رواية في عشق ليلي الفصل التاسع 9 - بقلم فاطمة الزهراء

"ليلي بصراخ": حسسن! "حسن بفزع": في إيه؟ "ليلي بتمسك إيده وبتمشي بعيد غير عابئة لكل اللي حواليها." "ليلي بصراخ ودموع": ممكن أفهم إيه اللي حصل من شوية ده... "وبصراخ أكبر": رد. "حسن بصدمة": فيه إيه يا حبيبتي؟ هو إيه اللي حصل؟ أنا مش فاهم حاجة؟ "ليلي بسخرية": والله... أنت اللي مش فاهم؟ طب أفهمك أنا... أنت إزاي تقف تكلم واحدة كده؟ وبأي حق تسلم عليها؟ ها؟ بأي حق؟ "حسن بغضب": ليلي...

صوتك ما يعلاش تاني عليا عشان هتزعلي بجد. وبأي حق بسلم عليها؟ بحق الجيرة يا مدام ليلي. واحدة أعرفها كويس جداً سلمت عليا وبتباركلي على جوازي. أعمل إيه أنا؟ ممكن أفهم المفروض أعمل إيه؟ "ليلي": معرفش... معرفش. المهم متسلمش وبس. فاهم؟ متسلمش على حد تاني؟ "حسن وبيمسح خصلات شعره بعصبية": يا الله... أنتِ مجنونة يا بنتي؟ "ليلي": اعتبرها جنون... اعتبرها زي ما أنت عايز. بس أشوفك بتسلم على واحدة تاني مهما كانت مين... هزعلك.

"حسن بسخرية": وحضرتك هتزعليني إزاي بقى؟ ليلي صوتك لو علي عليا تاني معرفش هعمل فيكي إيه. واتفضلي على فوق مفيش شغل النهاردة. "بصراخ": يلااااا. "ليلي بدموع غزيرة": ح... حاضر. "وطلعت على فوق." "حسن بعد ما مشيت": الله يخربيت جنانك يا شيخة. "حسن راح عليهم تاني." "حسن بأسف وبحرج": آسف يا مدام سلمى بس ليلي مراتي بتغير شوية. "سلمى": لا عادي ولا يهمك... ربنا يخليها لك وييسعدكم يا رب. "حسن ابتسم بخفة": اللهم آمين. "ومشت سلمى."

"حسن لأمل": يلا عشان اتأخرت على شغلي. "أمل باستغراب": أومال فين ليلي؟ مش قلت هتوصلها شغلها هي كمان. "حسن بيركب عربيته بعصبية": ملكيش فيه واخلصي مش فاضيلك. "أمل بتأفف": حاضر. ركبت أهو. "عند ليلي قاعدة في أوضتها وقافلة على نفسها." "ليلي بعياط": ماشي يا حسن، بقا أنا تزعق فيا وتحرمني إني أنزل الشغل؟ والله لمأوريك. "ليلي بحيرة": بس ده معبرنيش خالص ولا كلمني اعتذرلي حتى.

"تنهدت": ما أنا اللي غلطانة برضه، مكنش ينفع أزعق فيه كده. "بغضب": لا طبعاً مش غلطانة، وهو الأستاذ إزاي يمسك إيديها أصلاً. ولا سلام ولا غيره. "وبصوت عالي": يوووه بقا! أعمل إيه دلوقتي؟ زمانه عامل نفسه مقموص ومش هيكلمني. "وفضلت واقفة في البلكونة مستنية رجوعه من الشغل." "وأخيراً شافته بيركن عربيته." "لبست بسرعة ووقفت قدام باب شقتها." "حسن ركن وطالع هو وأمل."

"حسن شافها واقفه قدام شقتها تجاهلها تماماً وعدى من قدامها عشان يدخل شقته." "ليلي برجاء": حسن! "حسن": ادخلي يا أمل وأنا خمسة وجاي. "أمل بطاعة": حاضر. "وهي داخلة بتهمسله": براحة شوية عشان هي بتعيط. "حسن بيهز لها رأسه بمعنى تمام." "وبتداخل أمل." "حسن بيروح يقف قدامها." "حسن زعل لما شاف دموعها وعيونه في الأرض": ممكن أفهم بتعيطي ليه؟ "ليلي": ممكن أنت تبصلي؟ "حسن رفع عيونه في عيونها": نعم... بتعيطي ليه؟

"ليلي بحزن": بتفرق معاك أوي؟ "حسن بنفاذ صبر": لما أنتِ متفرقش معايا مين اللي يفرق؟ ها؟ مين في رأيك؟ "ليلي بتعيط وساكتة." "حسن بيمسك إيديها": طب تعالي عاوزك. "ليلي": فيه إيه؟ "حسن": تعالي بس. "وبياخدها ويطلع على السطح." "حسن": ممكن تقعدي؟ "ليلي": حاضر. "وبيقعدوا." "حسن ماسك إيديها وباصص في عيونها": ارفعي نقابك واتنفسي... ومتخافيش مفيش حد هنا غيرنا. "بترفع نقابها في صمت."

"بيمسك إيديها من جديد وبيبوسها": بتعيطي ليه بقا؟ "ليلي": عشان زعقت فيا... وكمان حرمتني أروح شغلي... وعامل نفسك مقموص ومبتكلمنيش. "حسن بضحك": عامل نفسي إيه يا بت؟ "ليلي بغيظ": مقموص. "حسن اتنهد وبجدية": طب ينفع اللي عملتيه؟ "ليلي بتهز دماغها بمعنى لا." "حسن": طب لما هو لا عملتي كده ليه؟ "ليلي دمعت من جديد": معرفش. "حسن وبيخدها في حضنه": اهدى يا حبيبتي. "ليلي بشهقات": مكنتش أقصد... بس غيرت لما شفتك بتسلم عليها.

"حسن بمرح بعض الشيء": بتغيري عليا يا بت؟ "ليلي وبتضربه في صدره": بس بقا. "حسن بيحط راسها مكان قلبه": اسمعي... مبيدقش غير ليكي... بحبك والله افهمي بقا. "ليلي": عارفة... بس برضه... أنت ملكي أنا وبس فاهم ولا لا؟ "حسن بمشاكسة": فاهم جداً... فاهم أوي. "ليلي بتحاول تطلع من حضنه": حسن أوعى كده. "حسن": متقوليش حسن دي تاني هزعلك... وبعدين خليكي شوية... عاوز أشبع منك يا حبيبي. "ليلي بتستكين في حضنه من جديد."

"وبعد فترة من الصمت." "ليلي": حسن! "حسن": نعم يا عيوني. "ليلي ابتسمت": عملت إيه في موضوع خطوبة معتز وأمل؟ "حسن": كلمت بابا يا عيوني... وقالي يقدر يجي بعد بكرة يتقدم ونقرأ الفاتحة. "ليلي بتطلع من حضنه وبتسقف بإيديها بفرحة عارمة": بجد! "حسن": خدي هنا مالك مبسوطة أوي كده؟ ده أنتي متبسطيش كده لما اتجوزنا. "ليلي بتمسك إيده": مين قالك إني متبسطش كده لما اتجوزنا؟ "حسن": الله... ده أنتي طلعتي واقعة بقا وبتحبيني أصلاً.

"ليلي ضحكت": هههههههه... بحبك أصلاً. "حسن": نعم قولتي إيه؟ "بتقرب عليه وبتهمسله في ودنه": بحبك أصلاً. "حسن بيخدها في حضنه": وأنا بعشقك أصلاً يا عيوني. "ليلي": حبيبي! "حسن": هممم. "ليلي": ليه دايماً بتقولي يا عيوني؟ "حسن ببساطة": عشان أنتِ عيوني اللي بشوف بيها. "ليلي بفرحة": يسلمولي. "حسن": بقولك يا حبيبي. "ليلي": نعم. "حسن بجدية": هنحدد معاد فرحنا امتى بقى... مبقتش قادر أستحمل. "ليلي بتوتر وبتبعد عنه": مش عارفة...

مش إحنا اتفقنا لما نتمم خطوبة معتز وأمل الأول؟ "حسن لاحظ توترها": آه... وادي معتز هيقرأ فاتحة بعد بكرة... وبالكتير أوي الخطوبة بعدها بأسبوع... إحنا بقى هنتجوز امتى؟ "ليلي بتوتر أشد": مـ... مش عارفة... مالك مستعجل كده ليه؟ "حسن بحيرة": ليلي مالك اتوترتي ليه أول ما جبت سيرة الفرح. "ليلي": مالي... مـ... أنا تمام أهو مش متوترة ولا حاجة. "حسن": ليلي مالك أنا فاهمك كويس... انتي خايفة مني؟ "ليلي": لا لا...

والله أخاف منك إزاي؟ أنت أماني وحمايتي... بس أنا خايفة من الفكرة نفسها. "حسن": خايفة تندمي إنك قبلتي تتجوزيني؟ "ليلي بتحط إيديها على شعره وبتلعب في خصلاته بحنان": كنت هندم لو موافقتش أصلاً. "حسن": أصلاً؟ "ليلي بضحك": أصلاً😂. "حسن بيشيل إيدها من شعره وبيبوس باطن إيديها بحنان": ربنا يخليكي ليا... وأقدر أسعدك. "ليلي لفت إيده وباستها": ويخليك ليا. "حسن": طب مش يلا ننزل ولا إيه؟ عجبتك القعدة يا بت؟

"ليلي بتأكد": عجبتني جداً. "حسن بمرحه المعتاد": قولي كدا عاوزة تستفردي بيا أنا عارف. "ليلي ضحكت". "حسن بحب": ربنا ما يحرمني من شفت ضحكتك وابتسامتك اللي بتنور وشك دي يا عيوني. "ليلي": ربنا يخليك ليا وميحرمنيش منك أبداً. "حسن": اللهم آمين... يلا بقا... عشان اتأخرنا يا حبيبي. "ليلي": حاضر يلا. "ونزلوا." "قدام شقة ليلي." "حسن بيبوس جبينها": مع السلامة يا عيوني... خدي بالك من نفسك... وكلميني قبل ما تنامي.

"ليلي": حاضر يا حبيبي باي. "و بتدخل الشقة." "بعد مرور ساعة." "ليلي بترن على حسن": الو... السلام عليكم. "حسن": وعليكم السلام ورحمة الله وبركاته... بتعملي إيه يا عيوني؟ "ليلي": مفيش هنام أهو... هو صحيح يا حبيبي... هروح بكرة الشغل ولا إيه؟ "حسن": عيوني يا حبيبتي... على الساعة ٨ هفوت عليكي تكوني جاهزة. "ليلي": ماشي يا حبيبي سلام. "حسن": مع السلامة يا عيوني. "بعد أسابيع."

"معتز وأمل تم خطوبتهم ومعتز عملها مفاجأة لأمل بمساعدة ليلي وحسن وكتبوا كتابهم يوم خطوبتهم." "حسن وليلي بيقربوا من بعض وكل مدى حبهم بيزيد لبعض." "تم تحديد فرح ليلي وحسن." "معتز مستني فرح ليلي وحسن عشان يعمل فرحه بعده ويسافر مع أمل عشان شغله." "النهاردة اليوم المنتظر." "فرح ليلي وحسن."