رواية فتاه الظلال وعهد الجن الفصل الثاني عشر 12 - بقلم جوري محمد

وصلت جومانا لمكان وائل وأدهم. أدهم: انت مين؟ جومانا: أنا مرسال من عند نجمة. أدهم: والأمارة إيه؟ أكيد قالت لك عليها أو بعثتها معك؟ جومانا: بتقول لك وائل اتجوز سهر وبعثت معي الإشارة دي. أدهم: ماشي، انتي عايزة إيه دلوقتي؟ جومانا: سهر عندنا. بدأت تحكي له على اللي حصل مع سهر في العالم السفلي. أدهم: المطلوب إيه؟ جومانا: هي قالت لي إني أجي هنا وأتواصل معها وهي تقول لك هي عايزة إيه. أدهم: طب يلا خلصي. وهنا وصل وائل.

وائل: مين دي يا بابا؟ وشكلها كده ليه؟ أدهم: دي جنية من عند نجمة وسهر. وائل: إيه؟ سهر عاملة إيه؟ هي تعبانة، أنا حاسس بيها. جومانا: سهر تعبانة جدًا، وأنا بحاول أتصل بمولاتي نجمة علشان تقول لكم على المطلوب. هي كانت ممكن تيجي بس هي راحت تجمع عناصر العلاج بتاع سهر زي ما العرافة طلبت منها. ونتركهم ونذهب عند نجمة. نجمة: اسكت يا سليم، جومانا بيتحول تتصل بي. سليم: اوكي. بدأت نجمة تدخل عقل جومانا وتتكلم. نجمة: ازيك يا أدهم؟

أنا عايزك تساعد وائل إنه يبدأ يتحول علشان يساعد سهر في أقرب وقت. الوقت مش في صالحنا. أدهم: ازيك؟ عاملة إيه؟ وسهر عاملة إيه؟ نجمة: بقول لك الوقت مش في صالحنا، يبقى هي عاملة إيه؟ أدهم: بس فاضل على تحوله يوم، ولو استعجلنا هيبقى خطر جدًا لأنه هيبقى أعنف وممكن يضر ناس كتير. نجمة: ما فيش وقت، خلي مدحت يشوف أي حاجة تخليه يتحول بسرعة. وائل: طيب وسهر حصل معها إيه؟

نجمة: هاخلي جومانا تحكي لك على اللي حصل معها علشان أنا بأجيب الأعشاب اللازمة لعلاجها. ولازم تكون انت موجود معها. اتصرفوا ولازم إنك تتحول. وائل: احكي يا جومانا اللي حصل مع سهر. جومانا بدأت تحكي له وائل على كل حاجة واللي حصل مع سهر في العالم السفلي. مدحت بيبص لأدهم إن وائل بدأ فعلاً يتحول لعفريت بسبب حبه لسهر. ونتركهم ونذهب عند ناصر ومجموعته. ناصر: روح يا زعيم.

المجموعة: هو ده المكان اللي هتلاقي فيه وائل. لازم تخلص عليه. افتكر إن ما فيش قدامنا إلا فرصة واحدة. ناصر: ما تقلقش، اعتبره ميت. وفعلاً وصل ناصر في لحظة اكتمال تحول وائل لعفريت. مع الألم الشديد اللي عند وائل بدأ يكسر كل حاجة تقابله في طريقه، وحصل اشتباك بينه وبين ناصر. أدهم جاي يدخل ويفضل الاشتباك لأنه خائف على وائل.

مدحت: سيبه، ده ناصر. جيب في الوقت المناسب علشان وائل يتخلص من الطاقة الزيادة الموجودة عنده أثناء التحول. وبدل ما كان هيخلص على أي حد هيخلص على ناصر وهو اللي بدأ. أدهم: معاك حق. ونتركهم وهم قاعدين يتفرجوا على الحرب بين ناصر ووائل. ونذهب عند نجمة. نجمة: هو ده المكان اللي التنين موجود فيه. سليم: بس هو شكله مش موجود. نجمة: هو تلاقيه بيجيب الفريسة بتاعته. وهنا وصل التنين. سليم: إيه ده؟ هو أعمى؟

نجمة: أيوه أعمى، بيعتمد على حاسة الشم عنده، وأكثر ريحة بتشده رائحة الجن. سليم: خلاص، أنا جاءت لي فكرة. نجمة: هنعمل إيه؟ سليم: هتشوفي. وبدأ ياخذ من الفضلات بتاعة التنين ويحطها على جسمه. نجمة: إيه القرف ده؟ سليم: هي دي الطريقة الوحيدة اللي نشتت بها حاسة الشم بتاعته، وبالتالي ناخد السن بتاعه من غير ما هو يحاربنا. نجمة: هي فكرة بس مقرفة، بس شكلنا مش قدامنا غيرها.

وفعلاً نجمة عملت زي سليم، ودخلوا قلعة التنين علشان يجيبوا سنه المخلوع. وسليم ونجمة دخلوا المغارة. سليم: إيه كل الأسنان دي؟ نجمة: أصل التنين الأحمر بيبدل سنانه كل شهر. بس في مشكلة، إحنا لازم ناخد السن الجديد. لازم ندور عليه كويس. سليم: السن الجديد هندور عليه إزاي؟ أو هنعرفه إزاي؟ نجمة: أنا هاقول لك، اللي تلاقي لونه أحمر قوي قوي ده لسه جديد، لأن هو كل ما بيقدم اللون بيبدأ يروح يروح لغاية لما يبيض خالص.

سليم: ماشي، يلا خلينا ندور. وسليم ونجمة بدأوا يدوروا على السن الجديد. سليم: اهو، هو ده. نجمة: أيوه، هو ده. سليم: يلا بقى خلينا نمشي من هنا. يا خبر إيه ده؟ مين اللي قفل المغارة؟ نجمة: أكيد هو لما دخل قفلها. بس الباب ده كبير جدًا، إحنا مش هنعرف نحركه حتى. سليم: اهدي، واكيد هنلاقي طريقة. اهدي بس يا نجمة. ونتركهم ونذهب عند أدهم ومدحت والمعركة لسه شغالة بين وائل وناصر. جومانا: إيه ده؟

شكل الهجين ده مات خالص. على فكرة الهجين ده اللي كان بيحاول يعمل رباط الدم مع سهر. أيوه، أنا عرفته لأن العلامة اللي في كتفه دي كانت موجودة. أدهم: اهو، كده كده وائل موته. يلا خلينا نساعده علشان يروح هو عنده سهر. بعد فترة، وائل رجع لشكله البشري. وائل: أنا قتلته، بس هو كان عايز يقتلني الأول. جومانا: مش مهم، كده كده هو كان عايز يقتل سهر. مدحت: إيه ده؟ بس ويلا استعداد علشان تروح عند سهر وتساعدها.

أدهم: واحنا هنروح عند المحكمة العليا للعشائر ونقدم طلب لجوازكم علشان الهدنة تستمر. وهم هيجمعوا العشائر ويشوفوا الطلب ده. مدحت: فعلاً، إحنا لازم نعمل كده علشان نخلص بقى من الموضوع ده ونرجع لحياتنا الطبيعية. جومانا: طب يلا بينا، أنا هامشي أنا ووائل، وأنتم روحوا شوفوا هتعملوا إيه. والكل فعلاً اتجه على المكان بتاعه. نتركهم ونذهب عند نجمة وسليم. نجمة: قولي لي دلوقتي بقى هنعمل إيه؟

سليم: بصي يا ستي، شفت الماية اللي هناك دي؟ أنا هانزل فيها علشان أشيل الريحة بتاعة الفضلات بتاعته وتبان الريحة بتاعتي. فبالتالي هو هيشم وهيجي ورايا ناحية الباب وهيفتكر إن الريحة جاية من بره، ف هيفتح الباب وأنا وانتي نخرج على طول. نجمة: هي الفكرة حلوة، بس أنا اللي هاعملها لأنه بيحب ياكل الجن مش البشر. سليم: بس دي هتبقى خطر عليكي. نجمة: طول ما انت معايا أنا مش بأخاف. وكمان علشان سهر.

ونجمة عملت كده فعلاً، والتنين فتح الباب. وسليم أخذ نجمة وحط عليها فضلات بسرعة قبل ما التنين يوصل لها. سليم: كده إحنا بقينا في أمان. ما فاضلش إلا آخر محطة. نجمة: دي جوه أرض الجان، يعني أمان. وانت لازم ترجع بقى وتسيبني، وأنا هاكمل المرحلة الأخيرة. على فكرة وائل وصل عند سهر، يعني لازم إحنا كمان نوصل بسرعة. سليم: طيب، هاجي معاك. هاسيبك بعد ما تاخذي اللي انت عايزاه.

نجمة: صدقني يا سليم مش هينفع. أول ما هتدخل أرض الجن، الجن كله هيحس إن فيه بشر هنا، وده يضرنا، مش هينفعنا. سليم: خلاص، بعد ما تخلصي ابقى تعالي طمنيني. نجمة: أكيد. سلام يا سليم. ومشي كل واحد فيهم من طريق، بس نجمة مقلتلوش إنها اتجرحت من التنين. ونجمة ماشية في الطريق والتعب بدأ يزيد عليها، لحد ما وصلت لشجرة الزعفران. شجرة الزعفران: مولاتي جاية بنفسك؟ نجمة: عايزة عصارة الشجرة مش ورقة.

شجرة الزعفران: انتي تؤمري. شاوري على أي شجرة من حديقة بتاعتي وتاخدي أحسن عصارة. نجمة: هاتي أي حاجة. وراحت واقعة من طولها. شجرة الزعفران: مولاتي، قدي إشارات للجن يساعدوك. نجمة: لا، اوعى تنادي حد. أنا هارتاح شوية وهاكمل مشوار، بس خليني أدخل جوه الظل بتاعتك. شجرة الزعفران: أحميكي من أي خطر مولاتي. وفعلاً شجرة الزعفران حوطت على نجمة، ونجمة راحت في دنيا تانية وافتكرت إيه اللي حصل معها زمان.

يا ترى إيه اللي حصل مع نجمة زمان؟ وإيه اللي هيحصل الفصل الجاي؟ وهل محكمة العشائر هتعمل بإيهم ومدحت اللي كانوا هربانين؟ إيه هاتسامحهم ولا هيحصل أي جديد؟