رواية في عشق ليلي الفصل السابع 7 - بقلم فاطمة الزهراء

ليلي بعد ما فاقت للي حواليها: مرات مين.. ومين بيتجوز.. هو انتوا مين قالكوا اصلا اني موافقه؟ حسن: احم احم ممكن اتكلم مع ليلي يا عمي لو سمحت؟ ليلي: وانا مش عاوزة اتكلم مع حد واتفضل اطلع برة. مدحت: ليلي.. عيب كدا ميصحش. ليلي:

اومال ايه اللي يصح ها قولوا ايه يصح.. يصح انه يتخلا عني بعد ما اتعلقت بيه.. قولهم يا معتز ايه بس اللي يصح.. يصح طيب انو دمرني.. يصح بعده عني بعد ما حبيته.. قولهم بقااااا اية اللي يصح انا تعبت.. تعبت والله تعبت. معتز وحسن بيجروا عليها. حسن: والله انا معذور اسمعيني بس. معتز: ابعد يا حسن دلوقتي قولت... ابعد بقا. حسن: حاضر. معتز: حببتي ممكن تهدى شويه ونتكلم. ليلي: معتز قولهم كفاية كدا عليا مبقتش مستحمله والله مش مستحمله.

معتز بيقعد علي الارض جمبها وبيخدها في حضنه: اهدى يا قلب معتز مينفعش كدا.. اهدى والله ما هخلي حاجه تحصل انتي مش عاوزاها.. اهدى بقا. بعد مدة ليلي هديت. معتز: ها بقيتي احسن. ليلي: اه الحمد لله. راحت عند حسن ووقفت قصاده. ليلي: ليه.. ليه تعمل كدا؟ حسن: والله غصب عني والله العظيم بحبك.. بحبك ومش عاوز غيرك مراتي وفي بيتي.. وام عيالي كمان.. ابوس ايديك اسمعيني عاوز اتكلم معاكي ٥ دقايق والله ما هضايقك.. عشان خاطرى يا ليلي.

ليلي: حاضر. حسن: بجد. ليلي: اه اتفضل. ودخل معتز اوضته جوا. حسن: ممكن تقعدى؟ ليلي قعدت وحسن قعد قدامها. ليلي: اتفضل اتكلم انا سمعاك. حسن:

والله انا كنت مصدوم مش عارف ازاى ممنعتكيش تمشي يومها.. معرفش ازاى محستش بيكي اصلا.. الصدمه الجمتني.. انتي فاهمه يعني ايه تحبي حد اوى.. والحد دا يعاني كدا في حياته.. ليلي والله انا بحبك.. وبموت فيكي كمان.. والله ميهمنيش انتي فيكي ايه.. انا لما حبيتك مشوفتكيش.. انا حبيت اخلاقك وخجلك وروحك الحلوة.. لكن انا مهنيش حوار انك مشوهه.. انتي في عيوني اجمل بنت ومن غير ما اشوفك كمان.. والله العظيم بحبك والله يا ليلي بحبك. ليلي:

ليه؟ حسن: ليه ايه؟ ليلي: ليه قعدت ٥ ايام مختفي.. ليه محولتش تكلمني.. ليه ما تواصلتش معايا بأي شكل.. ليه؟ حسن: كنت عارف اني غلطت لما ممنعتكيش تمشي يومها.. وكنت عارف انك اكيد مش هتسامحيني علي الغلطه دى.. فكنت بظبط لحفله لكتب كتابنا واتفقت مع بابا وعمي مدحت علي كل حاجه وفعلا عملت حفله فوق علي السطوح عشان عارف انك بتحبي المكان فوق. ليلي: بابا كان عارف.. عارف وشايفني كدا ومقاليش؟ حسن:

انا اللي اصريت عليه عشان اعملهالك مفاجئه. ليلي: اه قصدك تخدعني صح؟ حسن: والله بحبك والله كان صدمتي في اللي حصلك غصب عني.. مكنتش متحطم في نفسي. ليلي بصت ليه وشافت دموعه صعب عليها خدت منديل من علي الترابيزة اللي قدامها. ليلي: ممكن تبطل تعيط.. مينفعش كدا. حسن: مبينفعش ايه؟ ليلي: مينفعش تعيط. حسن: ليلي. ليلي: نعم. حسن: مصدقاني؟ ليلي: مصدقاك. حسن: بجد. حسن: طب موافقه نكتب كتابنا النهاردة؟ ليلي بتومأ بمعني اه.

حسن سجد علي الارض: الحمد لله الحمد لله. ليلي: انت بتعمل ايه؟ حسن قام وقف: بحمد ربنا عليكي يا احلى واجمل هديه ربنا عوضني بيها.. صدقيني عمرى ما هخليكي تندمي علي قرارك دا. ليلي: احم. حسن ضحك وبيغمز: طب ايه؟ ليلي: اية؟ حسن: مش هنكتب ولا ايه؟ ليلي بكسوف شديد: براحتك. حسن: هو لو براحتي هخليه فرح مش كتب كتاب. ليلي: نعم لا طبعا. حسن: استني بس نكتب كتابنا وبعدين نبقي نتفق علي معاد الفرح براحتنا. ليلي: ماشي. حسن:

يا حمايااااااا يا حمااااتي وااااااد يا معتز. حسن: يلا يا جماعه جهزوا نفسكوا عشان كتب كتابنا كمان ساعتين كدا. حسن بمرح: ولا اي حاجه بنتكوا واقعه اصلا وهتموت عليا بس كانت بتتقل. ليلي بغيظ وقد نسيت كسوفها: نعم واقعه مين طب مش موافقه بقا ها اية رأيك؟ حسن: يلهوى انا اللي واقع والله وهموت وانول شرف ان سيادتك تبقي مراتي. ليلي: احم. حسن: اهو هترجع قطه مغمضه تاني؟ ليلي: نعم مش عاجبك؟ حسن بغيظ مصطنع: المصيبه انو عاجبني.

ابتسام: طب ممكن تسيبنا بقا نجهز ونجهز عروستنا؟ حسن: عيوني يا حماتي يا قمر انتي. حسن: هههههه.. يلا يا واد يا معتز عشان محتاجك. معتز: واد.. طب مش جاي. حسن: والله براحتك.. بس خليك فاكر اصل كنت هخدلك معاد من ابويا عشان تتدخل دنيا. معتز بسرعه: طب يا جماعه هروح انا بقا مع حسن باشا.. اكيد هيحتاجني.. ولا ايه يا عريس؟ حسن بضحك: ههههههه.. ايوا كدا كش وجيب ورا. معتز بغيظ مكبت: حسبي الله ونعم الوكيل. حسن: بتقول حاجه يا زيزو؟

معتز: ابدا يا عريس مبقولش حاجه. حسن: اتفضل قدامي. معتز: حاضر. حسن وطي علي ليلي: جبتلك فستان بنقابه وكل مستلزماته جمب باب الشقه متنسيش تلبسيه يا زوجتي المستقبليه. ليلي: احم حاضر. حسن بحب: يحضرلك الخير يا عيوني. ليلي: حسن عيب كدا. حسن: لا انا طالع احسن ما ارتكب جريمه.. سلام يا زوجتي المستقبليه. ليلي: سلام. بعد مرور بعض الوقت. ليلي: الو السلام عليكم.. ايوا يا معتز! معتز:

وعليكم السلام ورحمه الله وبركاته.. بقولك شوفي الدنيا حواليكي عاوز ادخلك عشان تمضي علي العقد. ليلي: يابنات معتز هيدخل عشان يمضيني علي العقد. ليلي الي معتز: تعال يا معتز. معتز: السلام عليكم. معتز وبيروح الي ليلي: اتفضلي يا عروسه امضي. ليلي: حاضر. معتز بيميل علي دماغها وبيبوسها: الف مبروك يا نن عين اخوكي عقبال الفرح. ليلي: تسلملي يا حبيبي.. وعقبال ما افرح بيك مع عروستك اللي في بالك. معتز: يارب.. يسمع من بقك ربنا يختي.

ليلي: ربنا يسعدك يا حبيبي. معتز: انا وانتي يا روحى. معتز: يلا يا ليلي لو سمحتي حسن بقاله ساعه منتظر برة. ليلي: ط طب شكلي حلو؟ معتز: المرة العاشرة اللي تسئليني فيها.. والله قمر يا روحي يلا بقا. ليلي: طب هتقعد معانا؟ معتز: اقعد مع مين دا يعمل مني كفته.. لا طبعا.. يا حببتي دا جوزك خلاص خايفة من اية بس؟ ليلي بدموع: مش عارفه. معتز:

في اية بس يا روحي حد يعمل كدا يوم كتب كتابه.. وبعدين خايفة من اية حسن بيحبك.. وبيخاف عليكي عمره ماهيأذيكي. ليلي: خلاص يلا نطلع. معتز: يلا. معتز بيطلع الاول وبيحضن حسن: مبروك يا عريس.. عاوزاك تاخد بالك من اختي.. واوعي تزعلها. حسن: عمرى.. عمرى ما هزعلها دى في قلبي قبل عيوني. معتز: وانا متأكد من كدا.. هاسيبك بقا لأنها جت.. خد بالك منها. حسن: حاضر. حسن بيقرب عليها وبيوسها من جبينها: مبارك علينا يا روح قلبي. ليلي:

الله يبارك فيك. ليلي بكسوف: احم حسن. حسن: عيون حسن وروح حسن وقلب حسن.. نعم؟ ليلي: احم مفيش. حسن بيمسك ايديها وبييروح بيقعد علي الكرسي وهي بتقعد قدامه وبيمسك ايديها: حبيبتي ممكن تبصيلي شويه.. عاوز اشبع من عيونك. حسن: ممكن نبطل كسوف شوية صغيرين يعني خلاص اتجوزنا وعادى يا حببتي مالك متوترة ومكسوفه ليه؟ ليلي: معلش لسه مش متعودة.. اية زعلان؟ حسن:

عمرى مزعل يا روح قلبي.. بحبك.. لا بعشقكك يا ليلي.. وبعشق خجلك.. وبحب عيونك.. بحب ابص فيهم.. متخبيهمش عني ممكن؟ ليلي: حاضر. حسن: حبيبي الشطور. حسن: حبيبي ممكن ترفعي النقاب.. عاوزة اشوف وشك. ليلي بتشيل ايديها من ايده وبتفركم في بعض جامد: لا مش ممكن انا مش هرفع نقابي. حسن: نعمممم!