رواية فتون ليث الفصل الرابع عشر 14 - بقلم نادية محمود

وتين بصوت واطي… ألحقني يـ فهد أنا… (قاطع كلامها صريخ جامد وبعدها المكالمه قطعت) فهد ساب كل حاجه وطلع يجري… في الچراج تامر بصوت عالي… مفكره إني هسيبك تبقي بتحلمي وتين بخوف… أبعد عني لو سمحت تامر بحب… مقدرش أبعد عنك أنتي مش قادرة تستوعبي لي أني بحبك وتين بدموع… بس الحب مش بالعافيه وأنا قولتلك مره إني مش بحبك تامر بيمشي ايده علي وشها و وايده التانيه حاططها علي وسطها وبيقربها منه وتين زقت ايده وضربته بالقلم

تامر اتعصب اوي رفع ايده يردلها القلم وتين غمضت عنيها وتين بسرها… هو أنا اضربت ومش حسيت ولا نسي ايده في الهوا ولا صعبت عليه فتحت وتين بفرح… فهد (وجريت استخبت ورا ضهره) (فهد وهو ماسك ايد تامر اللي كان رافعها يضرب بيها وتين) فهد… قولي بقا كنت هتعمل اي يـ مان تامر… وأنت مالك يـ شبح واحد وخطبته أنت مالك فهد ساب ايده وبيضحك… خطبتك😂😂 (ولف لـ وتين) بيقول خطبته😂 و هوب بوكس لبس في وشه وتين… خلاص يـ فهد هيمـ ـوت في ايدك

فهد بعصبية… ملكيش دعوووة ابعدي وتين ادخلت وبعدته… خلاص بقا عشان خاطري فهد بعصبية… اي حبيب القلب صعب عليكي ولا اي وتين بضيق… حبيب القلب؟! لا كنت خايفه عليك ي استاذ عشان مضيعش نفسك في واحد ميستهلش (وسبته ومشيت) فهد بضيق… لما أكون بكلمك متسبنيش وتمشي وتين بحزن… ياريت كنت اسمعتها انت (ونزلت ايده اللي كانت ماسكها من عليها) فهد… (مشي قدامها) طب يلا عشان أروحك _بليل في قصر الشرقاوي همس… أبيه أسد أي اللي مكتوب في الورقه ده

أسد بصدمه وصوت عالي نسبيا… لقيتي الورقة دي فين (كان حمزة رايح علي أوضته سمع الصوت راح يشوف في اي بس مقدرش يدخل لما سمع) همس… يعني الكلام دا مظبوط و حمزة جايبينه من ملجأ أسد بتحذير… هششششش أوعي تقولي حاجه قدام حمزة أنتي فاهمه همس… بس من حقه إنه يعرف أسد بعصبية… سمعتي أنا قولت أي (حمزة دمعوا نزلت من الصدمه و راح علي أوضته) _عند تاجو عد… عرفتي اللي حصل تاج… اي يـ وش المصا”يب وعد… أخوه طلع دكتور عندي في الكلية

تاج بعدم فهم… أخو مين مش فاهمه حااااجه وعد بضحك… من امتي بتفهمي أساسا تاج بترميها بالمخده… طب يلا يوسـ ـخه من هنا وعد بضحك… خلاص ياستي اهدي ركزي يبت أخو الواد اللي كان قابلنا الصبح تاج… توضيح اكتر وعد… يبت بقاااا الواد بتاع الصبح اللي مسكتوا في بعض تاج… اااه بتاع العربية وعد… الله يفتح عليكي تاج… ايوا ماله مش فاهم وعد بيأس وهي بتضرب مقدمه رأسها… يلهوووي عليكيبقولك اخوه دكتور عندي يعني ممكن يعمل الجلا شة معايا

تاج… عيب يبت متقوليش كده أنا بس اللي بعملها معاكي😂 وعد بضحك… في دي معاكي حق تاج… سيبي كل حاجه علي الله و ابقي قوليلي لو حصل حاجه وعد… اشطا عليكي _عند أسد قاسم… خير أسد… خير أكيد بقولك عايزك تعرفلي أخت البت ف كلية اي قاسم… في طب أسد بمكر… يعني بدرس لها قاسم وهو يفهم مقصده… اممم أسد… وأنا عايزها تيجيلي قاسم… يعني هتعمل اي أسد… تقصد هتعمل ان قاسم… بس حرام عليك تضيع مستقبل البت عشان أختها تعتذرلك

أسد… مين قال هنضيع مستقبلها قاسم… يعني!! أسد… عند حمزة حمزة بدموع… معقول يعني بابا مطلعش بابا ولا ماما طلعت ماما أنت أهبل ي حمزة ي حبيبي جايبينك من ملجأ أكيد مش مش أبوك وأمك (صوت صريخ عالي) حمزة بتركيز… أي الصوت دادا صوت مامااا (نزل يجري علي تحت) حمزة بصدمة… ماماااا