رواية فتاه التنمر الفصل الثاني 2 - بقلم ياسمينا

في القسم رامي دخل مكتب مراد. رامي: بلغوني إن في بنت مسكو معاها مخدرات في كامين جنبنا. مراد بصدمة: بنت؟ رامي: أيوا، هيجيبوها على القسم. مراد بتفكير: هو كمان البنات بقت تشتغل في المخدرات؟ رامي: طبعًا يا مراد، أنت بس اللي مفكر إن ناس كلها كويسة. مراد: يمكن. مليكة: مراد، هو إنتو هتعملوا إيه مع البنت دي؟ رامي بضيق: أكيد هتتسجن. مراد: لا طبعًا، هنحقق معاها الأول. مليكة: أوك. وفجأة سمعوا حد بيخبط على الباب. مراد: ادخل.

العسكري دخل وقال: المتهمة برا يا فندم، ادخلها. مراد: آه، دخلها. العسكري دخل ملك، وملك كانت باصة في الأرض. مراد: اسمك إيه؟ ملك مردتش عليه. مراد: لو سمحتي. ملك مردتش، ورامي قرب منها ورفع وشها بغضب وقال: إحنا هنتحايل عليكي تردي؟ ملك بصت لرامي بصدمة، ورامي كمان كان مصدوم. ملك بدموع: رامي، الحمد لله إنك هنا، أنا والله ما أعرف المخدرات دي جت إزاي في شنطتي. رامي بسخرية: جت ماشية صح؟ ملك بصتله بصدمة.

مراد: إنت تعرفها يا رامي؟ رامي ببرود: أبدًا. ملك بصتله بدموع وبعدين بصت في الأرض. مراد: ممكن تقعدي وتهدي، يلا اتفضلي. ملك قعدت على كرسي بتوتر. مراد: أجيب لك لمون؟ ملك بدموع: لا شكرًا، بس أنا والله ما أعرف المخدرات دي جت إزاي. مراد بابتسامة: مصدقك. ملك مسحت دموعها وقالت: معقول؟ مراد: أيوا معقول، المهم تشربي عصير لمون ولا أجيب لك حاجة تانية؟ ملك: لا شكرًا. رامي بغضب: مانجيب لها تاكل بالمرة، إيه اللي حضرتك بتعملوه ده؟

مراد: ده شغلي ولا شغلك؟ رامي بضيق: شغلنا. مراد: وأنا بشوف شغلي، ولوسمحت اطلع برا على ما أخلص. رامي بغضب: تمام، بس خلي بالك البنت دي هتتسجن. مراد بهدوء: رجلك بتوجع، أجيب حد يطلعك؟ رامي بص له بضيق وطلع من المكتب. مراد قام من على مكتبه وقعد قدام ملك، ومليكة كانت واقفة غيرانة جدًا. مراد جاب منديل واداه لملك وقال: اتفضلي. ملك خدت المنديل. مراد: اسمك وسنك؟ ملك: اسمي ملك وسني ٢٣.

مراد بابتسامة: تعرفي إني بحب اسم ملك، يعني ملك ومليكة أكتر اسمين بحبهم. ملك بابتسامة: بجد؟ مراد: آه والله، وناوي اسمي بنتي ملك، المهم كملي. قولي لي يومك النهاردة كان ماشي إزاي بتفصيل، أوعي تنسي حاجة. ملك: حاضر. ملك بدأت تحكيله عن يومها كله، ومذكرتش رامي في الموضوع. مراد: خلينا نركز، لما كنتي في تاكسي. ملك: أيوا. مراد: حطيتي الشنطة بينكم صح؟ افتكري كانت مفتوحة ولا لأ.

ملك بتفكير: مش عارفة صدقني، بس أنا طلعت التليفون ومش فاكرة سبتها مفتوحة ولا لأ. مراد بابتسامة: طب اهدي. ملك بدموع: أنا ممكن أحلفك على المصحف إن المخدرات دي مش بتاعتي. مراد: أولاً مش محتاج حلفانك، لأني عارف إنك معملتيش حاجة، الجواب بيبان من عنوانه. ملك: شكرًا لحضرتك. مراد بص على مليكة واتصدم لما لقاها بتعيط. مراد قرب منها وقال: بتعيطي ليه؟ مليكة بغضب: عايزة أمشي. مراد: مالك بس؟

مليكة: عمال تكلم مع البنت وتهتم بيها، ولا إكنها حبيبتك. مراد بضحك: تروحي تعيطي يا مجنونة. مليكة: أيوا بدل ما أصوت وألم عليكي الناس. مراد حضنها بحنان وقال: طب اهدي. ملك كانت سامعة كل ده وابتسمت بحزن. كانت نفسها تعيش قصة حب زي دي. ملك في سرها: معقول حبيبتو بتغير مني؟ أنا هو أنا حلوة علشان يتغير مني؟ مراد: ملك. مليكة بصتله بغضب وقالت بهمس: برضه هتقول ملك؟ مراد بضحك: أومال أقولها إيه؟ مليكة: آنسة. مراد: طيب يا آنسة.

ملك: نعم. مراد: إنتي بس هتقعدي هنا لغاية بكرة، وبعدين هتمشي. ملك بصدمة: بس أنا أخاف أقعد في سجن. مراد: لا طبعًا، مش هقعدك في سجن، إنتي هتقعدي هنا في مكتبي. ملك: شكرًا لحضرتك جدًا. مراد: أنا بس هروح أوصل خطيبتي البيت وهرجع. ملك: تمام. مراد مسك إيد مليكة وطلعوا من المكتب ومن القسم كله. ملك كانت قاعدة بتعيط. كانت مفكرة إن رامي هو المنقذ ليها، بس طلع عايز يسجنها. ومسكت المنديل ومسحت دموعها، بس شمت في المنديل ريحة مراد.

ابتسمت وقالت: لا ده كمان بيعرف يختار أنواع البرفان بتاعه. ربنا يسعده هو وخطيبته. فجأة رامي اقتحم المكتب وملك بصتله بخوف. رامي بغضب: بتشتغلي في المخدرات؟ إنتي جاية تفضحيني؟ ملك بدموع: والله ما فيه الكلام ده. رامي مسكها من شعرها وقال: تعرفي إني مش هرحمك وهسجنك، خالتي شكلها معرفتش تربي، أنا بقى هربيكي من أول وجديد. ملك زقت إيده وقالت بغضب: مسمحلكش تمد إيدك عليا، فاهم؟ رامي ضربها بالقلم على وشها وهي انصدمت.

رامي بغضب: مفكرة نفسك مين يابت إنتي؟ ده أنا أسجنك وألبسك قضية تانية كمان. ملك بصتله وعينيها كلها دموع وقالت: أنا بكرهك. رامي ضربها بالقلم تاني ومسكها من شعرها وقال: وأنا بقرف أبص في وشك، لأنك مش بنت أصلًا. شوفتي خطيبة مراد قمر إزاي؟ إنما إنتي مقرفة، الواحد ميعرفش أصلًا يشوفك من أنهي حتة. إنتي مكانك في حديقة الحيوان. ملك حست إنها مش قادرة تقف. الضرب مأثرش فيها، بس الكلام كسرها.

رامي بصوت عالي: انطقي، جبتي المخدرات دي منين؟ ملك مردتش، كانت بتعيط وبس. رامي بغضب: ردي أحسن لك. ملك بصت في الأرض ومردتش. رامي: مش هتردي؟ تمام أوي. ملك بصت له، لقتوه بيقلع حزام بنطلونه. ملك برعب: إنت هتعمل إيه؟ رامي بغضب: اخرسي، مش كنتي ساكتة من شوية؟ تعرفي إني مش هرحمك. رامي رفع الحزام وجاي ينزله على ملك، بس ملك مسكت الحزام وقالت بغضب: مش هسمحلك إنك تمد إيدك عليا تاني، فاهم؟ رامي بسخرية: على آخر الزمن واحدة زيك.

ملك قطعته بصوت عالي: هو إنت راجل؟ هو إنت أصلًا شكلك حلو؟ ياسيدي أنا وحشة، بس إنت أوحش. إيه مشوفتش مراد أجمل وأحلى منك إزاي؟ مش إنت أصلًا رفضني عشان شكلي صح؟ رامي بغضب: بتقولي إيه؟ ملك بقوة: وأنا قرفانة أبص في وشك. تعرف ليه؟ من ساعة ما شفت مراد وأنا بقول: أنا كنت عبيطة ولا إيه؟ مين رامي ده؟ تعرف إنت مكانك فين؟

في باسكت الزبالة. وإياك ثم إياك تمد إيدك عليا. وياويلك من قلبة واحدة كانت شايلة لك في قلبها حب واحترام، صدقني قلبتها وحشة. ملك كانت بتدوق رامي من نفس الكاس اللي هو دوقها منه. وفي لحظة دي مراد دخل وشاف المنظر ده، وملك قررت تاخد حقها وشافت إن طيبتها هتأذيها. ملك بدموع: حضرتك مشيت وسبتني ليه؟ مراد بص على الحزام اللي ماسكه رامي وقال بغضب: إنت بتعمل إيه؟ ملك: ضربني بالحزام ومسك شعري وكان هيخلعه.

مراد قرب من ملك وبص على وشها، لقى ورم. مراد بص لرامي وقال بغضب: إنت كدا راجل؟ رامي بغضب: يستاهل. مراد ضرب رامي في وشه وقال: إنت مطلوب للتحقيق تمام؟ وأي قضية أنا فيها مش عايز أشوف وشك فيها، وبرا. رامي بص له بحقد وقال: وأنا هقدم فيك بلاغ. مراد بص لملك وقال: هو ضربك صح؟ ومش بس كدا، كان بيحاول يعتدي عليكي، ومش بس كدا، وهو اللي حط لك المخدرات. ملك بحماس: بالظبط. مراد بتفكير: ياترى إيه تاني؟ رامي بغضب: خلاص أنا ماشي.

مراد بسخرية: كويس، يلا برا. رامي طلع من المكتب. مراد بص على ملك وقالها: أنا آسف. ملك: آسف على إيه بس؟ مراد: هوصلك لبيتك، إيه رأيك؟ ملك بسعادة: يعني همشي؟ مراد بابتسامة: آه. ملك: شكرًا لحضرتك. مراد: عفواً، يلا. مراد وملك طلعوا برا القسم. ومراد ركب ملك عربيته وتحرك. مراد: تعرفي رامي؟ ملك بحزن: آه، ابن خالتي. مراد بصدمة: غريب. وهو بيكرهك كدا ليه؟ ملك بحزن: عشان مامته طلبت منه يتجوزني وهو مش بيحبني، وكمان شايفني وحشة.

مراد بسخرية: يعني هو اللي عدل؟ وبعدين شكلك حلو مش وحشة. ملك: لا متحاولش تجاملني، أنا فعلاً وحشة. مراد ابتسم وقال: على فكرة التخن مش عيب أبدًا. أنا على نفسي بحب الستات التخينة. ملك بضحك: هو في حد بيحب التخينة؟ مراد: آه فيه، وكمان عايز أفهمك حاجة، محدش كامل ولا عنده كل حاجة. إنتي دوري على الحاجة الحلوة اللي فيكي واستغليها. ملك بسخرية: هتصدقني لو قولتلك معنديش حاجة حلوة؟ مراد: لا، إزاي؟ أكيد عندك، دوري إنتي وهتلاقي.

ملك باستغراب: إيه الثقة دي؟ مراد: عايزك بس متسكتيش لأي حد يأذيكي بكلمة، لأنك قوية صح؟ ولا لأ؟ ملك بابتسامة: حاضر. مراد سكت دقيقة وبعدين قال: وأنا يمكن يكون عندي مرض التملك. ملك بابتسامة: كان واضح إنك بتحب خطيبتك أوي. مراد: لا، أنا مش بحبها، أنا بعشقها، بس مشكلتي إني عايزها ليا لوحدي. ملك: وده شعور حلو أوي، أي بنت تتمناها حبيبها يمتلكها ويحتويها. مراد: بجد، بس بحس إني بضايقها. ملك بابتسامة: طب يا ريت حد يضايقني كدا.

مراد بضحك: مهو الشرع محللي أربعة، صحيح. ملك بضحك: لا ياعم مش عايزة أتجوز. مراد بص لها وقال: ليه؟ هو أنا وحش؟ ملك بغرور: لا، بس خايفة لما تتجوزني تنسى حبيبتك، أصل أنا ممكن أنسيك اسمك حتى. مراد بضحك: لا يبقى نتجوز حالا. ملك بضحك: شكرًا بجد. مراد بابتسامة: أيوا كدا، فضلي اضحكي وثقي في نفسك. ملك: حاضر. مراد وقف العربية وقال: ده بيتك ولا إيه؟ ملك بهدوء: أيوا، وشكرًا تاني لحضرتك. مراد: اسمي مراد. ملك: شكرًا يا مراد.

ملك نزلت من العربية بهدوء وطلعت العمارة. ومراد مسك تليفونه ورن على دراعه اليمين سليم. مراد بضيق: الراجل بتاعك حط كيس المخدرات للبنت الغلبانة، وبدل ما يرميه، لأ، كان عايز يفضحنا. سليم بهدوء: ما إنت اتصرفت خلاص، وبعدين دانت مراد برضه، مش أي حد. مراد بثقة: بالظبط. المهم رجالتك خلي بالك منهم، مش هفضل ألم وراكم. سليم: وماله، مش إنت البوص برضه. يتبع