رواية في الحلال الفصل الثالث 3 - بقلم يقين حسام

زوز اوعى بقى. بيخبطوا. عيب عليك. استني بس. والله عيب علينا، الناس تقول علينا إيه بس. هيقولوا عرسان يعني. إش إش، اسكت يقلل الأدب. فتحوا الباب لتدخل عائلة بسنت، وقد كانت عائلة يطغى على مظهرها الرقي والوقار. ألف مبارك يا عرسان، ربنا يرزقكم الذرية الصالحة إن شاء الله. الله يبارك فيك يا عمي، عقبال ما تفرح بأحمد يارب. دلفت بسنت للداخل وورائها والدتها وأختها. طمنيني، إيه الأخبار معاكِ؟ مبسوطة؟

الحمد لله يا ماما، أنا بحب يزيد أوي وهو طيب جدًا بجد. ماشي يا بسنت، أنتِ اللي اخترتي عشان متجيش تشتكيلي بعد كده. ربنا ما يجيب شكاوي أبدًا يا ماما، ومتقلقيش عليا خالص، والله هنا العيشة حلوة جدًا وكلهم هنا حلوين. ماشي يا بسنت، إحنا هنرجع إسكندرية النهاردة بإذن الله، وعلى تواصل معاكِ على الفون بإذن الله. بجد هتمشوا بسرعة كده؟ لازم، كل واحد وراه أشغال، وإحنا بقالنا فترة هنا. أي حاجة كلمينا، وأبوكِ في ضهرك على طول.

احتضنت والدتها والدموع في عيونها. هتوحشيني أوي يا ماما، هتوحشوني كلكم بجد. ابقوا تعالوا عندي على طول. تحدثت "آلاء" شقيقتها الكبرى. لا لا مش عايزين دموع يا بسبس، إحنا معاكِ على طول، هي كلها سبع ساعات ونكون عندك، وبعدين أنا هجيب يوسف وهنجيلك على طول. وبعد فترة، ودعتهم مع الكثير من الوصايا على عاتق يزيد بالحفاظ على زوجته. واللهِ يا يزيد لو زعلتها هاجي أعلقك على باب العمارة تحت.

بسبوسة في عيوني وقلبي يا عمي، متقلقش عليها خالص والله. أنا واثق فيك يا ابني.