رواية فتاه التنمر الفصل الخامس والعشرون 25 - بقلم ياسمينا

مراد بص لملك لقاها بتشاولو بإيدها وقالت: "جت في الحيطة" مراد بص لمليكة وقرب منها وخد المسدس وقال بغضب: "تصدقي إني مش هرحمك" مليكة بغضب: "اخرس" مراد ضربها بلقلم وقال: "اخرسي إنتي بقاااا أنا قرفان منك" مليكة بصريخ: "بتضربني" مراد ضربها تاني بلقلم وقال: "وكسر راسك كمان" الظابط: "لوسمحت مينفعش كدا" مراد بغضب: "براااااااا" الظابط بصدمة: "نعم" مراد:

"بقولك برا الظابط اللي بتاخد مسدسه منو ميبقاش ظاااابط وكمان مين اللي خدودي دي ست يلا براااااا" الظابط بصله بضيق وخرج. ومراد بص لملك وقال: "وانتي برا" ملك: "لا إنت هتعمل إيه" مراد قرب من ملك ومسك إيدها وقال بغضب: "قولت برا" مراد طلع ملك برا الأوضة وقفل الباب في وشها. وملك بصت في الأرض بحزن. سليم بسعادة: "هيموتها أصلك متعرفيش مراد لما يجيب أخرو" ملك بصت لسليم وقالت: "إنت فرحان" سليم:

"أيوااا لأن البنت طلعت لأبوها اقعدي بقا واسمعي" سليم وقف قدام الباب. أما مراد بص لمليكة وقال: "أنا وإنتي اهو مع بعض شوفي هتعملي إيه" مليكة بغضب: "تعرف إيدك دي لو اتمدت عليا تاني مش هيحصل طيب" مراد ضرب مليكة تاني بلقلم والمرة دي كانت أجمد ومليكة حطت إيدها على وشها بصدمة. مراد بصوت عالي:

"إنسانه أنانية متهورة وكل صفات الوحشة فيكي والحقد والكره بقا في قلبك حتى بعد ما عرفتي إن أبوكي أحقر الناس إنتي أييييه مريضة تعرفي يا مليكة أنا ندمان على كل سنين دي اللي قعدت معاكي فيهم" مليكة سقفت وقالت: "وانت ملاك الطاهر صح والحيوانة اللي برا دي طاهرة" مراد ضرب مليكة تاني بلقلم وقال:

"أنا عارف اللي بيضرب ست ميبقاش راجل بس في حالتك دي لما تكوني ست الأول إنتي واحدة شيطانة وعايزة اللي يوقفك وأنا مش هرحمك وهخدك من إيدك كدا وارميكي في سجن تعفني فيه" مليكة بصتله بغضب وبعدين بصت على الترابيزة اللي جنبها وجريت عليها ومسكت الكوباية وكسرتها وقالت بشر: "تمام يا أنا يا أنتم"

مراد ابتسم بسخرية ومليكة قربت منه بس هو مسك إيدها وحاول ياخد منها الإزازة وبعدين بص على ضهرها وحط إيده على ضهرها مكان الجرح وهي صرخت وبعدين مسكها من شعرها وزقها على السرير وهي كانت بتتوجع. مراد: "ليه توصليني إني أعمل فيكي كدا طول الوقت كنت ماسك نفسي قولت معلش دي ساعة جنون وهترجعي مليكة الطيبة ليه تعملي كدا بجد ليه" مليكة بغضب: "لأني بكرهك يا مراد بكرهك كره العماااااا" مراد قرب منها وقعد جمبها على السرير:

"طب ماتبعدي عني سهلة" مليكة بصت على الشرفة الأوضة وقالت: "عني" ووجت تقوم بس مراد مسك إيدها وقال: "أنا فهمك كويس" وبعدين مراد قومها من على السرير وهي قامت معه بهدوء وطلعوا برا الأوضة. مراد: "تقدر تخدها" الظابط قرب من مليكة ولبسها الكلبش ومليكة بصت لمراد بكره وبعدين مشيت معاهم بهدوء. سليم: "أحسن حاجة عملتها في حياتك" مراد بصله وقال: "تمام كدا خلصنا من أكبر مشاكلنا" سليم: "صح يبقى نفرح بقا" مراد بص لملك وقال:

"إيه رأيك الفرح يبقا بكرا" ملك بصدمة: "بسرعة دي" مراد حط إيده على كتفها وقال: "أكيد احنا ورانا إيه تعالي بس" مراد خد ملك وطلعوا برا المستشفى وسليم بص لتسنيم وقال: "واحنا أكيد معاه" تسنيم: "أمم هشوف" تسنيم مشيت من قدامو وسليم ابتسم وقال: "شكلها هتبقى أيام عسل خلاص البومة بتعنا خلصنا منهاااا" سليم خرج وراهم وركب العربية معاهم وتحركوا. وبعد ربع ساعة وصلوا الفيلا وكانت ملك نايمة. سليم: "صحيها" تسنيم بصتله بضيق وقالت:

"يا ذكي مش هنصحيها أصلاً أنا آدتلها منوم في المية" سليم بصدمة: "إنتي بقتي مجرمة بجد بقا" مراد بضحك: "يا غبي لا بس أنا عايزها تصحي بكرا علشان عملها مفاجأة" تسنيم بسخرية: "شوفت وعايزني أتجوزك بكرا قال" مراد: "هشلها وشوف عمر فين واستنوني في الجنينة" سليم: "طيب" مراد شال ملك ودخل الفيلا وطلع أوضتو ونيمها على السرير وبعدين طلع من الأوضة ونزل الجنينة لقه عمر وسليم مستنينو. سليم: "ها هنعمل إيه" مراد بابتسامة:

"بسين بشوكولاتة" عمر وسليم بصوله بصدمة. عمر: "أنا قولت إنك مجنون من بدري بس محدش سمع كلامي" مراد: "اخرس يا طفل" سليم: "أيوا يا مراد يا حبيبي أنا فاهم إنك عايز تفرحها بس إزاي نعمل بسين بشوكولاتة" مراد: "ومش بس كدا كلنا بكرا هنعوم فيه" عمر بضحك: "صحبك ده يا سليم دمو خفيف" سليم: "جبت أخري منو الصراحة" مراد بابتسامة: "المهم يلا نبدأ من دلوقتي" مراد مشي من قدامهم وعمر وسليم بصوا لبعض. عمر:

"بص خلينا نساعده وخلاص كدا كدا هو اتجوز" سليم: "طيب" في صباح يوم جديد. مراد كان في القسم وقاعد قدام الظابط اللي ماسك قضية مليكة. مراد: "مليكة مريضة نفسية وأنا قررت أدخلها المستشفى" الظابط بهدوء: "احنا فعلاً هننقلها المستشفى لأن احنا لاحظنا إنها بتعمل حركات مش طبيعية" مراد: "ممكن تديها الجواب ده لما توصل المستشفى" الظابط خد من مراد الجواب وقال: "تمام" مراد قام من مكانو وقال: "همشي أناااا"

مراد مشي وطلع برا القسم وركب عربيتو وفضل واقف مستني طلوع مليكة وبعد ربع ساعة شايفها طالعة مع العساكر وركبوها البوكس. وبعدين مراد اتحرك بعربيتو. وبعد نص ساعة وصلوا قدام مستشفى الأمراض النفسية والعقلية. ونزلوا مليكة من البوكس ودخلوا المستشفى ودخلوها أوضة لوحدها كل ده ومليكة مش حاسة بحاجة وبعدين دخل الظابط ومليكة بصتله. الظابط: "الجواب ده ليكي" مليكة مسكت الجواب وبصت للظابط وقالت: "من مراد صح" الظابط:

"أيوا أنا همشي دلوقتي وأسيبك تقريه براحتك" الظابط مشي ومليكة فتحت الجواب وبدأت تقرا: (مليكة الاسم اللي سميتهولك .....

في مرة كنت بسمع مسلسل وسمعت الاسم ده وحبيتو جداً وقولت لازم أسميهولك إنتي بنتي وإنتي تعبتي أيوا تعبت فيكي لغيت لما كبرتك أوعي تفكري إني ممكن أسيبك بسهولة لا مش هسيبك زي ما إنتي ما سبتيني بس الفرق إني هكون أخوكي أنا حبيب ملك وإنتي مش معايا حبيت فيها كل حاجة ملك حبتني أوووي حبتني حب كبير وأنا حبتها حب أكبر ممكن أسمي حبي ليكي إنو حب تملك طول الوقت كنتي معايا حاسس إنك مسؤولة مني عايزك تتعالجي وترجعي مليكة القديمة وأرجعيلي علشان أنا مستنيكي لأني محتاج لأختي ........

أرجعي هتلقيني فاتحلك دراعي ومسامحك على كل حاجة عملتيها أنا عارف إنك عملتي كل ده والحقد والكره مالي قلبك ومكنتيش في وعيك أرجعي وصدقيني هتلقيني مستنيكي ..... مليكة حضنت الجواب وقالت: "تصدق إنك فقدتني فعلاً أنا لازم أرجع مليكة القديمة لنفسي ... وأنا أذيتك كتير وإنت لسا عايز تساعدني" في فيلا مراد. مراد كان واقف قدام مرايتو كان لابس بدلة لونها أبيض وابتسم وقال: "ربنا يستر المرة دي والفرح ميبوظش" فجأة سمع صريخ ملك.

مراد بسخرية: "اهو باااظ" مراد طلع من الأوضة ودخل أوضتها لقاها ملك واقفة قدام المرايا وبتصرخ. مراد: "مالك يا بيبي اهدي" ملك بغضب: "مين لبسني الفستان وازاي نمت كل ده داحنا العصر" مراد قرب منها ووقف جمبها وقال: "إيه رأيك فيه" ملك بصت في المرايا وابتسمت وقالت: "بتاكول بعقلي حلاوة" مراد بضحك: "لا شوكولاتة صحيح نقصك بوكيه الورد صح" ملك: "استنى بس قولي هو إيه اللي حصل" مراد تجاهلها وبعدين قرب من ترابيزة وجاب منها النوتلا.

ملك بسعادة: "إيه هتحقق لي حلمي صح ... حبيبي يا ميروووو" ملك جريت على مراد وخدت منه النوتلا بس مراد قال: "استني مش دلوقتي ننزل تحت الأول" ملك: "أممم ماشي يلا" ملك مشيت من قدامو. مراد بضيق: "تبيع أهلها علشان شوكولاتة استني يا أنسه" ملك ضحكت وقالت: "طبعاً دي نوتلا حجي" ملك نزلت على السلم ومراد نزل وراها. مراد: "استني يا بنتي" ملك بضحك: "أكيد عملتلي مفاجأة صح"

ملك جريت على الجنينة وأول ما طلعت انصدمت من اللي شافته وبعدين لفت وبصت على مراد. ملك بسعادة: "إيه ده هو إنت بجد عملته" مراد بابتسامة: "طبعاً إنتي أي حاجة عايزاها هعملها" ملك جريت وحضنته وقالت: "بس خسرانة البدلة البيضة دي تتبهدل" مراد بضيق: "متفكرنيش أحسلك" عمر من بعيد: "إنتي اتجننتي حد يتمنى حاجة زي دي" ملك طلعت من حضن مراد وقالت: "سبني أستمتع بالمنظر ده"

ملك طلعت الجنينة وقربت من حمام السباحة اللي كان مليان شوكولاتة. وبصت على الصندوق الإزاز الكبير اللي مليان كياس من شوكولاتة. وبصت على بوابة الفيلا لقت صور ليها متعلقة لما كانت تخينة وبعدين بصت لمراد بغضب. مراد بضحك: "كملي" ملك بصت على الأشجار لقت صور متعلقة ليها هي ومراد وهما في البحر ملك ابتسمت بسعادة وبعدين انصدمت لما لقت صحابها اللي في الجامعة داخلين من بوابة الفيلا وملك بصت لمراد.

ومراد قرب منها وحضنها من ضهرها وصحابها قربوا منها وكلهم طبعاً كانوا حاقدين عليها. واحدة من صحابها: "أحم الف مبروك" مراد: "الله يبارك فيكي" ملك بتوتر: "الله يبارك فيكي" مراد ابتسم وقال: "شكراً إنكم جيتوا علشان تشوفوا ملك بعد ما خست بقت أحلى منكم إزاي اه وكمان تشوفوا حبي ليها أصل أنا بحبها أوووووي ملك عوض ليا من ربنا والصراحة أتمنى البنات كلها تبقى زيها مش بنات بيلبسوا قصير علشان يغروا الرجالة ....

بعد إذنكم بقا علشان احنا مش فاضين" مراد مسك إيد ملك وبعد عنهم وملك عينيها دمعت وقالت: "شكراً بجد" مراد: "على إيه بس المهم انسي كل حاجة وافرحي وبس" فجأة الأغاني اشتغلت وعمر قرب من ملك ومسك إيدها وقال: "اختشي بقت عروسة" مراد بضيق: "سيب إيدها" عمر: "روح أرقص مع ست الولادة عايزاك" ملك بضحك: "الصراحة عمر أحلى منك بكتير يا مراد" عمر حضن ملك وقال: "حبيبتيييييي" مراد: "تماااام خليه هو يتجوزك بقا"

عمر وملك ضحكوا ومراد راح جاب الكاميرا وفضل يصورهم. أما سليم وتسنيم كانوا واقفين على الدي جي وعاملين يختاروا الأغاني. سليم: "ماتجي أتجوزك دلوقتي" تسنيم: "يا عم ركز في أم الفرح" سليم بضيق: "أنا حمار علشان بحبك أصلاً" تسنيم ابتسمت وقربت منه وباست في خده وقالت: "خلاص متزعلش هنتجوز قريب متخافش" سليم بسعادة: "بجد" تسنيم: "أيوااا بجد" سليم: "لا يبقى نرقص بقااا" سليم شغل أغنية لي رامي صبري.

ونزل من الدي جي هو وتسنيم وقربوا من ملك وعمر وبدأوا يرقصوا معاهم ومراد كان بيصور وبعدين قرب من ملك ومسك إيدها وقال: "ماتجي أغنيلك أنا" ملك بسعادة: "يلاااااااااا" مراد حضن ملك وقال: "ألف ما شاء الله عليك يا جملها عنيك يا قمر نور لي حياتي أنا من الليلة بدوب و هواك مكتوب و لا عمري أتوب في حياتي ألف ما شاء الله عليك" ملك طلعت من حضنه ومسكته من خدوده وقالت:

"صدق اللي شافك قال ولي من ده جمال و يدوب من سحر عنيك وأنا حن قلبي و ما لان ساك ده محال" ملك بصت على البسين وبعدين بصت على مراد بخبث. مراد: "لا لا أوعي تفكري" ملك ضحكت ومسكت إيده وقالت: "اسمع الكلام بس تعاااااال" مراد مشي معاها ووقفوا قدام البسين. مراد بص على البسين وقال: "لا مستحيل" ملك: "هيبقى شكلك وحش لو زقيتك" مراد بغضب: "ابعدي عني"

ملك ابتسمتله بخبث وزقته في البسين جامد ووقع في البسين وملك نطت وراه ومراد بص على هدومه بصدمة. ملك ضحكت وقالت: "بقيت نوتلا رسمي يا بيبي قولي صحيح سحيت الشوكولاتة دي إزاي" مراد بغضب: "اخرسي" ملك قربت منه وفضلت تحطله شوكولاتة في وشه. مراد: "ملك ابعدي أحسلك" ملك بابتسامة: "بحبك يا مراد و أوعدك إني عمري ما هسيبك .... إيدي في إيدك دايما" مراد ابتسم وقال: "وانا بحبك أوووي وهفضل أحقق لك كل اللي تتمنيه" ملك:

"وأول بنت لينا هنسميها مليكة" مراد بصدمة: "مليكة" ملك: "مش قادرة أكرهها" مراد: "ولا أنا" ملك: "يبقى اتفقناااا" مراد حضن ملك. وملك كانت مبسوطة حاسة إنها خلاص مش عايزة حاجة من دنيا غير وجود مراد جمبها. أما مراد كان مبسوط إنو لقى حبو الحقيقي وإن ربنا حطله في طريقو ملك. بعد مرور ٨ شهور.

مليكة حالتها النفسية اتحسنت جداً وبقت إنسانة تانية طول ٨ شهور كانت بتصاحب ناس في المستشفى وتعرفت على ناس كتير وبقت محبوبة من الكل ومراد كأنه متابع كل ده من بعيد. وقدر يسقط التهمة من عليها وجه معاد خروجها المستشفى. مليكة خرجت من المستشفى وفضلت تبص حواليها كانت حاسة إنها مسجونة بس سجن حلو قدر يغيرها. وبعدين وقفت تاكسي وقررت تروح لمراد. أما عند مراد كان نايم وفجأة سمع صريخ ملك اللي نايمة جمبه. مراد قام مخضوض وقال:

ملك مالك؟ ملك بصريخ: هولد لااااا لااااا مش هولد هموت قصدي. مراد باستغراب: بس فاضل شهر ده اللي أعرفو. ملك بغضب: لا نستنا الشهر ده بقاااا وأموووت أنا. مراد: لا لا بعد الشر عنك، طب مفروض أعمل إيه؟ ملك بصريخ: يلهووووي متجوزه حمار. مراد بغضب: نعممم ما تُلْمِي نفسك. فجأة عمر فتح الباب ودخل وقال: يابني دي لازم تروح المستشفى، بقالي نص ساعة واقف أسمعكم برا وقولت خلاص هيبقى عندو دم وهيوديها المستشفى. مراد بغضب:

عمر اطلع براااا. عمر: مش طااااع. ملك بصريخ: أنتو هتتخنقوا وأنا بموووووت. مراد: لا خلاص. مراد قرب منها وشالها وقال: بسم الله، مشاء الله تخنتي تاني يا ملك. ملك بغضب: ماشي هحسبك بس لما أفوق. مراد طلع من أوضتها وعمر خد مفتاح العربية وبعدين طلعوا من الفيلا وركبوا العربية.... وفي لحظة دي مليكة وصلت قدام الفيلا وشافتهم وهما بيركبوا ونزلت من تاكسي وفضلت تنده عليهم بس هما كانوا مشيوا وبعدين ركبت التاكسي تاني وقالت:

امشي وراهم لو سمحت...... بعد ربع ساعة وصلوا المستشفى وحالة ملك كانت بتسوء ومراد شالها ودخلها المستشفى والممرضين دخلوها أوضة العمليات.... ومراد كان خايف. عمر: اهدى يا مراد، إن شاء الله هتقوم بسلامة هي ومليكة. مراد بتذكر: مليكة... صحيح مليكة مفروض تخرج النهاردة. عمر: بجد؟ مراد: أيوا مليكة اتغيرت أوووي وكنت نفسي أنا وملك نستقبلها. مليكة من وراه: بس أنت عملت عشاني كتير وكمان هتسمي بنتك على اسمي.

مراد لف وبص على مليكة بصدمة. مراد: مليكة. مليكة بدموع: مستحقش كل ده والله ما استحق. مراد بابتسامة: تعرفي إني فرحان بيكي أوووي. مليكة بحزن: بس أنا أذيتك كتير. مراد: انسي، ما بتعرفيش تنسي. مليكة بصت في الأرض بحزن... مليكة: أنا آسفة يا مراد وآسفة لملك كمان، أنا بجد اتغيرت ومبقتش عايزة حاجة من دنيا غير إنكم تفضلوا جمبي. عمر: أحممم استنيني بس سنتين بس وهجي أتجوزك. مليكة ضحكت وقالت: ليه هو أنا حلوة؟ عمر:

دانتي موووز يا بنتي. مراد: يابني اتلم فضحتني. مليكة بصت لمراد وقالت: محتاجة أخ. مراد قرب منها وحضنها وهي حضنته بسعادة وقالت: ممكن تبقى أخويا. مراد: طبعاااا.. وبعدين الدكتور طلع من أوضة العمليات وكلهم قربوا منه بلهفة. مراد: ها يا دكتور؟ الدكتور: الحمدالله المدام كويسة والبيبي كمان كويس. مراد بسعادة: الحمدالله.

الدكتور مشي من قدامهم وبعدين طلعوا ملك من أوضة العمليات ومراد مشي معاهم لغاية لما ودوها أوضة عادية وبعدين طلعوا البيبي ومليكة خدتوه.... مليكة كانت شايلة البيبي وهي خايفة وعنيها دمعت ومسكت إيد البيبي وقالت: عايزكي ما تطلعيش زيي أبدًا، عايزاكي دايمًا تبقي قلبك كبير وأبيض... واوعي الحقد والكره يملى قلبك، أنا عارفة إنك هتخدي صفات مامتك...... أما عند ملك فاقت من البنج ومراد كان قاعد جمبها وماسك إيدها. ملك: مراد فين مليكة؟

أنا خلفت بنت صح؟ مراد بابتسامة: أيوا الحمدالله وهي كويسة. ملك: طب هي فين؟ مراد: مليكة الصغيرة مع مليكة الكبيرة. ملك بصدمة: بجد؟ مليكة وعمر دخلوا عليهم ومليكة كانت شايلة البيبي. مليكة بابتسامة: ألف حمدالله على سلامتك يا ملك، بنتك قمر شبهك. مليكة قربت من ملك وادتهالها.. وملك بصت على بنتها بحب وقالت: لا دي شبهك يا مليكة. مليكة بحزن: بجد؟ ملك بصتلها وقالت لها: مبسوطة إنك رجعتي. مليكة: وانا مبسوطة إنك هتسمي بنتك على اسمي.

ملك بابتسامة: تعالي اقعدي جمبي، هي بنتك هي كمان. مليكة ابتسمت وبعدين قعدت جمب ملك وفضلوا يبصوا على مليكة الصغيرة ومراد مسك الكاميرا وقال: اللحظة دي لازم تصور، الماضي بتاعي والحاضر اتجمعوا مع بعض أخيرًااا. مليكة وملك بصوا لبعض وبعدين ابتسموا ومراد صورهم وبعدين أدى الكاميرا لعمر وهو قرب منهم وقعد جمبهم وعمر صورهم صورة عائلية.. وملك قربت من مراد وهمست له وقالت: بحبك. مراد بص لها وقال: أنا بحبك أكتر..