أمي. وهناك جاءت أمها: قومي يا نجمة، لازم تساعدي حفيدتك. أوعي. هي مستنياك بين الحياة والموت. نجمة: ماما! ماما! وفاقت. نجمة: شجرة الزعفران، مولاتي.

شجرة الزعفران: نجمة، هات العصارة بسرعة. وأخذتها ومشيت عند العرافة. نجمة: وسهر. العرافة: كويس إنك جئت يا مولاتي، الوقت كان هيخلص. وبدأت العرافة تعمل علاج لسهر. جومانا: مولاتي، أنت تعبانة كده ليه؟ ارتاحي. وإيه الجرح ده؟ نجمة: جرح بسيط وها يخف منه. جومانا: ارتاحي عقبال ما أعالجه. ونسبهم ونروح عند أدهم ومدحت. أدهم وصل المحكمة هو ومدحت.

أدهم: إحنا جايين نسلم نفسنا للمحكمة. وكمان قدمت طلب جواز ابني من سهر، حفيدة نجمة بنت ملك الجان. القاضي: الإنسية الهجين اللي كانت نتيجة بين تزاوج بين بشري وجنية، وابنك الهجين بين عفريت وانسية. أدهم: أنا جاي أصلح الغلطة اللي حصلت زمان. غير كده هي المختارة، وهي اللي هتعمل التوازن بين العشائر زي ما المخطوطات بتقول. القاضي: المخطوطات بتقول حاجات كتير، أهمها إنك هربت من العدالة. وكان بسببك ممكن تقوم حرب بين الجن والعفاريت.

أدهم: ما أنا بقدم جواز ابني تكفير عن الغلطة بتاعة زمان. القاضي: أنتم هتستنوا في السجن سوا عقبال ما نجمع العشائر ونشوف هنعمل إيه. القاضي: أمر بحبس أدهم ومدحت. مدحت: ما تقلقش يا أدهم، هو كده. أنا كنت متوقع إن هيحصل كده، وهي مسألة وقت بس. أدهم: يلا مش مشكلة. القاضي بيكلم الخادم: خذ الرسائل دي وابعثها لكبار العشائر من مصاصي الدماء، والجن، والعفاريت، والمستذئبين، حتى الهجين. الخادم: الهجين يا مولاي؟

دي عمرها ما حصلت. وحضروا اجتماع ولو بسيط؟ دول طول عمرهم من المنفيين في العالم السفلي. القاضي: الوضع اختلف. المختارة من الهجين، حتى اللي هتتجوز. يبقى لازم يبدأ عصر جديد مع الحفاظ على المقامات بين فئات العشائر. ونسيبهم ونروح عند العرافة وائل. العرافة: ده العلاج بتاع سهر، وهي هتفوق عليه. وبدأت تديها العلاج بمساعدة وائل. وائل: هي كده هتبقى كويسة؟

العرافة: لسه، هي كده فاضل لها آخر تعويذة هعملها. وأنت استعد إنك تتحول لهيئتك الثانية عشان ده مهم. وأنا بعمل رباط الدم بالطريقة الصحيحة. وائل: بس أنا خايف. ما أعرفش إزاي أسيطر على انفعالاتي. دي المرة اللي فاتت أنا... العرافة: أنا عارفة إيه اللي حصل المرة اللي فاتت. بس أنت هتحاول تسيطر عشان أنت بتحب سهر. وأنا هخليك في الأوضة هنا أنت وسهر وهقفل عليكم. وأنت اتحول وهتعرف تسيطر. قدام أنت شايف إنك هتساعد سهر حبيبتك.

نجمة: طب خليه يقتلها، نعمل إيه ساعتها؟ العرافة: مش هيقتلها، هو بيحبها ولا يمكن يؤذيها. وفعلاً العرافة دخلت وائل عند سهر وقفلت عليهم. وائل بدأ يتحول. ونسيبهم ونروح عند محكمة العشائر. وبدأ يتجمعوا الأكابر بتوع العشائر. بداية من وصول ملك الجان. أول مرة من سنين المحكمة تعمل اجتماع زي ده. يا ترى إيه اللي حصل بالظبط عشان تعمله؟

الخادم: مولاي، أنا ما أعرفش إيه اللي حصل. بس كل اللي أعرفه إن الاجتماع ده مهم جداً لأن سيدي القاضي كان مستعجل في إرسال الرسائل ليكم. ملك العفاريت: إيه ده؟ دي كل العشائر متجمعة؟ حتى المنبوذين؟ إزاي يحضروا معانا؟ دي عمرها ما حصلت. مجموعة المنبوذين: احترامي لكل العشائر. المختارة نفسها من الهجين، يعني تعتبر زينا من المنبوذين.

زنوبيا: معك حق. مع اختلافات بسيطة. اللي إحنا لسه ما نعرفش إيه هي قدرتها عشان يتقال عليها المختارة. القاضي دخل هو وهيئة القضاء. القاضي: طبعاً كلكم عايزين تعرفوا السبب لحضوركم هنا إيه. وهنا دخل أدهم ومدحت. ملك العفاريت: أولادي! أنتم مسكتوهم إزاي؟ القاضي: هم اللي حضروا وطلبوا الموافقة على جواز حفيدك مع المختارة، حفيدة ملك الجان. زنوبيا: مصاصة الدماء. علشان كده حضروا معانا الهجين.

القاضي: فعلاً المخطوطات بتقول إن ظهور المختارة هيحصل توازن وهيبقى كله عايش في سلام لو إحنا التزمنا بالمعاهدة. الملكة زنوبيا: ممكن نشوفها علشان نعرف قدراتها إيه ونتاكد إن هي المختارة. القاضي: أكيد هتشوفيها وهتعرفيها وهتشوفي قدراتها بنفسك وتختبريها كمان. ونسيبهم ونروح عند العرافة. بعد ما وائل اتحول، بدأت العرافة في عمل الطقوس الكاملة علشان تساعد سهر. وبدأت تتبادل رابطة الدم بينهم. بشراب سهر دم من وائل.

وائل طبعاً شرب من دمها. نجمة: يا ريت سهر تفوق، لأنها مطلوبة في المحكمة دلوقتي ولازم تكون بكل قوتها لأنها هتمر باختبارات. العرافة: ما تقلقيش، هي هترجع بكامل قوتها. العرافة: قلت لك ما تقلقيش، هي هترجع بكامل قوتها وزيادة. لأنها هتاخد قوة من وائل جوزها كمان لو هو سمح لها. وائل: تاخد إن شاء الله عمري كله. بس تقوم وترجع تاني في وسطنا. وهنا سهر فاقت. سهر: إيه اللي حصل معايا ده؟ وائل: أخيراً إنك فوقتي وبقيتي بخير.

سهر بتفوق بتلعب في شعرها: بديلها. وائل: إيه الديل ده؟ صدقي ما أخدتش بالي منه. سهر: مش أحسن من القرون اللي في وشك دي. و بتضحك. وائل: طيب، قد لسانك الطويل ده هيبدأ يشتغل. يبقى أنت بقيتي كويسة ويلا بقى يا ستي علشان نروح المحكمة علشان ناخد تصريح بجوازنا. سهر: هي إيه الحكاية؟ كل حاجة هنا عايزة تصريح ولا إيه؟ عندكم زي عندنا؟ إيه الفرق؟ نجمة: بطلي رغي. سهر: أكيد في فرق، بس خلصي علشان نمشي. وأنا جاية معاكم.

سهر: خلاص يا جدتي، ما تزقيش. نجمة: إيه اللي أنت بتقوليه ده؟ أنا نجمة بنت ملك الجان. سهر: إيه الغرور ده يا شيخة؟ ده أنت تلاقي عندك ألف سنة. نجمة: على فكرة أنا لسه صغيرة، كل الحكاية 200 سنة بس. سهر: يا شيخة! لا، ده أنت صغيرة خالص. وائل: كفاية بقى، يلا نمشي. ومشوا كلهم على المحكمة. الخادم: مولاي، وصلت المختارة ومعها ملكة الجان وعفريت. القاضي: خليهم يدخلوا على المجلس. زنوبيا: والله أنتم بتقولوا إيه؟ أنتوا متأكدين؟

لا لا، أنتوا أكيد بتهزروا. دي المختارة؟ وكمان زي ما البشر بيقولوا؟ طول ولا عرض؟ لا يمكن أصدق إن الصغيرة دي مختارة. القاضي: هي المختارة. تحب تشوف قدرتها؟ اختبريها. زنوبيا: اتفضلي يا مختارة، أبهريني. سهر: طب وليه بتتريقي كده؟ أنا حاسة إنك كرهاني من أولها ما شفتيني. حاسة إن ما فيش تقدير لقدراتي. وده هيخليني... نجمة: أوعي تعملي اللي أنت بتفكري فيه. سهر: ليه يعني؟ أنت مش شايفة بتتريق إزاي؟

هيبقى إحساس حلو هي ركعة. هي مش أحسن من حد. نجمة: دي ملكة! مش هاتغفر لك لو خليتيها تعمل كده وهتعتبره إهانة. سهر: ماشي، على إن هيبقى شكلها حلوة قوي بأسنانها اللي طالعة بره دي. سهر دخلت جوه عقل زنوبيا وتخللت في مركز الخوف عندها. سهر: معقول؟ أنت بتخافي من الحب؟ زنوبيا: إيه الكلام الفارغ ده؟ حب إيه؟ سهر دخلت لعقل زنوبيا،

وبدأت زنوبيا تتكلم: أنا عايزة أبطل شرب دم البشر تاني. والجن لازم نشوف حل للموضوع ده. لازم نعيش في سلام. إحنا وكل العشائر ومن ضمنهم البشر. سهر: أنا بقول كده برضه. زنوبيا: أنت إزاي تخليني أقول الكلام ده؟ سهر: عشان أكد لك إن أنا المختارة. غير كده أنت ملكة والملكة بتنفذ. كلمتهم تبقى لازم تلاقي طريقة علشان البشر يعيشوا في أمان. زنوبيا: بس أنا كنت تحت تأثير قدراتك.

سهر: اثبتي الكلام ده، خليها بيني وبينك. ده شعور كان جواك وأنا ضغطت عليه. القاضي: في حد تاني عايز يتأكد من حاجة تاني؟ الكل: خلاص، إحنا موافقين إنها المختارة. القاضي: حد معترض على جوازها هي والهجين حفيد ملك العفاريت؟ أمير الجان: أنا معترض. قدام هي المختارة، لازم تنتج لنا سلالة نقية. الكل: أيوه فعلاً معه حق. لازم كنا خدنا بالنا من حاجة زي كده.

وائل: سيد القاضي، ما حدش يقدر يعترض. لأن أنا والمختارة متجوزين بالفعل في عالم البشر قبل ما أعرف أي حاجة وأتحول. القاضي: إزاي؟ وائل: اتقابلنا لو حبينا بعض واتجوزنا. كل ده في عالم البشر. ويمكن تكون حامل كمان. زنوبيا: أنا ممكن أتأكد من كلامه. سهر: ليه؟ أشعة سونار؟ زنوبيا: المختار دمها ظريف. يا ترى طعمه حلو؟ سهر: لا، أنا باتكلم بجد. وإيه طعمه دي؟ أنت هتاكليني؟ زنوبيا: أيوه، لازم آخد من دمك علشان أعرف.

سهر: طيب، مش أنا اللي اتكلمت. هو اللي اتكلم. خدي من دمه هو. زنوبيا: ليه؟ هو اللي حامل؟ الجميع قعدوا يضحكوا. القاضي: هدوء لو سمحتم. خلاص يا سهر، خليها تشوف. دي حاجة بسيطة. سهر: الكلام سهل، بس دي سنانها هتخش في رقبتي. ربنا يستر. زنوبيا: طيب، اثبتي بقى علشان أعرف. وجاءت زنوبيا من الظهر ومسكت رقبة سهر وغرزت سنانها فيها. سهر في اللحظة دي تألمت وحبت تسيطر على زنوبيا وتخليها تقول اللي هي عايزاه. زنوبيا: فعلاً هي حامل.

سهر: بجد؟ هو ولد ولا بنت؟ زنوبيا: تحب أشوف لك تاني؟ سهر: لا، كفاية. أنت استحليت شرب دم ولا إيه؟ القاضي: خلاص، يبقى يتم الفرح. وجوزهم هنا في محكمة العشائر بكرة على طول. نجمة: مبروك يا سهر. ملك العفاريت: وبالنسبة لأدهم ومدحت، ولادي؟ القاضي: بعد المشاورة، حكمنا عليهم إنهم يرجعوا يقعدوا في وسطنا تاني. مدحت: بس أنا مرتاح في حياتي مع البشر. القاضي: لك حق الاختيار. تقعد هنا أو هناك. ونفس الحكاية لأدهم.