رواية فتون ليث الفصل السادس عشر 16 - بقلم نادية محمود

وتين بصدمة وصوت عالي: فهد حااااااسب. كانت تريلى كبيرة جايه بتجاههم وفهد في لحظة حرف العربية وكان في شجرة كبيرة وفي أقل من لحظة دخلت العربية في الشجرة. في الوقت ده كان أسد وقف عند سوبر ماركت عشان همس وحمزة نزلوا يجيبوا مصاصات وشبسيات. قاسم: رنيت علي فهد تعرفه إننا وقفنا. أسد: رنيت مش بيرد. قاسم: حاول كمان مرة. أسد: أيوا… مين… أيوا يبني صاحب العربية دي عامل حادثة. أسد: أنا جي حالا.

أسد بصوت عالي: حمزززززة سيب اللي في ايدك ويلا. حمزة شاف أسد كدا حس إن في حاجة وفعلاً طلع هو وهمس من السوبر ماركت وجريوا عليهم. قاسم: في أي يبني… ومين اللي رد عليك. أسد: فهد عمل حادثة. همس صوتت وقاسم وحمزة اتصدموا ومش قدروا يتكلموا وأسد طار بالعربية لحد ما وصلوا لمكان ناس كانت متجمعة أوي.

العربية كانت قريبة من منحدر والجهة الوحيدة اللي يقدروا يدخلوا منها كانت ناحية فهد ومن شدة الاصطدام باب وتين اتفتح وكانت جسمها في العربية وراسها برا العربية. أسد جري طلع فهد من العربية وقاسم بيحاول يساعده وأخدوا وجريوا على العربية وللأسف مش شافوا وتين لأن الدنيا كانت ليل. حمزة: وتين وتين فين وتين كانت مع فهد.

قاسم جري يشوف وتين وأسد حط فهد في عربية من ورا لأنه كان بينزف من راسه وطلب من حمزة ياخده على المستشفى وجري ورا قاسم يشوفوا وتين. قاسم بقلق: لو سمحت العربية اللي كانت هنا فين. بعد ما أخدتوا الراجل اللي فيها زي ما تكون فقدت التوازن وفضلت تمشي لحد ما وقعت من على المنحدر. أحمد ربنا يبني إنك أنقذت اللي فيها وطلعته لو على العربية فـ فداكوا. وسابهم ومشي…. أسد جه لما كان بيقول إنها وقعت من المنحدر.

قاسم من الصدمة وقع على ركبته وفضل سرحان وأسد واقف مكانه مش مستوعب اللي حصل. أخيراً أسد اتحرك وراح يشوف يمكن العربية اتعلقت في حاجة ويقدروا ينقذها. قاسم شاف أسد بيجري ناحية المنحدر جري وراه فكرت هيعمل لنفسه حاجة. بيبصوا لاقوا نااار تحت. قاسم بعدم استيعاب: هي كدا ولعت صح. أسد: أكيد مش هي لا. أنا هكلم حد معرفة في الشرطة ويجوا يفتشوا عليها ونروح نطمن على فهد. قاسم: أيوا صح هي مش ممكن تسيبني بدري كدا صح.

أسد: وتين أكيد قوية ومش بتستسلم بسهولة. *** وعد: يااااه لو كان 911 معايا كان زمان العيد عيدين. تاج: بس تلمي 30 جنية على بعض الأول وبعدين ابقي احلمي بال900جنية. وعد فضلت تضحك. تاج: أضحكي أهي دي الحاجة اللي هتصبرك. وعد: دا أنتي غلبانه خاالص. تاج: ألا أخبار الواد تامر أي. (وغمزتلها) تاج بخجل: بس يبت. (وضربتها على كتفها) وعد: بس بصراحة أنا مش برتاح له خالص. تاج: دا طيب وغلبان وكمان قالي بس يكون نفسه وهيجي يتقدم على طول.

وعد: انتي أدرى بس صدقيني أنا حاسة إن وراه حاجة. تاج: خلاص بقا اقفلي على الموضوع. وعد: براحتك أنا هقوم أشوف ماما فين. في الشات عند تاج: تامر: 920🌏❤ تاج: أي دا أنا مش فاهمه أي لازمة الرقم ده. تامر: لا دا يعني ilove you (t) (وبعت لها صورة الأرقام دي ومعنى كل رقم بيدل على إيه) تاج: وأنا كمان بحبك يا تامر. تامر: بنت قلبي. تاج: ثواني وجايه. تاج بصوت عالي: ووووووعد ي ووووعد. وعد: أي جمو. "سة بتنعر" (تاج ماسكتها من قفاها)

تاج: مين k ده ي بت. وعد باستغراب: k أي مش فاهمه. تاج: 911 (وقلدتها لما غمزت لها) وعد بضحك: انتي فهمتي. تاج: مين ده. وعد: فاكرة الدكتور اللي قولتلك عليه أخو اللي كان يخبطنا أول يوم وصليني الكلية. تاج: أهو. وعد بهيام: دكتور قاسم يعني. تاج: اوبااا دا احنا لينا كلام تاني. (أمهم نادت على وعد) *** في المستشفى. جاسر كان واقف هو طاقم من الممرضين ودكتور كمان مستنين وصول حمزة بعد ما همس رنت بلغته.

حمزة وصل وجاسر جري عليه واتنين ممرضين والسرير النقال و 1.. 2.. 3.. وهوب نقلوا فهد من العربية لـ السرير واخدوه وجريوا بيه على جوه. جاسر: جهزوووا العمليات بسرعة. كل العيلة وصلت بعد دقايق وبعضهم باين عليه الخوف وبعضهم القلق والتوتر. ميساء وفتون جريوا حضنوا همس لما شافوها منهارة. ليث راح على حمزة: أي اللي حصل وفين بقيت أخواتك. حمزة

والدموع متحجرة في عنيه: فهد وتين عملوا حادثة وأسد وقاسم رجعوا يجيبوا وتين وأنا جيت بفهد على هنا. ليث: ودا حصل إزاي. حمزة: مش عارف مش عارف. (وبدأ يعيط) أنا خايف عليهم أوي. دخل أسد وقاسم وهما بيجروا لما شافوا الكل موجود. رنا بقلق: فـ.. فـ.. ـين و.. وتين. أسد: بلغت الشرطة وهما دلوقتي بيدورا عليها. لي: هي فين مش المفروض كانت في العربية مع فهد. أسد: ما هو يـ ماما. فتون حست بتوتر أسد ودي حاجة نادرة. _في أي مالك يـ أسد.

أسد: العربية وقعت من على المنحدر و و و وتين فيها لأننا ملحقناش نطلعها. صدمة نزلت على الكل… رنا فقدت الوعي وحمزة أطلق لدموعه العنان وهمس كذلك. *** داخل غرفة العمليات. جاسر: جهاز الصدمات بسرعة. 1.. 2.. 3.. عمل صدمة وكرروها 5 مرات. دكتور: دكتور جاسر دا شكله مستسلم.. القلب شكله رافض الحياة. جاسر بخوف: لا لا فهد أنت لازم تقوم. فهد أنت أقوي واحد فينا قوم متستسلمش كده. (كان بيكلمه وهو فوقه بيعمله إنعاش للقلب بأيده)

ليسمع صوت جهاز القلب وهو يعلن عن توقفه.