رواية فتون ليث الفصل الثالث عشر 13 - بقلم نادية محمود

وتين مدت ايدها بخجل تسلم عليه. "وتين…" "وتين." زياد مسك ايدها وباسها. فهد بضيق: "مش يلا عشان نوقع؟ زياد وعينيه على وتين: "طبعاً، ده أهم صفقة في حياتي." فهد فاهم هو يقصد إيه. وصوت التصفيق الحار صدر بعد إتمام الصفقة بين شركة الشرقاوي وشركة البحيري. واشتغلت المزيكا. زياد: "أتمنى إنك تقبلي الرقصة دي مني." وتين باصة لأيد زياد إللي مدادها ليها، وفهد إللي واقف بعيد باصص عليهم ومتابع الحوار، مستني يشوف رد فعلها.

وفضلت باصة على أيد زياد شوية، وعلى فهد ورد فعله، لحد ما قررت خلاص تحط إيدها في إيد زياد. زياد مسك ايدها وباسها، واخدها وراح على ساحة الرقص وسط الثنائيات. فهد ساب الكاس اللي في ايده بعد ما شافها مدت ايدها له، وراح على ساحة الرقص وقرب منهم أوي. وتين الخوف بدأ يدب جواها أول ما شافته جاي عليهم، وبقت متوترة وبتعرق لما شافته قريب منهم. خافت يعمل خناقة، بس اللي فاجأها هو رد فعله.

بدأت الأغنية والرقص، وفهد انضم للرقص مع جاسي. طول الرقصة وتين عينيها على فهد اللي بيرقص بإحتراف مع واحدة كاشفة أكتر ما هي ساترة، وبتتمايع معاه. فهد كل شوية بيبص عليها، وهاين عليه يروح يجبها من شعرها. ويدفن زياد بإيده إزاي يلمس حاجة تخص فهد الشرقاوي. وجه وقت تبديل شريكة الرقصة. وتين وهي بين إيد فهد: "ألف مبروك يـ يـ أبيه الصفقة الجديدة، وحمدلله على سلامتك." فهد: "الله يسلمك." حل الصمت عليهم ليكسره فهد.

فهد: "بس اتغيرتي يـ وتين." وتين: "مش أنا لوحدي إللي اتغيرت، بص حواليك كويس وأنت تعرف مين إللي اتغير." فهد: "معاكي حق." سابته ومشيت بعد ما الرقصة خلصت. *** ليث: "أنتي بتحلوي كل يوم عن اللي قبله." وتين: "بجد؟ ولا بتقول كده عشان متشيكة؟ ليث: "أنتي أكتر وقت بتكوني حلوة فيه في عيني لما بتقومي من النوم." وتين: "حتى بعد العمر اللي عدي والتجاعيد اللي بدأت تبان عليّ؟ ليث: "حتى لو سنانك وقعت وبقيتي تلبسي نضارة قعر كوباية."

ضربته في كتفه وكمل: "هتفضلي في عيني أجمل واحدة شوفتها في حياتي، والوحيدة اللي ده اختارك." شاور على قلبه: "هتفضلي الأم والأخت والصاحبة اللي بتحتويني وقت حزني قبل فرحي." لتتحدث بدموع: "أنا بحبك أوي يـ ليث." ليث: "لا دا مش هينفع هنا، تعالي أقولك عليه فوق." شالها وسط الكل وطلع بيها على فوق وسط خجل فتون. حمزة: "الراجل هيتحرش بالولية." أسد: "اتلم يـ وسـ ـخ." حمزة: "يعني أكذب يعني؟

أسد مسك حمزة من قفاه: "لا مش تكذب، تحب أوريك إزاي؟ حمزة: "وعلي إيه بس، أنا عرفت كل حاجة. تسلم يدك." *** في مكان تاني: "عليا الطماطم منك لو ما نطقتي لمو"تك، وبعد ما أمو"تك هقطعك حتت وأحطك في أكياس وهوزع على الغلابة، خليهم ياكلوا." بتتكلم من تحت السرير: "مش كانت وهترميني لكـ ـلاب السكك؟ "تصدقي لحمك لا ينفع لا للكلاب ولا للبشر، أصل بيجيب تسـ ـمم." أمهم: "يـ بنتي هو أنا كنت بتوحم على بلطـ ـجية؟

واقفة لأختها بالكرباج: "ااه لما كل يوم أجي ألاقي علبة النوتيلا بتاعتي متأكل منها، عايزاني أعملها إيه؟ أمهم: "طب حقك عليا المرادي، و (وعد) كمان هتتأسف منك، ولا إيه يـ وعد؟ وعد بتسرع: "ااه ااه، والله آسفة، م هعمل كده تاني، بس ابعدي الكرباج ده يـ (تاج) ونبي." تاج: "أومال فين بابا يـ ماما؟ أمهم: "في الشغل، واخد شغل إضافي عشان يقدر يوفر مصاريف أختك عشان جامعتها بكرة."

تاج بحزن: "أنا هنزل بكرة أدور على شغل، هو مش خلف رجالة بس أنا مش هخليه يحس بكدا." أمها بحنان: "ربنا يسترها معاكي يـ بنتي، ويوقفلك ولاد الحلال." *** تاني يوم: تاج: "خلصي ياختي عشان أوصلك في طريقي." وعد: "حاضر، هلف الطرحة وجاية." تاج وقفت التاكس قدام الكلية ونزلت مع أختها. تاج: "خلي بالك من نفسك ياقلبي، هتشوفي ناس جديدة، حاولي تختاري إللي شبهك واللي تشبهيه." في الوقت ده جت عربية عليهم وفرملت على آخر لحظة.

تاج بعصبية: "يـ غبـ ـييييي! إيه هي عشان ماما جبتهالك هتمشي تدوس على خلق الله؟ نزل من عربيته وهو لابس النضارة واتكلم بكل برود: "تقصدي مين باللي قولتي ده؟ قاسم نزل بسرعة وراه: "خلاص يـ أسد، روح أنت كتر خيرك إنك وصلتني لحد هنا." أسد بعد قاسم وكمل كلامه: "كنتي بتقولي الكلام ده لمين يـ شاطرة؟ تاج: "شايف حد غيرك هنا؟ ولا البعيد مش بيشوف؟ وعد: "اسكتي يـ مصيبة."

أسد ببرود: "أنا هخليكي تندمي على كل إللي قولتييه. أشوفك قريب، سلام يـ يـ شاطرة." تاج: "تبقي بتحلم." أسد: "هنشوف قريب. الحلم إللي بقى حقيقة على إيدي أيد أسد الشرقاوي، خلي الاسم ده هنا." شاور على عقلها: "عشان مش تنسيه." وركب عربيته ومشي. *** وتين: "صباح الخير عليكم كلكم." ليث: "صباح العسل عليكي يـ حبيبتي." حمزة بغمزة: "مزاجك شكله عالي أوي أوي يـ حج." وضحك. ليث: "اتلم يـ ابن الجز"مه." حمزة: "الجزمه أم ولا أب يـ حبيبي؟

ليث: "أم وأب." "إذا كان كده ماشي." وضحك. ونزل فهد لقاهم بيفطروا، ألقى عليهم التحية وقعد يفطر. وتين: "استأذن أنا بقا عشان الجامعة." ليث: "استني ياقلبي، فهد هيوصلك معاه وهو رايح الشركة." فهد في سره: "أنتي ست الكل فعلاً." في العربية، فضلوا في صمت تام لحد ما فهد كسر الصمت. فهد: "مش قولتيلي دخلتي كلية إيه؟ وتين: "آخر سنة فنون جميلة." فهد: "ربنا يوفقك." وتين: "يارب، أنا وأنت." وصلها وراح على الشركة. ***

قاسم: "أحب أعرفكم بنفسي، أنا دكتور قاسم الشرقاوي، هكون معاكم بإذن الله، واللي يقف معاه أي حاجة أنا موجود دايماً." وعد في سرها: "احيه احيه، ده طلع أخوه ولا إيه؟ إيه يـ مصيبتك يـ وعد؟ يـ مصيبتك يـ وعد. ربنا يسترها." قاسم: "طبعاً معروفة إن الكلية دي بيسموها كلية القمة، فـ أكيد مش أي حد بيدخلها، وأتمنى أنكم تكونوا عند حسن ظني." *** وتين قاعدة في الكافيتريا، جه عليها.

وتين: "أنت تاني يبني، حل عني بقا. من زمان وأنا بقولك أنا مش ليك ولا هبقى ليك." تامر: "بس أنا بحبك أوي." وتين: "وأنا مش بحبك، افهم بقا." تامر بغضب: "وأنتي لو مش كنتي ليا مش هتكوني لغيري." وتين بعدم فهم: "يعني إيه؟ تامر بخبث: "يعني مش هخليكي تنفعي لحد غيري." راح قرب عليها وحاول يشدها لمكان، بس هي رشّت في وشه برفان وجريت تستخبى منه. وتين بدموع: "رد يـ فهد، ردّدد بقا." *** عند فهد:

فهد: "الاجتماع اللي بعد كده إمتي يـ جاسي؟ جاسي: "بعد ساعة يـ مستر فهد." فهد بيمسك بيفتح فونه لقي 20 مكالمة من وتين. القلق دب في قلبه ورن عليها. فهد بقلق: "وتين." وتين بدموع وبصوت واطي: "فهد." فهد: "وتين مالك، ووو." وتين: "رد عليا، فيكي إيه؟ وتين بصوت واطي: "الحقني يـ فهد، أنا... قاطع كلامها صريخ جامد وبعدها المكالمة قطعت. فهد ساب كل حاجة وطلع يجري.