رواية فتون ليث الفصل الثاني 2 - بقلم نادية محمود

ليث بصدمة… عريس؟ لا طبعاً!!! محمد بإستغراب… لا؟! ليث… قصدي يعني إنها لسه صغيرة. _وأنت مالك ياللي تنشك، وبعدين صغيرة في عينك، دا أنا عندي 21 سنة. عريس يعني دباديب وفسح وخروجات وهدايا ومحن. 😅 جاسر… يعني دي كل طموحاتك في الجواز؟ _ومين جاب سيرة الجواز طيب؟ ليث… إيه هتضربي ورقة عرفي؟ _ونبي انت اللي عايز تضرب على نفوخك. محمد… أومال إيه معنى كلامك يا ست أبوكي؟

يعني استثمار يا حج، اللي هو سنة خطوبة يجيبلي الدباديب والشكولاتات ويفسحني ويشهصني، وبعدين أقوله الله يسهلك. وييجي عريس غيره نعمل كدا بقا ونفضل هكذا لحد ما أزهق. ليث… لا وأنتي الصادقة، لحد ما تخلصي على صنف الرجالة. أياً يكن يعني المهم أتشهص. محمد… عوض عليا عوض الصابرين يا رب. محمد… خلاص هكلم الجماعة يجوا بعد يومين. *** تاني يوم. في المستشفى. سلوي… ألحق يا دكتور في طفل جاي بقطعة أزاز وواقفة بالعرض.

جاسر… أووه، ممكن الأحبال الصوتية تتجرح لو اتشالت. جاسر… مدام سلوى جهزي أوضة العمليات بسرعة. سلوي… حاضر يا دكتور. بعد ساعتين. جاسر… الحمد لله، تسلم إيديكوا يا شباب. الفضل ليكم بعد ربنا طبعاً. سلوي… بالعكس، الفضل ليك انت يا دكتور. أنا بقالي 30 سنة بشتغل هنا وبقيت رئيسة الممرضين وقابلت دكاترة كتير، بس ما قبلتش دكتور شاطر ومحترم زي حضرتك بجد. جاسر… شكراً ليكي بجد يا مدام سلوى. ميساء بألم… آآه آآه آآه، بطني هتموتني.

جاسر بقلق… في إيه مالك يا ميساء؟ ميساء بدموع… بطني بطني بتوجعني أوي… "وقعت بيد أيد جاسر مغمي عليها من شدة الألم" جاسر بخوف وقلق… ميساء فوقي، ميساء. "أخدها على أقرب أوضة وعلق لها محاليل وفضل قاعد معاها لحد ما تفوق" جاسر بقلق… ربنا يقومك بالسلامة. مش هقدر أشوفك كده. "دخل ليث وفتون بقلق بعد ما جاسر اتصل بيه ليث يعرفه. في الوقت ده بدأت ميساء تفوق" ليث… مالك يا حبيبتي، فيكي حاجة؟

"جاسر مقدرش يستحمل خرج برا الأوضة ومسح الدمعة اللي خانته وراح يكمل شغل" _إن شاء الله البطة السودا يا ميسوا. وإنتي لأ. ليث… مش تدعي على نفسك بس. _وه وه، تنشك في معاميعك يا بعيد. ليث… ضربة في بطنك. _إسهال في مناخيرك. "مسك مناخيره بطريقة شريف منير في مسرحية كده أوكي" ليث… آآه مناخيري مناخيري. "لتضحك ميساء بقوة عليهم" ليث… اضحكي اضحكي، ما أنتي مش خسرانة حاجة. مش عارف مصاحب البومة دي على إيه. _بووومة في عينك يا معفن. ***

تاني يوم. _أنتي فين يا ماما؟ ميساء بتعب… أهو على السلم.. افتحي بقا. "ميساء دخلت عند فتون الأوضة وفضلت تطلع لها فساتين عشان تختار هتلبس إيه" ميساء… أي رأيك في الأبيض ده؟ _أنا هشوفه مش هتجوز. ميساء… طب الأزرق ده، وكمان الأزرق بيبقى حلو عليكي. _لأ. ميساء بصريخ… انجزي هتلبسي إيه؟ _العباية السودا. ميساء بصدمة… العباية السودا؟ انتي راحة تعزي؟ _بضحك.. فكرتيني، هقولك نكتة مسخرة.

ميساء لا رد… مرة فرخة راحت تعزي قالتلهم البقااااا لله. هههههه. ميساء… ظريفة زيك. _إيه رأيك أقوم أعمل فشار ونشغل فيلم رعب ونطفي الأنوار؟ ميساء… ومش تنسي آيس كوفي. _عيب عليكي. ميساء بزعيق… خدي هنااااا، مش تشليني يابنتي انجزي، العريس كلها ساعة وجاي، ما يجي الله كنت حوشته ولا حوشته. "بعد ساعة العريس جه هو وأهله" محمد… طب نسيب العرسان لوحدهم شوية. ليث… نسيب مين لوحدهم؟ ياسر… أزيك؟ أحسن منك. ياسر… أنتي مش مرتحالي ولا إيه؟

_كنت أعرفك عشان أرتحلك؟ إيه البلاوي اللي بتتحدف علينا دي. ياسر… أنا الكابتن ياسر، كابتن طيار وعايش مع والدتي وأخواتي ووالدي متوفي، وبصراحة أنا معجب بيكي واتمنى توافقي. _وأنا مش موافقة. "دخل محمد في الوقت ده وبيسأل فتون موافقة، قاطعه ليث" ليث… توافق على إيه؟ _وأنت إيه حشرك يا بارد؟ طب أنا موافقة بقا. وكمان اتفقنا الخطوبة بعد أسبوعين. "ياسر استغرب أوي بس فرح أنها وافقت وليث واقف مضايق ومحمد وجاسر وميساء باركولها"

"فتون استأذنت محمد عشان تبات عند ميساء النهاردة وأخدت في شنطتها مذكراتها التي تلازمها والهاند فري وكريمات الترطيب بتاعتها لأن بشرتها جافة" _طلعيلي البجامة بتاعتي اللي عليها القطة كيتي. ميساء… قصدك بتاعتي اللي أخدتيها. _مش عايزة كلام كتير، عايزة آخد شاور عشان نفوق كده ورانا حاجات كتير.

"دخلت فتون تاخد شاور وميساء قعدت تسمع فيديوهات لحد ما فتون تطلع ونادت على فتون عشان تاخد الهاند فري بتاعتها من الشنطة لفت انتباهها المذكرة. ميساء بصدمة وهي بتقرأ أول صفحة… ليث حب طفولتي.